Қасым-Жомарт Тоқаев Қордай ауданындағы Қаракемер ауылының тұрғындарымен кездесті

Тоқаев Қордай оқиғасынан кейін дүнген қауымына екі кеңес берді видео

4667
Президент дүнген қауымына бір жерде отыра бермей, Қазақстанды тануға және мемлекеттік тілді үйренуге кеңес берді  

НҰР-СҰЛТАН, 2 наурыз – Sputnik. Ақорданың баспасөз қызметі Facebook желісінде мемлекет басшысы Қасым-Жомарт Тоқаевтың Қордай ауданына жасаған жұмыс сапарының видеосын жариялады, деп хабарлайды Sputnik Қазақстан.

Кездесу Сортөбе ауылындағы мәдениет үйінде болған. Сол жерде президент дүнген қауымына "бір жерде отырмауға" кеңес берді.  

"Мысалы, солтүстікте құнарлы жерлер бар. Неге бір жерде отыруымыз керек? Балаларыңызды солтүстікке, я болмаса, шығысқа жіберіңдер, олар сауда жасайды, еңбек жасайды, бай болады. Әлем деген ол үлкен кеңістік қой, сіздердің балаларыңыз осы әлемді танып білуі керек. Басқа халықтармен араласуы қажет. Әрине, Қазақстанды да тануы шарт. Сондықтан өз балаларыңызға алдымен дүнген қауымдастығынан бөлек Қазақстан деген үлкен әлемнің бар екенін үйретіңіздер", - деді Тоқаев.  

Бұдан бөлек, мемлекет басшысы тіл мәселесіне де баса назар аударды.

"Сіздердің балаларыңыз қазақ тілін, орыс тілін, дүнген тілін білуі керек. Ал мемлекет өз тарапынан мәдениеттеріңізді дамытуға, тілдеріңізді үйренуге, салт-дәстүрлеріңізді сақтауға жағдай жасайды. Бірақ адамдардың мемлекеттік тілді білуі маңызды. Әсіресе, дәл осындай ауылды жерлерде тұрғанда қазақша білу керек", - деп Тоқаев. 

Дүнген қауымының ақсақалдары президентке қазақ тілінде алғыс білдірді. 

"Қазақстанда тұратын барлық этнос өз салт-дәстүрін, тілін сақтап қалды. Бұның барлығы қазақ халқының арқасында, президенттің дұрыс саясаты нәтижесінде жүзеге асты. Осындай жағдайдың болғанына қатты өкінеміз", - деді ақсақалдар.

Қордайдағы қақтығыс

7 ақпанда Қордай ауданының Масанчи ауылында жаппай төбелес болып, оның соңы тәртіпсіздікке ұласқан. 8 ақпанда Қордай ауданында жергілікті ауқымда техногенді сипаттағы төтенше жағдай режимі жарияланды.

Оқи отырыңыз: Тоқаев билік қандай кемшілік жібергенін айтты 

Он адам көз жұмды, жүздеген адам жарақат алды. Кейін тағы бір адамның денесі табылды. Мемлекет басшысының шешімімен бірқатар шенеунік пен полицей қызметінен кетті. Облыс әкімі ауысты.

Қордай ауданы  – халқы 145 мың болатын Жамбыл облысындағы аудан. Масанчи ауылы Қырғызстанмен шекарадан алыс емес. Ол жерде 13 мың адам тұрады. 90%-і - дүнген, 5% - қазақ, 5% - орыс.

4667
Кілт сөздер:
видео, Қасым-Жомарт Тоқаев
Тақырып бойынша
"Дұрыс түсінген жоқ": Тоқаев Қордайдағы мәселе туралы айтты
Сапарбаев Қордайдағы оқиғадан кейін мектеп директорларына шүйлікті
Қордайдағы қақтығыс: қылмыстық істердің саны 90-ға жетті
Қордайда полицейлерге шабуыл жасаған ағайынды 3 жігіт қамауға алынды
Желіде балалардың Қордайда жүрген полицей әкесіне жазған хаты жарияланды
Президент: қазақ халқы еріншек деген әңгімені доғару керек
Банкоматта тұрған адам

Көкшетауда ер адам банкоматта қалып қойған жарты миллион теңгені алып кетті

2
(Жаңартылды 10:41 30.10.2020)
Полиция көп ұзамай ер адамның кім екенін анықтады, қазір процессуалды шешім қабылдау мәселесі шешіліп жатыр

НҰР-СҰЛТАН, 30 қазан – Sputnik. Көкшетау тұрғыны бөтен адамның банкоматта қалдырып кеткен ақшасын алып, ізін жасырды, деп хабарлайды Ақмола облысы полиция департаментінің баспасөз қызметі.

