Жүргізуші, иллюстративті фото

Түркістан облысының тұрғыны өмір бойына көлік жүргізу құқығынан айырылды

334
Жүргізуші жеңіл дәрежеде мас болғаны, сондай-ақ 2018 жылдың сәуір айында үш жылға көлік жүргізу құқығынан айырылғаны анықталды  

НҰР-СҰЛТАН, 27 ақпан – Sputnik. Түркістан облысының тұрғыны мас күйінде көлік жүргізгені үшін өмір бойына көлік жүргізу құқығынан айырылды.

2020 жылдың 11 қаңтарынан бастап елімізде рөлге мас күйінде отырған жүргізушілерге арналған жазаны күшейтетін заң күшіне енді. Мәселен, Түлкібас аудандық сотында заң күшіне енгеннен кейін алғаш рет қылмыстық іс қаралды. Жергілікті тұрғын мас күйінде көлік тізгіндегені үшін ұсталып, жуапкершілікке тартылды, деп хабарлайды Polisia.kz. 

2020 жылдың 18 қаңтарында Түлкібас ауданының тұрғыны мас күйінде өзінің Daewoo маркалы автокөлігінің рөліне отырған. Түлкібас аудандық полиция бөлімшесінің полиция қызметкерлері аталған автокөліктің иесін Рысқұлов ауылы көшелерінің бірінде ұстады. Жүргізуші жеңіл дәрежеде мас болғандығы анықталды. Сонымен қатар, бұрын 2018 жылдың сәуір айында азамат Әкімшілік құқық бұзушылық туралы кодекстің 608-бабы бойынша үш жылға көлік жүргізу құқығынан айырылған.

Оқи отырыңыз: Ішімдік ішпеген, ереже бұзбаған адамдар да жүргізуші куәлігінен айырылуы мүмкін

Аталған факт сотқа дейінгі тергеп-тексерудің бірыңғай тізіліміне Қылмыстық кодекстің 346-бабы "Көлік құралдарын жүргізу құқығынан айырылған және алкогольдік, есірткілік және (немесе) уытқұмарлық масаң күйдегі адамның көлік құралын басқаруы, сол сияқты көлік құралын басқаруды осындай адамға беру немесе осындай адамды көлік құралын жүргізуге жіберу" бойынша тіркелді.

Азамат өз әрекетін толық мойындады. Нәтижесінде сот азаматты көлікті мас күйінде және жүргізуші куәлігінсіз басқарғаны үшін  бір жыл алты ай бас бостандығынан шектеп, өмір бойы көлік құралын басқару құқығынан айырды.

Түркістан облысының полицейлері азаматтарға жол қозғалысы ережелерін сақтау қажеттігін ескертеді. Мас күйінде рөлге отыру әкімшілік және қылмыстық жауапкершілікке әкеліп қоймай, ең алдымен жүргізушінің және жол қозғалысының басқа да қатысушыларының өміріне қауіп төндіреді.  

334
Кілт сөздер:
Түркістан облысы, жүргізуші куәлігі
Тақырып бойынша
Куәлігі жоқ жүргізуші полицейді көлігінің капотында сүйреді – видео
2020 жылы жүргізуші куәлігін алу қанша тұрады
Айыппұлдан түрмеге дейін: қазақстандық жүргізушілер нені білуі тиіс?
Аязда баланы автобустан түсіріп кеткен жүргізуші жұмыстан қуылды
2020 жылы жүргізушілер қанша айыппұл төлейді
 Қазақстан мен Ресейдің тулары

Көкшетауда өтетін өңіраралық ынтымақтастық форумына Тоқаев пен Путин қатысады

30
Қазақстан-Ресей форумын осы жылдың жылдың қараша айында өткізу жоспарланған болатын, коронавирус пандемиясына байланысты кейінге қалдырылды

НҰР-СҰЛТАН, 4 желтоқсан – Sputnik. Кейінге қалдырылған Қазақстан мен Ресей өңіраралық ынтымақтастық форумы келесі жылы өтеді, деп хабарлады экология, геология және табиғи ресурстар министрлігінің баспасөз қызметі.

