Өңірлер

Жауыздығымен елдің жағасын ұстатқан өгей әке: Кешірші, Әсел

© Sputnik / Евгений Одиноков / Медиабанкке өтуАрхивное фото человека в клетке для подсудимых
Архивное фото человека в клетке для подсудимых - Sputnik Қазақстан
Жазылу
Өгей әке сотта 2 жасар сәбиді не себепті ұрып-соққанын айтып беріп, судьядан жазасын жеңілдетуді сұрады

НҰР-СҰЛТАН, 6 желтоқсан – Sputnik. Алматыда өгей ұлын ұрып өлтірген күдікті кінәсін мойындады. Сот алдында жауап беріп жатқан Жеңіс Құрманғазин екі жасар сәбиді не себепті ұрып-соққанын айтып берді.

Жазасын барынша жеңілдетуге тырысқан өгей әке ісіне өкінетінін жеткізіп, нәрестенің анасынан жалбарынып кешірім де сұрады.

"Әселден кешірім сұраймын. Кешіре алатын болсаң, кешір, Әсел! Шын жүректен, кешірші!", - деді ол.

Айтуынша, сол күні 8 литр сыра ішкен. Сол себепті де, өзімді ұстай алмадым деді сотта алғаш рет сөз алған сотталушы. Ал сәби оған "көтер" деп жылаған екен. Баланың еркелігін көтере алмаған Жеңіс Құрманғазин оны басынан ұрып есінен тандырған. Сыраға сылқия тойған жігіт сонда да тоқтамай, ес-түссіз сәбиді жерге жатқызып қойып, тепкілепті. Жауыздығымен елдің жағасын ұстатқан өгей әке ісіне өкінетінін айтып, судьядан да жазасын жеңілдетуді сұрады, деп хабарлады КТК.

Алматыда баланы өлтірген өгей әкенің сотына бет-аузын тұмшалаған біреу кіріп келді 

Естеріңізге салсақ, жантүршігерлік оқиға қыркүйекте болған. Анасы жұмысқа кетіп, 2 баламен үйде қалған күдікті біреуін өлімші етіп ұрған. Ауыр соққыдан ауруханаға түскен сәби көп ұзамай көз жұмды.

"Кішкентайым оны қатты жақсы көретін. Жанына жатып алатын. Түнгі сағат үште келсе де, ұлым ұйықтамай күтіп отыратын. Қазір оған сенгеніме өкінемін, өмірімді тас-талқан етті. Ана ретінде мен оны кешірмеймін!", - деді баланың анасы Әсел Теңізбаева.

Жаңалықтар
0