Құжаттар, архивтегі сурет

Алматы облысы әкімінің орынбасарына қатысты қылмыстық іс тоқтатылды

419
(Жаңартылды 12:23 29.10.2019)
Әлеуметтік желіде тараған ақпаратты Бағдат Манзоровтың адвокаты растады. Бас прокуратураның тиісті шешімі шыққан

НҰР-СҰЛТАН, 29 қазан – Sputnik. Алматы облысы әкімінің орынбасары Бағдат Манзоровқа қатысты қылмыстық іс тоқтатылды, деп хабарлайды Sputnik Қазақстан тілшісі.

Манзоровтың адвокаты Алмас Демесінов әлеуметтік желіде тараған қылмыстық істі тоқтату туралы құжаттың түпнұсқа екенін де растады. Айтуынша, кеше Бас прокуратураның шешімі шыққан.

"Қылмыстық істі тоқтату туралы өтініш үкіметтің электронды кабинеті арқылы жіберілген болатын. Мен ол құжаттың желіде қалай пайда болғанын білмеймін. Бірақ бұл – тұпнұсқа. Біз ресми жауап алдық", - деді Демесінов.

Айта кетейік, өткен айдың соңында Алматы облысы әкімінің орынбасары Бағдат Манзоровтың ұсталғаны туралы ақпарат тараған болатын. Бас кезінде облыс әкімдігі де, сыбайлас жемқорлыққа қарсы іс-қимыл агенттігі де ешқандай мәлімет берген жоқ. Бұдан соң агенттік төрағасының орынбасары Олжас Бектенов шенеунікке қатысты Қылмыстық кодекстің 190-бабы, 4-бөлімі ""қызмет бабын пайдаланып, аса ірі көлемде алаяқтық жасау") бойынша іс қозғалғанын мәлімдеген болатын.

Тағы оқыңыз: 13 тонна алтынды үйінде жасырған шенеунік ұсталды – видео

Манзоров денсаулығына байланысты жұмысқа шықпаған. Кейін еңбек демалысын алған. Құқық қорғаушылар оны ұстап, тергеу изоляторына қамады. Артынан үй қамаққа алынды.

419
Кілт сөздер:
қылмыстық іс, әкім орынбасары, Алматы облысы
Тақырып бойынша
"Тапсырма жоғарыдан берілді": Өз ісіне өкінген әкім орынбасары шындықты жайып салды  
Аналармен жанжалдасқан әкім орынбасары енді не істейтінін айтты
Әкім орынбасары Бағдат Манзоровтың ұсталғаны расталды
Қазақстанның оңтүстігінде пара алған әкім ұсталды - видео
Алматыда екі аудан әкімі қызметін ауыстырды
Стоматология

Орал тұрғыны стоматологияда күйіп қалып, ауруханада қайтыс болды

2507
Полицейлер қылмыстық іс қозғап, жәбірленушінің өрт шықпаған ғимаратта қалай күйіп қалғанын анықтап жатыр

НҰР-СҰЛТАН, 1 желтоқсан – Sputnik. Орал стоматологиясында жазатайым оқиға болды, 31 жастағы әйел белгісіз затқа күйіп қалып, ауруханада есін жимастан қайтыс болды.

"Мой город" өңірлік басылымының хабарлауынша, трагедия 30 қарашада "Строитель" шағын ауданында орналасқан стоматологияда болған.

Оқи отырыңыз: Біртанов стоматологияда көз жұмған баланың өліміне қатысты түсініктеме

Батыс Қазақстан облысы ТЖД мемлекеттік өрт бақылау басқармасы бастығының міндетін атқарушы Мереке Жұмағалиев қалалық көпсалалы ауруханаға белгісіз жағдайда күйіп қалған әйел жеткізілгенін айтты.

Өрт шыққаны туралы хабарлама түспегендіктен өрт сөндіру қызметі оқиға орнына жіберілмеген.

"Оқиға орнына Орал қаласы төтенше жағдайлар басқармасының қызметкерлері барды. Стоматология иесі жәбірленушінің стоматология бөлмесін тазартып жатқан кезде белгісіз жағдайда және белгісіз затқа күйіп қалғанын айтты. Материал облыстық полиция басқармасына тапсырылды", - деді Жұмағалиев.  

Батыс Қазақстан облысы денсаулық сақтау басқармасының баспасөз қызметі зардап шегушінің денесінің 80%-ін күйік шалғанын хабарлады. Сол күні әйел алған жарақатынан есін жимастан жансақтау бөлімінде қайтыс болды.

Іске қатысты бірқатар сараптама тағайындалды, сотқа дейінгі тергеу жүріп жатыр.