Оқи отырыңыз: Тоқаев пен Путин қатысатын жиын кейінге шегерілді 

Жұма күні Мәскеуде Қазақстан Республикасының экология, геология және табиғи ресурстар министрі Мағзұм Мырзағалиев Ресей Федерациясының табиғи ресурстар және экология министрі Александр Козловпен кездесті. 

"Кездесу аясында 2021 жылы Көкшетау қаласында мемлекет басшыларының қатысуымен өтеді деп жоспарланған Қазақстан мен Ресейдің XVII өңіраралық ынтымақтастық форумына дайындық мәселелері де талқыланды", - делінген хабарламада. 

Форум 2021 жылдың қараша айында өтуі керек болатын, коронавирус пандемиясына байланысты кейінге қалдырылды.

Көкшетаудағы өңіраралық ынтымақтастық форумы

Қазақстан мен Ресейдің ХVII өңіраралық ынтымақтастық форумына экология және "жасыл" өсу тақырыбы арқау болады.

Алғашқы өңіраралық форум 2003 жылы Омбыда өтті, оған Қазақстанның тұңғыш президенті Нұрсұлтан Назарбаев пен Ресей басшысы Владимир Путин қатысты. Содан бері Қазақстан мен Ресей басшыларының шекаралас облыстардың бірінде кездесуі дәстүрге айналды. Алайда бұл жолы форум Ресей Федерациясымен шектеспейтін облыста ұйымдастырылып отыр.   

30
Тақырып бойынша
Тоқаев пен Путин Көкшетауда кездеседі
Путин Тоқаевқа ерекше құрмет көрсетті – видео
Путин мен Тоқаев Омбыда форум өткізіп, сыйлық алмасты – видео
Нұрсұлтан Назарбаев батыл ұсыныс жасады
Полиция қызметкерлері мен өрт сөндірушілер суицидтің алдын алды

Алматыда ер адам өзін өртеп жібермекші болды оқиға немен аяқталды

1367
(Жаңартылды 19:48 04.12.2020)
Алматы қаласының полиция қызметкерлері мен Медеу ауданының өрт сөндірушілері қайғылы жағдайдың алдын алды

АЛМАТЫ, 4 желтоқсан – Sputnik. Алматыда ер адам өзіне және көлігіне бензин шашып, суицид жасауға әрекеттенді.

Оқиға 4 желтоқсанда Шымбұлақ көшесі, 10 мекенжайында болды.

"1983 жылы туған ер адам өзіне және көлігіне бензин шашты. №5 мамандандырылған өрт сөндіру бөлімінің көліктері сирена қоспай, дыбыс шығармай келді – бұл кезде Медеу аудандық полиция басқармасы жергілікті полиция бөлімінің қызметкерлері келіссөз жүргізіп жатты", - делінген қалалық төтенше жағдайлар департаментінің хабарламасында.

Өрт сөндірушілер полиция қызметкерлерінің пәрменін күтіп отырып, ер адамға күтпеген жерден су шашып, суицидтің алдын алды.  

"Оқиға орнына келгенiмiзде ер адамның күйзелicке түскенін байқадық. Ол азаматпен әңгiмелесіп, уақытты барынша созуға тырыстық. Жылдам жеткен өрт сөндірушілерді өзіне қол жұмсамақ болған тұрғын байқап қалмау үшiн бар күшімiздi салдық", - деп атап өттi полиция аға лейтенанты Сәкен Жүнicбай.   

Сотрудники полиции и пожарные Медеуского района  предотвратили суицид
© Photo : ДЧС Алматы
Полиция қызметкерлері мен өрт сөндірушілер суицидтің алдын алды

Құтқару жұмысына Медеу аудандық полиция бөлімінің 10-нан астам қызметкері, жедел жәрдем бригадасы, мамандандырылған өрт сөндіру бөлімі және өрт сөндіру цистернасы жұмылдырылды. Қаза болғандар мен зардап шеккендер жоқ.

1367
Кілт сөздер:
Алматы, суицид