Стоматология, архив

Ақтауда балаға күш қолданған стоматолог қамауға алынды

80
Бүкіл елді шулатқан стоматолог әкімшілік құқық бұзушылық кодексінің "Денсаулыққа қасақана жеңіл зиян келтіру" бойынша қамалды

НҰР-СҰЛТАН, 6 қараша – Sputnik. Ақтауда тісін емдетуге келген балаға дөрекілік танытып, күш қолданған стоматолог қамауға алынды, деп хабарлайды Sputnik Қазақстан тілшісі.

"Әкімшілік іс кеше таңертең түскен. Ондай істер тез қаралады. Судьяның шешімі кешке қарай шықты. Сөйтіп, стоматолог маман бірден қамауға алынды. Дәрігер өз кінәсін толығымен мойындап отыр", - деді Sputnik Қазақстан тілшісіне Ақтау қаласының әкімшілік сот мамандары.

Ал Маңғыстау облыстық полиция департаментінің мәліметіне сәйкес, стоматолог әкімшілік құқық бұзушылық кодексінің 73 бабының 1-бөлігі "Денсаулыққа қасақана жеңіл зиян келтіру" бойынша үш тәулікке қамауға алынды. Бұл бап бойынша 15 айлық есептік көрсеткіш мөлшерінде айыппұл немесе 15 тәулікке дейінгі мерзімге әкімшілік қамаққа алу жазасы қарастырылған.

Айта кетейік, әлеуметтік желіде Ақтауда стоматологтың кабинетінде түсірілген видео тарап, жұрттың наразылығын тудырған болатын. Видеодан дәрігердің мүгедек баланы жұлқылап, күш қолданып жатқанын көруге болады. Кейін ақтаулық стоматолог видеоүндеу жариялап, қазақстандықтар мен баланың туыстарынан кешірім сұрады.

 

80
Кілт сөздер:
Ақтау
Тақырып бойынша
Дәрігер балалар күнде жеп жүрген өте зиянды 4 тағамды атады
Алматыда әйелін соққыға жыққан әртіс қамауға алынды
Дәрігер тұмаумен ауырғанда қандай май көмектесетінін айтты
Алматыдағы №4 қалалық аурухананың бас дәрігері қамауға алынды
Дәрігер адамды өлтіретін азық-түлікті атады
Жөргек ер баланың денсаулығына қауіпті ме – дәрігер жауап берді
Архивтегі фото

Ақтөбелік бозбала сүйіктісімен жыныстық қатынасқа түскені үшін үш жылға сотталды

1088
(Жаңартылды 16:00 24.11.2020)
Сот жас жігіттің бұрын сотталмағанын, жәбірленуші мен оның заңды өкілі оған ешқандай талап қоймағанын және соттан оны бас бостандығынан айырмауды сұрағанын ескерді

АЛМАТЫ, 24 қараша – Sputnik. Ақтөбеде 15 жастағы сүйіктісімен жыныстық қатынасқа түскен 17 жастағы бозбалаға қатысты сот үкімі шықты. Ол үш жылға бас бостандығынан айырылды, деп хабарлады "Мой город" басылымы.

Қыздың анасы олардың бірге жүруіне қарсы болған, соған қарамастан екеуі бірнеше рет үйден қашып кетеді. Соған ашуланған әйел полицияға жігіттің үстінен арыз жазған. Олардың интимдік қарым-қатынаста болғаны анықталған. Қыз келісім жасына жетпегендіктен (Қазақстанда ол 16 жастан басталады), жігіт қыркүйекте қамауға алынды.

Мән-жайды білген қыздың анасы ісіне өкініп, кінәрат-талабы жоқ екенін айтқан. Алайда полиция қылмыстық істі тоқтатудан бас тартты: бұл бап бойынша тараптардың татуласуына заңмен тыйым салынған.

24 қарашада Ақтөбе облысының қылмыстық істер жөніндегі мамандандырылған ауданаралық сотында Қазақстан Қылмыстық кодексінің 122-бабы "он алты жасқа толмаған адаммен бірнеше рет жыныстық қатынас жасау" бойынша айыпталушыға қатысты іс қаралды.

Оқи отырыңыз: Жасөспіріммен жыныстық қатынасқа түсу бабын қатаңдату керек пе – заңгер пікірі 

Сот колледж студентінің 2005 жылы туған жәбірленушімен, яғни 16 жасқа толмаған адаммен бірнеше рет жыныстық қатынас жасағанын анықтады. Сотталушының кінәсі сотталушы мен жәбірленушінің берген түсінігімен, сондай-ақ жәбірленушінің заңды өкілінің, куәлардың, сарапшылардың және сот сараптамаларының қорытындыларымен толық дәлелденді.

Прокурор сотталушыға бес жылға бас бостандығынан айыру жазасын тағайындауды сұрады. Алайда сот жас жігіттің бұрын сотталмағанын, тұрғылықты жері мен оқу орны тарапынан жақсы сипаттама берілгенін, жәбірленушімен татуласқанын, жәбірленуші мен оның заңды өкілі оған ешқандай талап қоймағанын және соттан оны бас бостандығынан айырмауды сұрағанын ескерді.

Нәтижесінде жас жігіт үш жылға бас бостандығынан айырылды. Үкім әлі заңды күшіне енген жоқ.

Айта кетейік, бұған дейін Орал қаласының 20 жастағы тұрғыны 12 жастағы қызбен жыныстық қатынасқа түскені үшін бас бостандығынан айырылмады. Бұл іс бойынша алқабилер шешім қабылдады, оның ішінде жеті әйел, үш ер адам бар. Шешім көпшілік дауыспен қабылданды. Алқабилер жыныстық қатынасқа қыз өз келісімін берген деген тұжырым жасады. Сондай-ақ, қыздың психикалық және физиологиялық дамуына байланысты жыныстық қатынастың мәнін түсінетіні айтылды.

