Полиция

Елімізде бірнеше полиция қызметкері ұсталды - видео

6936
(Жаңартылды 17:26 23.01.2020)
Сыбайлас жемқорлыққа қарсы қызмет еліміздің бірқатар аймағында полиция қызметкерлерінің арасында жемқорлық фактілерін анықтады

НҰР-СҰЛТАН, 23 қаңтар — Sputnik. Сыбайлас жемқорлыққа қарсы қызмет ішкі істер министрлігінің жеке қауіпсіздік қызметімен бірлесіп, бірнеше облыста ІІМ қызметкерлері арасында жемқорлық фактілерінің алдын алды.

Батыс Қазақстан облысында патрульдік полицияның бірқатар қызметкері, атап айтсақ, взвод командирі мен полиция капитаны арасындағы сыбайлас жемқорлықтың алдын алды.

Олар жол ережесін бұзған азаматтарды әкімшілік жауапкершілікке тартпау үшін жүйелі түрде пара алды деген күдікке ілінді. Взвод командирі ұсталып, Орал қаласының уақытша ұстау абақтысына қамалды.

Сол сияқты, Шымкент қаласында жол ережесін бұзған азаматтарды әкімшілік жауапкершілікке тартпау үшін 130 мың теңге көлемінде пара алғаны үшін қалалық патрульдік полиция қызметінің полиция лейтенанты күдікке ілінді.

Алматы облысында Талдықорған қаласы полиция басқармасының аға тергеушісі, полиция капитанының қылмыстық істі тоқтату туралы шешім қабылдағаны үшін азаматтан 50 мың теңге пара алуына қатысы тексерілуде.

Тағы оқыңыз: Алматылықтар мен Қытай жастары жанжалдасып қалды: полиция түсініктеме берді

Маңғыстау облысында пробациялық бақылаудағы тұлғадан жалпы қамқорлық пен қоғамдық жұмысқа тартпауға 60 мың теңге пара алғаны үшін Мұнайлы ауданы пробация қызметінің бөлім басшысына қатысты тергеу жүргізілуде.

Күдіктілерге қатысты соңғы шешімді кінәсінің дәрежелерін анықтай отырып сот шығарады.

6936
Кілт сөздер:
ұсталды, полиция, Қазақстан
Тақырып бойынша
Алматы облысында сабаққа бара жатқан екі қыз жоғалып кетті – оқиғаның мән-жайы
Қызылордалық әйелдің күйеуіне жасаған қулық-сұмдығы әшкере болды
Жоғалған оқушы қыздар Алматыдағы жалдамалы пәтерден табылды
Құтқарушылар астаналықтарды жұмыстан ертерек босатуды сұрады
Полицейді капотында тасыған: шымкенттік жүргізушінің қылмысы видеоға түсіп қалды
қыз, архив

Қостанай облысында анасымен ұрсып қалған қыз өзіне қол салмақ болды

2882
(Жаңартылды 21:20 28.11.2020)
Оқиға Қостанай облысында болды. Қызды құтқару үшін полицейлер гараждың терезесін бұзып кірді

НҰР-СҰЛТАН, 28 қараша— Sputnik. Қостанайлық полицейлер өз-өзіне қол салмақ болған қызды құтқарып қалды, деп хабарлайды өңірлік полиция департаменті.

Қостанай тұрғыны тәртіп сақшыларынан көмек сұраған. Ол қалаға жақын маңдағы Тобыл ауылында қызы гаражды ішінен жауып алып, өзіне қол жұмсамақ ниетте екенін хабарлайды.

Бірнеше минуттан кейін әйел айтқан мекенжайға полиция лейтенанты Амангелді Сыздықов пен Мүслім Исабаев келеді.

Олар гараж ішінен көлік қозғалтқышының дыбысын естиді, ал терезеден көлік ішінде отырған қызды көреді.

Оқи отырыңыз: Батыс Қазақстанда 15 жасар қыз неге күйеуге шыққаны белгілі болды

Полицейлер гараж ішіне кірудің басқа жолы болмағандықтан терезені бұзып кіреді. Олар қызды таза ауаға алып шығады. Осы уақытта анасы да келіп жетеді.

