Бетперделер, архивтегі сурет

Солтүстікте алаяқтар жоқ бетперделерді "сатты"

74
(Жаңартылды 11:08 26.03.2020)
Қазіргі кезде қылмыстық кодекстің 190-бабына сәйкес сотқа дейінгі тергеу басталды. Полицейлер алаяқтарды іздестіруге кірісті

НҰР-СҰЛТАН, 26 наурыз – Sputnik. Петропавл қаласында кәсіпкерді алдап кеткен алаяқтарды іздестіріп жатыр, деп хабарлады Polisia.kz.

Ресми мәліметке сәйкес, полицияға 1987 жылы туған жеке кәсіпкер арыз түсірді. Оны интернет арқылы алдап кеткен. 

"Сұлулық салонына арналған өнімдерді сатумен айналысатын азамат Instagram желісі арқылы 7 мың дана медициналық маска сатып алмақ болған. Сол үшін 400 мың теңгені банк картасынан "өнім берушінің" есеп-шотына аударады. Ал ақшаны алған "сатушы" кері байланысқа шықпай қойған", - дейді криминалды полиция басқарамасының басшысы Петр Климов. 

Қазіргі кезде қылмыстық кодекстің 190-бабы 2-бөлімі 4-тармағы (алаяқтық) бойынша сотқа дейінгі тергеу басталды. Полицейлер алаяқтарды іздестіруге кірісті.  

"Ақпараттық жүйелердің көмегімен зат сатып алған кезде белгісіз адамдарға сенбеу керек. Әлеуметтік желілерде тіркелген интернет-дүкендерде шот тарихын, тіркелген күнін қарап, жарияланған жазбалардың саны мен мазмұнын зерттеу керек. Өзіне дейінгі тапсырыстардың жеткізілгені туралы өзгелердің пікірін саралау қажет", – деп атап көрсетті Климов.

Тағы оқыңыз: "Павлодар жабылады": полиция WhatsApp-та тараған ақпарат туралы айтты

74
Тақырып:
Коронавирус эпидемиясы (1652)
Тақырып бойынша
Қызылордада "таксистерді" ерекше әдіспен алдаған алаяқ қоғамдық резонанс туғызды
Өскемендік алаяқ жиһаз жасап беремін деп 16 адамды алдап кетті
Сотталған алаяқ түрмеде отырып-ақ 500 адамды арбауына түсірген
Жұртты 94 миллион теңгеге алдап кеткен алаяқ Қазақстанға жеткізілді
Желіні дүрліктірген суреттер: мамандар көгершін өлексесіне қатысты түсініктеме берді

Түркістанда Абай мен әл-Фарабидің ескерткіші орнатылды

47
(Жаңартылды 20:36 23.10.2020)
Абай Құнанбайұлының ескерткіші қаладағы "Оқушылар сарайы" ғимаратының алдына орнатылған. Әлемнің екінші ұстазы атанған әл-Фарабидің ескерткіші жаңадан бой көтерген "Облыстық драма театр" алдына қойылды

АЛМАТЫ, 23 қазан – Sputnik. Түркістан қаласында қазақтың ұлы ақыны Абай мен ойшыл Әбу Насыр әл-Фарабиге арналған ескерткіш орнатылды, деп хабарлайды Sputnik Қазақстан.

Түркістан облысы әкімдігінің баспасөз қызметінің хабарлауынша, Абай Құнанбайұлының ескерткіші қаладағы "Оқушылар сарайы" ғимаратының алдына орнатылған. Әлемнің екінші ұстазы атанған Әбу Насыр әл-Фарабидің ескерткіші жаңадан бой көтерген "Облыстық драма театр" алдына қойылды. 

Абайдың ескерткіші
© Photo : Түркістан облысы әкімдігінің баспасөз қызметі ұсынды
Абай ескерткіші қаладағы "Оқушылар сарайы" ғимаратының алдына орнатылған

Демеушілер есебінен жасалған екі ескерткіштің де авторы – мүсінші Гүлфия Мелдеш. 

