Архивтегі фото

Сүйіктісін буындырып өлтірген: Ақтауда атышулы іске қатысты сот үкімі шықты

1134
Жанжал кезінде жеке көлігінде сүйіктісін жіппен буындырып өлтірген қаскүнем он бір жылын колонияда өткізеді

НҰР-СҰЛТАН, 18 мамыр – Sputnik. Маңғыстау облысының қылмыстық істер жөніндегі мамандандырылған ауданаралық соты өткен жылдың қыркүйегінде сүйіктісін буындырып өлтіріп, мәйітін қала сыртындағы арыққа тастаған Ақтау қаласының тұрғынына қатысты үкім шығарды.   

Қоғамдық резонанс тудырған қылмыс 2019 жылдың 18 қыркүйегінде жасалған, деп хабарлады inaktau.kz ресурсы.

Марқұмның анасы қызы үйге түнеуге келмеген соң дабыл қаққан. Ол келесі күні таңертең полицияға арызданған. Біраз уақыттан кейін жедел-іздестіру шараларын жүргізу барысында кісі өлтірді деген күдікті ұсталып, қамауға алынды. Тергеу аяқталғаннан соң іс сотқа берілді.

"Сотталушы Қылмыстық кодекстің 99-бабы "Адам өлтіру" бойынша кінәлі деп танылып, оған он бір жылға бас бостандығынан айыру жазасы тағайындалды. Сонымен қатар, сотталушы жәбірленушінің өкіліне алты миллион теңге көлемінде моральдық шығын төлеуге міндеттелді", - деп хабарлады Маңғыстау облыстық сотының баспасөз қызметі.

Ал материалдық залалды өтеу есебінен 3 миллион 513 мың 520 теңге өндіріп алынды.

Қылмыстық іс материалдарына сәйкес, 18 қыркүйекте ер адам өзінің сүйіктісін жұмыстан алып кетіп, бірге дүкенге азық-түлік алуға барған. Жолда араларында жанжал шыққан.  

Қалыңдығын өлтірген жігіттің ісіне қатысты тың дерек шықты – видео 

33-ші шағын аудандағы "Дина" гипермаркетінің жанындағы автотұрақта жастар ұрсысуын жалғастырған. Жанжал кезінде ер адам алдыңғы жолаушы орындығында отырған әйелдің мойнына жіп салып, оны буындырып өлтірген.

Айыпталушы қылмыс ізін жасыру үшін қала сыртына шығып, мәйітті Жетібай ауылына жақын маңдағы арыққа лақтырып кеткен.

Сот үкімі әлі заңды күшіне енген жоқ. Сотталушының адвокаттары апелляцияға берді. Үкімге наразылық білдірген жәбірленуші тарап та шағым түсірді.

1134
Кілт сөздер:
буындырып өлтірген, Ақтау
Тақырып бойынша
"Қарғыс атсын!": Ақтөбеде сот үкімін тыңдаған марқұмның анасы жылап қалды
"Буындырып, тепті": Алматылық қызды ұрлап әкетіп, жезөкшелікке мәжбүрлеген
Сау жері жоқ: Петропавлда әйел өзін ұрып-соққан сүйіктісін кешірді
Сүйіктісін қызғанған ақтаулық жантүршігерлік қылмысқа барды
"Тісімді сындырды": Қазақстанның үздік спортшыларының бірі зорланғанын айтты
Полицейлер Сарыағаш саунасында сұмдық істің үстінен түсті
Кейуана Гүлсара Байташова 1918 жылы 25 қазанда Қазығұрт ауданының Қарабастау ауылында дүниеге келген

"Жүзден асқан жеті адам бар": Қазығұртта кейуана 102 жасқа толды

139
(Жаңартылды 19:55 25.10.2020)
Жыл сайын кейуананы тек жақындары ғана емес, сонымен қатар жергілікті билік өкілері де құттықтайды

АЛМАТЫ, 25 қазан – Sputnik. Түркістан облысы Қазығұрт ауданында Гүлсара Байташова есімді кейуана 102 жасқа толды, деп хабарлайды Sputnik Қазақстан.

