Архивтегі фото

"Балаларымды ол асырай ма?": дәрігерді зорлаған такси жүргізуші сотта байбалам салды

10611
(Жаңартылды 15:45 27.01.2020)
Қаскүнем арам ойын іске асырғаннан кейін дәрігердің "Айфон-8" ұялы телефонын тартып алып, көліктен итеріп жіберген

НҰР-СҰЛТАН, 27 қаңтар – Sputnik. Павлодарлық такси жүргізуші көлігіне мінген дәрігер қызды зорлап, тонап кеткені үшін 3 жыл 6 айға сотталды, деп хабарлайды Sputnik Қазақстан тілшісі.

Қылмыстық іс Павлодар қаласының №2 сотында қаралды. Күдікті екі бап – зорлау және күш қолданып тонау бойынша жауап берді. Соңғы шешімді судья Жұлдыз Тілегенова шығарды.

"Үш жыл алты айға бас бостандығынан айыру жазасы тағайындалсын. Жазасын қылмыстық атқару жүйесінің орташа деңгейдегі қауіпсіздік мекемесінде өтесін. Бұдан бөлек, сотталған зардап шеккен қызға бір миллион теңге көлемінде моральдық шығын төлеп беруге міндетті", - деді Тілегенова.

Сот үкімін естіген сотталушы есірігі ұстап, кабинаның қабырғасын теуіп жіберді. Сосын зардап шеккен қызға тіл тигізе бастады. Ақыры шыдай алмай, кабинадан шығуға әрекеттенді. Осы кезде оны үш полицей ұстап қалды. Сотталушы қоймай: "Енді, менің балаларымды ол асырай ма?", - деп айқайлады.

Жәбір көрген қыз ер адамның қоқан-лоққысына шыдай алмай, сот залынан шығып кетті. Ол жазаны тым жеңіл деп санайды.

Айта кетейік, такси жүргізушісі ескі заңнама бойынша жеңіл жаза алған. Себебі қылмыс өткен жылы жасалған. Сол кездегі тәртіп бойынша ондай қылмыс үшін 3-5 жыл бас бостандығынан айыру жазасы қарастырылған. Ал жаңа жылдан бастап осы санаттағы қылмыстар үшін 5-8 жылға қамалады.  

Қылмыстың мән-жайы

Өткен жылы қазан айында "Не молчи KZ" қоғамдық қоры Павлодарда InDriver жүргізушісінің дәрігер қызды зорлап кеткенін хабарлаған болатын.

Оқиға маусымның екісіне қараған түні болған. Дәрігер қыз інісімен бірге кештен шығып, таксиге тапсырыс береді. Әуелі жігітті үйге апарып тастайды да, таксист ары қарай қызды жеткізбек болады. Бірақ мүлдем басқа жолға түсіп кеткен. Дәрігер бірден көлікті тоқтатуды сұрайды. Жүргізуші көлікті кілт тоқтатып, есіктерді құлыптап қояды да, артқы орындықта отырған қызды зорлап тастаған.

"Ол қыздың үстіндегі киімін жыртып, оның жылағанына және аяушылық танытуды сұрағанына қарамай, зорлайды. Арам ойын іске асырғаннан кейін "Айфон-8" ұялы телефонын (бағасы – 280 000 теңге) тартып алып, машинадан итеріп шығарған", - деп жазды әлеуметтік желіде "Не молчи KZ" қорының жетекшісі Дина Таңсәрі.

Таңертең дәрігер қыз құрбысымен бірге полицияға барып, арыз жазған. Ол сараптамадан өтіп, оқиға орнына барып, кешке дейін полиция бөлімшесінде жүреді. Сол күні такси жүргізуші тартып алған телефонды қосқан. Қыз айклауд арқылы геолокацияны көріп, бірден полицияға жіберген. Соның арқасында күдікті қолға түсті.

Қылмыс қалай тергелді?

