Қыз, фото

Жоғалған оқушы қыздар Алматыдағы жалдамалы пәтерден табылды

11934
(Жаңартылды 11:50 23.01.2020)
Жоғалған оқушы қыздар Алматыдағы жалдамалы пәтерден табылды. Олар қалаға таксимен жеткен екен

ТАЛДЫҚОРҒАН, 23 қаңтар — Sputnik. Алматы облысында мектепке бара жатқан жерінен жоғалған екі қыз табылды, деп хабарлады аймақтың полиция департаментінің баспасөз қызметі.

Оқушылардың ата-анасы Ескелді ауданының полициясына 21 қаңтарда хабарласып, Алдабергенов ауылынан екі жасөспірімнің жоғалғаны туралы арызданған. Жоғалған балалар: 12 жастағы Талшын мен 14 жастағы Ару.

Жасөспірімдердің туыстарының айтуынша, таңертең қыздар мектепке кеткен, содан оралмаған. Кейін бұл екі оқушының да сол күні оқу орнында болмағаны анықталды.

Тағы оқыңыз: Алматы облысында сабаққа бара жатқан екі қыз жоғалып кетті – оқиғаның мән-жайы

Волонтерлердің көмегімен ауқымды іздестіру жұмыстары ұйымдастырылды. Тәртіп сақшылары ауылдағы және жақын маңдағы елді мекендердегі барлық иесіз қалған үйді, шатырлардың астын, жертөлелерді тексерді. Іздестіру жұмыстарына Талдықорған мен Алматы полициясы да қосылды.

"Іздестіру жұмыстары барысында біздің қызметкерлер Алматыдағы жалдамалы пәтерлердің бірінен жоғалған балаларды тапты. Екі қыз да аман-сау. Олар туыстарына тапсырылды. Жасөспірімдердің Алматыға таксимен жеткені белгілі болды. Оқушылардың үйден кету себебі анықталып жатыр" – деп хабарлады Алматы облысы полиция департаментінің баспасөз қызметі.

11934
Кілт сөздер:
табылды, қыздар, Алматы
Тақырып бойынша
Алматы облысында оқушы жүкті болып қалды: қыздың өгей әкесі өзіне қол салды
Нұр-Сұлтанда белгісіз себеппен екінші сынып оқушысы көз жұмды
Тоғызыншы сынып оқушысы 50 жастағы адамға тұрмысқа шықпау үшін өзіне қол салды
Қызу талқыланған видео: 9 жасар қыз соңынан аңдыған ер адамды алдап кетті
Он үш жасында он жастағы досынан жүкті боп қалды: оқушы қыз телешоуға қатысты
Кісен, архивтегі фото

Көкшетаулық ерлі-зайыптыны қатыгездікпен өлтірген қылмыскер 25 жылға сотталды

257
Түнде қаскүнем көпқабатты үйдің бірінші қабатында орналасқан пәтерге кіріп, үй иесін қатыгездікпен өлтіріп, алтын ұрлаған

АЛМАТЫ, 25 қараша – Sputnik. Көкшетауда егде жастағы ерлі-зайыптыны өлтірді деп айыпталған жігітке сот үкімі шықты. Сот отырысы Ақмола облысының қылмыстық істер жөніндегі мамандандырылған ауданаралық сотында өтті, деп хабарлайды Sputnik Қазақстан тілшісі.

Істі алқабилер қарады.

Істің мән-жайы

Көкшетауда 2020 жылдың сәуір айының соңында он баласы бар егде жастағы ерлі-зайыптыны өлтіріп кетті.

Түнде қаскүнем Есенберлин көшесіндегі көпқабатты үйдің бірінші қабатында орналасқан пәтерге кіріп, үй иесін қатыгездікпен өлтірген.

83 жастағы ер адам мен оның 77 жастағы әйелінің денесі 30 сәуірде таңертең табылды. Оларды буындырып, пышақпен кескілеп тастаған.

Қылмыс болардан бірнеше күн бұрын жәбірленушілердің пәтеріне белгісіз біреудің кірмек болғаны анықталды. Шабуылдаушылар балконға бөтелке лақтырып, әйнекті сындырған.

Қылмыс жасады деген күдікпен Щучинск қаласының 24 жастағы тұрғыны ұсталды. Сол күні алтын салынған қорапша мен екі кілт ұрланған.

Сот үкімі

Алқабилер шешімімен сотталушы Д. Қазақстан Қылмыстық кодексінің бірнеше бабы бойынша кінәлі деп танылды:

  • 191-бабы 3-бөлігі 3-тармағы – тұрғын үй-жайға заңсыз кіріп жасалған тонау;
  • 24-бабы 3-бөлігі – қылмысқа дайындалу және қылмысқа оқталу;
  • 188-бабы 3-бөлігі 3-тармағы – тұрғын, қызметтік немесе өндірістік үй-жайға, қоймаға не көлікке заңсыз кіріп жасалған ұрлық;
  • 192-бабы 3-бөлігі 4-тармағы – қарақшылық;
  • 99-бабы 2-бөлігі 1, 3, 5, 8-тармақтары – екі немесе одан да көп адамды өлтіру;
  • 287-бабы 1-бөлігі – қаруды заңсыз иемдену, беру, өткізу, сақтау, тасымалдау және алып жүру.

Сотталушы 25 жылға бас бостандығынан айырылды. Ол жазасын қылмыстық-атқару жүйесінің төтенше қауіпсіз мекемелерінде өтейді.