"Түркістан дербес облыс ретінде өркендеп, тарихи шаһар жасарып, жаңаруда. Түркістан бар қазақтың басын қосып, ел болып бәтуа жасаған тарихи алқап. Осы екі рухани тұлғаға арналған ескерткіштердің рухани астанамыз Түркістанда тұруы заңдылық. Өйткені бұл ескерткіштер жаңа тәуелсіздік заманында біздің рухани жаңғыруымызға қолдаушы әрі куәгер болады деген үміттен шыққан ниет", - деді мемлекеттік хатшы шара барысында.

Әл-Фараби ескерткіші
© Photo : Түркістан облысы әкімдігінің баспасөз қызметі ұсынды
Әлемнің екінші ұстазы атанған әл-Фарабидің ескерткіші жаңадан бой көтерген Облыстық драма театр алдына қойылды

Ал облыс әкімі Өмірзақ Шөкеев өркениет көшіндегі әйгілі ойшылдардың мерейтойы қатар келген биылғы жылдың еліміз үшін елеулі жылға айналуын атап өтті.

"Біз бұл тойларды мемлекет басшысы айтқандай, ысырапшылдықпен емес, ынсап пен тәлім-тәрбиенің төңірегінде атап өтудеміз. Биылғы жылдың ауыр болғанына қарамастан біз ұлт руханиятына берері мол, рухани-мәдени бағыттағы біршама жұмыстар атқардық. Елеулі еңбектің бірі – бүгінгі тұғырға қонған бабаларымыздың бейнесі", - деді облыс әкімі.

Айта кетейік, қоладан құйылған қос ескерткіштің биіктігі 4 метр, салмағы 1,5 тонна. 3,5 метрлік тұғырға орнатылған.

47
Кілт сөздер:
ескерткіш, Әбу Насыр әл-Фараби, Түркістан, Абай
Тақырып бойынша
Қазақстанда қанша Абай Құнанбайұлы бар – статистика белгілі болды
"Абай айт­қан жал­қаулық жиі кездесетіні қынжылтады": Тоқаев мақала жариялады
Тоқаевтың "Абай және ХХІ ғасырдағы Қазақстан" атты мақаласы жарияланды
Келешекте Абай институттарын ашамыз деп ойлаймын – президент
Елбасы Әл-Фараби атындағы университетті не үшін мақтады?
Алматылықтар, архивтегі сурет

Бекшин Алматыда инфекция жұқтырғандар неге көбейгенін айтты

100
(Жаңартылды 16:30 23.10.2020)
Әлемдегі эпидемиологиялық жағдай нашарлап бара жатыр. Ал қалада науқастардың көбеюіне көпшілік шаралардың ұйымдастырылуы себеп, деді ол

АЛМАТЫ, 23 қазан – Sputnik. Алматыда эпидемиологиялық жағдай шиеленісе түсті және инфекция жұқтырғандар саны өсіп жатыр. Бұл жайында қаланың бас санитар дәрігері Жандарбек Бекшин мәлімдеді, деп хабарлайды Sputnik Қазақстан.

Алматы қаласы тауарлар мен көрсетілетін қызметтердің сапасы мен қауіпсіздігін бақылау департаментінің мәліметінше, Алматы қаласында 23  қазандағы жағдай бойынша коронавирус инфекциясын жұқтырғандар саны 14 607 адамға жетті. Оның ішінде 8762 адамда ауру белгілері бар, қалған 5845 науқас симптомсыз.

"Соңғы тәулікте 44 адамның COVID-19 жұқтырғаны анықталды. Сондай-ақ, бес адам пневмонияға шалдықты. Тәуліктегі ауру жұқтыру өсімі – 0,3%, жұқтыру коэффициенті – 1,37 құрады. Қаладағы жағдай шиеленісе түсуде және аурушаңдықтың өсіп келе жатқаны байқалады", - деп атап өтті Жандарбек Бекшин.

Бекшиннің айтуынша, әлемдегі эпидемиологиялық жағдай нашарлап бара жатыр. Ал қалада науқастардың көбеюіне көпшілік шаралардың ұйымдастырылуы себеп болып отыр. 

"Той, ас беру шараларын өткізу аса қауіпті, өйткені ондай жиындарға көп адам жиналады. Олар желдетілуі нашар жабық үй-жайларда өткізіледі. Мұндай шараларда қонақтар ұзақ уақыт отыратыны белгілі", - деді Бекшин.

