Архивтегі фото

ШҚО-да коронавирустан қайтыс болған әйелге қатысты ақпарат шықты

7232
(Жаңартылды 13:46 13.04.2020)
Марқұм 12 сәуірде ауыр жағдайда провизорлық стационарға жеткізілген. Сол кезде бірден коронавирусқа сынама алынған

НҰР-СҰЛТАН, 13 сәуір – Sputnik. Шығыс Қазақстан облысының денсаулық сақтау басқармасы коронавирустан қайтыс болған әйел туралы ақпарат берді, деп хабарлайды Sputnik Қазақстан тілшісі.  

Басқарма басшысы Ілияс Мұхамеджанның айтуынша, 1979 жылғы әйел – Өскемен қаласының тұрғыны. Оны 12 сәуірде провизорлық стационарға жеткізген. Сол кезде бірден коронавирусқа сынама алынған. Корытындысы оң нәтиже берді. Ауруханаға түскенде жағдайы нашар болған.

"Диагнозы расталғаннан кейін науқас арнайы инфекциялық боксқа жатқызылып, интенсивті емдеу палатасына ауыстырылды. Түскен кездегі жағдайы ауыр, екі жақты пневмония, сол жақты плеварит, миокардит, сонымен қатар ауыр алкогольді интоксикация диагнозы қойылған", - дейді Мұхамеджан.  

Оның сөзіне қарағанда, науқасты бірден жасанды тыныс алу аппаратына қосқан. Барлық реанимациялық шара жасалған. Түнде екі рет жүрегі тоқтаған.

Оқи отырыңыз: Елімізде тағы бір адам коронавирустан қайтыс болды 

"Өкінішке қарай, жүрегі үшінші рет тоқтағанда реанимациялық шаралар нәтиже бермеді. Науқас көз жұмды. Ол шетелде болмаған. Қазіргі кезде онымен байланыста болған 13 азамат анықталып, оқшауланды. Олардан сынама алынды", - деп атап көрсетті Мұхамеджан.

7232
Кілт сөздер:
Шығыс Қазақстан, коронавирус
Тақырып бойынша
Қарағанды облысында 11 адамнан коронавирус табылды
Коронавирус індетін жұқтырғандардың саны артты
Павлодар облысы карантинге жабылады
Алматыда коронавирус табылған 14 адамның 12-cі медицина қызметкері болып шықты
Дәрігер темекі шегетіндер үшін коронавирус қаншалықты қауіпті екенін айтты
Алматыда 27 медицина қызметкері вирус жұқтырды, арасында жүкті әйел бар
Кісен

Қарағанды облысында ұйымдасқан қылмыстық топ ұсталды видео

188
Бес адамнан құралған ұйымдасқан қылмыстық топ екі жыл бойы Жезқазған мен Сәтпаевта ойын бизнесінен заңсыз пайда тапқан

НҰР-СҰЛТАН, 26 қазан – Sputnik. Қарағанды облысында заңсыз ойын бизнесін ұйымдастырған қылмыстық топтың жолы кесілді, деп хабарлайды Sputnik Қазақстан.

Қаржы министрлігі қаржы мониторингі комитеті баспасөз қызметінің ақпаратынша, қылмыстық топты Қарағанды облысы экономикалық тергеу департаментінің қызметкерлері ұстаған.

"2018 жылдың қаңтары мен 2020 жылдың мамыры аралығында бес адамнан құралған ұйымдасқан қылмыстық топ Жезқазған мен Сәтпаевта 7 заңсыз ойын нүктесін ұйымдастырған. Алынған табыстың жалпы сомасы 16 миллион теңгеден асады. Жедел шаралар нәтижесінде заңсыз айналымнан 200 данаға жуық Lotomatic ойын терминалы тәркіленді", - деп мәлімдеді ведомстводан.

Бұл факті бойынша қылмыстық іс бекітілген айыптау актісімен сотқа жолданды.

Айта кетсек, Қазақстанда құмар ойындарын өткізуге тек екі өңірдегі арнайы орындарда – Қапшағай қаласы мен Бурабайда рұқсат етілген. Республиканың қалған аумағында ойын терминалдары бар залдар мен казино жұмысына үзілді-кесілді тыйым салынған.