Көкшетаудың полиция басқармасына 39 жастағы тұрғын арызданған. Ол банкомат арқылы 540 мың теңгені аудармақ болғанын, алайда ақшаны ұяшыққа салғаннан кейін алаңғасарлықпен операцияны аяқтауды ұмытып кеткенін айтты. Банкке келген келесі клиент банкоматта қалып қойған ақшаны алып, қауіпсіздік қызметіне хабар берместен, банктен шығып кеткен.

Тағы оқыңыз: Маман адамдар банкомат арқылы қалай алданып қалатынын айтты

Жедел іздестіру шаралары барысында тәртіп сақшылары ер адамның кім екенін анықтады. Ол Көкшетау қаласының 45 жастағы тұрғыны. Қазір процессуалды шешім қабылдау мәселесі шешіліп жатыр, деп мәлімдеді полициядан.

2
Кілт сөздер:
миллион теңге, банкомат, Көкшетау
Дәрігерлер, архивтегі фото

Алматыда коронавирус жұқтырған үш жігіттің шәуеті тартылып қалған

51
(Жаңартылды 09:37 30.10.2020)
Коронавирус еркектің бала туғызу қабілетін төмендетеді. COVID-19-бен ауырғандар үш айға дейін бала туғыза алмайды, дейді мамандар

НҰР-СҰЛТАН, 30 қазан – Sputnik. Пандемия кезінде елімізде демографиялық өсім азаюы мүмкін. Себебі коронавирус инфекциясы ерлердің бала туғызу қабілетін төмендетеді. COVID-19-бен ауырған жігіттердің басым көпшілігінде ұрық болмайды, дейді дәрігерлер.

Мәселен, Алматыдағы репродукциялық орталыққа келіп ем қабылдап жүрген үш жігіттің шәуеті тартылып қалған. Өйткені үшеуі де бұған дейін коронавируспен ауырыпты. Алайда мамандар ерлердің ұрығы 75 күн сайын жаңарып отырады дейді. Сондықтан COVID-19-бен ауырғандар  үш айға дейін бала туғыза алмайды деген болжам бар.

Оқи отырыңыз: Қазақстанда індетке шалдыққан 400-ге тарта науқас анықталды 

Ал коронавирусқа шалдыққан жүкті әйелдер арасында түсік тастау мен ерте босану жиілеген, деп хабарлады КТК.

Әлемдік статистикаға сүйенсек, инфекция жұқтырған жас аналардың 20 пайызы уақытынан бұрын босанған. Сондықтан осындай қиын кезеңде дәрігерлер бала сүюді жоспарламай қоя тұру керек дейді.

"Жас отбасы бала сүюді келесі жылға шегере тұрғаны абзал. Себебі, аяқ астынан коронавируспен ауырып қалса, қауіпті індет ұрпағына қалай әсер ететіні белгісіз. Ал 35-40-қа келіп қалғандарға жүктілікті шегерудің қажеті жоқ. Онсыз да жасы ұлғайып барады. Бірақ жеке бастың тазалығын сақтап, көшеге шықпай, қоғамдық орындарға бармай, сәби өмірге келгенше сақтанып жүру керек", - дейді Репродуктивті медицина қауымдастығының президенті Вячеслав Локшин. 

51
Кілт сөздер:
бедеулік, коронавирус
Тақырып:
Коронавирус эпидемиясы
Тақырып бойынша
2 миллион теңге берілмейді: дәрігерлердің өтемақысын неге тоқтатты?
ПТР тестке қатысты талап өзгерді: ұшақпен қатынайтын жолаушылар нені білуі тиіс
Анықтама қажет: Қазақстанда жиналысқа қатысатындар үшін жаңа ереже күшіне енді
Коронавирусқа қарсы вакцина салдырған еріктілер вирус жұқтырды
Қазақстанның бір облысында блок бекеттер қойылады