Диктофон, архивтегі фото

Жүйкесі сыр берген: Көпбалалы аналарға тағы бір шенеунік дөрекілік көрсетті

2195
(Жаңартылды 16:45 06.01.2020)
Нұрлы Хабиева қабылдауына келген көпбалалы аналарға дөрекі мінез көрсетіп, дұрыс сөйлеспеген. Аналар мінезді басшының сөздерін диктофонға жазып алыпты

НҰР-СҰЛТАН, 6 қаңтар – Sputnik. Атырау қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Нұрлы Хабиева көпбалалы аналарды сыйламағаны және дөрекі мінез көрсеткені үшін қатаң сөгіс алды, деп хабарлайды "Ақ Жайық" газеті.

Мемлекеттік қызмет істері агенттігінің Атырау облысы бойынша департаменті бұл ақпаратты растады.

"Нұрлы Хабиеваның азаматтармен әңгімелесу барысында мемлекеттік қызметкер этикасын сақтамағандығы және оларға дөрекілік танытқандығы анықталды. Шағымданушылардың дәлелдері расталды"- дейді департаменттің баспасөз қызметі.

Этика жөніндегі кеңеске алты ана шенеуніктің дөрекі мінезіне қатысты шағым түсірген. Олар Нұрлы Хабиеваның дөрекі сөздерін диктофонға жазып алған. Кеңес отырысында басшы бұл әрекетін атаулы әлеуметтік көмек алушылар тізімін нақтылау барысында жүйкесінің сыр бергендігімен түсіндірді.

Хабиева газет тілшісінің жазаға қатысты сұрағына да дұрыс жауап бермепті.

"Мен не айтам? Менің пікірім кімге керек? Не жазсаңыз да өзіңіз біліңіз!", - деп шенеунік телефон тұтқасын тастай салған.

Нұрлы  Хабиева Атырау қалалық әлеуметтік қамсыздандыру бөлімін 9 жылдан артық уақыт басқарып келеді. Бұған дейін де оның адамдармен қарым-қатынасына қатысты шағымдар болыпты. Журналистер де оның қызба мінезімен жақсы таныс екен.

Тағы оқыңыз: Көпбалалы аналармен жанжалдасқан әкім орынбасары енді не істейтінін айтты

Айта кетейік, өткен жылы елорда әкімі орынбасарының көпбалалы аналармен кездесуінен түсірілген видео әлеуметтік желіде қызу талқыға түскен еді. Онда Мәкен қалада ешқандай пәтердің жоқ екенін айтады, бұған ашуланған аналардың бірі бөтелке лақтырып, "өзіме қол жұмсаймын" деп айғайлайды. Осы кезде шенеунік те қызбалыққа салынып, ауыр сөздер айтып, аналармен жұмыс істеуден бас тартады. Видеоны мына жерден көруге болады.  

2195
Тақырып бойынша
Астанадағы трагедия: бірнеше шенеунік қатаң сөгіс алып, біреуі қызметінен босатылды
Қазақстанда 200-ге тарта шенеунік жазаланды
Жамбылдық жеті шенеунік бизнеске кедергі келтіргені үшін жазаланды
Павлодардағы шенеунік пен бас дәрігердің төбелесі: сот шешімі шықты
Тараздағы зорлық: тағы бір шенеунік қызметінен кетті
Бердібек Сапарбаев

Сапарбаев ел арасында тараған өзіне қатысты қауесетке жауап берді

14
(Жаңартылды 15:06 02.12.2020)
Облыс әкімінің сөзіне қарағанда, адамдар осы мәселені Шығыс Қазақстан облысын басқарған кезден бері айтып келеді

НҰР-СҰЛТАН, 2 желтоқсан – Sputnik. Жамбыл облысының әкімі Бердібек Сапарбаев жиектас шығаратын зауыты жоқ екенін мәлімдеді, деп хабарлайды Sputnik Қазақстан тілшісі.

Президент жанындағы орталық коммуникациялар қызметінде өткен онлайн брифингте облыс әкіміне осы мәселеге қатысты сұрақ қойылды. "Жамбыл облысына әкім болып келгелі жиектастар жаппай ауыстырыла бастады. Сіздің жиектас шығаратын зауытыңыз бар ма?", - деді тілшілер. 

Облыс әкімінің сөзіне қарағанда, адамдар осы мәселені Шығыс Қазақстан облысынан бастап сұрап келеді. 