Айтуынша, қалада науқастар санының артуына тұрғындардың қоғамдық көлікте бетперде тақпауы да себеп болып отыр. 

"Сондықтан біз бетперде мен қолғап кию режимін қатаң сақтауды талап етеміз", - деді қаланың бас санитар дәрігері.

Инфекция таралуының тағы бір себебі – көп адам жұмыс істейтін ұйымдарда қызметкерлерді қашықтан жұмыс істеу режиміне ауыстырмау.

"Науқастар санының өсуінің тағы бір себебі – отбасында қайта жұқтыру тіркелуі. Ересектер, әсіресе, жастар түнгі клубтар мен тамақтану орындарына барғанда инфекция жұқтырады. Ал үйінде қарт кісілер мен балалар, ата-анасы бар. Ауру солай тарап жатыр". – деді Бекшин.

Айта кетейік, Алматыда 2020 жылдың 8 қазанынан бастап карантин шараларын сақтау бойынша мониторингтік топтардың жұмысы күшейтілді.

100
Кілт сөздер:
инфекция, коронавирус, Алматы, Жандарбек Бекшин
Тақырып:
Коронавирус эпидемиясы (1652)
Тақырып бойынша
Көп адам өлер еді: ҰҚК Алматыда жоспарланған терактіге қатысты мән-жайды айтты
Алматыда карантин күшейтіле ме – бас санитар дәрігердің жауабы
ҰҚК Алматыда қылмыстық топ ұсталғанын хабарлады
Алматыда мәйітхана директорын ұстаған сәттің видеосы жарияланды
Алматы блок бекетіндегі апат: прокурор экс-полицейді 10 жылға соттауды сұрады
Дүниежүзілік денсаулық сақтау ұйымының басшысы Тедрос Адханом Гебрейесус

Әлем алдағы бірнеше айда пандемияның өте қиын кезеңін бастан өткереді ДДҰ

0
(Жаңартылды 09:32 24.10.2020)
Бүкіл әлем коронавирус пандемиясының өте қиын кезеңінде тұр, деп атап өтті Тедрос Адханом Гебрейесус

НҰР-СҰЛТАН, 24 қазан – Sputnik. Дүниежүзілік денсаулық сақтау ұйымының басшысы Тедрос Адханом Гебрейесус коронавирустың таралуына байланысты әлемде қиын жағдай туындағанын хабарлады.  

"Әлем, әсіресе Солтүстік жарты шар бұл пандемияның күрделі кезеңінде тұр. Алдағы бірнеше ай өте қиын болады және кейбір елдер қауіпті жолға түседі. Көптеген елде сырқаттанған адамдар саны күрт өсіп жатыр", - деп мәлімдеді ДДҰ басшысы брифинг барысында.

Ол мемлекет басшыларын өлім-жітім өсіп, денсаулық сақтаудың негізгі қызметінде дағдарыс болып, мектептер қайта жабылмау үшін шұғыл шаралар қабылдауға шақырды, деп хабарлады РИА Новости.

Ал ДДҰ бас ғылыми қызметкері Сумия Сваминатан қарашаның соңына қарай бір немесе екі Covid-19 вакцинасы сынақтың үшінші кезеңінен өткізілетінін мәлімдеді. Айтуынша, сол кезде препаратты төтенше жағдайлар кезінде қолдануға кеңес беруге болады.

Оқи отырыңыз: Қазақстанда коронавируспен ауырған адамдар саны 110 мыңнан асты 

23 қазанда Covid-19 індетінің әлемдегі күн сайынғы өсімі бойынша жаңа рекорд тіркелді – 445 419 адам ауырған. Жалпы, пандемия басталғаннан бері 41 570 883 адам коронавирус жұқтырғаны анықталып, оның 1 134 940-ы қайтыс болды.

0
Кілт сөздер:
ДДҰ, коронавирус
Тақырып бойынша
Қысқы қолғап коронавирустан қорғай ма – вирусолог жауап берді
Көпті мазалаған сұрақ: екінші тоқсанда қашықтан оқу жалғаса ма?
Қазақстанда бір аптада коронавирустан 28 адам қайтыс болды
Дәрігерлерге өтемақы төлеу тәртібі өзгерді – министрлік түсініктеме берді 
Бекшин Алматыда инфекция жұқтырғандар неге көбейгенін айтты