Жаңа жыл

Ақтаулықтар қаланың жаңажылдық безендірілу сапасына наразылық білдірді

105
(Жаңартылды 17:03 26.12.2019)
Ақтаулықтар жергілікті билікті қаланы жаңа жыл мерекесіне безендіруге шамадан тыс ақша жұмсады деп айыптауда

НҰР-СҰЛТАН, 26 желтоқсан – Sputnik. Белсенділердің айтуынша, бақандай 37 млн теңге қаржы бөлінгенімен, қала көркінің өзгерген ештеңесі жоқ, деп хабарлайды КТК телеарнасы.

"Осыншама қаржы жаратылды дегенге сену қиын. Қазақстан халқы ассамблеясы жанындағы шыршаны көрдік, ойыншықтары да жоқ. Меніңше, өткен жылғыны қолдана салған сияқты. Былтыр да дәл осындай жағдай болған. Ол кезде де наразылық білдірген едік", - деді Ақтау қаласының тұрғыны Вероника Шведикова.

Шенділер сапаға емес, санға мән берген тәрізді. Үлестірілген қаражатқа биыл Ақтауда үш шырша қойылған.

Оның екеуі төрт жыл бұрын сатып алынған көрінеді. Атқамінерлер шырша ескі болғанымен, есесіне түрлі-түсті шамдардың жаңа екенін айтып мақтанды.

Тағы оқыңыз: Мәскеу орталығындағы шырша Қазақстанның жаңажылдық дәстүрі жайлы "әңгімелейді"

"Оны қаланың ең көрікті жеріндегі талдарға ілдік", - дейді. Онысы облыс және қала әкімдігінің алаңы болса керек.

Себебі тек осы төңірек қана жарқырап тұр. Ал сатып алынған жалғыз шырша жағалауға орнатылды.

Өйткені жаңажылдық мереке осы жерде аталып өтеді. Сондай-ақ, билік өкілдері қаланы безендіруге шамадан тыс қаржы жұмсалды деген "бекер сөз" дейді.

"Жергілікті бюджеттен 37 млн қаражат бөлгенбіз. Конкурс нәтижесімен бізде "Атамекен" деген мекеме 29 млн теңгеге жеңіп алды. Біздің салған бағамыз бір шыршаға 9 млн теңге жобасында болды. Сонымен бірге, қосымша безендіруге жұмсалатын қаражаттар да одан бөлек есептеледі", - деді Ақтау қалалық тұрғын үй - коммуналдық шаруашылығы бөлімінің басшысы Қайрат Ақыбаев.

105
Кілт сөздер:
шырша, жаңа жыл, Ақтау
Тақырып бойынша
Ақтауда екі қыздың біртүрлі әрекеті видеоға түсіп қалды
Ақтаудағы бір жасар сәбидің өліміне қатысты тың дерек шықты
Ақтау балабақшасында күтуші қыздың үстіне ыстық сорпа төгіп алды
Ақтаулық сұлу шетелдік әншінің клипіне түсті - видео
Қазақстанда депутаттар іссапарға қанша қаржы жұмсайтыны белгілі болды
Архивтегі фото

Павлодарда ұрылар жаңа көршілерін тонау үшін пәтер жалдаған

1247
(Жаңартылды 08:07 15.01.2021)
Жәбірленушілердің құнды заттарын алып кетпес бұрын, ұрылар алдымен есікті ақырын қаққан. Пәтерде ешкім жоқ екеніне көз жеткізгеннен кейін үйге кірген

ПАВЛОДАР, 15 қаңтар – Sputnik. Жедел уәкілдер пәтер ұрлығына күдікті екі павлодарлықты ұстады, деп хабарлады Павлодар облыстық полиция департаментінің баспасөз қызметі.

9 қаңтарда екі ер адам Павлодарда, академик Бектұров көшесіндегі үйлердің бірінен пәтер жалдаған. Олар батылдау болу үшін ішімдік ішіп, көршінің есігін қаққан. Пәтерде ешкім жоқ екеніне көз жеткізгеннен кейін сыртқы есікті бұзып, тұрғын үйге кірген.

Ол жерден ноутбук, микротолқынды пеш, фотоаппарат, барсетка және қымбат иіс суды алып кеткен.

"Ұрылар ұсталды. Оларға қатысты Қазақстан Қылмыстық кодексінің 188-бабы ("Ұрлық") бойынша сотқа дейінгі тергеу басталды. Ұсталғандар Павлодар қаласындағы уақытша ұстау изоляторына қамалды", - деді облыстық полиция департаменті бастығының орынбасары Ельдар Әбдікенов.

Бұл бап үш мың айлық есептік көрсеткішке дейін айыппұл салудан бастап мүлкін тәркілеп, 5 жылға дейін бас бостандығын шектеу немесе бас бостандығынан айыруға дейінгі жазаны қарастырады.

Оқи отырыңыз: Алматыда ұры пәтерді үй иесінің көз алдында тонап кетті 

Ұрылар пәтерге құлыпты бұзып, құнды заттардың барлығын, атап айтқанда, көбінесе зергерлік бұйымдарды, тұрмыстық техника мен ақшаны алып кетеді. Сондықтан, полицейлер үйден шыққан кезде терезе мен балкон есігінің мықтап жабылған-жабылмағанын тексеруді ұсынады.  