Жәбірленуші тараптың пайдасына сотталушы Д. келтірілген моральдық зиян ретінде 20 миллион теңге төлейді.

Сот үкімі заңды күшіне енген жоқ.

257
Кілт сөздер:
қылмыскер, ерлі-зайыпты
Тақырып бойынша
Дулат Ағаділдің ұлын өлтіріп кетті - оқиғаның мән-жайы
Бес рет қастандық жасалған: Алматы облысында кәсіпкерді өлтіріп кетті
Шолпанның көз жасы: алты баласы бар 29 жастағы келіншек халықтан көмек сұрады
Жамбыл облысында екі әйелді айуандықпен өлтірген қойшының денесі табылды
Алматы облысында әйелді бір жасар қызының көзінше өлтіріп кетті: оқиғаның мән-жайы
Ағаш, архивтегі фото

Алматы тұрғыны жұмысшылардың заңсыз әрекетін видеоға түсіріп алды

2790
KFC мейрамханасы аумағында төрт ағашты заңсыз кескендерге айыппұл салынып, 40 түп ағаш егуге міндеттелді

АЛМАТЫ, 25 қараша – Sputnik. Алматы қаласының полиция департаменті мен жасыл экономика басқармасының қызметкерлері KFC компаниясының тамақтану орны орналасқан учаске иесін әкімшілік жауапкершілікке тартты. Ол жерде бір күн бұрын төрт ағаш заңсыз кесілген.

KFC тамақтану желісі ғимаратының жанында жұмысшылар ағаштарды кесіп жатқаны жайлы видеоны қазақстандық журналист, қоғам қайраткері Сергей Пономарев Facebook парақшасында жариялады.

"Алматылықтар "Sulpak" кеңсесінің алдындағы жарты ғасыр бойы өскен емен мен қарағаштарды кімнің кескенін анықтап жатқанда, биік дуалдың артында Тимирязев көшесі Көктем-2 шағын ауданындағы KFC Kazakhstan мейрамханасының жеке аумағында тыныш қана төрт қарағашты кесіп тастады. Ағашты кескендер өздерінің мегаполисте тұратынын және жақын маңдағы үй тұрғындарының немқұрайлы қарамай, видеоға түсіретінін ескермепті", - деп жазды ол.

Оқи отырыңыз: Тоқаев Алматыда ағаш кескендерді жауапкершілікке тартуды тапсырды   

Алматының жасыл экономика басқармасы да, жақын маңдағы учаскелік пункт те ағаштарды кесу туралы ештеңе білмегені анықталды. Видео әлеуметтік желі арқылы тарай бастағаннан кейін ғана әрекет еткен.

Тексеріс нәтижесінде учаске иесі ағаштарды кесуге ешқандай рұқсат алмағаны  белгілі болды.

"Көктем-2 ықшам ауданы, 2/1 үй (KFC жылдам тамақтану желісі) мекенжайы бойынша қарағай тұқымының төрт ағашын заңсыз кескен. Алматының жасыл экономика басқармасына кесуге өтініш түспеді, яғни ЖЭБ бұған рұқсат берген жоқ", - делінген Алматы әкімдігі таратқан ақпаратта.

Іс бойынша Қазақстан Республикасының Әкімшілік құқық бұзушылық туралы кодексінің 386-бабы ("Жасыл екпелерді күтіп-ұстау және қорғау қағидаларын бұзу") бойынша жер учаскесінің иесіне әкімшілік хаттама толтырылды. Енді ол 15 АЕК – 41 670 теңге көлемінде айыппұл төлейді.

Сонымен қатар өтем ретінде кінәлі азаматқа жалпыға ортақ жерлерге 40 түп ағаш егу міндеттелді.

2790
Кілт сөздер:
видео, ағаш, Алматы
Ат, архивтегі сурет

Мейрамханаға атпен кірді: жас жұбайлардың видеосы қызу талқыланып жатыр

0
Бұған дейін қазан айында жас жұбайлардың достары мен туыстары көшеде би билеу үшін жолдарды жапқан

НҰР-СҰЛТАН, 26 қараша - Sputnik. Өзбекстанда жас жұбайлар тойды ерекше өткізу үшін мейрамханаға атпен кірді.

Желіде осы тойдың видеосы тарап жатыр, деп хабарлайды Sputnik Өзбекстан.

Кейбір желі қолданушылары той Самарқанд ауданында болғанын жазып жатыр. 

Бұған дейін қазан айында үйлену тойын өткізу үшін Самарқандта жолдарды жапқан. Олардың достары мен туыстары көшеде би биледі.

Оқиғаға қатысты әкімшілік хаттама толтырылған. Эпидемиямен күрес ережесін бұзғаны үшін айыппұл төлейді.

0
Кілт сөздер:
видео, үйлену тойы, ат, Өзбекстан
Тақырып бойынша
"Мамамды шақырыңдар": Орал тұрғыны үйлену тойынан кейін бесінші қабаттан секірмек болды
"Ойлаған жоқпын": Қазақстандағы үйлену тойы желіде қызу талқыланып жатыр – видео
Үйлену тойының фотосессиясы кезінде бірнеше адам көз жұмды: арасында қалыңдық та бар
Қалыңдықтың үйлену тойында жасаған әрекеті қайғылы жағдайға әкеп соқты
Үйлену тойына дайындалып жатқан отбасы қара жамылды: ауыл тұрғындары не дейді