Оқушы

Нұр-Сұлтанда және бірнеше өңірде екінші ауысымдағы оқушыларға сабақ болмайды

36
(Жаңартылды 11:21 27.02.2020)
Кеше жауған жаңбырдан кейін тасжолдар мен қала көшелерін көк мұз басты. Күшті жел де ауа-райын нашарлатты. Қазақстанның бірнеше өңірінде оқушылар үшін сабақ тоқтатылды

НҰР-СҰЛТАН, 27 ақпан – Sputnik. Қазақстанның бірнеше өңірі мен Нұр-Сұлтан қаласында ауа райының нашарлауына байланысты мектептерде сабақ тоқтатылды.

Нұр-Сұлтан қаласы білім басқармасының мәліметінше, 27 ақпанда ауа райының қолайсыздығына байланысты қала мектептерінің екінші ауысымындағы 0-9 сынып оқушылары үшін сабақ болмайды.

Сондай-ақ, Теміртау мен Қарағандыда бірінші және екінші ауысымдағы 0-9 сынып оқушылары үшін сабақ тоқтатылды.

Оқи отырыңыз: Қыстың соңғы күндерінде ауа райы қандай болады 

Семейде бірінші ауысымның 1-11 сынып оқушылары, сонымен қатар колледждердің 1-2 курс студенттері оқымайды. Сабақтар жауын, жел мен көктайғаққа байланысты тоқтатылды. Курчатов қаласына да сабақ болмайды.

Қостанай облысында бірінші ауысымның 0-7 сынып оқушылары үшін сабақ тоқтатылды. Қарлы боран мен желдің салдарынан өңірде жолдың көрінуі нашарлады.

Павлодарда көктайғақ пен желдің салдарынан 1-11 сынып оқушылары үшін сабақ болмайды.

Жаңбырдан кейінгі көктайғақтың салдарынан Петропавлда 1-ден 11-ге дейінгі сыныптарға сабақ тоқтатылды.

36
Кілт сөздер:
ауа райы, Нұр-Сұлтан, сабақ
Тақырып бойынша
Күн күрт жылынады: алдағы күндерге ауа райы болжамы шықты
Алматыда қалың қар жауды: көшкін жүруі мүмкін
Бірнеше облыста және Нұр-Сұлтанда дабылды ескерту жарияланды
Жүргізушілер төрт күннен бері Нұр-Сұлтан – Павлодар тас жолында тұр – видео
Ақпандағы аномалия: Нұр-Сұлтанда жаңбыр жауды - видео
Архивтегі фото

Павлодар облысы әкімдігінде қайта ұйымдастыру жұмыстары жүргізілді

6
Мемлекеттік мекемелер құрамына жаңа қызметкерлер тартылмайды. Ведомстволардың штат саны қолда бар қызметкерлер есебінен қалыптасады

НҰР-СҰЛТАН, 18 қаңтар — Sputnik. Павлодар облысында екі басқарма біріктіріліп, жаңа басқармалар құрылды, деп хабарлады өңір әкімінің баспасөз қызметі.

Кәсіпкерлік және сауда басқармасы мен индустриялық-инновациялық даму басқармасы біріктірілді.

"Кәсіпкерлік және индустриялық-инновациялық даму басқармасы Павлодар облысының бизнес, өнеркәсіп және инновациялар мәселелеріне бақылау жасайды", - делінген хабарламада.

Өңірде цифрландыруды дамытумен айналысатын цифрлық технологиялар басқармасы жеке құрылымға шығарылды.

Ауыл шаруашылығы басқармасында да өзгеріс болды. Бұрын бұл ведомство ветеринарияға да жауапты болса, енді онымен ветеринария басқармасы айналысады. Сонымен қатар Павлодар облысында дін істері басқармасы қайта құрылды. 

Оқи отырыңыз: 2021 жылы Нұр-Сұлтанда не өзгереді 

Басқарма құрылымдары бекітілді. Ведомстволардың штат саны қолда бар қызметкерлер есебінен қалыптасады. Мемлекеттік мекемелер құрамына жаңа қызметкерлер тартылмайды.

6
Дәрігер, архивтегі фото

Атырауда жантүршігерлік қылмыс жасаған дәрігерлерге қатаң жаза кесілді

3681
(Жаңартылды 20:16 18.01.2021)
Қуаныш Нысанбаев 18 жылға, Асқар Қайыржан 16 жылға, Жәмилә Құлбатырова 15 жылға бас бостандығынан айырылды

НҰР-СҰЛТАН, 18 қаңтар — Sputnik. Атырауда жаңа туған баланы алдын ала сөз байласу арқылы өлтірді деп айыпталған облыстық перинаталдық орталықтың дәрігерлеріне сот үкімі шықты.

Сот оларды кінәлі деп танып, перинаталдық орталықтың бұрынғы бас дәрігері Қуаныш Нысанбаевты 18 жылға, акушер-гинеколог Асқар Қайыржанды 16 жылға, акушер Жәмилә Құлбатырованы 15 жылға бас бостандығынан айырды, деп жазды Ақ Жайық.

Неонатолог-дәрігерлер Руслан Нұрмұхамбетов пен Дариға Жұмабаева қылмыс туралы хабарламағаны үшін кінәлі деп танылып, үш жылға бас бостандығы шектелді.

"Құдай бізді кешірсін": Атырауда сәбиді өлтірген дәрігерлердің әңгімесі жарияланды

Естеріңізге сала кетейік,  2019 жылдың 29 қыркүйегінде Атырау перинаталдық орталығында дүниеге келген нәресте қимылсыз жатқандықтан, дәрігерлер сәбиді өлі туды деп тіркеген. Алайда сәбиді тоңазытқыш камераға апарған кезде оның аяғы қимылдай бастаған.

Сыбайлас жемқорлыққа қарсы қызметтің хабарлауынша, дәрігерлер құжатты түзетпеу үшін оны тоңазытқышта қалдыруға шешім қабылдаған.

3681
Кілт сөздер:
сәби, Атырау
Тақырып бойынша
Тоңазытқыштағы бала өлімі: прокурор бас дәрігерді 20 жылға соттауды сұрады
Перзентханадағы сұмдық: Ноғаев ауруханада қазір не болып жатқанын айтты
Тоңазытқыштағы бала өлімі: куәгер тірі нәрестені өз көзімен көргенін айтты
Тоңазытқыштағы бала өлімі: сотталушының адвокаты күтпеген мәлімдеме жасады
"Балаңызды өлтірген жоқпыз": перзентхана экс-басшысының соттағы соңғы сөзі