Бас кезінде күдікті бәрін жоққа шығарды. Алайда артынан қыздан кешірім сұрай бастайды. Жеке-дара сөйлесуді сұраған.

"Сол кезде тергеуші кабинеттен шығып кеткен. Ол түсіністікпен қарауды өтініп, екі баласы барын айтқан. Ертесінде тағы хабарласып, кездесуге шақырған. Ол жерде қайтадан кешірім сұрап, моральдық шығын ретінде 100 мың теңге ұсынады. Қыздың құрбысы бәрін видеоға түсіріп алған", - деді Таңсәрі.

Шығыс Қазақстанда науқас шақыртуға келген медбикені зорлап тастады 

Осыдан кейін қыздың үйіне және жұмыс орнына күдіктінің туған-туыстары келе бастайды. Кешірім жасауды сұрайды, қысым жасайды, қорқытады. Оларға қыздың мекенжайы мен жұмыс орны туралы кімнің ақпарат бергені белгісіз. Ал тергеу шаралары көп уақытқа созылып кетті. Қосымша сараптамалар уақытында жасалған жоқ. Дәрігер қыз прокуратураға шағым түсірген. Қыркүйектің басында тергеуші Сағатов жәбірленушіні тағы жауап алуға шақырады. Бірақ ол жерде күдікті бәрі өзара келісіммен болды деп шыға келген.

Павлодар облыстық полиция департаментінің мәліметіне сәйкес, осы оқиға бойынша 2 маусымда қылмыстық кодекстің 120-бабы "Зорлау" бойынша іс, ал 15 тамызда күш қолданып тонау фактісі бойынша тағы бір іс қозғалған. Күдікті ұсталды. Кейін ол ешқайда кетпеу туралы қолхатпен босатылды.

Павлодар облыстық полиция департаменті осы оқиға бойынша ішкі тексеріс жүргізді. Соның нәтижесінде тергеуші қызметінен шеттетілді. Ал басқарманың бірқатар басшысы тәртіптік жазаға тартылды.

 

10611
Кілт сөздер:
зорлау, такси жүргізушісі
Тақырып бойынша
"Өзімді тоқтата алмадым": павлодарлық педофил жантүршігерлік қылмысы туралы айтты
Науқастың мекенжайын сұраған емхана дәрігерін кеше кешке зорлап кетті
Сотта жылап жіберді: сүйіктісін досымен жабылып зорлаған жігітке үкім шықты
Қызға көмектеспек болған төрт жігіт ақырында оны зорлап, өртеп жіберді
Үйлену тойы

Алматыда "қайтып келген" қызға өз туыстары қысым көрсетті

1726
(Жаңартылды 20:45 29.07.2021)
Туыстары қызды еркінен тыс күйеуге берген. Кейін ол үйіне қайтып келгенде, осы әрекетін бетіне басып, намысына тиген

НҰР-СҰЛТАН, 29 шілде — Sputnik. Дағдарыс орталығының қызметкерлері 24 жастағы Алматы тұрғынын туыстарының қорлығынан арашалап қалды.

Алматылық ару туыстарының соққысы мен қорлығына төзуден шаршап, дағдарыс орталығының көмегіне жүгінген. Ол бұл орталықта бірнеше күн түнеп шыққан. Алайда бір күні жұмысқа кетіп, қайта оралмады. Мекеме қызметкерлері оның жай-күйіне алаңдап, полицияға шағым түсірді, деп хабарлайды "Еуразия бірінші арнасы"

"Ол дағдарыс орталығына қайтып келе жатқан кезде ағасы мен анасы көлікке отырғызып, үйіне алып кеткен. Полицияға хабарластық, қазір осы іс бойынша бірлесіп жұмыс жүргізіп жатырмыз. Мұндай әрекетке жол жоқ", - деді тұрмыстық зорлық-зомбылық құрбандарына арналған дағдарыс орталығы директорының орынбасары Татьяна Мидо.

Қыздың туыстарының үйіне келген тәртіп сақшылары алматылық аруды қамауда ұстап отырғанын анықтаған. Тұтқын босатылды.

