Архивтегі фото

Жауыздығымен елдің жағасын ұстатқан өгей әке: Кешірші, Әсел

1970
Өгей әке сотта 2 жасар сәбиді не себепті ұрып-соққанын айтып беріп, судьядан жазасын жеңілдетуді сұрады

НҰР-СҰЛТАН, 6 желтоқсан – Sputnik. Алматыда өгей ұлын ұрып өлтірген күдікті кінәсін мойындады. Сот алдында жауап беріп жатқан Жеңіс Құрманғазин екі жасар сәбиді не себепті ұрып-соққанын айтып берді.

Жазасын барынша жеңілдетуге тырысқан өгей әке ісіне өкінетінін жеткізіп, нәрестенің анасынан жалбарынып кешірім де сұрады.

"Әселден кешірім сұраймын. Кешіре алатын болсаң, кешір, Әсел! Шын жүректен, кешірші!", - деді ол.

Айтуынша, сол күні 8 литр сыра ішкен. Сол себепті де, өзімді ұстай алмадым деді сотта алғаш рет сөз алған сотталушы. Ал сәби оған "көтер" деп жылаған екен. Баланың еркелігін көтере алмаған Жеңіс Құрманғазин оны басынан ұрып есінен тандырған. Сыраға сылқия тойған жігіт сонда да тоқтамай, ес-түссіз сәбиді жерге жатқызып қойып, тепкілепті. Жауыздығымен елдің жағасын ұстатқан өгей әке ісіне өкінетінін айтып, судьядан да жазасын жеңілдетуді сұрады, деп хабарлады КТК.

Алматыда баланы өлтірген өгей әкенің сотына бет-аузын тұмшалаған біреу кіріп келді 

Естеріңізге салсақ, жантүршігерлік оқиға қыркүйекте болған. Анасы жұмысқа кетіп, 2 баламен үйде қалған күдікті біреуін өлімші етіп ұрған. Ауыр соққыдан ауруханаға түскен сәби көп ұзамай көз жұмды.

"Кішкентайым оны қатты жақсы көретін. Жанына жатып алатын. Түнгі сағат үште келсе де, ұлым ұйықтамай күтіп отыратын. Қазір оған сенгеніме өкінемін, өмірімді тас-талқан етті. Ана ретінде мен оны кешірмеймін!", - деді баланың анасы Әсел Теңізбаева.

1970
Тақырып бойынша
Өгей әке 5 жасар қызын көміп тастаған жерді көрсетті – видео
Шымкентте 5 жасар бала ауруханада өлді: полиция өгей әкесін ұстады
Айтуға қорыққан: Қызына айуандық жасаған Қарағанды тұрғыны жазасын алды  
Алматыда ер адамның екі жасар өгей ұлын не үшін өлтіргені белгілі болды
Дәрігер, архивтегі фото

Талғар аудандық ауруханасының бас дәрігері коронавирустан қайтыс болды

47
Нұрлан Құлсейітов сенбі, 16 қаңтарда өмірден өтті. Ол коронавирус инфекциясынан қайтыс болғаны хабарланды

АЛМАТЫ, 16 қаңтар – Sputnik. Талғар аудандық ауруханасының бас дәрігері Нұрлан Құлсейітов коронавирустан қайтыс болды, оның өкпесі 90-95 процентке зақымданды, деп хабарлады аудан әкімдігінің баспасөз қызметі.

"Жұмыс барысында ол өзін жауапты басшы ретінде танытты. Оның бай тәжірибесі мен кең теориялық және практикалық білімі болды. Отбасы мен жақындарына көңіл айтамыз", - делінген әкімдіктің хабарламасында.

Онда сондай-ақ шамамен тоғыз жыл бұрын Құлсейітов жол апатына ұшырап, бір ажалдан аман қалғаны айтылған. Бұл жағдай оның денсаулығына әсер еткен. Ол инфекциямен 2020 жылдың 30 желтоқсанынан бері күресіп келген.  

