Семейдегі ескерткіш

Жұрттың ашуын тудырды: Семейде Мәншүк Мәметованың ескерткіші алынып тасталды

208
Қала билігі ескерткішті Жеңіс саябағынан басқа жерге қоймақ болған. Алайда кейін мүлдем жою керек деп шешкен

НҰР-СҰЛТАН, 4 қараша — Sputnik. Көпшіліктің сынына ұшырап, ашуын тудырған Мәншүк Мәметованың ағаш мүсіні қаладағы саябақтан алынып тасталды.

Кеңес одағының батыры Мәншүк Мәметованың мүсіні ағаштан ойып жасалып, қаладағы саябаққа қойылған еді. Алайда бұл туынды әлеуметтік желіде қызу талқыға түсті. Жұрт мүсіннің Мәншүк Мәметоваға мүлдем ұқсамайтынын айтып, алып тастауды талап етті.

"Талантты суретшілеріміз бар емес пе? Олар қайда? Бұл жобаларды кім бекітеді? Деңгейлері төмен екен", - деп жазды желі қолданушылары.

Ағаш шеберлері мүсінді жасауға алты күн кеткенін айтады. Халықтың сынына ұшыраған мүсіннің авторы Юлия Куртунова мен оның күйеуі Иван.

Посмотреть эту публикацию в Instagram

Публикация от Семей | Казахстан (@semey_city_)

"Бізді адамдар ақша қар мен мыстан кемпірді жасап жатыр деп ойлайды. Бірақ біз Мәншүк Мәметованы жасаудамыз. Ол – Кеңес одағы батыры атағын алғашқы болып алған қазақ қызы. Менің ойымша, оның ескерткіші осы жерде болуы тиіс", - дейді Куртунова Arnapress.kz басылымына берген сұқбатында.

Тағы оқыңыз: Сәкен Сейфуллинге қатысты алыпқашпа әңгімеге нүкте қойылды

Семей қаласының әкімдігі халықтың сынына ұшыраған мүсінді басқа жерге көшірмек болды. Бірақ оны мүлдем жою керек деген шешім қабылдаған. Көпшіліктің ашуын тудырған скульптураның 3 қарашада жойылды.

Қала билігі мүсінді жасаған шеберлермен байланысты үзуді жоспарлап отырған жоқ.

208
Кілт сөздер:
ескерткіш, Мәншүк Мәметова, Семей
Тақырып бойынша
Әкесін құтқару үшін майданға аттанды: Мәншүк Мәметова туралы не білеміз?
"Ескерткіш орнатамыз": Нұр-Сұлтан әкімі Ақордада не талқыланғанын мәлімдеді
Оралда Мәншүк Мәметова ескерткіші түбінен бөтелкеге салынған хат табылды
Санкт-Петербургте Әлия Молдағұловаға ескерткіш ашылды – фото
Ұлттық банк домбыра бейнеленген ескерткіш монеталар шығарды
Стоматология

Орал тұрғыны стоматологияда күйіп қалып, ауруханада қайтыс болды

2446
Полицейлер қылмыстық іс қозғап, жәбірленушінің өрт шықпаған ғимаратта қалай күйіп қалғанын анықтап жатыр

НҰР-СҰЛТАН, 1 желтоқсан – Sputnik. Орал стоматологиясында жазатайым оқиға болды, 31 жастағы әйел белгісіз затқа күйіп қалып, ауруханада есін жимастан қайтыс болды.

"Мой город" өңірлік басылымының хабарлауынша, трагедия 30 қарашада "Строитель" шағын ауданында орналасқан стоматологияда болған.

Оқи отырыңыз: Біртанов стоматологияда көз жұмған баланың өліміне қатысты түсініктеме

Батыс Қазақстан облысы ТЖД мемлекеттік өрт бақылау басқармасы бастығының міндетін атқарушы Мереке Жұмағалиев қалалық көпсалалы ауруханаға белгісіз жағдайда күйіп қалған әйел жеткізілгенін айтты.

Өрт шыққаны туралы хабарлама түспегендіктен өрт сөндіру қызметі оқиға орнына жіберілмеген.

"Оқиға орнына Орал қаласы төтенше жағдайлар басқармасының қызметкерлері барды. Стоматология иесі жәбірленушінің стоматология бөлмесін тазартып жатқан кезде белгісіз жағдайда және белгісіз затқа күйіп қалғанын айтты. Материал облыстық полиция басқармасына тапсырылды", - деді Жұмағалиев.  

Батыс Қазақстан облысы денсаулық сақтау басқармасының баспасөз қызметі зардап шегушінің денесінің 80%-ін күйік шалғанын хабарлады. Сол күні әйел алған жарақатынан есін жимастан жансақтау бөлімінде қайтыс болды.