Гүлсара Байташова 1918 жылы 25 қазанда Қазығұрт ауданының Қарабастау ауылында дүниеге келген. Кейуананың әкесі ерте қайтыс болған. Ал анасы шамамен 80 жасында дүниеден өткен, оның жалғыз ғана бауыры бар. Ұзақ жасау қанында бар Гүлсара апаның түп нағашысы 105 жасында қайтыс болған.

Гүлсара Байташова бір ұл, бір қыздан 8 немере мен жиен сүйген, қазір 25 шөбере, 4 шөпшегі бар. Жыл сайын кейуананы тек жақындары ғана емес, сонымен қатар жергілікті билік өкілері де құттықтайды.

"Гүлсара Байташованы және аудандағы басқа да жүз жастан асқан кісілерді тек туған күн кезінде ғана емес, әр мереке сайын құттықтап барамыз. Ол кісілерге де, үйіндегі немерелеріне де сыйлық береміз. Әдетте шай мен тәттілер, орамал апарамыз", - деді Қазығұрт ауданы әкімдігінің баспасөз қызметі.

Сонымен қатар  әкімдік ауданда жүз жастан асқан жеті әйелдің бар екенін айтты. Оның ең үлкені 103 жаста, ал ер адамдар арасында ең қарт кісі 99 жаста. 

"Біздің аудан тау етегінде орналасқан. Таза су, таза ауа. Жергілікті тұрғындар сүт, қымыз, шұбат ішеді. Мұның бәрі осында жасалады. Жақсы экология да әсер етуі мүмкін. Қазығұрт адамдарға тұруға ыңғайлы жер, сондықтан бізде жүз жасайтындар көп", - деді аудан әкімдігінің баспасөз хатшысы.

Айта кетейік, бұған дейін кейуана мен Гүлсара Байташеваның жақындары Sputnik Қазақстан тілшісіне сұқбат берді.

139
Кілт сөздер:
кейуана, Қазығұрт ауданы
Тақырып бойынша
"Жылаған адам көп болды": 102 жасқа келген қазығұрттық кейуананың әңгімесі
"Әлі дәрі ішіп көрген жоқ" 104 жастағы кейуана ұзақ жасаудың құпиясымен бөлісті
Әйелінің соңынан кеткен: түркістандық кейуана 28 жыл көрмеген ұлымен жылап қауышты
"Кіріме дейін жуды": Індетті жеңген 89 жастағы кейуана дәрігерлерге алғыс айтты
Кейуана жат ағымның жетегінде кеткен қызын қайтара алмай жүр
Алматыда журналистер аллеясы пайда болды

Алматыда журналистер аллеясы пайда болды

19
(Жаңартылды 17:52 25.10.2020)
Алматыда жыл соңына дейін 250 мың түп ағаш отырғызу жоспарланған. Алдағы үш жылда қалада миллион түп ағаш отырғызу ойда бар

АЛМАТЫ, 25 қазан – Sputnik. Алматыда журналистер аллеясы пайда болды. Бүгін тілшілер Абай даңғылында Жароков пен Гагарин көшесінің ортасындағы алаңға ағаш отырғызды. Іс-шараны қала әкімдігінің жасыл экономика басқармасы ұйымдастырды, деп хабарлайды Sputnik Қазақстан тілшісі.

Журналисты Sputnik Казахстан Айгерим Таубай, Тимур Ниталиев, Ольга Тонконог
© Sputnik / Тимур Батыршин
Алматылық тілшілер қала орталығында 200 түп талшын ағашын отырғызды

Алматылық тілшілер қала орталығына 200 түп талшын ағашын отырғызды. Шараға түрлі баспа және электронды ақпарат агенттіктерінің тілшілері үлес қосты. Sputnik Қазақстан тілшілері де тыс қалмады.

