Көктайғақ сақтала ма - алдағы үш күнге ауа райы болжамы
(Жаңартылды 13:32 06.12.2019)
Синоптиктердің мәліметінше, алдағы үш күнде еліміздің басым бөлігінде тұман түседі. Ал көктайғақ сақтала ма екен?НҰР-СҰЛТАН, 6 желтоқсан – Sputnik. "Қазгидромет" синоптиктері 2019 жылдың 7-9 желтоқсанына ауа-райы болжамын ұсынды.
Алдағы күндері солтүстік, орталық және шығыс облыстарда жауын-шашын, тұман және көктайғақ болады. Бұл Қазақстан территориясы арқылы суық атмосфералық фронттардың жылжуымен байланысты.
"Фронттардың орнына антициклон келіп, республиканың оңтүстік, содан кейін орталық, шығыс және солтүстік облыстарында жауын-шашын тоқтайды. Бірақ тұман мен көктайғақ сақталады", - деп болжам жасады "Қазгидромет".
Бұған қоса, ауа температурасы біраз төмендейді, бірақ орташа көпжылдық көрсеткіштен жоғары болады.
Мегаполистердегі ауа райы
7 желтоқсанда Нұр-Сұлтан қаласында қар жауып, жел 20 м/с дейін күшейеді. Түнде - 4, ал күндіз - 2 градус.
Алматыда күн ашық болады. Температура түнде 0, күндіз + 3 градусты құрайды.
Ал Шымкент қаласында ауа райы жауын-шашынсыз. Термомтер түнде + 1, күндіз + 10 градусты көрсетеді.
8 желтоқсанда Нұр-Сұлтанда қар жауып, жел 7 желтоқсанға қарағанда 12 м/с дейін бәсеңдейді. Түнде және күндіз термометр бағамы минус 1 градусқа жетеді.
Алматы қаласында күн ашық болады. Түнде плюс 1, күндіз плюс 5 градус жылы ауа райы қалыптасады.
Ал Шымкентте ауа райы жауын-шашынсыз. Термомтер түнде + 1, күндіз + 13 градусты көрсетеді.
Тағы оқыңыз: Желтоқсанда Нұр-Сұлтанда жаңбыр жауды - синоптиктер себебін түсіндірді
9 желтоқсанда Нұр-Сұлтан қаласында күн бұлтты болады, аздап қар жауады. Ауа температурасы түнде - 2, күндіз - 3 градусты құрайды.
Алматыда күн ашық, термометр бағамы түнде - 1, ал күндіз + 6 градусқа жетеді.
Ал Шымкент қаласында ауа райы жауын-шашынсыз. Температура түнде плюс 6, күндіз плюс 13 градус.
Қатты аяз және жел – ертеңге ауа райы болжамы жарияланды
НҰР-СҰЛТАН, 23 қаңтар – Sputnik. Қазақстанның басым аумағында құбылмалы ауа райы сақталады. Жексенбі, 24 қаңтарда синоптиктер бірқатар өңірде қар түрінде жауын-шашын болжап отыр. Кей жерлерде тұман түсіп, көктайғақ болады, бұрқасындатады және жел күшейеді, деп хабарлайды Sputnik Қазақстан.
Өңірлердегі ауа райы
Алматы, Қызылорда, Маңғыстау, Атырау, Батыс Қазақстан, Солтүстік Қазақстан облыстарында кей жерлерде тұман күтілуде. Атырау облысында көктайғақ болады, Маңғыстау облысында күндіз желдің жылдамдығы 15-20 м\с дейін барады.
Ақтөбе облысында кей жерлерде бұрқасын соғады, көктайғақ болады.
Жамбыл, Түркістан облыстарында кей жерлерде тұман, бұрқасын, қатты жел болжанып отыр. Жамбыл облысында желдің екпіні секундына 23-28 метрге дейін күшейеді.
Тағы оқыңыз: Қазгидромет: желтоқсан айында соңғы 8 жылдағы ең қаһарлы қыс болды
Шығыс Қазақстан облысында, түнде Қарағанды, күндіз Қостанай облыстарында кей жерлерде бұрқасындатады, жел 15-20 м\с дейін күшейеді. Сондай-ақ, Қостанай, Қарағанды облыстарында кей жерлерді тұман басады.