Нұрлан Құлсейітов желіде тараған видеодан кейін қайтыс болардан біраз уақыт бұрын тәртіптік жауапкершілікке тартылды.

Роликтен кездесуге қатысушылардың бірі дәрі-дәрмек жетіспеушілігі туралы сұраққа жауап алуға тырысып жатқанын көруге болады.

Бірақ оның сөзі медициналық мекеме басшысының ашуын келтіреді, ол айқайлап, үстелді жұдырығымен бір ұрған. Содан кейін ол жиналыстан кетіп қалады. Осыдан кейін оған тәртіптік жаза тағайындалды.   

47
Кілт сөздер:
коронавирус, бас дәрігер
Тақырып бойынша
Олжас Сүлейменов әйелімен бірге Алматыда ауруханада жатыр
Теңізде коронавирустан емделіп жатқандар саны 700-ден асты
Ер адам коронавирустан емделемін деп өліп кете жаздады
Алматының бас дәрігері тұрғындарға үйден көп шықпауға кеңес берді   
Министрлік коронавирус пен пневмониядан неше адам қайтыс болғанын жариялады
Алматы келбеті, архивтегі фото

Қазақстандық әйел баннердегі сурет үшін әкімдіктен миллион теңге сұрап отыр

90
(Жаңартылды 20:08 16.01.2021)
Коронавирусқа қарсы науқанның символына айналып үлгерген суретті қазір әр қадам сайын кездестіруге болады

НҰР-СҰЛТАН, 16 қаңтар – Sputnik. Алматы облысының тұрғыны Самал Омарова Алматы әкімдігінен өзінің суретін баннерде коронавирусқа қарсы насихат ретінде пайдаланғаны үшін гонорар төлеуді сұрап отыр, деп хабарлады 31 арна.

Бетперде киген қыздың суреті COVID-ке қарсы науқанның символына айналып үлгерді. Ол алғаш рет былтыр көктемде Алматыдағы баннерлерде көзге шалынды. Қазір оны әр қадам сайын – қоғамдық көліктерде, аялдамаларда және ғимараттардың кіреберісінде кездестіруге болады.

Посмотреть эту публикацию в Instagram

Публикация от Информбюро 📺📲🎤 (@informburo31)

Өткен жылы Алматы әкімдігі баннер кейіпкері филиппиндік әйел екенін, ал сурет интернеттен алынғанын мәлімдеді. Бірақ Алматы облысының тұрғыны, қазақ әйел Самал Омарова маңдайшадағы фото өзінікі екеніне сенімді. Оның суретін біреу рұқсатсыз пайдаланған көрінеді.

Самал Алматы облысының Жанашыр ауылында тұрады. Үш қыз тәрбиелеп отыр, сүт зауытында лаборант болып жұмыс істейді. Баннерлерде бетперде киген қыздың суреті пайда болған кезде, оның суретін неге барлық жерге іліп қойғанын бірінші болып Самалдың анасы сұраған. Дәл осы сұрақты күйеуі мен қызы да қойыпты.

Самал оны кім және қашан түсіріп алғанын білмейді. Мұны банкте жасырын жасаған деп топшылайды.    

Самал өзінің бейнесін пайдаланғандықтан гонорар алуға құқылымын деп санайды. Ол жарнама агенттігіне хат жазып үлгерген. Ондағылар әкімдікке жіберіпті.

"Менің фотосуретімнің барлық жерде болғанына қуаныштымын. Жарнамаға алты миллион бөлінген, ең болмағанда маған миллион теңге беруге болады ғой", - дейді келіншек.

Фотограф-дизайнер Максим Леонидов мұндай суреттерді сапалы құралды қолдану арқылы ғана жасауға болатындығын айтады.

"Мұндай суретті банкте адамға байқатпай, жасырын түсіріп алу мүмкін емес. Шынында да, көздері ұқсас. Бірақ филиппиндік модельдің тұтас фотосессиясы бар, онда сәнгер маскасыз да түскен", - деп атап өтті Леонидов.

90
Кілт сөздер:
коронавирус, баннер