Бала, архивтегі сурет

Видеоға түсіп қалды: Түркістан облысында зорланған баланың анасы көмек сұрады

713
(Жаңартылды 14:58 06.02.2020)
Түркістан облысының тұрғыны мектепте оқитын ұлын жоғары сынып оқушылары зорлады деп отыр. Сот-медицина сараптамасы әйелдің арызын растаған жоқ. Ал балалар омбудсменінің айтуынша, тәуелсіз сараптама зорлықтың болғанын дәлелдеді

АЛМАТЫ, 6 ақпан – Sputnik. Түркістан облысында жасөспірімнің анасы ұлын жоғары сынып оқушылары зорлағанын айтып, арыз жазған.

Балалар омбудсмені Аружан Саинның айтуынша, бұл іс бір орнынан жылжымай тұр. Оның айтуынша, күдіктілердің ата-анасы қалталы азаматтар.

Полиция қылмыстық істің қозғалғанын, сотқа дейінгі жұмыстар жүргізіліп жатқанын хабарлады.

Анасы арыз жазған

2018 жылы 20 сәуірде Түркістан облысы Қазығұрт ауылының тұрғыны мектепте оқитын баласының жоғары сынып оқушыларынан зорлық көргенін айтып шағымданған.

Екі жыл бұрын болған оқиғаның мән-жайын Аружан Саин айтып берді. Бала 12 жасында зорлыққа ұшыраған. Саинның айтуынша, бала бұл жайында бастапқыда ешкімге тіс жарып айтпаған. Себебі жоғары сынып оқушылары ешкімге айтпа деп қорқытқан.

"Оқиғадан кейін анасы баласының жағдайын көріп, сұмдық нәрсе болғанын бірден түсінген. Ол ұлынан бар шындықты біліп, мектепке жүгірді. Полицияға арыз жазды. Бейнебақылау камераларындағы жазба тексерілген. Сегіз жоғары сынып оқушысының баланы дәретханаға апара жатқаны видеоға түсіп қалған", - деп жазды балалар омбудсмені.

Саинның айтуынша, баланың отбасына қысым көрсетіліп, зорлықшылар баланы аңдып, соққыға жыққан. Ал ауылдың үлкендері анасын оқиғаны қазбалап, "баланың болашағына балта шаппа" деп үгіттеген.

Ауылдан көшуге мәжбүр болды

Баланың анасы Аружан Саин басқарып отырған "Мейірімділік" еріктілер қоғамының көмегіне жүгінген.

"Отбасы ауылдан көшуге мәжбүр болды. Анасы біздің кеңсеге келіп, "Сіз Абайдағы балаға көмектестіңіз ғой. Менің де ұлыма көмек керек", - деді. Қазір көпбалалы отбасы Алматыда жалдамалы пәтерде тұрып жатыр", - деді балалар омбудсмені.

Оның айтуынша, баланың зорлық көргенін дәлелдейтін негізгі айғақтар жойылған.

"Мектептің бейнебақылау камераларынан жазба алынып тасталған. Ол істің құжаттарында болмай шықты", - деді Саин.

Күдіктілер кім?

"Күдіктілердің туыстары сол аймақтағы жоғары лауазымды тұлғалар болуы мүмкін", - деп жазды Аружан Саин жасөспірімнің заңды өкіліне сілтеме жасап.

"Түркістан облысы полиция департаментінің қызу жұмыс істегеніне қарамастан, екі күдіктінің кім екені анықталған жоқ. Ал қалған алты күдікті тағылған айыпты жоққа шығарып отыр", - деді Саин.

Қылмыстық іс қозғалды

Түркістан облысы полиция департаментінің тергеу бөлімі сотқа дейінгі тергеу жұмысын жүргізіп жатқанын хабарлады.

Сәуірде әйелдің арызы Қылмыстық кодекстің 121-бабының 4-бөлігі ("Сексуалдық сипаттағы зорлық-зомбылық әрекеттері") бойынша учаскелік полиция бөлімшесінде тіркелді.

"2018-2019 жылдар аралығында тергеу жүргізіліп, куәгерлерден жауап алынды. Бірнеше сараптама белгіленіп, жасөспірім Алматы қаласында тексеруден өтті. Баланың анасы арыз жазған күннен 6 күн өткен соң, яғни 2018 жылдың 26 сәуірінде баласының бұл оқиғаны ойдан шығарғанын айтып, қылмыстық істі тоқтату үшін өтініш жазды", - деді полиция депаратментінде.

Тағы оқыңыз: Абай ауылында 7 жасар баланы зорлау ісі: сот үкімі қайта қаралды

"Анасының қылмыстық істі тоқтату бойынша жазған өтініші бейнежазбаға түсіріліп, қылмыстық іс материалдарына тіркелген", - деді полиция.

