Қызылорда облысындағы жол апаты

Қызылордада 8 адамның өмірін қиған жол апаты: жаңа деректер шықты

2010
(Жаңартылды 10:46 03.12.2019)
Мәліметке сай, автобустағы жолаушының барлығы Қазақстан азаматтары, шетелдіктер жоқ. Көлікте балалар болмаған

НҰР-СҰЛТАН, 3 желтоқсан – Sputnik. Соңғы мәліметтер бойынша Қызылорда-Құмкөл тас жолындағы апаттан қаза тапқандар саны 8 адамға жетті, 21 адам зардап шекті. Бұл туралы үкімет кулуарында ішкі істер министрлігі әкімшілік полиция комитеті төрағасының орынбасары Жанат Әбдірахманов мәлімдеді, деп хабарлайды Sputnik Қазақстан тілшісі.

"Бүгін таңғы сағат бес шамасында "Қызылорда-Құмкөл" тас жолында апат болды. Қазіргі таңда 8 адам қаза болып, 21 адам жарақат алды. Автобус жүргізушісі көктайғақтан рөлге ие бола алмай, салдарынан аударылды. Қазір тергеу органдары жұмыс істеп жатыр", - деді ол.

Айтуынша, автобустағы жолаушының барлығы Қазақстан азаматтары, шетелдіктер жоқ. Мұнай компаниясына қарасты автобус жолаушылары Құмкөлге жұмысқа бара жатқан.

Әбдірахманов көлікте балалар болмағанын нақтылады.

Тағы оқыңыз: Қызылорда облысында автобус аударылды: бірнеше адамның мәйіті табылды

"Үлкен Neoplan автобусы, 45-50 адамдық. Қоғамдық көлік ішінде елу шақты адам болған. Жүргізуші тірі ме, жоқ па әлі белгісіз. Ақпарат тексеріліп жатыр", - деді Жанат Әбдірахманов.

Оның мәліметінше, көлікке автотехникалық сараптама жүргізіледі. Қазір төтенше жағдай комитетінің қызметкерлері жергілікті атқарушы органдармен бірлесіп, тас жолды толығымен тексеруде.

2010
Кілт сөздер:
Қызылорда облысы, құрбандар, жол апаты
Тақырып бойынша
Ішкі істер министрлігі тұрғындарға үндеу жасады
Солтүстік Қазақстанда жолаушылар автобусы апатқа ұшырады
Батыс Қазақстанда жантүршігерлік жол апатынан 12 адам зардап шекті
Ресейде автобус көпірден құлады: қаза тапқандар саны 15 адамға жетті
Жетпіс бес адам Самара – Шымкент тас жолында жантүршігерлік апатқа түсті
Алматы, архивтегі фото

Алматы полициясы күшейтілген жұмыс тәртібіне көшті

30
Тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді

НҰР-СҰЛТАН, 23 қараша – Sputnik. Алматы полициясы күшейтілген жұмыс тәртібіне көшірілді, деп хабарлады Polisia.kz.

Қазақстан аумағында осы жылдың 23 қарашасында басталған "Құқық тәртібі" жедел алдын алу іс-шарасы 30 қараша айына дейін жалғасады. Осыған байланысты Алматы полициясы күшейтілген жұмыс тәртібіне көшірілді. 

Қалалық полиция департаменті жергілікті полиция қызметінің бастығы Манап Саттаровтың айтуынша, аталған іс-шараға полиция қызметкерлерімен қоса Ұлттық ұлан сарбаздары да жұмылдырылады.

"Іс-шара барысында қоғамдық тәртіпті қадағалау үшін полицияның жеке құрамы күшейтілген жұмыс тәртібіне көшірілді. Қала бойынша полиция жасақтары көбейтіліп, "Құқық бұзушылыққа мүлдем төзбеушілік" қағидасы бойынша тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді", - дейді ол.

Сондай-ақ көші-қон заңдарын бұзатын келімсектерді анықтау үшін құрылыс алаңдары мен тамақтану орындары тексеріледі. Арнайы есепте тұратын адамдар мен азаматтық қару иелері де полицияның назарынан тыс қалмайды.

"Ал жедел басқарма қызметкерлері пәтер тонау, көлік ұрлығы сияқты қылмыстарды жасайтын қылмыстық топтар мен із-түзсіз жоғалған адамдарды және бұрын қылмыс жасап іздеу жарияланған адамдарды анықтауға бағытталған жұмыстарды атқарады", – деп түйіндеді Саттаров.

