Қар

Қызылордадағы жол апаты: аялдамада тұрған бір үйдің екі баласы қаза болды

1664
(Жаңартылды 18:38 21.11.2019)
Toyota Camry көлігінің жүргізушісі алдымен Mercedes-Benz-ке соғылған. Одан кейін аялдамада тұрған адамдарды қағып кеткен.  Үш адам оқиға орнында қайтыс болса, екеуі ауруханаға жеткізілді

НҰР-СҰЛТАН, 21 қараша – Sputnik. Бүгін Қызылорданың Назарбаев даңғылында болған жол апатынан екі оқушы көз жұмды, деп хабарлады облыстық полиция департаменті. 

Ресми мәліметке сәйкес, ұл бала №12 мектептің бесінші сынып оқушысы болса, екіншісі – оның қарындасы, ол үшінші сыныпта оқыған. Екеуі мектепке бара жатады. Олардың жанында Титов ауылының 42 жастағы тұрғыны да автобусты күткен. Ол да қаза болды.

Посмотреть эту публикацию в Instagram

Публикация от Кызылорда / Kyzylorda (@kyzylordatoday)

Жол апатынан екі адам қатты жарақат алды. Он жастағы қыз облыстық балалар ауруханасының жансақтау бөліміне жатқызылды. Ал 1988 жылы туған келіншек қалалық ауруханада жатыр. Ол да көп жарақат алған.

Аялдамаға соғылған 20 жастағы көлік жүргізушісі аман қалды. Әлеуметтік желілерде тараған ақпарат бойынша жас жігіт рөлде ұйықтап кетіпті.

Зардап шеккендердің жағдайы қалай

Қалалық аурухананың бас дәрігері Бауыржан Төлегеннің айтуынша, 31 жастағы келіншек екі аяқтан қатты жарақат алған. Оң жақ пен сол жақ сан сүйегінің, сондай-ақ сол жақ балтыр сүйегінің жабық сынығы анықталды.

"Қазіргі кезде ол жансақтау бөлімінде жатыр. Себебі жарақаттан қатты шок алған. Соған қарсы барлық шара атқарылып жатыр. Шоктан шыққаннан кейін аяқтарына ота жасау жағы қаралады. Ота кезінде остеосинтез жасалып, сүйектері орнына салынады", - деді Төлеген Sputnik Қазақстан тілшісіне берген сұхбатында.

Оның сөзіне қарағанда, жол апатынан кейін ауруханаға 43 жастағы ер адам да жеткізіліпті. Бірақ алғашқы медициналық көмек көрсетілгеннен кейін оны үйіне жіберген.

Жол апаты қалай болды

Жол апаты бейсенбі, 21 қарашада болды. Сағат 09:15 шамасында Назарбаев даңғылында жүргізуші рөлге ие бола алмай, Mercedes-Benz көлігін соғып, кейін автобус аялдамасында тұрған адамдарды қаққан. Жол апаты салдарынан үш адам оқиға орнында көз жұмды, екеуі ауруханаға жеткізілді.

Кінәлі жүргізуші бірден анықталып, уақытша ұстау абақтысына қамауға алынды. Тиісті сараптамалар белгіленді.

Қазіргі уақытта қылмыстық кодекстің 345-бабы, 4-бөлімі (жол қозғалысы және көлікті пайдалану ережелерін бұзу) бойынша сотқа дейінгі тергеу жүргізіліп жатыр.

Егер жүргізушінің кінәсі дәлелденсе, ол 5-тен 10 жылға дейін бас бостандығынан айырылуы мүмкін және 7 жылға дейін белгілі лауазымдарды иелену немесе қызметпен айналысу құқығынан айырылады.

1664
Кілт сөздер:
құрбандар, жол апаты, Қызылорда
Тақырып бойынша
Павлодар облысында отбасы мінген көлік жантүршігерлік апатқа ұшырады
Алматы–Бішкек жолында 3 көлік соқтығысты: бір адам көз жұмып, сегізі ауруханада жатыр
Алматыда мас күйінде көлік жүргізген қыз жаяу жүргіншіні басып өлтірді
Айыппұлдан түрмеге дейін: қазақстандық жүргізушілер нені білуі тиіс?
Оқиға орнында көз жұмды: актрисаның көліктен неге секіріп кеткені белгілі болды
Кісен, архивтегі фото

Көкшетаулық ерлі-зайыптыны қатыгездікпен өлтірген қылмыскер 25 жылға сотталды

251
Түнде қаскүнем көпқабатты үйдің бірінші қабатында орналасқан пәтерге кіріп, үй иесін қатыгездікпен өлтіріп, алтын ұрлаған

АЛМАТЫ, 25 қараша – Sputnik. Көкшетауда егде жастағы ерлі-зайыптыны өлтірді деп айыпталған жігітке сот үкімі шықты. Сот отырысы Ақмола облысының қылмыстық істер жөніндегі мамандандырылған ауданаралық сотында өтті, деп хабарлайды Sputnik Қазақстан тілшісі.