Солтүстік Қазақстан, Павлодар облыстарында, Қостанай облысының солтүстігінде 40 градусқа дейін аяз болады деп болжануда.
Мегаполистерде ауа райы қандай болады
Нұр-Сұлтанда 24 қаңтарда көшпелі бұлт шығады, аздап қар жауады. 2-4 м\с жел. Түнде ауа температурасы -18-23 градус, күндіз -20-24 градус аяз.
Алматыда көшпелі бұлт шығады, қар жауады, 1-3 м\с жел соғады. Сынап бағанасы түнде 5-6 градус, күндіз 4-5 градус суықты көрсетеді.
Шымкентте де көшпелі бұлт шығады, аздап қар жауады деп күтілуде. Желдің жылдамдығы 2-5 м\с. Түнде температура – 2-3 градус суық, күндіз нөлден -1 градусқа дейін.
Кілт сөздер:
Семейде бозбаланың өзіне қол салған сәті видеоға түсіп қалды
НҰР-СҰЛТАН, 23 қаңтар – Sputnik. Семейде жас жігіт көпірден секіріп көз жұмды. Полиция "Өзін-өзі өлтіруге дейін жеткізу" бабы бойынша сотқа дейінгі тергеу бастады, деп хабарлайды "Arnapress.kz" басылымы.
Әлеуметтік желіде ер адамның көпірден секіріп кеткен сәті түсіп қалған видео тарады. Видеоны сол маңнан өтіп бара жатқан куәгер кездейсоқ түсіріп алған.
ШҚО полиция департаменті баспасөз қызметінің ақпаратынша, трагедия 22 қаңтарда кешкі алтылар шамасында болды.
Посмотреть эту публикацию в Instagram
Дәл сол күні Семей полиция басқармасы орталық полиция бөлімі Қылмыстық кодекстің 105-бабы 3-тармағы 1-тармақшасында көзделген қылмыстық құқықбұзушылық құрамы бойынша (Кәмелетке толмаған адамға қатысты жасалған, өзін-өзі өлтіруге дейін жеткізу) сотқа дейінгі тергеу бастады", - деп жазады басылым.
Көпірден секіріп кеткен жас жігіт 2003 жылғы екені хабарланды.
Қылмыстық-процессуалдық кодекстің 201-бабы 1-тармағына сәйкес, сотқа дейінгі тергеу материалдары жария етілмейді, деп мәлімдеді департаменттен.
Қазақстандық спортшы жол апатынан көз жұмды
НҰР-СҰЛТАН, 24 қаңтар – Sputnik. Қазақстандық шаңғышы, әлем чемпионатының қола жүлдегері Николай Чеботько 38 жасында көз жұмды, деп хабарлайды Olympic.kz.
Спортшы 24 қаңтарға қараған түні Бурабай кенті маңында (Ақмола облысы) жол апатынан көз жұмды.
"Қазақстан Ұлттық Олимпиада комитеті барлық спорттық қауымдастық атынан спортшының жақындары мен туыстарына қайғыра көңіл айтады. Николай Чеботько талантты шаңғышы, олимпиадашы және жарқын жүзді адам ретінде мәңгі жүрегімізде сақталады", -делінген хабарламада.
Николай Чеботько 1982 жылы 29 қазанда Щучьеде туған.
Шаңғы спортынан 2013 жылғы әлем чемпионатының қола жүлдегері, төрт бірдей Олимпиада ойындарына қатысқан спортшы, Қазақстан Республикасына еңбек сіңірген спорт шебері.
Тағы оқыңыз: Атырауда танымал спортшыны өлтіріп кетті
Үлкен спорттағы ең ірі жетістігіне Чеботько 2013 жылы қол жеткізді. Ол сол жылы Валь-де-Фьеммеде өткен әлем чемпионатында командалық спринт бойынша үздік үштікке енді.
Сондай-ақ, спортшы Азия ойындарында үш алтын, төрт күміс және екі қола медаль жеңіп алған.
Әлем кубогі кезеңдерінде 2001 жылдан бастап сынға түсті. 2012 жылы Квебектегі әлем кубогі кезеңінде Денис Волоткамен бірге тарихи алтын жүлде иеленген. Ол бірнеше рет ел чемпионатында көзге түсіп, өмірінің соңына дейін шаңғы жарыстарында бақ сынады.