Алматыда 10 адамды өлтірген қылмыскерге сот үкімі шықты

Айта кетейік, кең көлемде ұйымдастырылып отырған аталған іс-шара қылмыстық ахуалды тұрақтандыруға, қылмыстар мен құқық бұзушылықтардың алдын алуға бағытталған.

30
Кілт сөздер:
полиция, Алматы
Тақырып бойынша
Жалған 900 мың долларды сатпақ болған Алматы тұрғыны ұсталды
Алматылық ағайындылар қылмысы әшкере болды
Дәретханада қыздарға порно көрсеткен ер адам 10 жылға сотталды
Нұр-Сұлтанда әйелдерге шабуыл жасаған шетелдік ұсталды
Дәрігер, архивтегі фото

Бес облыс "қызыл" аймаққа кірді: Мамин қандай тапсырма берді

2326
(Жаңартылды 20:27 23.11.2020)
Коронавируспен ауырғандардың саны Қазақстанның барлық өңірінде өскен. "Қызыл" аймаққа бес облыс, "сарыға" Батыс Қазақстан облысы мен Нұр-Сұлтан қаласы кірді  

НҰР-СҰЛТАН, 23 қараша – Sputnik. Қазақстанның премьер-министрі Асқар Мамин коронавирус инфекциясының таралуына жол бермеу жөніндегі ведомствоаралық комиссияның селекторлық отырысын өткізді. Бұл туралы үкімет басшысының баспасөз қызметі хабарлады.  

Коронавируспен ауырғандардың саны Қазақстанның барлық өңірінде өскен. Республика бойынша вирустың репродуктивтілік көрсеткіші – 1,07. Инфекциялық төсек-орындардың 22%,  реанимациялық төсек-орындардың 17% толған.

"Қызыл аймақта" 5 өңір қалып отыр:

  • Шығыс Қазақстан;
  • Павлодар;
  • Қостанай;
  • Солтүстік Қазақстан;
  • Ақмола.

"Сары аймақта" 2 өңір бар: Батыс Қазақстан облысы және Нұр-Сұлтан қаласы.

Үкімет басшысы денсаулық сақтау, индустрия министрліктеріне әкімдіктермен бірлесіп, медициналық жабдықтарды жеткізуді аяқтауды және инфекциялық стационарлардың реанимациялық бөлімшелерін толық жабдықтауды қамтамасыз етуді тапсырды.

Премьер-министр эпидемиологиялық ахуал нашарлаған жағдайда оған ведомстволық ауруханалар мен госпитальдар 100% дайын болу қажеттігін атап өтті.

Ішкі істер, еңбек, білім, қорғаныс министрліктері әкімдіктермен бірлесіп, ұжымдарда профилактикалық және эпидемияға қарсы іс-шаралардың сақталуын бақылауды күшейтуі тиіс.

Оқи отырыңыз: Коронавирус жұқтырғандарды жасыру деректері анықталды – президент 

Денсаулық сақтау министрлігіне, әкімдіктерге коронавирус инфекциясына жасалған зертханалық зерттеулердің дұрыстығын (қайта тестілеуді) қамтамасыз ету бойынша шаралар қабылдау тапсырылды. Бұл ретте зерттеулердің ашықтығын қамтамасыз ету мақсатында осы жылғы 1 желтоқсанға дейін зертханаларды бірыңғай ақпараттық жүйемен интеграциялау жұмысы аяқталады.

Денсаулық сақтау министрлігі бір апта мерзімде дәрі-дәрмектің шекті құнын төмендету мақсатында коронавирусқа қарсы препараттардың бағасын реттеу тәртібін өзгертеді.

Бәсекелестікті қорғау және дамыту агенттігіне коронавирусқа қарсы препараттар құнының жоғарылауына жол бермеу мақсатында шетелдік фармацевтикалық нарықтардағы баға конъюнктурасына талдау жүргізу тапсырылды.

2326
Кілт сөздер:
Асқар Мамин, коронавирус
Тақырып:
Коронавирус эпидемиясы
Тақырып бойынша
Павлодар облысында күдіктінің кесірінен полицейлер COVID жұқтырды
СҚО-да карантин күшейтілді - не өзгерді
Украиналық шенеуніктер Маминмен кездесуге жалған анықтамамен келді
ДДҰ коронавирустың үшінші толқыны туралы ескертті