Алматы түбіндегі ұшақ апаты

Алматы әуежайына жақын жерлер заңсыз берілген тергеу басталды

83
(Жаңартылды 20:45 10.01.2020)
Склярдың айтуынша, ережеге сәйкес, санитарлық қорғаныс аймағында тұрғын үй мен саяжай салуға болмайды  

НҰР-СҰЛТАН, 10 қаңтар – Sputnik. Алматыда Bek Air ұшағы құлаған жерде құрылыс нысандары заңсыз салынған. Бұл туралы апаттың алдын ала себебіне арналған брифингте үкіметтік комиссияның мүшелері мәлімдеді, деп хабарлайды Sputnik Қазақстан тілшісі.

Қазақстан премьер-министрінің орынбасары Роман Склярдың айтуынша, қазіргі кезде Алматы облысы бойынша сыбайлас жемқорлыққа қарсы іс-қимыл қызметі әуежайға жақын Талғар ауданында жер учаскелерін заңсыз беруге қатысты сотқа дейінгі тергеуді бастады.

"2015-2019 жылдары Талғар аудандық әкімдігінің лауазымды тұлғалары қызмет бабын теріс пайдаланып, әуежайдың санитарлық аймағында жеке қосалқы шаруашылық жүргізуге, соның ішінде тұрғын үй салуға жер учаскелерін заңсыз таратқан. Ал санитарлық ережелерге сәйкес, санитарлық қорғаныс аймағында тұрғын үй мен саяжай салуға болмайды", - дейді Скляр.

Бұдан бөлек, үкімет қаулысы бойынша ұшу алаңынан төрт шақырымға шалғай жерде барлық құрылысты әуежай комиссиясымен келісіп салу қажет. Бірақ қазіргі нысандар комиссияның рұқсатын алмаған.

"Керек емес. Не істеп жатырсың?": Bek Air ұшқыштарының әңгімесі жарияланды

"Тергеу кезінде кінәлі адамдардың жауапкершілігі қаралады", - деп атап көрсетті Скляр.

Апаттың негізгі себебі

Бүгін үкімет комиссиясы Алматы түбіндегі Bek Air әуе компаниясы ұшағының апатқа ұшырау себебінің алдын ала болжамын жариялады.

"Ұшақ сыртына мұздың қатып қалуы – негізгі себеп. Әуе кемесі тұрақта екі тәулік тұрған", - деп мәлім етті вице-премьер. 

Комиссия ұшақтың сыртындағы қатып қалған мұзды еріту жұмыстары жартылай ғана жасалғанын анықтаған.

"Ұшақ командирі арнайы сұйықтықпен тек стабилизаторды ғана өңдеуге шешім қабылдаған. Ұшақтың қанаттары өңделген жоқ. Ол күні Атырауға ұшқан тура сондай ұшақтың да сырты сұйықтықпен өңделмегені анықталды", - деді Скляр.

Алматы түбіндегі ұшақ апаты

Ұшақ апаты 27 желтоқсан таңғы сағат жетіде болды. Bek Air әуе компаниясының "Алматы – Нұр-Сұлтан" бағытындағы Fokker 100 ұшағы Алматы маңына құлады.

Ұшақта 93 жолаушы мен 5 экипаж мүшесі болған. Апат 12 адамның өмірін қиды, қаза болғандардың ішінде ұшақ командирі бар. Екінші ұшқыш жансақтау бөліміне түсті. Қазір ол есін жиды.

Ішкі істер министрлігі әуе апатына себеп болған үш жағдайды атады. Олар: экипаж қателігі, техникалық ақау және навигациялық қызмет жұмысы.

Ұшақтың қара жәшігі Мәскеудегі мемлекетаралық авиация комитетіне тапсырылды. Тергеудің алдын ала қорытындысы 10 қаңтарға дейін жарияланады деген жоспар болған.

Президент тапсырмасымен премьер-министр жетекшілік ететін комиссия құрылды. Тоқаев апаттың себебін анықтап, кінәлілерді қатаң жазалауды тапсырды. 28 желтоқсан елімізде жалпыұлттық аза тұту күні болып жарияланған болатын.

83
Кілт сөздер:
Алматы, ұшақ апаты
Тақырып:
Алматы маңындағы ұшақ апаты (70)
Тақырып бойынша
Ақмола облысында аудан әкімі аза тұту күні мейрамханада көңіл көтерді
Алматыдағы ұшақ апаты: екінші ұшқыш есін жиды
Жылап жүріп күйеуіме телефон шалдым – "Бек Эйр" бортсерігінің жұбайы
Иранда 180 жолаушы мінген ұшақ құлады
"Түрмеге отыруға дайынмын": Bek Air басшысы мәлімдеме жасады
Алматы түбіндегі Bek Air ұшағы апатының негізгі себебі жарияланды
Шаңды дауыл, маска киген әйел, архивтегі сурет

Сабақ онлайнға ауысты: Маңғыстау облысында шаңды дауыл тұрды видео

2792
Қолайсыз ауа райына байланысты республикалық маңызы бар жолдарда полиция күшейтілген жұмыс режиміне ауысты

НҰР-СҰЛТАН, 24 қыркүйек – Sputnik. Маңғыстау облысының Бейнеу ауданын шаңды дауыл басты. Табиғаттың тосын мінезінен оқушылардың сабағы онлайн болды, ал жүргізушілерге жолда сақ болу керектігі ескертілді.

Бұл туралы жергілікті "Лада" басылымы аудан әкімдігіне сілтеме жасап хабарлады.

Тұрғындар шаңды дауылдың видеосын әлеуметтік желіде таратып жатыр.

Ауа райының күрт нашарлауы салдарынан күндізгі ауысымда оқитын 8451 оқушы мектепке бара алмады.

