Коронавирус

Алматыда 500-ге жуық адам карантинге жатқызылды

334
(Жаңартылды 19:42 11.03.2020)
1 "а" тобындағы мемлекеттерден келетін адамдар үшін екі инфекциялық стационар мен төрт медициналық орталықта арнайы орындар жасақталған

НҰР-СҰЛТАН, 11 наурыз – Sputnik. Алматыда Қытай, Иран, Оңтүстік Корея мен Италиядан келген 490 адам ауруханаға карантинге жатқызылды. Осы төрт мемлекет коронавирусты жұқтыру қаупі жоғары елдердің 1 "а" тобына жатады, деп хабарлайды Sputnik Қазақстан тілшісі.

Алматының қоғамдық денсаулық басқармасы таратқан мәліметке сәйкес, карантинге жатқызылған адамдарда дене қызуы жоқ. Аурудың айқын белгілері байқалмайды. Карантиннен шыққаннан кейін дәрігерлер олардың денсаулығын телефон арқылы бақылайды.

Ғалымдар коронавирустың белгілері неше күнде байқалатынын анықтады

Қазіргі кезде 1 "а" тобындағы мемлекеттерден келетін адамдар үшін екі инфекциялық стационар мен төрт медициналық орталықта арнайы орындар жасақталған. Ал 1 "б" санатына кіретін Франция, Германия мен Испанияда болған азаматтар да екі апталық карантинде жатады. Бірақ оларға үйде болуға рұқсат бар.

"Үйдегі карантин кезінде қонақ шақыруға болмайды. Сондай-ақ, туған-туыстардың келмегені дұрыс. Осы талаптарды орындау қажет. Оны бұзған жағдайда әкімшілік жауапкершілік қарастырылған", - дейді мамандар.

Бұдан бөлек, екінші санаттағы мемлекеттерден келетін адамдар да бақылауға алынады. Ол топқа  Швейцария, Ұлыбритания мен Нидерланд кіреді. Осы елдерден келгендер карантинге жатқызылмайды. Бірақ телефон арқылы дәрігерлерге есеп беруге міндетті.

"Шетелден келген азаматтарды іздеу мен бақылау шаралары тәулік бойы жүргізіледі. Тізімдер күн сайын жаңартылады. Ал табылмаған адамдар туралы ақпарат көші-қон қызметіне және полиция департаментіне жіберіледі. Шетелдіктер туралы қосымша мәліметтер ұлттық қауіпсіздік комитетіне беріледі", - деп атап көрсетті басқарма қызметкерлері.

Осы уақытқа дейін Алматыда коронавирусты жұқтыру жағдайлары тіркелген жоқ. Медициналық ұйымдарда қажетті дәрі-дәрмек бар. Дәрігерлердің жеке қорғанысына арналған үш мыңнан астам құрал-жабдық дайын тұр. Барлық сұрақ бойынша "1406" байланыс орталығына хабарласуға болады.

334
Кілт сөздер:
коронавирус, карантин
Тақырып бойынша
Ұлыбританияда денсаулық сақтау министрінің орынбасары коронавирус жұқтырды
Қаны сирек кездеседі: қазақ жігіті қытайларға қалай көмектесіп жүр
Нұр-Сұлтанда наурыз айына жоспарланған жиын өткізілмеуі мүмкін
Коронавирустың қаупі: министрлік демалыссыз жұмыс кестесіне көшті
Қазақстан экономикасы коронавирустан қанша ақша жоғалтқаны белгілі болды
Бас санитар: 11-16 наурыз аралығында Қазақстанға коронавирус кіруі мүмкін
Бердібек Сапарбаев

Сапарбаев ел арасында тараған өзіне қатысты қауесетке жауап берді

477
(Жаңартылды 15:06 02.12.2020)
Облыс әкімінің сөзіне қарағанда, адамдар осы мәселені Шығыс Қазақстан облысын басқарған кезден бері айтып келеді

НҰР-СҰЛТАН, 2 желтоқсан – Sputnik. Жамбыл облысының әкімі Бердібек Сапарбаев жиектас шығаратын зауыты жоқ екенін мәлімдеді, деп хабарлайды Sputnik Қазақстан тілшісі.

Президент жанындағы орталық коммуникациялар қызметінде өткен онлайн брифингте облыс әкіміне осы мәселеге қатысты сұрақ қойылды. "Жамбыл облысына әкім болып келгелі жиектастар жаппай ауыстырыла бастады. Сіздің жиектас шығаратын зауытыңыз бар ма?", - деді тілшілер. 

