Семей Орманындағы орман өрті

Шығыс Қазақстанда орман өртінің ауқымы 2,5 мың гектарға жетті

193
(Жаңартылды 11:50 25.04.2020)
"Семей орманы" резерваты аумағындағы өрт екінші тәулікке созылды, оны 400-ден астам өрт сөндіруші сөндіріп жатыр

НҰР-СҰЛТАН, 25 сәуір – Sputnik. Шығыс Қазақстанда "Семей Ормана" резерваты аумағындағы өрттің ауқымы екі жарым мың гектарға жетті, деп хабарлайды Sputnik Қазақстан Қазақстанның төтенше жағдайлар комитетіне сілтеме жасап.

Оқи отырыңыз: Әлемдегі ең үлкен тікұшақ Шығыс Қазақстанда басталған өртті сөндіруге жіберілді 

Баспасөз қызметінің мәліметінше, өртті сөндіру жұмыстары тәулік бойы жүргізіліп жатыр.

"Жалынның аумағы шамамен 2500 гектарға жуықтайды. Өртенген орман-дала массивінің ішіндегі жеке ошақтар сөндіріліп жатыр", - деп хабарлады төтенше жағдайлар комитеті.

Сондай-ақ, құтқарушылар таңертең аумақты аралап ұшып шықты. Өртті сөндіруге облыстың ТЖД, "Семей орманы", "Ертіс орманы" мемлекеттік орман табиғи резерваттарының және Ұлттық ұланның 400-ден астам қызметкері мен 100-ден астам техникасы жұмылдырылған.

"Казавиақұтқару" АҚ-ның Ми-26Т және "Қазавиаорманқорғаудың" Ми-8 тікұшақтары өрт ошақтарына су шашып жатыр.  

Еске салайық, 23 сәуірде сағат 15: 00-де "Семей Ормана" резерватына қарасты "Байдәулет" орман шаруашылығы аумағынан өрт шықты.

193
Кілт сөздер:
Шығыс Қазақстан, орман өрті
Тақырып бойынша
Жылқы құлынды биені өрттен құтқару үшін көк түтінге кіріп кетті – видео
Қостанай облысындағы орман өрті ауыздықталды
Алматы облысында дала өрті кезінде қаза болғандар наградаға ұсынылады  
Көктөбенің маңындағы екінші өртті сөндіру кезінде мәйіт табылды
Отқа оранған Австралия: жаңбырға қуанған өрт сөндірушілердің видеосы тарады
Кісен

Қарағанды облысында ұйымдасқан қылмыстық топ ұсталды видео

181
Бес адамнан құралған ұйымдасқан қылмыстық топ екі жыл бойы Жезқазған мен Сәтпаевта ойын бизнесінен заңсыз пайда тапқан

НҰР-СҰЛТАН, 26 қазан – Sputnik. Қарағанды облысында заңсыз ойын бизнесін ұйымдастырған қылмыстық топтың жолы кесілді, деп хабарлайды Sputnik Қазақстан.

Қаржы министрлігі қаржы мониторингі комитеті баспасөз қызметінің ақпаратынша, қылмыстық топты Қарағанды облысы экономикалық тергеу департаментінің қызметкерлері ұстаған.

"2018 жылдың қаңтары мен 2020 жылдың мамыры аралығында бес адамнан құралған ұйымдасқан қылмыстық топ Жезқазған мен Сәтпаевта 7 заңсыз ойын нүктесін ұйымдастырған. Алынған табыстың жалпы сомасы 16 миллион теңгеден асады. Жедел шаралар нәтижесінде заңсыз айналымнан 200 данаға жуық Lotomatic ойын терминалы тәркіленді", - деп мәлімдеді ведомстводан.

Бұл факті бойынша қылмыстық іс бекітілген айыптау актісімен сотқа жолданды.

Айта кетсек, Қазақстанда құмар ойындарын өткізуге тек екі өңірдегі арнайы орындарда – Қапшағай қаласы мен Бурабайда рұқсат етілген. Республиканың қалған аумағында ойын терминалдары бар залдар мен казино жұмысына үзілді-кесілді тыйым салынған.

