Алматы қаласының әкімі Бақытжан Сағынтаевтың тұрғындармен есеп беру кездесуі

"Сол кезде түсіне жатар": Сағынтаев сиырға туған күн бұзауға да туатынын ескертті

3507
(Жаңартылды 13:14 19.02.2020)
Алматы әкімі 63 жастағы қала тұрғынын жұмыста қалдырмай, зейнетке шығарғалы жатқан мекеме басшысына бір күні өзі де қартаятынын ескертті

АЛМАТЫ, 19 ақпан – Sputnik. Алматы қаласының әкімі Бақытжан Сағынтаевтың халыққа есеп беру жиынын тұрғындардың сауалына жауап беруден бастады, деп хабарлады Sputnik Қазақстан тілшісі.

Кездесуде Алатау ауданының "Рахат" ықшам ауданындағы мектептерде орын санының жетіспеуі жайлы мәселе көтерілді. Әкімнің айтуынша, Алматыда екі жылда 13 мың орындық 8 мектеп салынады.

"2021 оқу жылы басталғанша 12 900 орындық 8 мектеп салынады деп жоспарлап отырмыз. Олардың бірі "Рахат" ықшам ауданында салынады",- деді әкім.

2019 жылы 13 білім беру нысаны және 3174 орынға арналған 162 жекеменшік мектеп пайдалануға берілді. 2020 жылы 27 мектептің құрылысы жалғасып жатыр. 2020-22 жылдары жеке инвестициялар есебінен 2240 орынға шақталған 4 мектеп, 8000 орынды 300 балабақша ашу жоспарда тұр.

Сағынтаев: 13 миллион теңгеге дейінгі қарыз жылдық 5% жеңілдікпен беріледі

Сондай-ақ, зейнет жасына жеткен азаматтарға арналған бағдарламалар жайы сөз болды.

"Мен 63 жастамын. Зейнетке шыққалы жатырмын. Мен жұмыс істейтін жерде менің жасымдағы адамдарды жұмыстан шығарып жатыр. Таныстарымның ішінде зейнет жасынан кейін өз тәжірибесімен бөлісіп, қызмет етіп жүрген кісілер де бар. Ал мен қаламыздың көркеюі үшін жұмыс істесем деймін. Зейнеткерлерге арналған қандай да бір бағдарлама бар ма?", - деген сұрақ қойды қала тұрғыны.

"Сіз әлі жассыз ғой. Қазақтың "Сиырға туған күн бұзауға да туады" деген сөзі бар. Сіздің жұмыс берушіңіз де 63-ке келеді бір күні. Не айтып жүргенін сол кезде түсіне жатар. Бұл өте салмақты сауал. Көп адам зейнет жасына жеткен соң қызметтен кетіп, отбасына, немере қарау керек дейді. Жақсы идея тастадыңыз. Бұл сұрақты сізбен, Қоғамдық кеңеспен ақылдасамыз. Себебі аға буыннан жастарға тәлімгер керек", - деп жауап берді қала әкімі.

Сондай-ақ, Қытайда тараған коронавирусқа қатысты сұрақ та қойылды.

Қала әкімінің айтуынша, Қытайдан келген азаматтардың барлығы дәрігерлердің бақылауынан өткен.

"Қытайдан келген азаматтардың аты-жөні бізге белгілі. Олар дәрігерлердің бақылауында. Сондықтан алаңдаудың қажеті жоқ", - деді әкім.

Айта кетейік, қала әкімімен кездесуге 3 мыңнан аса тұрғын келді.

 

3507
Кілт сөздер:
сиыр, бұзау, Сағынтаев
Тақырып бойынша
Қазақстанда зейнетақы төлеу тәртібі өзгеруі мүмкін: кім қанша алады?
Тоқаев мемлекеттік қызметкерлерге Жапониядағыдай жағдай жасауды ұсынды
Тоқаев билік кез келген оң өзгерістерге дайын екенін мәлімдеді
Тоқаев зейнетақы жинағын пайдалану бойынша алғашқы қадам жасалғанын мәлімдеді
Тоқаев Иманғали Тасмағамбетовті зейнетке жіберді
Қаңтарда қазақстандықтарға 200 млрд теңге зейнетақы төленді – министрлік
кісен, архив

Қарағандылық полицейлер қауіпті банда ұсталған сәттің видеосын жариялады

7
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

7
қыз, архив

Қостанай облысында анасымен ұрсып қалған қыз өзіне қол салмақ болды

2899
(Жаңартылды 21:20 28.11.2020)
Оқиға Қостанай облысында болды. Қызды құтқару үшін полицейлер гараждың терезесін бұзып кірді

НҰР-СҰЛТАН, 28 қараша— Sputnik. Қостанайлық полицейлер өз-өзіне қол салмақ болған қызды құтқарып қалды, деп хабарлайды өңірлік полиция департаменті.

Қостанай тұрғыны тәртіп сақшыларынан көмек сұраған. Ол қалаға жақын маңдағы Тобыл ауылында қызы гаражды ішінен жауып алып, өзіне қол жұмсамақ ниетте екенін хабарлайды.

Бірнеше минуттан кейін әйел айтқан мекенжайға полиция лейтенанты Амангелді Сыздықов пен Мүслім Исабаев келеді.

Олар гараж ішінен көлік қозғалтқышының дыбысын естиді, ал терезеден көлік ішінде отырған қызды көреді.

Оқи отырыңыз: Батыс Қазақстанда 15 жасар қыз неге күйеуге шыққаны белгілі болды

Полицейлер гараж ішіне кірудің басқа жолы болмағандықтан терезені бұзып кіреді. Олар қызды таза ауаға алып шығады. Осы уақытта анасы да келіп жетеді.

Кейін белгілі болғандай, әйел қызымен ұрсып қалған, сондықтан бойжеткен өзіне қол салмақшы болады. Полицейлер олармен профилактикалық әңгіме өткізіп, екеуін үйге жеткізіп тастайды.

2899