Алқабилер ер адамның кәмелетке толмаған баласының бар екенін, сондай-ақ бұрын-соңды сотты болмауын жазаны жеңілдететін мән-жай деп таныды. Олар сотталушыны бас бостандығынан айыруға еш негіз жоқ деп есептеді, сол себепті алқабилер дауыс беріп, ер адамды 2,5 жылға бас бостандығынан шектеу туралы үкім шығарды.

1088
Кілт сөздер:
жыныстық қатынас, бозбала
Тақырып бойынша
Ақтөбелік бозбала сүйіктісімен жыныстық қатынасқа түскені үшін сотталуы мүмкін
Дана Нұржігіт балаларға жасалатын азғындықты тоқтатудың жолын айтты
Маңғыстау облысында ер адам жасөспірім қызды алып қашты
Батыс Қазақстанда 15 жасында тұрмысқа шыққан қыз туралы тың дерек шықты
12 жастағы қызбен жыныстық қатынасқа түскен Орал тұрғыны неліктен қатаң жазаланбады?
Қоқыс, зауыт

Қазақстанның бірнеше қаласында қоқыстан энергия өндіретін зауыт салынады 

31
(Жаңартылды 10:41 24.11.2020)
2025 жылға қарай қоқысты қайта өңдеу деңгейін 30%-ке, яғни орта еуропалық деңгейге жеткізу жоспарланып отыр

НҰР-СҰЛТАН, 24 қараша – Sputnik. Қазақстанның алты қаласында пилоттық режимде тұрмыстық қатты қалдықтарды өртеу арқылы энергия өндіретін зауыт салынады. Жоба сәтті жүзеге асса, зауыт құрылысы басқа қалаларда да басталады. Бұл туралы экология, геология және табиғи ресурстар министрі Мағзұм Мырзағалиев мәлімдеді, деп хабарлайды Sputnik Қазақстан тілшісі. 

Министр қалдықтарды өңдеу деңгейін арттыру үшін заңнамалық деңгейде Waste to energy технологиясы енгізілетінін еске салды. Бұл дегеніміз, қоқысты жағу арқылы электр энергиясы өндіріледі, сосын ол жалпы электр желісіне сатылады. Жуырда президент тиісті заңға қол қойған.

"Тұрмыстық қатты қалдықтарды қайта өңдеуге бағытталған пилоттық жобалар бірінші кезенде алты қалада жүзеге асады. Бұл Ақтөбе, Алматы, Атырау, Нұр-Сұлтан, Тараз және Шымкент. Бүгінгі күні әкімдіктермен бірлесіп, жер учаскелері, инфрақұрылым және зауыттардың қалдықтармен кепілді жүктелуі мәселелерін пысықтап жатырмыз", - деді Мырзағалиев үкімет отырысында. 

Пилоттық жобалар сәтті жүзеге асса, зауыттар басқа қалаларда да салынады. 

Осы технологияның арқасында біз 2025 жылға қарай қоқысты қайта өңдеу деңгейін 30%-ке,  яғни орта еуропалық деңгейге жеткіземіз, деп толықтырды ведомство басшысы.

31
Тақырып бойынша
Жас отбасы 6 миллион теңге ақша салынған пакетті байқаусызда қоқысқа тастаған
Кассалық чекті дереу қоқысқа тастау керек
Министр Тоқаевтың қоқысқа қатысты тапсырмасы қалай орындалатынын айтты
Астаналық кәсіпкер қоқыстан ақша жасаудың жолын айтты
Қазақстанда қоқыстан энергия өндіріледі - парламентте заң жобасы қаралып жатыр
Ақорда

Зейнетақы төлеуге 7,3 триллион теңге бөлінеді: Тоқаев заңға қол қойды

0
Кепілдендірілген трансферт республикалық бюджеттен ортақ зейнетақыларды төлеуге және мемлекеттік базалық зейнетақы төлемдеріне жұмсалады

НҰР-СҰЛТАН, 24 қараша – Sputnik. Президент Қасым-Жомарт Тоқаев "Қазақстан Республикасының Ұлттық қорынан 2021 – 2023 жылдарға арналған кепілдендірілген трансферт туралы" заңға қол қойды, деп хабарлады Ақорданың баспасөз қызметі.  

Заңда Ұлттық қордан 2021 жылы – 2 триллион 700 миллиард теңге, 2022 жылы –  2 триллион 400 миллиард теңге, 2023 жылы – 2 триллион 200 миллиард теңге кепілдендірілген трансферт бөлу көзделген.

Оқи отырыңыз: Нұрымбетов жәрдемақы төлеу кезінде әділетсіздікке жол беріліп жатқанын айтты 

Сондай-ақ, құжат кепілдендірілген трансфертті пайдаланудың нысаналы бағытын айқындайды. Осы қаражат республикалық бюджеттен ортақ зейнетақыларды төлеуге және мемлекеттік базалық зейнетақы төлемдеріне бағытталады.

Кепілдендірілген трансферт бөлінгеннен кейін Ұлттық қордағы қаражат жалпы ішкі өнімнің 30% мөлшерінен төмендемейді. 

0
Кілт сөздер:
Қасым-Жомарт Тоқаев, зейнетақы
Тақырып бойынша
Зейнетақы жинағын алу: қазақстандықтар 10%-тік салықты қалай төлейді
Зейнетақы жинағын емделуге пайдаланудың шарты қандай – министрлік жауабы
Депутат Бектаев әр балаға 18 жасқа дейін қаржы бөлуді ұсынды
Мамин Қазақстанда зейнет жасын төмендету туралы ұсынысқа жауап берді