Шетелдік нөмірмен жүрген көлік

Ақтауда шетелдік нөмірмен жүрген көлік жүргізушілері наразылық білдірді - видео

1765
(Жаңартылды 09:35 17.01.2020)
Елімізде Армения және Қырғызстан нөмірімен жүрген көліктерге қатысты жаңа талаптар енгізілген болатын. Ақтау мен Жаңаөзендегі жүргізушілер осыған байланысты өз наразылығын білдірді

НҰР-СҰЛТАН, 17 қаңтар — Sputnik. Жүзден астам көлік жүргізушілер Ақтауда теңіз жағажайында жиналып, шетелдік тіркеудегі көліктерге қатысты жаңа талаптарға наразылықтарын білдірді.

Қырғыз және армян нөмірі бар көліктермен жүрген жүргізушілердің жиыны бейсенбі, 16 қаңтар күні өтті, деп хабарлайды "Лада".

"Бәрін осылай бір уақытта істеуге болмайды. Алдымен уақытша тіркеу енгізу керек. Елде мұндай көлікті заңды түрде тіркеуге қыруар ақша кетеді. Мен өзімнің көлігімді 4 миллион теңгеге алдым. Ал егер заңға сәйкес тіркейтін болсам, тағы дәл осынша қаражат жұмсауға тура келеді. Бұдан да көп болуы мүмкін. Егер олар тіркелмеген әр көлікке айыппұл салатын болса, айып тұрағында көлік қоятын жер қалмайды", - дейді жергілікті тұрғын Ерлан Бәшінтаев.

Жүргізушілермен жергілікті полиция қызметінің басшысы Мадияр Омаров кездесті. 

"Мен сіздерді түсініп тұрмын. Барлық мәселе қарастырылады. Бастысы, сіздер бейбіт жиын өткізіп жатырсыздар. Ертең "Жолдағы қабылдау" акциясы ұйымдастырылады. Полиция мен мемлекеттік табыс департаментінің қызметкерлеріне барлық сауалды қоюға болады", - деді Омаров.

Мұндай жиын Жаңаөзенде де өтті. Оған 250 адам қатысты. 

Тағы оқыңыз: Ресейлік нөмірмен жүрген көліктерге шектеу қойыла ма – министрлік түсініктемесі

Еске сала кетсек, елде армян және қырғыз нөмірлерімен жүрген көлітерге қатысты жаңа ереже күшіне енді. Оған сәйкес, көлік иелері тіркеуден өтуі тиіс. Шетелден әкелінген көлікті Қазақстанда 10 жұмыс күні ішінде тіркеу керек. 

Елге Армения, Қырғызстан, Беларусь және Ресейде тіркелген 170 мың көлік әкелінген. Тіркеуге қатысты сұрақтар бойынша ішкі істер министрлігі астанада  8 (7172) 71 58 21, 71 58 39, 71 58 04, 71 58 06, 71 58 62 нөмірі арқылы "тікелей байланыс" ұйымдастырып отыр. Қоңырау 09:00-дан 19:00-ге дейін қабылданады.

1765
Кілт сөздер:
видео, наразылық, көлік, шетелдік, Ақтау
Тақырып бойынша
ІІМ шетелдік нөмірмен жүрген көліктерге қатысты қандай өзгеріс болатынын айтты
Жүргізушілер неге өзге елдің нөмірін Қазақстанда тіркегісі келмейтінін айтты
Вице-министр қазақстандықтар армениялық көлікті қалай сатып алатынын айтты
Депутат шетелден әкелінген көліктерге қатысты қандай өзгеріс болатынын айтты
 Қазақстан мен Ресейдің тулары

Көкшетауда өтетін өңіраралық ынтымақтастық форумына Тоқаев пен Путин қатысады

31
Қазақстан-Ресей форумын осы жылдың жылдың қараша айында өткізу жоспарланған болатын, коронавирус пандемиясына байланысты кейінге қалдырылды

НҰР-СҰЛТАН, 4 желтоқсан – Sputnik. Кейінге қалдырылған Қазақстан мен Ресей өңіраралық ынтымақтастық форумы келесі жылы өтеді, деп хабарлады экология, геология және табиғи ресурстар министрлігінің баспасөз қызметі.