2507
Тақырып бойынша
Ақтауда балаға күш қолданған стоматолог қамауға алынды
Нұр-Сұлтанда тісін емдеткеннен кейін екі жастағы бала комаға түсті  
Қалааралық автобус

Алматыда қалааралық автобус апатқа ұшырады

783
(Жаңартылды 11:30 01.12.2020)
Шымкенттен Алматыға келген қалааралық жолаушылар автобусы діттеген жеріне жетуге аз қалғанда апатқа ұшырады. Жеңіл көлік автобусқа соқтығысқан

АЛМАТЫ, 1 желтоқсан – Sputnik. Жол-көлік оқиғасы Алматы қаласында Төле би және Өтеген батыр көшелерінің қиылысында болды.

Куәгерлердің айтуынша, жүргізуші Өтеген батыр көшесімен жүріп келе жатқан, содан кейін Төле бидің қиылысына тоқтап, қарсы беттегі көліктерге жол берген. Осы уақытта солтүстік бағытта жүріп келе жатқан Subaru Legacy автокөлігі автобусқа соқтығысқан.

Разбитый Subaru Legacy увезли на эвакуаторе, водителя и его пассажиров - на скорой
© Sputnik / Стрингер
Subaru автокөлігін эвакуатормен әкетті, жүргізушісі ауруханаға жеткізілді

Жол апатынан бес адам зардап шекті: Subaru автокөлігінің жүргізушісі мен сол көлікте болған үш жолаушы, сондай-ақ Шымкенттен Алматыға келе жатқан қалааралық автобус жолаушыларының бірі. Олардың барлығы жарақат алып, ауруханаға жеткізілді.

Куәгерлер мен автобус жүргізушісінің айтуынша, Subaru көлігінің жүргізушісі мас болған.

783
Кілт сөздер:
жол апаты, Алматы
Тақырып бойынша
Алматыда дрифт жасаған жүргізуші ірі апатқа себепкер болды
Шымкентте жедел жәрдем көлігі апатқа ұшырады: дәрігерлер әріптестерінің жағдайын айтты
Бердібек Сапарбаев

Сапарбаев Қазан қаласына 20 млн теңгеге ұшып барғаны рас па әкім жауабы

67
Бұған дейін Telegram-каналдардың бірінде Қазан-Тараз-Қазан чартерлік рейсіне 20,7 миллион теңге жұмсалғаны туралы ақпарат жарияланды

НҰР-СҰЛТАН, 2 желтоқсан — Sputnik. Жамбыл облысының әкімі Бердібек Сапарбаев Қазан қаласына чартерлік рейспен барды деген ақпаратқа қатысты түсініктеме берді. 

"Бұқаралық ақпарат құралдарында Жамбыл облысының әкімдігі Тараз-Қазан рейсінің VIP ұшағына 20 миллион теңге бөлді деген ақпарат жарияланды. Бұл шындыққа жанаспайды. Әкім мемлекет қаражатына чартерлік рейспен ұшпайды. Қиын жағдай болып, дәрігер жетіспеген кезде Қазан қаласының дәрігерлерін шақырдық. Қаражат оларды елге алып келуге жұмсалды", - деді Сапарбаев баспасөз мәслихатында. 

Бұған дейін Telegram-каналдардың бірінде Қазан-Тараз-Қазан чартерлік рейсіне 20,7 миллион теңге жұмсалғаны туралы ақпарат жарияланды.

"Чартермен кім ұшады? Татар халқымен достықты нығайту үшін әкім бара ма? Әлде науқас балаларды емдеуге жібере ме? Мүмкін тәжірибе жинақтау үшін қазақстандық дәрігерлер ұшатын шығар?", - деп жазды автор.

Әкімдік Қазан-Тараз-Қазан рейсі татарстандық дәрігерлердің Қазақстанға келуіне арналғанын айтқан болатын. Олар COVID-19 және пневмонияны емдеуде тәжірибе бөлісіп, медициналық көмек көрсетуге жәрдемдесті.

67
Тақырып бойынша
"Ақша қайда кетіп жатыр?": Елбасы халықтың көкейінде жүрген сұраққа жауап берді
"Айына 100 миллион табады": карантин пайдасын кімдер көріп отыр
"Бұл қорлау ғой": Сапарбаев қазақстандық әншілерді сынға алды
"Қалай тыныш ұйықтайтынын түсінбеймін": Сапарбаев әкімдерге неге шүйлікті
Сапарбаев Қасқабұлақтағы жағдай туралы: Мұның бәрі ісі жоқтықтан болады