Көктайғақ, жаяу жүргінші

Бірнеше өңірде дабылды ескерту жарияланды: ертеңге ауа райы болжамы

2313
Қазақстанның бірнеше өңірінде тұман, қатты жел және бұрқасынға байланысты дабылды ескерту жарияланды

НҰР-СҰЛТАН, 21 наурыз – Sputnik. Қазгидромет синоптиктері 22 наурызда ауа райы қандай болатынын айтты, деп хабарлайды Sputnik Қазақстан.

Республиканың басым бөлігінде ауа райы жауын-шашынды, оңтүстік-шығыс пен шығыста таулы аудандарда қатты жаңбыр жауады.

Тек батыс пен оңтүстік-батыста күн ашық болады деп болжанып отыр. Кей жерлерде тұман түсіп, жел күшейеді, көктайғақ болады, солтүстікте бұрқасындатады.

Дабылды ескерту

22 наурыз күндіз Шығыс Қазақстан облысының солтүстігі мен солтүстік-шығысында қатты жаңбыр жауады. Түнде кей жерлерді тұман басып, көктайғақ болады. Желдің екпіні секундына 25 метрге дейін жетеді.

Қостанай облысында кей жерлерде –  тұман, көктайғақ. 15-20 м/с жылдамдықпен жел соғады.

Солтүстік Қазақстан облысында да ауа райы нашарлайды. Жаңбыр, қар жауады, тұман түседі, көктайғақ болып, бұрқасындатады. Желдің күші 28 м/с дейін жетеді.

Тағы оқыңыз: Наурыз мейрамы: маман 21 мен 22 сандары қазақстандықтарға не әкелетінін айтты

Маңғыстау мен Атырау облыстарын тұман басады деп болжануда.

Ақмола облысында кей жерлерде тұман түседі, көктағақ, жел күшейеді, екпіні секундына 25 метрге дейін барады.

22 мен 24 наурыз аралығында Алматы мен Шығыс Қазақстан облыстарының таулы өзендерінде мұз еріп, су деңгейі көтерілуі мүмкін.

Өңірлерде ауа райы қандай болады

Павлодар облысында – тұман, көктайғақ, желдің күші 28 м/с дейін барады.

Батыс Қазақстан, Жамбыл облыстарында кей жерлерде тұман түседі, Жамбыл өңірінде 15-20 м/с жылдамдықпен жел соғады.

Қарағанды облыстарында кей жерлерде тұман, көктайғақ, қатты жел күтілуде.

Тағы оқыңыз: Нұр-Сұлтан карантинде: әскерилер қалаға кіретін жолдарды жауып жатыр – видео

Алматы мен Түркістан облыстарында жел күшейеді.

Мегаполистердегі ауа райы

Нұр-Сұлтанда дабылды ескерту жарияланды, желдің жылдамдығы секундына 15-20 метрге дейін барады. Түнде 0 – 2 градус суық, күндіз 0..+ 2 градус.

Алматыда түнде 5-7 градус, күндіз 15-17 градус жылы.

Шымкентте түнде 5-7, ал күндіз 18-20 градус жылы.

2313
Кілт сөздер:
көктайғақ, ауа райы болжамы, синоптиктер, Қазгидромет
Тақырып бойынша
Қазақстанда наурызда ауа райы қандай болады – синоптиктер болжамы
Банкоматта тұрған адам

Көкшетауда ер адам банкоматта қалып қойған жарты миллион теңгені алып кетті

131
(Жаңартылды 10:41 30.10.2020)
Полиция көп ұзамай ер адамның кім екенін анықтады, қазір процессуалды шешім қабылдау мәселесі шешіліп жатыр

НҰР-СҰЛТАН, 30 қазан – Sputnik. Көкшетау тұрғыны бөтен адамның банкоматта қалдырып кеткен ақшасын алып, ізін жасырды, деп хабарлайды Ақмола облысы полиция департаментінің баспасөз қызметі.

Көкшетаудың полиция басқармасына 39 жастағы тұрғын арызданған. Ол банкомат арқылы 540 мың теңгені аудармақ болғанын, алайда ақшаны ұяшыққа салғаннан кейін алаңғасарлықпен операцияны аяқтауды ұмытып кеткенін айтты. Банкке келген келесі клиент банкоматта қалып қойған ақшаны алып, қауіпсіздік қызметіне хабар берместен, банктен шығып кеткен.

Тағы оқыңыз: Маман адамдар банкомат арқылы қалай алданып қалатынын айтты

Жедел іздестіру шаралары барысында тәртіп сақшылары ер адамның кім екенін анықтады. Ол Көкшетау қаласының 45 жастағы тұрғыны. Қазір процессуалды шешім қабылдау мәселесі шешіліп жатыр, деп мәлімдеді полициядан.

131
Кілт сөздер:
миллион теңге, банкомат, Көкшетау
Дәрігерлер, архивтегі фото

Алматыда коронавирус жұқтырған үш жігіттің шәуеті тартылып қалған

65
(Жаңартылды 09:37 30.10.2020)
Коронавирус еркектің бала туғызу қабілетін төмендетеді. COVID-19-бен ауырғандар үш айға дейін бала туғыза алмайды, дейді мамандар

НҰР-СҰЛТАН, 30 қазан – Sputnik. Пандемия кезінде елімізде демографиялық өсім азаюы мүмкін. Себебі коронавирус инфекциясы ерлердің бала туғызу қабілетін төмендетеді. COVID-19-бен ауырған жігіттердің басым көпшілігінде ұрық болмайды, дейді дәрігерлер.