Жыл басынан бері облыста төрт пәтер ұрлығы тіркеліп, барлығы ашылды.

1247
Кілт сөздер:
ұрлық, Павлодар
Тақырып бойынша
Бішкекте пәтер тонады деген күдікпен қазақстандықтар ұсталды
Ақтөбе тұрғыны ерекше тәсілмен ұрлық жасады
Алматыда пәтер тонауға келген ұры үйде жүрген келіншекті зорлап кетті
Алматы облысында қаруланған қылмыстық топ ұсталды
Архивтегі фото

Полицейлер қымбат телефонды мың теңгеге "сатып алған" адамды ұстады  

651
Қызылорда облысының тұрғыны есік алдында отырған 5 жасар балаға 1000 теңге ұстатып, "Galaxy S10" ұялы телефонын алып кеткен

НҰР-СҰЛТАН, 14 қаңтар – Sputnik. Түркістанда алаяқ 5 жасар баланы алдап, қымбат ұялы телефонын 1 000 теңгеге сатып алған, деп хабарлады Polisia.kz.

Ресми мәліметке сәйкес, Түркістан қалалық полиция басқармасына жергілікті тұрғыннан арыз түскен. Оның есік алдында отырған 5 жасар немересіне белгісіз біреу 1000 теңге ұстатып, "Galaxy S10" ұялы телефонын алып кеткен. Шығынның жалпы көлемі 150 мың теңгені құрады.

Оқи отырыңыз: Сарапшы банк қызметкерін телефон алаяғынан қалай ажыратуға болатынын айтты

"Тәртіп сақшылары бірден жедел-іздестіру шараларына кірісті. Төрт сағаттың ішінде күдікті ұсталды. Ол Қызылорда облысының тұрғыны болып шықты. Қолды болған ұялы телефон тәркіленіп, заңды иесіне қайтарылды", - дейді полицейлер.

Қазіргі таңда күдікті қамауға алынды. Ал қылмыстық іс сотқа жолданды. Тергеу кезінде күдіктінің Қызылорда облысындағы төрт пәтер ұрлығына қатысы бар екені анықталды. Сондай-ақ, оның іздеуде жүргені белгілі болды.

651
Кілт сөздер:
телефон, алаяқтық
Тақырып бойынша
Теміртауда қыз зейнеткердің есепшотындағы жинақ ақшасын ұрлаған
Қарызды қайтармай жүрген адамнан ақшаны қалай алуға болады – мамандар кеңес берді
"Қиын жағдайда қалған" адамды үйіне кіргізген Түркістан тұрғыны сан соғып қалды
Шымкентте отырып, СҚО тұрғындары атынан кредит алған алаяқ ұсталды
Қазақстанның алты қаласында "театр" алаяқтық жасады
Индонезиядағы жер сілкінісі

Мемлекет басшысы Индонезия президентіне көңіл айтты

0
(Жаңартылды 19:49 15.01.2021)
Индонезияда соңғы тәулікте бірнеше рет жерасты дүмпуі болды. Салдарынан отыздан астам адам көз жұмып, 600-ден астам тұрғын зардап шекті

НҰР-СҰЛТАН, 15 қаңтар – Sputnik. Қазақстан президенті Қасым-Жомарт Тоқаев Индонезия президенті Джоко Видодоға көңіл айтты, деп хабарлайды Ақорда.

Мемлекет басшысы Сулавеси аралындағы күшті жер сілкінісі салдарынан көптеген адамның қаза болуына байланысты Индонезия Президенті Джоко Видодоға көңіл айту жеделхатын жолдады.

"Қазақстан халқының және жеке өзімнің атымнан қаза болған адамдардың жақындары мен туыстарына көңіл айтамын. Осындай қиын жағдайда біз индонезиялық достарымыздың қайғыларына ортақтасып, олармен бірге екенімізді жеткіземін. Сонымен қатар табиғат апатынан зардап шеккендердің тезірек сауығып, үйлеріне оралуына тілектестік білдіремін", – делінген жеделхатта.

Индонезиядағы жер сілкінісі

Индонезияда соңғы тәулікте бірнеше рет 5,7 және 6,2 магнитудалы жойқын жер сілкінісі болды. Салдарынан отыздан астам адам көз жұмып, 600-ден астам тұрғын зардап шекті.

Жер сілкінісі салдарынан жергілікті аурухана ғимараты құлап, медицина қызметкерлері мен емделушілер үйінді астында қалғаны белгілі болды.

Билік 15 мыңнан астам тұрғынды қауіпсіз жерге көшірді.

0
Тақырып бойынша
Тоқаев парламент отырысында қандай уәде берді – толық ақпарат
"Әділ болуы керек": Тоқаев зейнетақы жинағын пайдалану туралы айтты
Президент мәжіліске өтпеген саяси күштер туралы пікір білдірді
Бірнеше депутат премьер-министр кандидатурасын қолдамады – Тоқаев не деді
Ауылға баратын әрбір жол толығымен жөнделеді – Тоқаев