Теңіз кеніші

Теңіз кеніші жабылуы мүмкін Атырау облысына үкіметтік комиссия аттанды  

3045
Теңіз кен орнында індетті жұқтырғандардың саны 935 адамға жетті. Бас санитар басқа аймақтарда да ұжымда коронавирус жұқтыру оқиғаларының бар екенін айтады

НҰР-СҰЛТАН, 20 мамыр – Sputnik. Қазақстанның бас мемлекеттік санитар дәрігері Айжан Есмағамбетова ұжымдарда коронавирус індетінің таралуына алаңдаушылық білдірді, деп хабарлайды Sputnik Қазақстан тілшісі.

Оның айтуынша, Теңіз кен орнында науқастар саны күрт өскен. Бүгінде ол жерде 935 оқиға тіркелді. Осыған байланысты Атырау облысына үкіметтік комиссия аттанды.

Оқи отырыңыз: Бас санитар Есмағамбетова қандай жағдайда қатаң карантин қайта енгізілетінін айтты 

"Комиссия Теңіз кен орнында тиісті жұмыстар атқару жоспарын қабылдайды. Негізгі мақсат – коронавирустың таралуын төмендету. Қазіргі кезде осы жоспардың орындалуын бақылауға алу қажет. Әйтпесе, науқастардың саны көбейеді, оқшаулау шаралары күшейеді. Кәсіпорынды жабуға тура келеді", - деді Есмағамбетова бүгінгі онлайн брифингте. 

Бас санитар басқа аймақтарда да ұжым ішінде коронавирус жұқтыру оқиғаларының бар екенін жеткізді. Мәселен, Шымкент қаласындағы "Петро Қазақстан Ойл Продакшн" ЖШС ұжымында 101 адам вирус жұқтырған. Мердігерлік компанияларда тағы 23 қызметкер ауырып қалды. Олар үйіне барып, вирусты 69 адамға жұқтырған. Ал Қарағанды облысында "Қазақмыс" компаниясының кеніштерінің бірінде 34 адам коронавирусқа шалдыққан.

3045
Кілт сөздер:
Атырау облысы, мұнай кен орыны, теңіз
Тақырып:
Төтенше жағдай және карантин (739)
Тақырып бойынша
Қазақстанның тоғыз өңірінде ХҚКО ашылды
Бас санитар дәрігер карантин кезіндегі моншалардың жұмысы туралы айтты
Нұр-Сұлтаннан шыға алатындар тізіміне тағы бір санат қосылды
Вице-министр күзде коронавирустың екінші толқыны басталуы мүмкін екенін айтты
Алматыда қоғамдық көліктің жұмыс уақыты ұзартылады
Архивтегі фото

Павлодар облысы әкімдігінде қайта ұйымдастыру жұмыстары жүргізілді

4
Мемлекеттік мекемелер құрамына жаңа қызметкерлер тартылмайды. Ведомстволардың штат саны қолда бар қызметкерлер есебінен қалыптасады

НҰР-СҰЛТАН, 18 қаңтар — Sputnik. Павлодар облысында екі басқарма біріктіріліп, жаңа басқармалар құрылды, деп хабарлады өңір әкімінің баспасөз қызметі.

Кәсіпкерлік және сауда басқармасы мен индустриялық-инновациялық даму басқармасы біріктірілді.

"Кәсіпкерлік және индустриялық-инновациялық даму басқармасы Павлодар облысының бизнес, өнеркәсіп және инновациялар мәселелеріне бақылау жасайды", - делінген хабарламада.

Өңірде цифрландыруды дамытумен айналысатын цифрлық технологиялар басқармасы жеке құрылымға шығарылды.

Ауыл шаруашылығы басқармасында да өзгеріс болды. Бұрын бұл ведомство ветеринарияға да жауапты болса, енді онымен ветеринария басқармасы айналысады. Сонымен қатар Павлодар облысында дін істері басқармасы қайта құрылды. 

Оқи отырыңыз: 2021 жылы Нұр-Сұлтанда не өзгереді 

Басқарма құрылымдары бекітілді. Ведомстволардың штат саны қолда бар қызметкерлер есебінен қалыптасады. Мемлекеттік мекемелер құрамына жаңа қызметкерлер тартылмайды.

4
Дәрігер, архивтегі фото

Атырауда жантүршігерлік қылмыс жасаған дәрігерлерге қатаң жаза кесілді

3470
(Жаңартылды 20:16 18.01.2021)
Қуаныш Нысанбаев 18 жылға, Асқар Қайыржан 16 жылға, Жәмилә Құлбатырова 15 жылға бас бостандығынан айырылды

НҰР-СҰЛТАН, 18 қаңтар — Sputnik. Атырауда жаңа туған баланы алдын ала сөз байласу арқылы өлтірді деп айыпталған облыстық перинаталдық орталықтың дәрігерлеріне сот үкімі шықты.

Сот оларды кінәлі деп танып, перинаталдық орталықтың бұрынғы бас дәрігері Қуаныш Нысанбаевты 18 жылға, акушер-гинеколог Асқар Қайыржанды 16 жылға, акушер Жәмилә Құлбатырованы 15 жылға бас бостандығынан айырды, деп жазды Ақ Жайық.

Неонатолог-дәрігерлер Руслан Нұрмұхамбетов пен Дариға Жұмабаева қылмыс туралы хабарламағаны үшін кінәлі деп танылып, үш жылға бас бостандығы шектелді.

"Құдай бізді кешірсін": Атырауда сәбиді өлтірген дәрігерлердің әңгімесі жарияланды

Естеріңізге сала кетейік,  2019 жылдың 29 қыркүйегінде Атырау перинаталдық орталығында дүниеге келген нәресте қимылсыз жатқандықтан, дәрігерлер сәбиді өлі туды деп тіркеген. Алайда сәбиді тоңазытқыш камераға апарған кезде оның аяғы қимылдай бастаған.

Сыбайлас жемқорлыққа қарсы қызметтің хабарлауынша, дәрігерлер құжатты түзетпеу үшін оны тоңазытқышта қалдыруға шешім қабылдаған.

3470
Кілт сөздер:
сәби, Атырау
Тақырып бойынша
Тоңазытқыштағы бала өлімі: прокурор бас дәрігерді 20 жылға соттауды сұрады
Перзентханадағы сұмдық: Ноғаев ауруханада қазір не болып жатқанын айтты
Тоңазытқыштағы бала өлімі: куәгер тірі нәрестені өз көзімен көргенін айтты
Тоңазытқыштағы бала өлімі: сотталушының адвокаты күтпеген мәлімдеме жасады
"Балаңызды өлтірген жоқпыз": перзентхана экс-басшысының соттағы соңғы сөзі