Облыс әкімінің сөзіне қарағанда, адамдар осы мәселені Шығыс Қазақстан облысынан бастап сұрап келеді. 

"Маған бұл сұрақты, шамамен, 15 жылдай қойып келе жатқан сияқты. Шығыс Қазақстан облысында (Сапарбаев ШҚО-ның 2009-2014 жылдары басқарды - Sputnik) басталып, Жамбыл облысында жалғасып келеді. Мен Шығыс Қазақстанда жүргенде зауытымның жоқ екенін айтқанмын. Менде зауыт болғанда, бәлкім, әкім болып жұмыс істемейтін едім", - дейді Сапарбаев. 

Осы орайда аймақ басшысы жол құрылысына да тоқталды. Оның айтуынша, жол жөндеу жұмыстары кезінде жиектастың бар-жоғы ескеріледі. Сосын жиектастың сапасына да баса назар аударылады. Осының негізінде оны ауыстыру немесе ауыстырмауға қатысты шешім қабылданады.

"Жол салғанда міндетте түрде жиектас қою қажет. Бірақ басқа жағдайлар да болып жатады. Мәселен, Тараз қаласында кейбір мердігерлер жақсы жиектасты ауыстырған. Сол үшін жазаланды. Себебі жақсы жиектасты қайта пайдалануға болады", - деп атап көрсетті Сапарбаев. 

Әкім халықты айтқан сөзіне сенуге үндеді.

"Тағы айтамын, тексеріп алсаңыз да болады. Менде ешқандай зауыт жоқ. "Сапарбаевтың Алматыда зауыты бар", "Сапарбаев әдейі барлық жиектасты ауыстырып жатыр" деп жазады. Бүгінде нақты норма бар. Соған сәйкес, жиектастар ауыстырылады", - деді Сапарбаев.

477
Кілт сөздер:
Бердібек Сапарбаев
Тақырып бойынша
Жамбыл облысы әкімі Қазан қаласына 20 млн теңгеге ұшып барғаны рас па
Бердібек Сапарбаевтың ұлы жаңа қызметке ауысты
"Шулы мәлімдеме жасап, көзге түспек": депутат Әлтаевтың әрекетін сынға алды
"Айына 100 миллион табады": карантин пайдасын кімдер көріп отыр
"Бұл масқара ғой": Реформалардың нәтижесі Сапарбаевтың ашуын келтірді  
Стоматология

Орал тұрғыны стоматологияда күйіп қалып, ауруханада қайтыс болды

2557
Полицейлер қылмыстық іс қозғап, жәбірленушінің өрт шықпаған ғимаратта қалай күйіп қалғанын анықтап жатыр

НҰР-СҰЛТАН, 1 желтоқсан – Sputnik. Орал стоматологиясында жазатайым оқиға болды, 31 жастағы әйел белгісіз затқа күйіп қалып, ауруханада есін жимастан қайтыс болды.

"Мой город" өңірлік басылымының хабарлауынша, трагедия 30 қарашада "Строитель" шағын ауданында орналасқан стоматологияда болған.

Оқи отырыңыз: Біртанов стоматологияда көз жұмған баланың өліміне қатысты түсініктеме

Батыс Қазақстан облысы ТЖД мемлекеттік өрт бақылау басқармасы бастығының міндетін атқарушы Мереке Жұмағалиев қалалық көпсалалы ауруханаға белгісіз жағдайда күйіп қалған әйел жеткізілгенін айтты.

Өрт шыққаны туралы хабарлама түспегендіктен өрт сөндіру қызметі оқиға орнына жіберілмеген.

"Оқиға орнына Орал қаласы төтенше жағдайлар басқармасының қызметкерлері барды. Стоматология иесі жәбірленушінің стоматология бөлмесін тазартып жатқан кезде белгісіз жағдайда және белгісіз затқа күйіп қалғанын айтты. Материал облыстық полиция басқармасына тапсырылды", - деді Жұмағалиев.  

Батыс Қазақстан облысы денсаулық сақтау басқармасының баспасөз қызметі зардап шегушінің денесінің 80%-ін күйік шалғанын хабарлады. Сол күні әйел алған жарақатынан есін жимастан жансақтау бөлімінде қайтыс болды.