"Көптен бері ағаш отырғызғым келген еді. Бүгін сондай мүмкіндік туды. Оның үстіне аллея қаланың дәл ортасында орналасқан. Бір жылдан кейін бұл жер жайқалып тұрады деп үміттенемін. Сол үшін ағаштарға күтім жасап, суарып отыратын боламын", - деді Sputnik Қазақстан тілшісі Ольга Тонконог.

Журналист Sputnik Казахстан Ольга Тонконог
© Sputnik / Тимур Батыршин
Sputnik Қазақстан тілшісі Ольга Тонконог

Ал жасыл экономика басқармасы не себепті талшын ағашы таңдалғанын түсіндірді. Ең алдымен бұл маңды мамандар зерттеген, жел болатынын ескеріп, таңдау талшын ағашына түскен.

"Сонымен қатар талшын ағашының тамыры тереңге жайылмайды. Ағаштар өскен соң жердің астында орналасқан жүйелерге зиян келтірмейді. Оның үстіне талшын Алматымен тығыз байланысты ағаш болып саналады. Бұл ағаш елу жылдан астам уақыт өмір сүреді, діңгегі де мықты болады, ішінен шірімейді. Ағаш зақымдала бастаса, бірден байқалады. Ондай жағдайда біздің мамандар қажетті шараларды уақытында қабылдайды", - деді басқарма басшысы Наталья Ливинская.

Глава Управления зеленой экономики акимата Алматы Наталья Ливинская
© Sputnik / Тимур Батыршин
Бұл ағаш елу жылдан астам уақыт өмір сүреді, діңгегі де мықты болады, дейді Наталья Ливинская

Айта кетейік, Алматыда жыл соңына дейін 250 мың түп ағаш отырғызу жоспарланған.

Наталья Ливинскаяның айтуынша, жыл сайын қалада 40 мың көшет отырғызылған. 20 жыл ішінде алғаш рет осынша ағаш егу жоспарланды.

Журналист Sputnik Казахстан Тимур Ниталиев
© Sputnik / Тимур Батыршин
Енді журналистер отырғызған ағашқа күтім жасауы қажет

"Ағашты отырғызуға әрбір қала тұрғынының атсалысқаны маңызды. Сол себепті бірқатар іс-шара жоспарланды. Соның бірі – журналистер аллеясы", - деді Наталья Ливинская.

Бұған дейін басқарма басшысы Наталья Ливинская алдағы үш жылда қалада миллион түп ағаш отырғызудың жоспары жасалғанын хабарлады. Ол қарағай, қайың, күл, үйеңкі, талшын, долана, алма, шие, өрік ағашы отырғызылатынын айтты.

Айта кетейік, 2019 жылы Нұр-Сұлтан қаласында журналистер аллеясы пайда болды.

19
Тақырып бойынша
Жеңілмеген қазақстандық боксшы журналистің бетіне су шашып жіберді – видео
Екі боксшы да журналистер алдына шықпады: жекпе-жектен кейінгі баспасөз мәслихаты
Президент блогерлер мен журналистерге ескерту жасады  
Қазақстанда митингтен хабар тарататын журналистер нені білуі тиіс
Журналистер арасында Бейсен Құранбек атындағы "Жігер" сыйлығы жарияланды
Астана көрінісі

Қазақстанда 26 қазанда қандай маңызды оқиғалар болады

0
Sputnik Қазақстан 26 қазан мен 5 қараша аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

26 ҚАЗАНҒА ЖОСПАРЛАНҒАН ШАРАЛАР  

08.30 – Түркия қорғаныс министрі Хулуси Акардың Қазақстанға ресми сапары. Қазақстан Республикасы қорғаныс министрлігінде Қазақстан мен Түркияның қорғаныс ведомстволары басшыларының кездесуі өтеді. Орналасқан жері: Нұр-Сұлтан, Достық көш., 14. Түркістан көшесі жағынан кіру (2 өткізу пункті). Анықтама үшін телефон: 8 (7172) 72-18-69, 72-15-59. Тіркелу үшін: 8 (7172) 72-18-69, 72-15-59.

