Сәби

Қарағандыда қоқыстан жаңа туған сәби табылды

1610
Дәрігерлер бір айлық сәбидің денсаулығын тексеріп шықты, дене жарақаттары жоқ, нәрестенің анасы табылды

НҰР-СҰЛТАН, 6 сәуір – Sputnik. Қарағандыда үйлердің біріндегі қоқыс жәшігінен жаңа туған сәби табылды. Полицейлер үш күннен кейін нәрестенің анасын тапты.

Облыстық полиция департаментінің ақпаратынша, 3 сәуірде Қарағандының Октябрь ауданында үйлердің бірінің маңындағы қоқыс контейнерінен бір айлық сәби табылды.

Жедел жәрдем дәрігерлері қыздың денсаулығын бірден тексеріп шықты, дене жарақаты жоқ.

"Полиция департаментінің басшылығы нәрестенің анасын анықтау үшін жедел тергеу тобын құрды. Ішкі істер органдарының барлық жеке құрамы жұмылдырылды", - деп мәлімдеді Қарағанды облысы полиция департаментінен.

Тағы оқыңыз: Семейде екіқабат келіншек сұмдық жағдайды бастан кешірді

Дүйсенбі, 6 сәуірде полицейлер нәрестенің 22 жастағы анасын тапты.

Адам өлтіруге оқталу бабы бойынша сотқа дейінгі тергеу жүріп жатыр. Оқиғаның мән-жайы анықталуда.

1610
Кілт сөздер:
қоқыс жәшігі, сәби, Қарағанды
Тақырып бойынша
Қостанайда қоқыс жәшігінен сәбидің денесі табылды
Жамбыл облысында ерлі-зайыптының жанжалы әйел мен үш айлық сәбидің өмірін қиды
Ақтаудағы бір жасар сәбидің өліміне қатысты тың дерек шықты
Атырауда табылған тастанды сәбидің анасы ұсталды
кісен, архив

Қарағандылық полицейлер қауіпті банда ұсталған сәттің видеосын жариялады

278
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

278
қыз, архив

Қостанай облысында анасымен ұрсып қалған қыз өзіне қол салмақ болды

2921
(Жаңартылды 21:20 28.11.2020)
Оқиға Қостанай облысында болды. Қызды құтқару үшін полицейлер гараждың терезесін бұзып кірді

НҰР-СҰЛТАН, 28 қараша— Sputnik. Қостанайлық полицейлер өз-өзіне қол салмақ болған қызды құтқарып қалды, деп хабарлайды өңірлік полиция департаменті.

Қостанай тұрғыны тәртіп сақшыларынан көмек сұраған. Ол қалаға жақын маңдағы Тобыл ауылында қызы гаражды ішінен жауып алып, өзіне қол жұмсамақ ниетте екенін хабарлайды.

Бірнеше минуттан кейін әйел айтқан мекенжайға полиция лейтенанты Амангелді Сыздықов пен Мүслім Исабаев келеді.

Олар гараж ішінен көлік қозғалтқышының дыбысын естиді, ал терезеден көлік ішінде отырған қызды көреді.

Оқи отырыңыз: Батыс Қазақстанда 15 жасар қыз неге күйеуге шыққаны белгілі болды

Полицейлер гараж ішіне кірудің басқа жолы болмағандықтан терезені бұзып кіреді. Олар қызды таза ауаға алып шығады. Осы уақытта анасы да келіп жетеді.

Кейін белгілі болғандай, әйел қызымен ұрсып қалған, сондықтан бойжеткен өзіне қол салмақшы болады. Полицейлер олармен профилактикалық әңгіме өткізіп, екеуін үйге жеткізіп тастайды.

2921