Ол өзін еркіне қарсы күйеуге бергенін, алайда отбасылық өмірде қиындық туындап, үйіне оралғанын айтып берді. Барлық қиямет үйіне оралғанда басталған. 

"Мені балағаттап, намысыма тиді. Менің күйеуімнен кетпей, бар қиындыққа шыдап, қалуым керек деп, қайтып келгенімді бетіме басты. Осы жағдайға байланысты қазір жалғыз қалдым. Досым да, құрбым да жоқ. Оларға қарсы шағым жазбаймын. Қандай болса да, отбасым ғой", - дейді құтқарылған алматылық. 

Әйтседе ол полиция көмегіне жүгініп, өзін қорғау туралы өтініш түсірді: туыстарына оған жақындауға тыйым салынды.

1726
Тақырып бойынша
Атырау облысында бір апта "тұрмыста" болған 13 жасар қалыңдық үйіне қайтарылды
Үйлену тойының фотосессиясы кезінде бірнеше адам көз жұмды: арасында қалыңдық та бар
Үйлену тойында қайғылы оқиға болды: аспаз қайнап тұрған сорпаға құлап кетті
Шымкентте үйлену тойында түсірілген видео жарияланды
Қытайдағы үйлену тойы: су астында неке қию рәсімі – фото
Алматы тұрғындары

Коронавирустың төртінші кезеңі: Бекшин не дейді

939
(Жаңартылды 15:20 29.07.2021)
23 шілдеден бастап індет жұқтырғандар саны күніне мың адамнан асты. Өткен тәулікте 1 470 адамға жетті

АЛМАТЫ, 29 шілде – Sputnik. Алматыда 15 маусымда басталған коронавирус инфекциясының төртінші кезеңіне байланысты қаладағы эпидемиологиялық жағдай күрделеніп жатыр, деп мәлімдеді қаланың бас санитар дәрігері Жандарбек Бекшин.

Оның сөзінше, бұл кезең "дельта" штамымен байланысты болып отыр.

"Пандемия басталғалы қала үш толқыннан өтті, қазір төртінші толқынға кіріп жатырмыз. Сондықтан қаладағы эпидемиологиялық жағдай күрделеніп бара жатыр. Соңғы аптаны алсақ, өткен аптамен салыстырғанда науқастар саны 1,4 есеге көбейді, 5 790-нан 8 393 жағдайға дейін өсті", - деді Бекшин.

23 шілдеден бастап індет жұқтырғандар саны күніне мың адамнан асты. Өткен тәулікте 1 470 адамға жетті.
Бекшиннің сөзінше, тамызда төртінші толқын шарықтап, қыркүйектің басында ауру жұқтырғандар саны азаяды.

"Қазір бар күшімізді халықты вакциналауға арнап жатырмыз. Қалада вакцинаның бірінші компонентін екпе алуға рұқсат берілген тұрғындардың 35,2%-і салдырды. Қазір иммундық қабат 34%-ті құрайды", - деді Бекшин.

Бұған дейін қалалық қоғамдық денсаулық сақтау басқармасының басшысы Нариман Табынбаев ауру жұқтырғандар саны тамыздың алғашқы онкүндігінде шарықтайтынын айтты. Ол кезде коронавирус инфекциясы тәулігіне 1 600 адамнан анықталуы мүмкін.

10-11 тамызда бұл көрсеткіш 1 900-ге жетеді. Тамызда 34 500, қыркүйекте 4 500 жағдай тіркеледі деген болжам жасалды.