Іске қатысты бірқатар сараптама тағайындалды, сотқа дейінгі тергеу жүріп жатыр.

2446
Тақырып бойынша
Ақтауда балаға күш қолданған стоматолог қамауға алынды
Нұр-Сұлтанда тісін емдеткеннен кейін екі жастағы бала комаға түсті  
Қалааралық автобус

Алматыда қалааралық автобус апатқа ұшырады

770
(Жаңартылды 11:30 01.12.2020)
Шымкенттен Алматыға келген қалааралық жолаушылар автобусы діттеген жеріне жетуге аз қалғанда апатқа ұшырады. Жеңіл көлік автобусқа соқтығысқан

АЛМАТЫ, 1 желтоқсан – Sputnik. Жол-көлік оқиғасы Алматы қаласында Төле би және Өтеген батыр көшелерінің қиылысында болды.

Куәгерлердің айтуынша, жүргізуші Өтеген батыр көшесімен жүріп келе жатқан, содан кейін Төле бидің қиылысына тоқтап, қарсы беттегі көліктерге жол берген. Осы уақытта солтүстік бағытта жүріп келе жатқан Subaru Legacy автокөлігі автобусқа соқтығысқан.

Разбитый Subaru Legacy увезли на эвакуаторе, водителя и его пассажиров - на скорой
© Sputnik / Стрингер
Subaru автокөлігін эвакуатормен әкетті, жүргізушісі ауруханаға жеткізілді

Жол апатынан бес адам зардап шекті: Subaru автокөлігінің жүргізушісі мен сол көлікте болған үш жолаушы, сондай-ақ Шымкенттен Алматыға келе жатқан қалааралық автобус жолаушыларының бірі. Олардың барлығы жарақат алып, ауруханаға жеткізілді.

Куәгерлер мен автобус жүргізушісінің айтуынша, Subaru көлігінің жүргізушісі мас болған.

770
Кілт сөздер:
жол апаты, Алматы
Тақырып бойынша
Алматыда дрифт жасаған жүргізуші ірі апатқа себепкер болды
Шымкентте жедел жәрдем көлігі апатқа ұшырады: дәрігерлер әріптестерінің жағдайын айтты
Ресейлік әскерилер Степанакертте госпиталь ашты

Ресейлік әскерилер Степанакертте госпиталь ашты

0
Ресей, Әзербайжан мен Армения көшбасшылары қол қойған келісімге сәйкес ресейлік бітімгерлер Таулы Қарабақта жұмыс істеп жатыр

НҰР-СҰЛТАН, 2 желтоқсан – Sputnik. Ресейдің қорғаныс министрлігі Таулы Қарабақта дала госпиталін орналастырды. Бұл жөнінде Риа Новости хабарлады.

"Пневмокаркасты модульдерді орналастыру аяқталды. Біз бірінші кезекте бітімгерлер контингентін медициналық қамсыздандыруға бейімделіп отырмыз. Әрине, бейбіт тұрғындарға да көмек көрсетуге дайынбыз. 40-қа дейін адам орналастыра аламыз", - деді медициналық жасақтың басшысы Ярослав Иванов.

Оның айтуынша, госпитальде жансақтау, функционалды диагностика, зертханалық диагностика, ота жасау бөлімшелері және стоматологиялық кабинет пен офтальмолог кабинеті бар. Сондай-ақ, жасанды тыныс алдыру, ульрадыбыстық зерттеу аппараттары мен рентген бар.

10 қараша күні Ресей, Әзербайжан мен Армения көшбасшылары қол қойған келісімге сәйкес ресейлік бітімгерлер Таулы Қарабақта жұмыс істеп жатыр. Құжат 27 қыркүйекте басталған соғыстың толық тоқтатылуын, тұтқындар және қаза тапқандардың мәйітімен алмасуды қарастырады. Сондай-ақ, Армения Әзербайжанға Кельбаджар, Лачин және Агдам аудандарын қайтаруы керек.

Бакуде бұл келісімді Ереванның капитуляциясы деп атады. Президент Ильхам Әлиев құжат Әзербайжан үшін мейлінше тиімді екенін атап көрсетті: оның айтуына қарағанда, қазір соғыс кезеңі аяқталды және ендігі кезекте саяси мәселелерге көшуге болады.

Арменияның премьер-министрі Никол Пашинян бейбітшілік туралы келісім оған ауыр тигенін, бірақ, бұл Қарабақтағы орны толмас шығындардың алдын алуға мүмкіндік бергенін айтты. Осыдан кейін Ереванда премьердің қызметтен кетуін талап еткен наразылық акциялары басталды.

0