Іске қатысты бірқатар сараптама тағайындалды, сотқа дейінгі тергеу жүріп жатыр.

2557
Тақырып бойынша
Ақтауда балаға күш қолданған стоматолог қамауға алынды
Нұр-Сұлтанда тісін емдеткеннен кейін екі жастағы бала комаға түсті  
Нұр-Сұлтан қаласындағы аяз

Қазақстанда желтоқсанда ауа райы қандай болады

74
(Жаңартылды 16:16 02.12.2020)
Желтоқсан айында Қазақстанның басым бөлігінде ауа температурасы норма шамасында болады, айдың ортасында аяз болады деп болжанып отыр

НҰР-СҰЛТАН, 2 желтоқсан – Sputnik. Желтоқсан айының ортасында Қазақстанда отыз градус аяз болады. Сынап бағанасы республиканың солтүстік, шығыс және орталық өңірлерінде төмендейді, деп хабарлады Қазгидромет.

Синоптиктердің болжауынша, желтоқсанның бірінші онкүндігінің басында және соңында республиканың солтүстік жартысында, орталығында және шығысында кей жерлерде қар жауады, бұрқасын соғады.

"Ауа температурасы түнде -23-28°С, күндіз -12-20°С болады. Онкүндіктің соңында аяз түнде -13-23°С дейін, күндіз -5-13°С дейін әлсірейді", - делінген хабарламада. 

Еліміздің батысында ауа райы көбінесе жауын-шашынсыз болады. Ауа температурасы – түнде -15-25°С, күндіз -7-15°С шамасында. Бірінші онкүндіктің соңында фронтальды бөліктердің өтуіне байланысты қар жауып, жел күшейеді, ауа температурасы түнде -9-15°С, күндіз 0, -5°С дейін көтеріледі. Қазақстанның оңтүстік-батысында температура түнде -2-10°С тан -8-16°С дейін, күндіз -2+3°С тан -3-8°С-қа дейін ауытқиды деп болжанып отыр.

Республиканың оңтүстігі мен оңтүстік-шығысында онкүндіктің басында және соңында жауын-шашын жауады, онкүндіктің басында тау және тау бөктеріндегі аудандарда қатты жауын-шашын, көбінесе қар жауады. Тұман түсіп, көктайғақ болады және жел күшейеді. Ауа температурасы түнде -5-13°С-тан  -10-20°С-қа дейін, күндіз -5+5°С-тан -8-13°С-қа дейін төмендейді.

Қазақстанда аяз болады

Қазгидромет республиканың солтүстік, шығыс және орталық өңірлерінде желтоқсан айының ортасында термометр бағанасы түнде -22-30°С-қа дейін, күндіз -10-18°С-қа дейін төмендейтінін хабарлады.

Қазақстанның батысында екінші онкүндіктің басында және соңында ауа температурасы түнде -10-18°С, күндіз -5-13°С-қа дейін айтарлықтай төмендейді.

Елдің оңтүстік бөлігінде екінші онкүндіктің ортасында ауа температурасы түнде -10-20°С-қа дейін, күндіз -5-13°С-қа дейін төмендейді.

Айдың соңында Қазақстанның барлық аумағында аяздың беті қайтады.

Сонымен, Қазақстанның басым бөлігінде желтоқсан айында ауа температурасы норма шамасында, Павлодар, Шығыс Қазақстан, Алматы облыстарында, Қарағанды облысының шығысында, Жамбыл облысының оңтүстік-шығысында нормадан 1°С төмен болады деп болжануда.

Республиканың басым бөлігінде жауын-шашын мөлшері норма шамасында болады.  

Солтүстік Қазақстан облысында, Павлодар, Шығыс Қазақстан облыстарының басым бөлігінде, Қостанай облысының солтүстік жартысында, Ақмола облысының солтүстігінде, Алматы облысының оңтүстік-шығыс жартысында, Түркістан және Жамбыл облыстарының тау және тау бөктеріндегі аудандарында нормадан көп, Маңғыстау облысында, Ақтөбе облысының оңтүстік жартысында, Атырау облысының оңтүстік-шығысында, Қызылорда облысының батыс жартысында нормадан аз болады.

Казгидромет бір айға арналған болжамды консультативтік болжам ретінде пайдалану керектігін ескертті. Ол кейіннен онкүндікке арналған ауа райы болжамдарымен нақтыланады.

74