Жол полициясы

Куәлігі жоқ жүргізуші полицейді көлігінің капотында сүйреді видео

731
Полицей жол ережесін бұзған жүргізушіні тоқтату үшін көліктің капотына секірген. Қазір жүргізуші қамауға алынды

АЛМАТЫ, 18 ақпан – Sputnik. Ақмола облысында Екатеринбург – Алматы бағытындағы тасжолда жүргізуші куәлігінсіз болған көлік иесі полицейден жасырынуға тырысып, оны көлік капотында сүйреген.

Оқиға 14 ақпанда Жақсы ауданы Жақсы ауылында болған. Патрульдік полиция батальонының қызметкері жол ережесін бұзған Chevrolet Aveo көлігінің жүргізушісін Екатеринбург-Алматы тасжолының 917-ші шақырымында тоқтатты, деп хабарлайды Polisia.kz.

Полиция қызметкері көлік жүргізушісінің жүргізуші куәлігі жоқ екенін біліп, оған әкімшілік кодексінің 612-бабы бойынша хаттама толтырған.

Осыдан кейін ер адам полицейден жасырынуға тырысқан. Алайда полицей көлік капотына секіріп, жүргізушіні тоқтатпақ болды. Жүргізуші заң талаптарына бағынбай, көлікті басқаруды жалғастырған.

Ауыл тұрғыны ұсталып, полиция бөліміне жеткізілді. Құқық қорғау органы қызметкерінің талаптарына бағынбау фактісі бойынша қылмыстық кодекстің 380-бабының ("билік өкіліне зорлық-зомбылық қолдану") 1-бөлігі бойынша сотқа дейінгі тергеу басталды.

Тағы оқыңыз: Қызметінен босатылған полицей жамбылдықтарға үндеу жасады

Бұл әрекет 3 мың айлық есептік көрсеткіш мөлшерінде айыппұл салуға (шамамен сегіз миллион теңге) немесе дәл осындай мөлшердегі түзету жұмыстарына, 800 сағатқа дейін қоғамдық қызметке тартылуға немесе үш жылға дейін бас бостандығын шектеу немесе бас бостандығынан айыру жазасы қарастырылған. Қазір күдікті қамауда отыр.

Ақмола облысының полициясы құқық қорғау органдары қызметкерлерінің қызметтік міндеттерін орындау кезінде заңды талаптарды орындамау қылмыстық жауапкершілікке әкеп соқтыратынын еске салды.

Айта кетейік, жүргізуші куәлігі жоқ адамға көлікті басқарғаны үшін ескерту немесе 5 айлық есептік көрсеткіш (13 250 теңге) айыппұл салынады.

731
Кілт сөздер:
видео, полицей, жүргізуші
Тақырып бойынша
Газбен жүретін көлікке cалынатын айыппұл мөлшері жарияланды
Қазақстандықтар төлқұжат пен жүргізуші куәлігі үшін қанша төлейтіні белгілі болды
"Жүргізуші куәлігі үшін 20 мың теңге?" ІІМ жауап берді
Газбен жүретін көліктерге қатысты тағы бір ереже белгілі болды
Қазақстанда жаңа үлгідегі жүргізуші куәлігі қашан беріледі
кісен, архив

Қарағандылық полицейлер қауіпті банда ұсталған сәттің видеосын жариялады

226
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

226
қыз, архив

Қостанай облысында анасымен ұрсып қалған қыз өзіне қол салмақ болды

2919
(Жаңартылды 21:20 28.11.2020)
Оқиға Қостанай облысында болды. Қызды құтқару үшін полицейлер гараждың терезесін бұзып кірді

НҰР-СҰЛТАН, 28 қараша— Sputnik. Қостанайлық полицейлер өз-өзіне қол салмақ болған қызды құтқарып қалды, деп хабарлайды өңірлік полиция департаменті.

Қостанай тұрғыны тәртіп сақшыларынан көмек сұраған. Ол қалаға жақын маңдағы Тобыл ауылында қызы гаражды ішінен жауып алып, өзіне қол жұмсамақ ниетте екенін хабарлайды.

Бірнеше минуттан кейін әйел айтқан мекенжайға полиция лейтенанты Амангелді Сыздықов пен Мүслім Исабаев келеді.

Олар гараж ішінен көлік қозғалтқышының дыбысын естиді, ал терезеден көлік ішінде отырған қызды көреді.

Оқи отырыңыз: Батыс Қазақстанда 15 жасар қыз неге күйеуге шыққаны белгілі болды

Полицейлер гараж ішіне кірудің басқа жолы болмағандықтан терезені бұзып кіреді. Олар қызды таза ауаға алып шығады. Осы уақытта анасы да келіп жетеді.

Кейін белгілі болғандай, әйел қызымен ұрсып қалған, сондықтан бойжеткен өзіне қол салмақшы болады. Полицейлер олармен профилактикалық әңгіме өткізіп, екеуін үйге жеткізіп тастайды.

2919