Полицияның ақпаратына сәйкес, сот-медициналық сараптаманың қорытындысына сәйкес, жәбірленушінің денесінен дене жарақаты табылмаған. Алайда кәмелетке толмаған баланың анасы Бас прокуратураға жүгінді. Қылмыстық іс қайта қозғалды.

713
Кілт сөздер:
ана, бала, зорлық-зомбылық, ауыл
 Қазақстан мен Ресейдің тулары

Көкшетауда өтетін өңіраралық ынтымақтастық форумына Тоқаев пен Путин қатысады

30
Қазақстан-Ресей форумын осы жылдың жылдың қараша айында өткізу жоспарланған болатын, коронавирус пандемиясына байланысты кейінге қалдырылды

НҰР-СҰЛТАН, 4 желтоқсан – Sputnik. Кейінге қалдырылған Қазақстан мен Ресей өңіраралық ынтымақтастық форумы келесі жылы өтеді, деп хабарлады экология, геология және табиғи ресурстар министрлігінің баспасөз қызметі.

Оқи отырыңыз: Тоқаев пен Путин қатысатын жиын кейінге шегерілді 

Жұма күні Мәскеуде Қазақстан Республикасының экология, геология және табиғи ресурстар министрі Мағзұм Мырзағалиев Ресей Федерациясының табиғи ресурстар және экология министрі Александр Козловпен кездесті. 

"Кездесу аясында 2021 жылы Көкшетау қаласында мемлекет басшыларының қатысуымен өтеді деп жоспарланған Қазақстан мен Ресейдің XVII өңіраралық ынтымақтастық форумына дайындық мәселелері де талқыланды", - делінген хабарламада. 

Форум 2021 жылдың қараша айында өтуі керек болатын, коронавирус пандемиясына байланысты кейінге қалдырылды.

Көкшетаудағы өңіраралық ынтымақтастық форумы

Қазақстан мен Ресейдің ХVII өңіраралық ынтымақтастық форумына экология және "жасыл" өсу тақырыбы арқау болады.

Алғашқы өңіраралық форум 2003 жылы Омбыда өтті, оған Қазақстанның тұңғыш президенті Нұрсұлтан Назарбаев пен Ресей басшысы Владимир Путин қатысты. Содан бері Қазақстан мен Ресей басшыларының шекаралас облыстардың бірінде кездесуі дәстүрге айналды. Алайда бұл жолы форум Ресей Федерациясымен шектеспейтін облыста ұйымдастырылып отыр.   

30
Тақырып бойынша
Тоқаев пен Путин Көкшетауда кездеседі
Путин Тоқаевқа ерекше құрмет көрсетті – видео
Путин мен Тоқаев Омбыда форум өткізіп, сыйлық алмасты – видео
Нұрсұлтан Назарбаев батыл ұсыныс жасады
Полиция қызметкерлері мен өрт сөндірушілер суицидтің алдын алды

Алматыда ер адам өзін өртеп жібермекші болды оқиға немен аяқталды

1370
(Жаңартылды 19:48 04.12.2020)
Алматы қаласының полиция қызметкерлері мен Медеу ауданының өрт сөндірушілері қайғылы жағдайдың алдын алды

АЛМАТЫ, 4 желтоқсан – Sputnik. Алматыда ер адам өзіне және көлігіне бензин шашып, суицид жасауға әрекеттенді.

Оқиға 4 желтоқсанда Шымбұлақ көшесі, 10 мекенжайында болды.

"1983 жылы туған ер адам өзіне және көлігіне бензин шашты. №5 мамандандырылған өрт сөндіру бөлімінің көліктері сирена қоспай, дыбыс шығармай келді – бұл кезде Медеу аудандық полиция басқармасы жергілікті полиция бөлімінің қызметкерлері келіссөз жүргізіп жатты", - делінген қалалық төтенше жағдайлар департаментінің хабарламасында.

Өрт сөндірушілер полиция қызметкерлерінің пәрменін күтіп отырып, ер адамға күтпеген жерден су шашып, суицидтің алдын алды.  

"Оқиға орнына келгенiмiзде ер адамның күйзелicке түскенін байқадық. Ол азаматпен әңгiмелесіп, уақытты барынша созуға тырыстық. Жылдам жеткен өрт сөндірушілерді өзіне қол жұмсамақ болған тұрғын байқап қалмау үшiн бар күшімiздi салдық", - деп атап өттi полиция аға лейтенанты Сәкен Жүнicбай.   

Сотрудники полиции и пожарные Медеуского района  предотвратили суицид
© Photo : ДЧС Алматы
Полиция қызметкерлері мен өрт сөндірушілер суицидтің алдын алды

Құтқару жұмысына Медеу аудандық полиция бөлімінің 10-нан астам қызметкері, жедел жәрдем бригадасы, мамандандырылған өрт сөндіру бөлімі және өрт сөндіру цистернасы жұмылдырылды. Қаза болғандар мен зардап шеккендер жоқ.

1370
Кілт сөздер:
Алматы, суицид