"Маған бұл сұрақты, шамамен, 15 жылдай қойып келе жатқан сияқты. Шығыс Қазақстан облысында (Сапарбаев ШҚО-ның 2009-2014 жылдары басқарды - Sputnik) басталып, Жамбыл облысында жалғасып келеді. Мен Шығыс Қазақстанда жүргенде зауытымның жоқ екенін айтқанмын. Менде зауыт болғанда, бәлкім, әкім болып жұмыс істемейтін едім", - дейді Сапарбаев. 

Осы орайда аймақ басшысы жол құрылысына да тоқталды. Оның айтуынша, жол жөндеу жұмыстары кезінде жиектастың бар-жоғы ескеріледі. Сосын жиектастың сапасына да баса назар аударылады. Осының негізінде оны ауыстыру немесе ауыстырмауға қатысты шешім қабылданады.

"Жол салғанда міндетте түрде жиектас қою қажет. Бірақ басқа жағдайлар да болып жатады. Мәселен, Тараз қаласында кейбір мердігерлер жақсы жиектасты ауыстырған. Сол үшін жазаланды. Себебі жақсы жиектасты қайта пайдалануға болады", - деп атап көрсетті Сапарбаев. 

Әкім халықты айтқан сөзіне сенуге үндеді.

"Тағы айтамын, тексеріп алсаңыз да болады. Менде ешқандай зауыт жоқ. "Сапарбаевтың Алматыда зауыты бар", "Сапарбаев әдейі барлық жиектасты ауыстырып жатыр" деп жазады. Бүгінде нақты норма бар. Соған сәйкес, жиектастар ауыстырылады", - деді Сапарбаев.

14
Кілт сөздер:
Бердібек Сапарбаев
Тақырып бойынша
Жамбыл облысы әкімі Қазан қаласына 20 млн теңгеге ұшып барғаны рас па
Бердібек Сапарбаевтың ұлы жаңа қызметке ауысты
"Шулы мәлімдеме жасап, көзге түспек": депутат Әлтаевтың әрекетін сынға алды
"Айына 100 миллион табады": карантин пайдасын кімдер көріп отыр
"Бұл масқара ғой": Реформалардың нәтижесі Сапарбаевтың ашуын келтірді  
Стоматология

Орал тұрғыны стоматологияда күйіп қалып, ауруханада қайтыс болды

2529
Полицейлер қылмыстық іс қозғап, жәбірленушінің өрт шықпаған ғимаратта қалай күйіп қалғанын анықтап жатыр

НҰР-СҰЛТАН, 1 желтоқсан – Sputnik. Орал стоматологиясында жазатайым оқиға болды, 31 жастағы әйел белгісіз затқа күйіп қалып, ауруханада есін жимастан қайтыс болды.

"Мой город" өңірлік басылымының хабарлауынша, трагедия 30 қарашада "Строитель" шағын ауданында орналасқан стоматологияда болған.

Оқи отырыңыз: Біртанов стоматологияда көз жұмған баланың өліміне қатысты түсініктеме

Батыс Қазақстан облысы ТЖД мемлекеттік өрт бақылау басқармасы бастығының міндетін атқарушы Мереке Жұмағалиев қалалық көпсалалы ауруханаға белгісіз жағдайда күйіп қалған әйел жеткізілгенін айтты.

Өрт шыққаны туралы хабарлама түспегендіктен өрт сөндіру қызметі оқиға орнына жіберілмеген.

"Оқиға орнына Орал қаласы төтенше жағдайлар басқармасының қызметкерлері барды. Стоматология иесі жәбірленушінің стоматология бөлмесін тазартып жатқан кезде белгісіз жағдайда және белгісіз затқа күйіп қалғанын айтты. Материал облыстық полиция басқармасына тапсырылды", - деді Жұмағалиев.  

Батыс Қазақстан облысы денсаулық сақтау басқармасының баспасөз қызметі зардап шегушінің денесінің 80%-ін күйік шалғанын хабарлады. Сол күні әйел алған жарақатынан есін жимастан жансақтау бөлімінде қайтыс болды.

Іске қатысты бірқатар сараптама тағайындалды, сотқа дейінгі тергеу жүріп жатыр.

2529
Тақырып бойынша
Ақтауда балаға күш қолданған стоматолог қамауға алынды
Нұр-Сұлтанда тісін емдеткеннен кейін екі жастағы бала комаға түсті  
Дональд Трамп

АҚШ Иранға қарсы соғыс жариялай ма?