09.00 – Ақпарат және қоғамдық даму министрлігі "Жыл еріктісі" халықаралық сыйлығына байқау жариялайды. Байқауға қатысу үшін өтінім беріп, qazvolunteer.kz интернет-платформасында волонтерлік қызмет туралы мәліметтерді толтыру керек. Өтінішт қабылдау 2020 жылдың 15 қараша күнгі сағат 09:00-ге дейін жалғасады (қосымша мәліметтер мына сілтемеде).

10.00 – Қазақстан жастары конгресі мен Нұрсұлтан Назарбаев қоры ұйымдастырған әмбебап және конвергентті журналистерді даярлауға арналған "Jas Qalam" республикалық жобасының басталуы. Жоба дәстүрлі сипатқа ие болды және үшінші рет өткізіліп отыр. Биыл оқыту екі тілде өтеді: 26 қазаннан 20 қарашаға дейін – орыс тілді аудитория үшін, ал 16 қарашадан 11 желтоқсанға дейін – қазақтілді аудитория үшін. Орыс тілді аудиторияға өтінімдер қабылдау 22 қазанда, ал қазақтілді аудитория үшін 16 қарашада аяқталады (тіркелу мына сілтеме бойынша).

10.30 – БҰҰ комитеттерінің көзқарасы бойынша сарапшылар мен жол картасы авторларының қатысуымен "Әділ сот талқылауына құқық" тақырыбындағы брифинг. Брифинг бейнеконференция форматында өтеді. Сарапшылар – Адам құқығы және заңдылықты сақтау жөніндегі Қазақстандағы халықаралық бюроның директоры Евгений Жовтис, адвокат Светлана Ковлягина, Данияр Қанафин, Алматы қалалық адвокаттар алқасының адвокаты Анар Ибраева, "Қадір-Қасиет" ҮЕҰ сарапшысы – онлайн-форматта өз ұсыныстарын республика заңнамасына енгізеді (тіркелу +7 (7172) 45-76-21 телефоны немесе prestigeedu20@gmail.com электронды  почтасы арқылы жүргізіледі).

11.00 – Интернеттегі трансляция форматындағы алаяқтықпен күрес тақырыбында ІІМ брифинг өткізеді. Спикер: ІІМ криминалдық полиция департаменті бастығының орынбасары Ерлан Омарбеков. Тақырып бойынша сұрақтар mvd_pr@mail.ru поштасы немесе 8 (705) 440 83 65 WhatsApp арқылы қабылданады.

Нұр-Сұлтан

08.30 – Түркия Республикасының қорғаныс министрі Хулуси Акардың Қазақстанға ресми сапары. Қорғаныс министрлігінде Қазақстан мен Түркияның қорғаныс ведомстволары басшыларының кездесуі өтеді (Өтетін орны: Қорғаныс министрлігі, Достық көшесі, 14. Байланыс телефоны: +7 (7172) 72-18-69, 72-15-59).

Алматы

17.00 – "Счастливые поют" музыкалық қойылымы – қос сахна саңлағы – Фрэнк Синатра мен Эдит Пиафқа арналған қойылым (Лермонтов атындағы Мемлекеттік академиялық орыс драма театры).

28 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

19.00 – "Мадам Баттерфляй" операсының премьерасы, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

29 ҚАЗАНҒА ЖОСПАРЛАНҒАН ШАРАЛАР

19.00 – "Дикарь. Третье слово" қойылымы, Максим Горький атындағы Мемлекеттік академиялық орыс драма театры (Нұр-Сұлтан қаласы, Желтоқсан көшесі 11-13).

31 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

18.00 – ХХ ғасырдың әйгілі хореографы Ролан Петидің Лео Делибес әуенімен сахналаған "Коппелия" комедиялық балеті. Либретто Эрнст Гофманның шебер Коппелиус жасаған механикалық қуыршаққа ғашық болған жас жігіт туралы "Песка" әңгімесінің негізінде жазылған ("Астана Опера" театры, Қонаев көшесі, 1. Байланыс телефоны: +7 (7172) 70 95 94).

5 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

12.00 – Эрнст Гофманның ертегісі бойынша "Щелкунчик" балеті, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0