939
Кілт сөздер:
коронавирус, Жандарбек Бекшин, Алматы
Тақырып:
Коронавирус эпидемиясы
Тақырып бойынша
Тоқаев: былтыр жазда болған жағдайдың қайталануына жол беруге болмайды
Министр төсек-орын тапшылығы туралы: өлімнің күрт өсуіне әкелуі мүмкін
Коронавирус жалмап барады – бір тәулікте қайтыс болғандардың саны жарияланды
БҰҰ коронавирустың супер таратушысына айналуы мүмкін елді атады
28 жастағы "делдал" алматылықтарды 300 миллион теңгеге алдады
тауарлы поезд

Қазақстан, Ресей және Өзбекстан агроөнім тасымалдайтын "жасыл дәліз" құрады

0
Агроэкспресс пойыздар кешікпей, жылдам жүруі керек. Бұл тез бұзылатын өнімдерді жеткізу үшін аса маңызды

НҰР-СҰЛТАН, 29 шілде — Sputnik. Қазақстан мен Ресей агроөнімдерді тасымалдауға арналған "жасыл дәліз" құру жайын талқылап жатыр.

"Ресей – Өзбекстан" агрологистикалық дәлізі үшжақты болуы керек. Себебі тауарлардың жүк ағыны Қазақстан аумағы арқылы өтіп жатыр", - деді "Ресей экспорт орталығы" АҚ бас директоры Вероника Никишина.

Ол бұл туралы сауда және интеграция вице-министрі Қайрат Төребаевпен кездесу кезінде мәлімдеді, деп хабарлады министрлік.

"Пойыздар кешігусіз, жылдам жүруі үшін бақылаушы органдардың жұмысын үйлестіру керек болады. Себебі бұл жылдам бұзылатын тауарларды жеткізу үшін аса маңызды. Осылайша біз үш елдің бизнесіне бәсекелестік артықшылық ұсынып, мемлекеттер арасындағы тауар айналымын айтарлықтай ұлғайта аламыз", – деді Вероника Никишина.

Өз кезегінде қазақстандық вице-министр екі ел де оңтүстіктен тауар жеткізуді толыққанды қамтамасыз ету бойынша жұмыстар жүргізіп жатқанын айтты.

"Бізге осы жұмысты үйлестіріп, біріздендіру керек. Оның ішінде Ресейден Ауғанстанға дейінгі дәліз бойынша тиімді транзиттік тарифтер қалыптастыру мәселесі де бар", - деді Қайрат Төребаев.

Тараптар Орталық Азия – Қазақстан – Ресей тауарлар ағыны мен Еуразиялық тауар өткізуші жүйе қалыптастырудағы екі ел ынтымақтастығының келешегін талқылады.

Сонымен қатар "Қорғас" және "Орталық Азия" сауда-экономикалық ынтымақтастықтың халықаралық шекара маңындағы орталықтар базасында өнеркәсіптік кооперация бойынша бірлескен жобаларды жүзеге асыру жайы қаралды. Оның ішінде Орталық және Оңтүстік Азия мен Қытай сынды үшінші елдің нарығына бірлесіп дайындалған өнімді шығару мәселесі де бар.

Осы аталған мәселелер бойынша жұмысты үйлестіру және тәжірибе алмасу мақсатында тараптар жақын уақытта "Qaztrade" Сауда саясатын дамыту орталығы" АҚ мен "Ресей экспорт орталығы" АҚ арасында әріптестік туралы келісім жасау жөніндегі мәмілеге келді.

Бұл кездесу вице-министр Қайрат Төребаевтың "Ресей – Ислам әлемі: KazanSummit 2021" ХІІ Халықаралық экономикалық саммитінің жұмысына қатысуы аясында өті. Саммит шеңберінде Қазақстанның сауда-экономикалық миссиясы мен Қазақстан-Ресей бизнес-форумы да өтіп жатыр.

Оқи отырыңыз: Лавров Ресей – Еуроодақ саммитін өткізуге не кедергі екенін айтты

0
Кілт сөздер:
Өзбекстан, Ресей, Қазақстан
Тақырып бойынша
Досаев Тоқаевқа экономика өсімін 3,9% деңгейде жақсарту туралы айтты
Қазақстан халықаралық көрмеде алғашқы отандық дронды таныстырды
Мерзімі өтіп кеткен қандай азық-түлік өнімдерін жеуге болады