0
Дональд Трамп дауыс берушілер алқасы Джо Байденнің жеңісін мойындаса, АҚШ билігінен бас тартуға келісті. Алайда, БАҚ болжамы бойынша, ол "тақтан" кетпес бұрын Иранға соғыс ашуға дайын көрінеді

Иранмен соғысуға "ядролық келісім" іске аспағаннан кейін қайта жаңғыртылған атомдық бағдарлама себепші болмақ. Америкалықтар Тегеранға қысым көрсетуге Тель-Авивті де тартуы мүмкін, деп жазады РИА Новости.

"Дональд Трамп Иранға соққы жасау туралы бұйрық беруі мүмкін. Сондықтан, Израильдің қорғаныс армиясы (ЦАХАЛ) сақ жүруі тиіс. Израиль билігі Джо Байденнің инаугурациясына дейінгі кезеңнің қиындығын түсінуі керек. Кетіп бара жатқан америкалық көшбасшы Натанздағы уран байыту зауытының көзін жою туралы бірнеше рет мәселе көтерген болатын", - деп жазды Axios онлайн-басылымы.

Ақпарат агенттігі өз дереккөздеріне сүйеніп жазғанына сәйкес, МАГАТЭ ирандық ядролық бағдарламаның дамуы туралы кезекті есепті жария еткеннен кейін Трампқа Тегеранға соққы жасау туралы ой келген. Құжатта Ислам Республикасы Бірлескен жалпыға ортақ жоспар талаптарын орындаудан бас тартқаннан кейін елде жоғары байытылған уран қоры артқаны жазылған. Америкалық шенеуніктердің сөзіне сүйенген The New York Times басылымы президентті бұл жағдай қатты ашуландырғанымен, Майн Пенс пен Майк Помпео оны сабырға келуге шақырғанын жазды. Олар Иранға соққы жасау қажетсіз зорлық-зомбылыққа себепші болатынын айтқан.

Америка жоспары туралы расталған мәлімет жоқ. Бірақ, Израильдегілер ықтимал қарсылыққа дайындалу туралы нұсқау келгенін айтты.

Саясаткерлер ықтимал соғыс туралы ақпараттың рас-өтірігін анықтап жатқан шақта Иранда физик Мохсен Фахризаде өлтірілді. Батыстағы арнайы қызмет әсерилері оны "Иран бомбасының атасы" деп атайтын. Дәл осы азамат Иранның ядролық бағдарламасын басқарып отыр деген қауесет бар еді. Тегеран тез арада бұл кісі өліміне Израильді кінәлап, кек алуға уәде етті. Биньямин Нетаньяху ирандықтардың мәлімдемесіне құлақ асқан жоқ.

Иранға соққы жасау туралы алып-қашпа әңгімеге көңіл аудармауға болар еді. Бірақ, күні кеше АҚШ Таяу Шығысқа B-52H Stratofortress стратегиялық бомбалаушыларын жеткізгені елең еткізді. Америка қарулы күштерінің орталық қолбасшылығы (CENTCOM) әскери ұшақтар агрессияны бақылауда ұстау және одақтастарға қолдау көрсету мақсатында өңірге жеткізілгенін айтты.

Вашингтон қанша бомбалаушы ұшақ жөнелтілгені және олардың қай мемлекетке орналастырылғаны туралы ешқандай ақпарат ұсынған жоқ. Жойғыш ұшақтар қазір Диего-Гарсияда екені туралы мәлімет пайда болды.

Иранның Таяу Шығыстағы беделінің өсуі басқасынан бұрын Израильді қатты алаңдатады. АҚШ пен Иранның қыстағы шиеленісуінен кейін Тель-Авив дабыл қақты. Премьер-министр Биньямин Нетаньяху Тегеран тек америкалықтардан ғана емес, еврей мемлекетінен де кек қайтармақшы деп болжады.

Парсы шығанағындағы монархиялар да Иранның Таяу Шығыстағы ықпалына кедергі келтіруге тырысуда. Ирактағы Саддам Хусейн режимі құлағаннан кейін Ислам Республикасы аймақтағы көшбасшы рөлін өз қолына алуға тырысты. Арабтар мазасыздана бастады. Аятоллалардың шиит режимі олардың сунниттік ұстанымдарына сәйкес келмейді.

Өңірдегі Иран рөлінің күшеюін қалай да азайту мақсатында арабтық монархтар 2000-шы жылдардың ортасында-ақ Израильмен ресми емес келісімдер жасасқан болатын. Олардың ашық түрде бірігуіне шешімін таппаған палестиналық мәселе кедергі келтіргенімен, тараптар Тегеранға қарсы қадамдарды біріктіру туралы келісіп алды.