Оқи отырыңыз: Тоқаев пен Путин қатысатын жиын кейінге шегерілді 

Жұма күні Мәскеуде Қазақстан Республикасының экология, геология және табиғи ресурстар министрі Мағзұм Мырзағалиев Ресей Федерациясының табиғи ресурстар және экология министрі Александр Козловпен кездесті. 

"Кездесу аясында 2021 жылы Көкшетау қаласында мемлекет басшыларының қатысуымен өтеді деп жоспарланған Қазақстан мен Ресейдің XVII өңіраралық ынтымақтастық форумына дайындық мәселелері де талқыланды", - делінген хабарламада. 

Форум 2021 жылдың қараша айында өтуі керек болатын, коронавирус пандемиясына байланысты кейінге қалдырылды.

Көкшетаудағы өңіраралық ынтымақтастық форумы

Қазақстан мен Ресейдің ХVII өңіраралық ынтымақтастық форумына экология және "жасыл" өсу тақырыбы арқау болады.

Алғашқы өңіраралық форум 2003 жылы Омбыда өтті, оған Қазақстанның тұңғыш президенті Нұрсұлтан Назарбаев пен Ресей басшысы Владимир Путин қатысты. Содан бері Қазақстан мен Ресей басшыларының шекаралас облыстардың бірінде кездесуі дәстүрге айналды. Алайда бұл жолы форум Ресей Федерациясымен шектеспейтін облыста ұйымдастырылып отыр.   

31
Тақырып бойынша
Тоқаев пен Путин Көкшетауда кездеседі
Путин Тоқаевқа ерекше құрмет көрсетті – видео
Путин мен Тоқаев Омбыда форум өткізіп, сыйлық алмасты – видео
Нұрсұлтан Назарбаев батыл ұсыныс жасады
Полиция қызметкерлері мен өрт сөндірушілер суицидтің алдын алды

Алматыда ер адам өзін өртеп жібермекші болды оқиға немен аяқталды

1382
(Жаңартылды 19:48 04.12.2020)
Алматы қаласының полиция қызметкерлері мен Медеу ауданының өрт сөндірушілері қайғылы жағдайдың алдын алды

АЛМАТЫ, 4 желтоқсан – Sputnik. Алматыда ер адам өзіне және көлігіне бензин шашып, суицид жасауға әрекеттенді.

Оқиға 4 желтоқсанда Шымбұлақ көшесі, 10 мекенжайында болды.

"1983 жылы туған ер адам өзіне және көлігіне бензин шашты. №5 мамандандырылған өрт сөндіру бөлімінің көліктері сирена қоспай, дыбыс шығармай келді – бұл кезде Медеу аудандық полиция басқармасы жергілікті полиция бөлімінің қызметкерлері келіссөз жүргізіп жатты", - делінген қалалық төтенше жағдайлар департаментінің хабарламасында.

Өрт сөндірушілер полиция қызметкерлерінің пәрменін күтіп отырып, ер адамға күтпеген жерден су шашып, суицидтің алдын алды.  

"Оқиға орнына келгенiмiзде ер адамның күйзелicке түскенін байқадық. Ол азаматпен әңгiмелесіп, уақытты барынша созуға тырыстық. Жылдам жеткен өрт сөндірушілерді өзіне қол жұмсамақ болған тұрғын байқап қалмау үшiн бар күшімiздi салдық", - деп атап өттi полиция аға лейтенанты Сәкен Жүнicбай.   

Сотрудники полиции и пожарные Медеуского района  предотвратили суицид
© Photo : ДЧС Алматы
Полиция қызметкерлері мен өрт сөндірушілер суицидтің алдын алды

Құтқару жұмысына Медеу аудандық полиция бөлімінің 10-нан астам қызметкері, жедел жәрдем бригадасы, мамандандырылған өрт сөндіру бөлімі және өрт сөндіру цистернасы жұмылдырылды. Қаза болғандар мен зардап шеккендер жоқ.

1382
Кілт сөздер:
Алматы, суицид