181
Кілт сөздер:
құмар ойын, Қарағанды облысы
Тақырып бойынша
Алматылық 30 миллион теңгемен ұсталды – видео 
Павлодардағы колониядан қашқан сотталушы бір жылдан кейін астанада ұсталды
Республикалық ветеринарлық зертхана қызметінің бастығы ұсталды – видео
Шығыс Қазақстанда халықаралық іздеуде жүрген қылмыскер ұсталды
Астанадағы қар

Көктайғақ, тұман және қар бүгін ауа райы қандай болады

315
(Жаңартылды 08:36 26.10.2020)
Синоптиктер аптаның алғашқы күнінде өңірлердің басым бөлігінде жауын-шашын болатынын хабарлады

НҰР-СҰЛТАН, 26 қазан — Sputnik. Циклон әсерінен елдің басым бөлігінде жаңбыр мен қар жауады. Оңтүстік-батыс пен оңтүстік-шығыста ғана жауын-шашынсыз. Кей жерлерде тұман, көктайғақ болып, жел күшейеді.

Өңірлердегі ауа райы

қазгидромет орталықтың хабарлауынща, Ақмола, Қостанай, Солтүстік Қазақстан облыстарында тұман, көктайғақ болады. Күндіз Ақмола және Солтүстік Қазақстанда желдің екпіні секундына 23-28 метрге дейін жетеді.

Қарағанды, Шығыс Қазақстан облыстарында да тұман мен көктайғақ. Желдің жылдамдығы - 15-20 м/с.

Қызылорда, Павлодар облыстарында жел күшейеді. Желдің екпіні секундына 25 метрге дейін жетеді. Павлодар облысында - көктайғақ.

Маңғыстау, Батыс Қазақстан, Ақтөбе облыстарында кей жерде тұман болады. 

Атырау, Жамбыл облыстарында жел күшейіп, 15-20 м/с-ке дейін жетеді. Алматы облысында таңертең тұман болады.

Ірі қалалардағы ауа райы

Елордада 26 қараща күні жаңбыр жауады. Сынап бағанасы плюс  4-7 градус шамасында көрсетеді. Желдің жылдамдығы - 7-14 м/с.

Алматыда күн ашық, жел жоқ. 15 градусқа дейін жылы. 

Шымкентте де жауын-шашынсыз, күн ашық, плюс 16 градус.

Тағы оқыңыз: Биылғы қыс қандай болады – синоптиктер болжам жасады

315
Қандастар, архивтегі сурет

Биыл 11 мыңға жуық этникалық қазақ қандас мәртебесін алды

1
(Жаңартылды 12:44 26.10.2020)
1991 жылдан бері елге 1 миллионнан астам этникалық қазақ оралды. Қандастардың жартысынан көбі еңбекке қабілетті

НҰР-СҰЛТАН, 26 қазан – Sputnik. 2020 жылы 11 мыңға жуық этникалық қазақ тарихи отанына оралды. Оларға қандас мәртебесі берілді (бұған дейін оралман - Sputnik). Бұл туралы Еңбек және халықты әлеуметтік қорғау министрлігі хабарлады.

1 қазандағы жағдай бойынша 10,9 мың адам Қазақстанға оралды. Жалпы 1991 жылдан бері елге 1 миллион 68,3 мың этникалық қазақ оралды.

"Осы жылы Қазақстанға келген қандастардың жартысынан көбі Қытайдан, 27,7%-і – Өзбекстаннан, 9,1% – Түрікменстаннан, 3,4% – Моңғолиядан және 2,9% басқа елдерден", - делінген хабарламада.

Келген этникалық қазақтар, негізінен, Алматы және Маңғыстау облыстарына, сондай-ақ Нұр-Сұлтан және Шымкент қалаларына қоныстанды.

Қандастардың жартысынан көбі еңбекке қабілетті. 10,3%-і - зейнеткерлер.

Еске сала кетсек, енді этникалық қазақтар 1991 жылға дейін шет мемлекетте тұрғанын растамайды. Сондай-ақ, "оралман" сөзінің орнына қандас термині қолданылады.

1
Кілт сөздер:
этникалық қазақ
Тақырып бойынша
АҚШ Қытайда қысым көрген этникалық қазақтарға қатысты мәлімдеме жасады
Оралман емес, қандас: сенат этникалық қазақтарға қатысты заң қабылдады 
Назарбаева Қытай елшісімен кездесуінде этникалық қазақтар проблемасын көтерді
Қазақстан бүкіл әлемдегі этникалық қазақтарға арнайы куәліктер береді
Оралман ба, әлде қандас па - министр өзіне қай сөз жақын екенін айтты