Қос елдің бірлесе әрекет етуіне Иордания, Сауд Арабиясы, Бахрейн мен БАӘ мемлекеттерінің израильдік авиация үшін өз әуе кеңістіктерін ашуға дайын екендігі дәлел бола алады.

Дональд Трамптың президенттікке келуі және оның антиирандық ұстанымы арабтар мен израильдіктердің байланысын нығайта түсті. Билікке келген АҚШ-тың 45-ші президенті "ғасыр мәмілесі" арқасында таяушығыстық проблемалардың барлығының шешімін табатынын айтты. Ол палестиналық мәселені "қос халыққа арналған қос мемлекет" принципі бойынша шешуді қарастырды. Яғни, Израильмен бірге әлем картасында Палестина да пайда болады.

Алайда, бұл бастама араб әлемінде қолдау таппады. Бірақ, парсы монархиясының айтуынша, бұл "Таяу Шығыстың жаңадан құрылуына" ықпал етті. Қыркүйекте Израиль, БАӘ және Бахрейн америкалықтардың қолдауымен ресми дипломатиялық қарым-қатынас орнатты. Олар бұл дипломатиялық "одақтастық" Иранға қарсы сипатта екенін еш жасырмады.

Өзін араб әлемінің көшбасшысы ретінде ұстайтын Сауд Арабиясы Израильдің жанына жуымайтын. Мемлекеттердің ресми емес қарым-қатынасы туралы барлығы білгенімен, жоғары деңгейдегі диалогқа ешкімнің батылы бармады. Эр-Рияд палестиналық проблема шешілгенге дейін Тель-Авивпен бірлескен іс-әрекет жайлы ешқандай сөз болмайтынын дәстүрлі түрде мәлімдеді. Бірақ, бұл стереотип те ұзаққа барған жоқ.

Күні кеше Нетаньяху саудтық Неом қаласында құпия түрде болып, мұрагер ханзада Мұхаммед бин Салманмен келіссөздер жүргізгені белгілі болды. Жаңалық сенсацияға айналды. Бұл кездесуде қозғалған басты мәселе ирандық ықпал болғаны туралы болжам бар.

Эр-Рияд бастапқыда бұл диалогты жоққа шығарды. Бірақ, Тель-Авивтің осыған қатысты пікір білдіруден бас тартуы кездесудің болғанын айқындай түсті. Бұл кездесудің АҚШ мемлекеттік хатшысының Таяу Шығыстағы турнесімен тұспа-ртұс болуы да алаңдатады. Майк Помпео кезекті рет қос мемлекетті достастырып, Ираннан төнген қауіптің орасандығын айтты.

"Израиль Иранмен тікелей соғысқа түскісі келмейді. Бірақ, жасырын конфронтация барлық жақта байқалады. Ислам Республикасы израильдік шекара периметрі бойынша Сириядағы әскери қатысуларын күшейтіп жатыр. Тағы бір көрші – Ливан – Иранның бағынышында десек те болады. Тегеранның Газ секторына ауқымды ықпалы бар, ХАМАС-ты қаржыландырады. Жалпы, Иран израильдік шекараның барлығына дерлік ықпал етіп отыр", - деп санайды кнессеттің экс-депутаты, Израильдегі Герцлийск пәнаралық институтының сарапшысы Ксения Светлова.

Ол Нетаньяхудың Сауд Арабиясына құпия сапарын АҚШ-тағы биліктің жақында ауысуымен байланыстырады.

ММХҚИ Халықаралық зерттеулер институтының аналитигі Адлан Маргоев Иран араб-израиль өзара әрекеттесітігі туралы хабардан деп санайды. Сарапшының айтуынша, Сауд Арабиясы, БАӘ және Бахрейннің Израильмен байланысын сынағанымен, Иран билігі қақтығыстың шиеленісуін қаламайтынын айтты.

Маргоевтың пікірінше, Тегеран АҚШ әкімшілігі ауысқаннан кейін антиирандық ұстаным бәсеңдейді деп үміттенеді. Ол Трамптың антиирандық шешімдерін бірден жоққа шығару Байденге оңай соқпайтынын айтады. Трамп әкімшілігі мен оны жақтаушылар Иран саясатын тек жаман тұсынан көрсетіп, үнемі қаралаумен болды. Сарапшының айтуынша, қалай болғанда да пікір қайшылықтары соғысқа алып келетіндей жағдайдың алдын алу әлі де мүмкін.

0