Істі алқабилер қарады.

Істің мән-жайы

Көкшетауда 2020 жылдың сәуір айының соңында он баласы бар егде жастағы ерлі-зайыптыны өлтіріп кетті.

Түнде қаскүнем Есенберлин көшесіндегі көпқабатты үйдің бірінші қабатында орналасқан пәтерге кіріп, үй иесін қатыгездікпен өлтірген.

83 жастағы ер адам мен оның 77 жастағы әйелінің денесі 30 сәуірде таңертең табылды. Оларды буындырып, пышақпен кескілеп тастаған.

Қылмыс болардан бірнеше күн бұрын жәбірленушілердің пәтеріне белгісіз біреудің кірмек болғаны анықталды. Шабуылдаушылар балконға бөтелке лақтырып, әйнекті сындырған.

Қылмыс жасады деген күдікпен Щучинск қаласының 24 жастағы тұрғыны ұсталды. Сол күні алтын салынған қорапша мен екі кілт ұрланған.

Сот үкімі

Алқабилер шешімімен сотталушы Д. Қазақстан Қылмыстық кодексінің бірнеше бабы бойынша кінәлі деп танылды:

  • 191-бабы 3-бөлігі 3-тармағы – тұрғын үй-жайға заңсыз кіріп жасалған тонау;
  • 24-бабы 3-бөлігі – қылмысқа дайындалу және қылмысқа оқталу;
  • 188-бабы 3-бөлігі 3-тармағы – тұрғын, қызметтік немесе өндірістік үй-жайға, қоймаға не көлікке заңсыз кіріп жасалған ұрлық;
  • 192-бабы 3-бөлігі 4-тармағы – қарақшылық;
  • 99-бабы 2-бөлігі 1, 3, 5, 8-тармақтары – екі немесе одан да көп адамды өлтіру;
  • 287-бабы 1-бөлігі – қаруды заңсыз иемдену, беру, өткізу, сақтау, тасымалдау және алып жүру.

Сотталушы 25 жылға бас бостандығынан айырылды. Ол жазасын қылмыстық-атқару жүйесінің төтенше қауіпсіз мекемелерінде өтейді.

Жәбірленуші тараптың пайдасына сотталушы Д. келтірілген моральдық зиян ретінде 20 миллион теңге төлейді.

Сот үкімі заңды күшіне енген жоқ.

251
Кілт сөздер:
қылмыскер, ерлі-зайыпты
Тақырып бойынша
Дулат Ағаділдің ұлын өлтіріп кетті - оқиғаның мән-жайы
Бес рет қастандық жасалған: Алматы облысында кәсіпкерді өлтіріп кетті
Шолпанның көз жасы: алты баласы бар 29 жастағы келіншек халықтан көмек сұрады
Жамбыл облысында екі әйелді айуандықпен өлтірген қойшының денесі табылды
Алматы облысында әйелді бір жасар қызының көзінше өлтіріп кетті: оқиғаның мән-жайы
Ағаш, архивтегі фото

Алматы тұрғыны жұмысшылардың заңсыз әрекетін видеоға түсіріп алды

2702
KFC мейрамханасы аумағында төрт ағашты заңсыз кескендерге айыппұл салынып, 40 түп ағаш егуге міндеттелді

АЛМАТЫ, 25 қараша – Sputnik. Алматы қаласының полиция департаменті мен жасыл экономика басқармасының қызметкерлері KFC компаниясының тамақтану орны орналасқан учаске иесін әкімшілік жауапкершілікке тартты. Ол жерде бір күн бұрын төрт ағаш заңсыз кесілген.

KFC тамақтану желісі ғимаратының жанында жұмысшылар ағаштарды кесіп жатқаны жайлы видеоны қазақстандық журналист, қоғам қайраткері Сергей Пономарев Facebook парақшасында жариялады.

"Алматылықтар "Sulpak" кеңсесінің алдындағы жарты ғасыр бойы өскен емен мен қарағаштарды кімнің кескенін анықтап жатқанда, биік дуалдың артында Тимирязев көшесі Көктем-2 шағын ауданындағы KFC Kazakhstan мейрамханасының жеке аумағында тыныш қана төрт қарағашты кесіп тастады. Ағашты кескендер өздерінің мегаполисте тұратынын және жақын маңдағы үй тұрғындарының немқұрайлы қарамай, видеоға түсіретінін ескермепті", - деп жазды ол.

Оқи отырыңыз: Тоқаев Алматыда ағаш кескендерді жауапкершілікке тартуды тапсырды   

Алматының жасыл экономика басқармасы да, жақын маңдағы учаскелік пункт те ағаштарды кесу туралы ештеңе білмегені анықталды. Видео әлеуметтік желі арқылы тарай бастағаннан кейін ғана әрекет еткен.