"Мектеп оқушыларының сабағы онлайн форматқа ауыстырылды. Оқушылардың үйден шықпауын қадағалауыңызды сұраймыз. Қолайсыз ауа райына байланысты аудан аумағы арқылы өтетін республикалық маңызы бар автожолдарда полиция экипажы күшейтілген жұмыс режиміне ауысты", - деді Бейнеу ауданының әкімдігі.

Оқи отырыңыз: 

2792
Кілт сөздер:
Маңғыстау облысы, шаңды дауыл, видео, ауа райы қолайсыздығы
Қар, архивтегі сурет

Жаңбыр қарға ұласады: синоптиктер алдағы үш күнге болжам жасады

1140
Елдің басым бөлігінде ауа райы құбылмалы болады. Бұған солтүстік-батыс және оңтүстік циклонның бірігуі әсер етеді

АЛМАТЫ, 24 қыркүйек – Sputnik. Синоптиктер 25-27 қыркүйек арасында Қазақстанда ауа райы қандай болатынын айтты, деп хабарлайды Sputnik Қазақстан.

Қазгидромет болжамына сәйкес, республиканың басым бөлігінде ауа райы құбылмалы болады. Бұған солтүстік-батыс және оңтүстік циклонның бірігуі әсер етеді. Жаңбыр жауып, республиканың солтүстік жартысы мен шығысында жаңбыр қарға ауысуы мүмкін.

Жел күшейіп, түнде және таңертең тұман түседі.

Батыста ауа температурасы түнде 7-15°C, күндіз 15-25°C-тан 10-20°C-қа дейін төмендейді.

Солтүстік-батыста түнде 3 градус аяздан 5-қа, күндіз 13-23°C-тан плюс 3-13 градусқа дейін төмендейді.

Елдің солтүстігінде және орталығында түнде сынап бағанасы 2-7 аяздан 3-8°C жылыға дейін, күндіз 10-20°C-тан 5-13°C дейін жылы болады.

Шығыста ауа температурасы түнде 5 аяз 5°C жылы, күндіз 7-17°C жылы болады.

Елдің оңтүстігі мен оңтүстік-шығысына келсек, түнде 5-15°C-тан 10-17°C-қа дейін жылы, күндіз 25-32°C-тан 18-25°C-қа дейін төмендейді.

Мегаполистегі ауа райы

Нұр-Сұлтан қаласында 25 қыркүйекте күн ашық, күндіз +12°C жылы, түнде -1°C болады. Ал 26 қыркүйекте күн бұлтты. Түнде +2°C, күндіз +10°C жылы. Ал 27 қыркүйекте қар аралас жаңбыр жауады, түнде +2°C, күндіз + 7°C жылы.

Алматыда 25-26 қыркүйекте күн ашық болады. 25 қыркүйекте ауа температурасы түнде +9°C, күндіз +19°C жылы болады. Ал 26 қыркүйекте түнде +12°C, күндіз +26°C жылы. Дүйсенбіде күн бұлтты, жаңбыр жауады. Түнде +17°C, күндіз +26°C жылы болады.

Шымкентте 25-26 қыркүйекте күн ашық, түнде +13...+16°C, түнде +31...+34°C жылы болады. 27 қыркүйекте жаңбыр жауады, ауа температурасы түнде +18°C, күндіз +23°C болады.

1140
Кілт сөздер:
ауа райы, қар, жаңбыр
Архивтегі фото

Тоқаев қордаланған мәселелерге назар аударды

0
Қазақстаннан Қытайға жүк тасымалдауға қойылған шектеулерге қатысты қордаланған мәселе ұзақ уақыттан бері шешілмей келеді, деді президент

НҰР-СҰЛТАН, 24 қыркүйек –  Sputnik. Мемлекет басшысы Қасым-Жомарт Тоқаев қазақстандық өнімдерді эспорттау саласындағы қордаланған мәселелерге назар аударды, деп хабарлады Ақорданың баспасөз қызметі.

Қасым-Жомарт Тоқаев сауда және интеграция министрі Бақыт Сұлтановтың экспортты ілгерілету жөніндегі жүйелі шаралар туралы баяндамасын тыңдай келе, шикізат экспортын ұлғайту үкіметтің күн тәртібіндегі өте маңызды мәселе екенін атап өтті.  

Оқи отырыңыз: Инфляция бекітілген межеден әлдеқашан шығып кеткен – Тоқаев

Оның пікірінше, экспортқа қатысты кедергілерді жою, экспорттың географиясы мен номенклатурасын кеңейту, ұлттық экономикалық мүдделерді қорғау үшін бүкіл үкіметтің күш-жігерін жұмылдыру керек. Сонымен қатар сыртқы істер министрлігі мен оның шетелдегі мекемелері экспортты ілгерілету, нарықтарға жол ашу және кедергілерді жою жөніндегі жұмыстарға белсенді атсалысуы қажет.

"Қазақстаннан Қытайға жүк тасымалдауға қойылған шектеулерге қатысты қордаланған мәселе ұзақ уақыттан бері шешілмей келеді. Транзиттік жүктер өтеді, ал біздің жүктеріміз шекарада қалып қояды. Қазақстандық тауарлар тиелген мыңдаған вагон бекеттерде тұр. Бизнес тікелей президенттен көмек сұрайды. Мұндай жағдайларда үкімет жедел әрекет етіп, серіктестермен арадағы барлық мәселені реттеуі тиіс", – деді мемлекет басшысы реформалар жөніндегі жоғары кеңестің отырысында.

 Отырыстың күн тәртібінде төрт мәселе қарастырылды. Олар: ұлттық жобалар, тиімді тауар өткізу жүйесін қалыптастыру, экспортты ілгерілету жөніндегі жүйелі шаралар және аумақтық даму жоспарының жобасы.

0