Кейін белгілі болғандай, әйел қызымен ұрсып қалған, сондықтан бойжеткен өзіне қол салмақшы болады. Полицейлер олармен профилактикалық әңгіме өткізіп, екеуін үйге жеткізіп тастайды.

2882
Жүргізуші куәлігі, архивтегі фото

"Кім екенімді білесің бе?": экс-депутаттың ерсі қылығы видеоға түсіп қалды

4356
Полицияның "қауіпсіздік белдігін тағыңыз" деген ескертуі бұрынғы депутатқа жақпаған көрінеді. Ол дөрекілік танытып, блок бекеттен өтіп кетпек болған

НҰР-СҰЛТАН, 28 қараша – Sputnik. "Братишка, кіммен сөйлесіп тұрғаныңды білесің бе?". Павлодар облыстық мәслихатының бұрынғы депутаты тәртіп сақшыларына осылай сес көрсетті. Видеоны облыстық полиция департаменті таратты.

Тәртіп сақшысының "жеті атасын" түгендеген экс-депутат осы күнде белді бизнесмен көрінеді. Бірақ "тергеу құпиялығына байланысты" деген желеумен полиция оның аты-жөнін ашып айтпады, деп хабарлады "Астана" арнасы.

Оқи отырыңыз: Нұр-Сұлтанда депутат ұсталды 

Келтірілген деректерге қарағанда, көлік блок-бекетте тоқтатылған. Жүргізушінің қалаға кіріп-шығатын құжаттары түгел көрінеді. "Қауіпсіздік белдігін тағыңыз" деген полиция ескертуі бұрынғы депутатқа жақпаған екен. Ол дөрекілік танытып, блок бекеттен өтіп кетпек болған.

"Аталған факті бойынша ер адамға қатысты әкімшілік іс қозғалды. Тергеу аяқталғанша уақытша ұстау абақтысында қамауда болды. Артынан сот шешіміне сәйкес оған 20 АЕК көлемінде айыппұл салынды", - деді Павлодар облыстық полиция департаментінің ресми өкілі Жанна Біләлова.  

4356
Кілт сөздер:
Павлодар облысы, видео, депутат
Тақырып бойынша
Қазақстанда сотталған қырғыздың экс-депутаты бостандыққа шықты
"Кімге керек?": Мәжілісмен бір топ депутаттың қандай проблемаға тап болғанын айтты
Оралда адам өліміне байланысты депутаттың ұлы ұсталды
 Майк Тайсон мен кіші Рой Джонс

Майк Тайсон мен Рой Джонс шаршы алаңда кездесті жекпе-жектің толық видеосы

955
(Жаңартылды 12:52 29.11.2020)
Аты аңызға айналған боксшылардың жекпе-жегі бүгін қазақстандық уақыт бойынша таңертең АҚШ-та өтті

НҰР-СҰЛТАН, 29 қараша – Sputnik. Атақты америкалық боксшылар Майк Тайсон мен кіші Рой Джонс Лос-Анджелесте Staples Center аренасында жекпе-жек өткізді.

Бұл жекпе-жек "Аңыздар шайқасы" кешінің басты оқиғасы болды. Көптен күткен кездесу ерекше регламент бойынша өтті - әрбірі екі минутқа созылған сегіз раундтан тұрды. Жекпе-жек қорытындысы бойынша екі боксшы тең түсті. Бірақ бұл нәтиже спортшылардың көңілінен шықпады. Майк Тайсон наразылық білдіріп, рингтен кетіп қалды. 

Айта кетсек, Майк Тайсон соңғы рет 2005 жылы жұдырықтасқан болатын. Ол кезде Кевин Макбрайдтан жеңіліп қалған еді. Рой Джонс шаршы алаңға 2018 жылы шығып, Скотт Сигмонды жеңді.

955
Кілт сөздер:
видео, жекпе-жек