Мәселен, Алматыдағы репродукциялық орталыққа келіп ем қабылдап жүрген үш жігіттің шәуеті тартылып қалған. Өйткені үшеуі де бұған дейін коронавируспен ауырыпты. Алайда мамандар ерлердің ұрығы 75 күн сайын жаңарып отырады дейді. Сондықтан COVID-19-бен ауырғандар  үш айға дейін бала туғыза алмайды деген болжам бар.

Оқи отырыңыз: Қазақстанда індетке шалдыққан 400-ге тарта науқас анықталды 

Ал коронавирусқа шалдыққан жүкті әйелдер арасында түсік тастау мен ерте босану жиілеген, деп хабарлады КТК.

Әлемдік статистикаға сүйенсек, инфекция жұқтырған жас аналардың 20 пайызы уақытынан бұрын босанған. Сондықтан осындай қиын кезеңде дәрігерлер бала сүюді жоспарламай қоя тұру керек дейді.

"Жас отбасы бала сүюді келесі жылға шегере тұрғаны абзал. Себебі, аяқ астынан коронавируспен ауырып қалса, қауіпті індет ұрпағына қалай әсер ететіні белгісіз. Ал 35-40-қа келіп қалғандарға жүктілікті шегерудің қажеті жоқ. Онсыз да жасы ұлғайып барады. Бірақ жеке бастың тазалығын сақтап, көшеге шықпай, қоғамдық орындарға бармай, сәби өмірге келгенше сақтанып жүру керек", - дейді Репродуктивті медицина қауымдастығының президенті Вячеслав Локшин. 

65
Кілт сөздер:
бедеулік, коронавирус
Тақырып:
Коронавирус эпидемиясы
Тақырып бойынша
2 миллион теңге берілмейді: дәрігерлердің өтемақысын неге тоқтатты?
ПТР тестке қатысты талап өзгерді: ұшақпен қатынайтын жолаушылар нені білуі тиіс
Анықтама қажет: Қазақстанда жиналысқа қатысатындар үшін жаңа ереже күшіне енді
Коронавирусқа қарсы вакцина салдырған еріктілер вирус жұқтырды
Қазақстанның бір облысында блок бекеттер қойылады
Қоңыр аю

Аю 50 жастағы әйелге тап берді видео

0
(Жаңартылды 10:58 30.10.2020)
Зардап шеккен әйел жануарлар үйінде жұмыс істеген, ол көптеген дене жарақатымен ауруханаға жеткізілді  

НҰР-СҰЛТАН, 30 қазан – Sputnik. Ресейдің Курск облысында жануарлар үйіндегі аю қызметкерге тап берді, деп хабарлады РИА Новости.

Әлеуметтік желіде тараған видеодан әйелдің тордың жанынан өтіп бара жатқанын көруге болады. Ол жолда тұрған таяқтан аттаймын деп, жыртқыш отырған торға тым қатты жақындап кеткен. Дәл сол кезде аю оны қолынан ұстап алып, ішке қарай тартқылайды, бір табанымен арқасынан да ұстап тұрады. Оны көрген қызметкерлер жүгіріп келіп, оны таяқпен ұра бастайды. Алайда аю қайтпайды. Ақырында әйелдің күрткесін жыртып тынады.  

Оқиға Фатежск ауданында орналасқан Новые дворы ауылында болған. Осы аймақтағы тергеу басқармасының мәліметіне сәйкес, зардап шеккен әйел жануарлар үйінде жұмыс істейді. Ол жерде үй жануарларымен бірге жабайы аңдарды да ұстайды.

Қостанай облысында 11 жастағы баланы қасқыр талап тастады

"Әйел аю отырған тордың жанынан өтіп бара жатқанда жыртқыштың шабуылына тап болды. Аю оны қолынан ұстап алып, өзі отырған торға тартқан. 50 жастағы әйел көптеген дене жарақатымен Курск облысының клиникалық ауруханасына жеткізілді", - дейді тергеушілер.

Тергеушілер тексеріс шараларын бастады. Соның нәтижесінде процессуалдық шешім қабылданады. "Фатежские будни" басылымының мәліметінше, әйелге гималай аюы тап берген.

Ал әлеуметтік желілерде тараған ақпаратта аюдың өлгені туралы айтылады. Тордың ішінде үшкір таяқ қалып қойған. Аю соған өкпесін тілгізіп алған.

0
Кілт сөздер:
жануарлар әлемі, аю
Тақырып бойынша
Көжекке тұтқиылдан қаршыға шабуылдады: оқиғаның соңын ешкім күтпеген еді - видео
Буйвол туристердің көлігіне тап беріп, оны мүйізімен көтерді – видео
Лақ бір топ жыртқышқа тойтарыс берді – қызықты видео
Кішкентай ит арыстандармен айқасты, оқиғаның соңын ешкім күтпеді – видео