188
Кілт сөздер:
құмар ойын, Қарағанды облысы
Тақырып бойынша
Алматылық 30 миллион теңгемен ұсталды – видео 
Павлодардағы колониядан қашқан сотталушы бір жылдан кейін астанада ұсталды
Республикалық ветеринарлық зертхана қызметінің бастығы ұсталды – видео
Шығыс Қазақстанда халықаралық іздеуде жүрген қылмыскер ұсталды
Астанадағы қар

Көктайғақ, тұман және қар бүгін ауа райы қандай болады

320
(Жаңартылды 08:36 26.10.2020)
Синоптиктер аптаның алғашқы күнінде өңірлердің басым бөлігінде жауын-шашын болатынын хабарлады

НҰР-СҰЛТАН, 26 қазан — Sputnik. Циклон әсерінен елдің басым бөлігінде жаңбыр мен қар жауады. Оңтүстік-батыс пен оңтүстік-шығыста ғана жауын-шашынсыз. Кей жерлерде тұман, көктайғақ болып, жел күшейеді.

Өңірлердегі ауа райы

қазгидромет орталықтың хабарлауынща, Ақмола, Қостанай, Солтүстік Қазақстан облыстарында тұман, көктайғақ болады. Күндіз Ақмола және Солтүстік Қазақстанда желдің екпіні секундына 23-28 метрге дейін жетеді.

Қарағанды, Шығыс Қазақстан облыстарында да тұман мен көктайғақ. Желдің жылдамдығы - 15-20 м/с.

Қызылорда, Павлодар облыстарында жел күшейеді. Желдің екпіні секундына 25 метрге дейін жетеді. Павлодар облысында - көктайғақ.

Маңғыстау, Батыс Қазақстан, Ақтөбе облыстарында кей жерде тұман болады. 

Атырау, Жамбыл облыстарында жел күшейіп, 15-20 м/с-ке дейін жетеді. Алматы облысында таңертең тұман болады.

Ірі қалалардағы ауа райы

Елордада 26 қараща күні жаңбыр жауады. Сынап бағанасы плюс  4-7 градус шамасында көрсетеді. Желдің жылдамдығы - 7-14 м/с.

Алматыда күн ашық, жел жоқ. 15 градусқа дейін жылы. 

Шымкентте де жауын-шашынсыз, күн ашық, плюс 16 градус.

Тағы оқыңыз: Биылғы қыс қандай болады – синоптиктер болжам жасады

320
кеспе

Министрлік корей кеспесі қандай жағдайда қайта сатыла бастайтынын айтты

0
Сырттан әкелінген тауар кеден одағының талаптарына сәйкестендірілген кезде Қазақстанда қайтадан Корей кеспесін сатуға рұқсат беріледі

АЛМАТЫ, 26 қазан – Sputnik. Денсаулық сақтау министрлігінің санитарлық-эпидемиологиялық бақылау комитеті корей кеспесі Қазақстан нарығын қандай жағдайда қайтарылатынын айтты, деп хабарлайды Sputnik Қазақстан.

Қазақстан аумағына әкелінетін өнім кеден одағының тамақ өнімдерінің қауіпсіздігі туралы техникалық регламенттеріне сәйкес келуі тиіс. Сонымен қатар генетикалық түрлендірілген организмдердің (ГМО) болуы туралы таңбалау талаптары бұзылмауы керек.

"Корея Республикасының уәкілетті органдарын санитарлық-эпидемиологиялық іс-шаралар жүргізу туралы хабардар ету және өнім өндірушіге қатысты бақылауды күшейту, сондай-ақ өнімнің Кеден одағының техникалық регламентіне сәйкестігін бақылау зерттеулерінің нәтижелері корей кеспесін әкелуге және өткізуге тыйым салуды жоюға негіз болады", - деп хабарлады ведомство.

Сонымен қатар комитет қазір республика бойынша сауда желісінде талапқа сәйкес келмейтін өнімді сатудан алып тастау бойынша жұмыс жүргізіліп жатқанын хабарлады.

Тыйымды бұзып, корей кеспесін сатуды жалғастыратын кәсіпкерлерге әкімшілік құқық бұзушылық туралы кодекстің 425-бабы ("халықтың санитарлық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу") бойынша айыппұл салынады.

Айта кетейік, 14 қазаннан бастап Қазақстанда генетикалық түрлендірілген сояның көп болуына байланысты "Оттоги Рамен" компаниясының оңтүстік кореялық тез дайындалатын кеспесін әкелуге және сатуға тыйым салынды.

Сонымен қатар санитар дәрігерлер Қытайда шығарылған Better Cokies Danish Pride печеньесіне де тыйым салды.

0