Тексеріс нәтижесінде учаске иесі ағаштарды кесуге ешқандай рұқсат алмағаны  белгілі болды.

"Көктем-2 ықшам ауданы, 2/1 үй (KFC жылдам тамақтану желісі) мекенжайы бойынша қарағай тұқымының төрт ағашын заңсыз кескен. Алматының жасыл экономика басқармасына кесуге өтініш түспеді, яғни ЖЭБ бұған рұқсат берген жоқ", - делінген Алматы әкімдігі таратқан ақпаратта.

Іс бойынша Қазақстан Республикасының Әкімшілік құқық бұзушылық туралы кодексінің 386-бабы ("Жасыл екпелерді күтіп-ұстау және қорғау қағидаларын бұзу") бойынша жер учаскесінің иесіне әкімшілік хаттама толтырылды. Енді ол 15 АЕК – 41 670 теңге көлемінде айыппұл төлейді.

Сонымен қатар өтем ретінде кінәлі азаматқа жалпыға ортақ жерлерге 40 түп ағаш егу міндеттелді.

2702
Кілт сөздер:
видео, ағаш, Алматы
Өзен, су

Қазақстанда тасқын судың есебінен электр энергиясы арзандауы мүмкін

4
(Жаңартылды 12:17 26.11.2020)
Қазір гидроэлектр станциялар табиғатты қорғау үшін су жіберу кезеңінде өндірілген электр энергиясын орталықтандырылған сауда-саттықта сатады

НҰР-СҰЛТАН, 26 қараша – Sputnik. Қазақстан парламенті жаңартылатын энергия көздерін пайдалануды қолдау және электр энергетикасы мәселелері туралы заңды қабылдады. Оған сәйкес, елде су тасқыны кезінде өндірілетін электр энергиясының есебінен тариф төмендетілуі мүмкін, деп хабарлайды Sputnik Қазақстан тілшісі. 

Мәжіліс депутаты Шавхат Өтемісовтің айтуынша, қазір гидроэлектр станциялар табиғатты қорғау үшін су жіберу кезеңінде өндірілген электр энергиясын орталықтандырылған сауда-саттықта сатады. Ал оны трейдерлер сатып алады. Осылайша, мемлекет тасқын судан өндірілген электр энергиясының бағасына араласа алмайды. 

"Жүйелік оператордың деректері бойынша көктемгі су тасқыны кезінде жыл сайын орта есеппен 300 миллион кВтс электр энергиясы өндіріледі. Орталықтандырылған сауда-саттықта трейдерлер электр энергиясын 1 кВтсағ үшін 2-3 теңгеге сатып алып, оны екі-үш есе қымбатқа сатады. Осыған байланысты, гидроэлектрстанциялардың су тасқыны электр энергиясын "КЕГОК" АҚ-ға қарайтын қаржы-есеп орталығына сату міндетін заңнамалық түрде бекіту ұсынылады", - деді мәжілісмен. 

Айтуынша, бұл арзан электр энергиясы елдің барлық тұтынушылары арасында бөлінеді. 

Сонымен қатар, заң жобасы Қазақстанның электр энергетикасы жүйесінің сыртқы көздерге тәуелділігін төмендетпек. Атап айтқанда, қазір Ресейге кетіп жатқан ақша өз елімізде қалады. Ал бұл жыл сайын шамамен 10-12 миллиард теңге.

Бұдан бөлек, жаңартылатын энергия көздерін қолдауға "өтпелі тариф" белгіленіп отыр. Заң жобасында "жаңартылатын энергия көздерін пайдалануды қолдауға арналған үстемеақы" ұғымы көзделген, ол шекті тарифтен тыс ескеріледі.

Жаңартылатын энергетиканы дамыту үшін жаңартылатын энергия көздерінің электр энергиясын сатып алуға арналған келісімшарттың қолданылу мерзімін 15 жылдан 20 жылға дейін ұлғайту ұсынылды. Ол инвесторға аукциондық сауда-саттықта неғұрлым төмен тарифтерді ұсынуға жағдай жасайды. Бұл өз кезегінде тұтынушылардың шығынын төмендетуге мүмкіндік береді.

Сенат заңды бірауыздан қабылдады.

4
Кілт сөздер:
электр энергиясы, су, Қазақстан
Тақырып бойынша
Сарапшы елордадағы экомешіттің не себепті электр қуатын тарата алмағанын айтты
Елордалық жылу электр орталықтары ішінара газбен жұмыс істей бастады
Петропавлда жол апатының алдын алған автобус электр бағанын құлатты – видео
Алматының жылу электр орталықтары түгел газға көшіріледі
Вице-министр атом электр станциясы қандай жағдайда салынуы мүмкін екенін айтты