Архивтегі фото

Қарағанды облысында карантин шарасы қайта күшейтілуі мүмкін

1157
(Жаңартылды 10:00 21.05.2020)
Облыстың бас рентгенологы індетті өз бетінше емдеу аса қауіпті, сондықтан дереу оқшауланып, дәрігерге қаралған абзал дейді

НҰР-СҰЛТАН, 21 мамыр – Sputnik. Қарағандыда вирус жұқтырғандар саны күрт көбейді. Бір тәулікте бірден 24 адам анықталған.

Қауіпті кесел қала маңындағы елді мекендерге де ауыз сала бастаған. Жағдай осылай жалғаса берсе, бұрынғы шектеулер қайта енгізіледі, деп хабарлайды "Хабар 24".

Қарағанды облысының бас рентгенологы Мұхтар Әбілдин COVID-19 жұқтырған науқастардың барлығының кеуде суретін жіті қарап шығады. Оның сөзінше, ауырғандардың барлығының өкпесінде ақ дақтар пайда болады екен. Індетті өз бетінше емдеу аса қауіпті. Сондықтан дереу оқшауланып, дәрігерге қаралған абзал дейді.

"Кей адамдар бұл індетті қаңтар-ақпан кезінде жұқтырып, ауырып алғанбыз деп ойлап жүр. Олар қатты қателеседі. Бұл бұрын болмаған вирус. Тіпті біз, радиолог, диагност мамандар бірінші рет көріп отырмыз. Өкпенің бұлай қабынуын 25 жыл еңбек өтілімде көрмегенмін. Вирус өкпені қысқа уақытта жылдам зақымдайды", - деп атап өтті облыстың бас рентгенологы Мұхтар Әбілдин.

Өңірде қазір карантиннің жеңілдетілгені рас. Тіпті қалааралық қатынас та қалыпқа келтірілді. Спорт нысандары ашылып, саябақтарда жүруге рұқсат берілген. Тек мамандар қауіпсіздік шарасын қатаң сақтауды талап етеді. Алайда тұрғындар ең болмағанда бетперде киіп жүруді қажет көрмейтін сыңайлы.

"Көшеде, дүкендерде еркінсіп жүрген адамдарды көріп таңғаламын. Тұрғындар қорғанғысы келмейді. Қазір күн сайын 13,17, бүгін 24 адамнан індет анықталды. Осының бәрі салғырттықтың салдары", - дейді Қарағанды қаласының тұрғыны Ирина Московка.

"Халық карантин аяқталды деп ойлайды": бас санитар дәрігер ескерту жасады

Ал облыстың бас санитары осыған дейін балабақшаларда кезекші топ ашу жоспарын кейінге қалдырғанын айтады. Тіпті автобустарға медициналық бетпердесі жоқ жолашыларды алмау туралы ескерту беріпті. Себебі Қарағанды облысында соңғы 3 күнде індет жұқтыру көрсеткіші тиісті саннан жоғарылап тұр дейді ол.

"Егер бір апта бойы індет жұқтырғандар саны өсім көрсетсе, онда біз карантин шарасын қайта күшейтеміз. Сондай-ақ ашылған нысандарды жауып, қалааралық автобустарды қайта тоқтатуға мәжбүр боламыз. Соңғы үш күн бойы ауру көрсеткіші 8,9 процентке жетті. Ал ол 7 проценттен аспауы тиіс еді", - деп ескертті облыстың бас санитар дәрігері Қанат Асқаров.

Әлі де жабық жатқан Теміртау індет жұқтыру көрсеткіші бойынша Қарағанды қаласынан да асып түсті. Онда COVID-19 жұқтырғандар жүзден асып жығылған. Сондай-ақ Бұқар жырау ауданының орталығы Ботақара кентінде де күшейтілген шаралар енгізілді. Облыста қатерлі індет жұқтырғандар саны 270-тен асып жығылған. Олардың 150-ден астамы сауығып шықты.

1157
Кілт сөздер:
карантин, Қарағанды облысы
Тақырып:
Төтенше жағдай және карантин (735)
Тақырып бойынша
Карантин жеңілдетілген соң Алматыда көлік қозғалысы 20%-ке артты  
Есмағамбетова қандай жағдайда қатаң карантин қайта енгізілетінін айтты
Қазақстанда індетті жұқтырғандардың саны 7234 адамға жетті
Теңіз кеніші жабылуы мүмкін – Атырау облысына үкіметтік комиссия аттанды  
Павлодар облысында сауда орталықтары ашылып жатыр – келушілер нені білуі керек
Архивтегі фото

Павлодарда ұрылар жаңа көршілерін тонау үшін пәтер жалдаған

1249
(Жаңартылды 08:07 15.01.2021)
Жәбірленушілердің құнды заттарын алып кетпес бұрын, ұрылар алдымен есікті ақырын қаққан. Пәтерде ешкім жоқ екеніне көз жеткізгеннен кейін үйге кірген

ПАВЛОДАР, 15 қаңтар – Sputnik. Жедел уәкілдер пәтер ұрлығына күдікті екі павлодарлықты ұстады, деп хабарлады Павлодар облыстық полиция департаментінің баспасөз қызметі.

9 қаңтарда екі ер адам Павлодарда, академик Бектұров көшесіндегі үйлердің бірінен пәтер жалдаған. Олар батылдау болу үшін ішімдік ішіп, көршінің есігін қаққан. Пәтерде ешкім жоқ екеніне көз жеткізгеннен кейін сыртқы есікті бұзып, тұрғын үйге кірген.

Ол жерден ноутбук, микротолқынды пеш, фотоаппарат, барсетка және қымбат иіс суды алып кеткен.

"Ұрылар ұсталды. Оларға қатысты Қазақстан Қылмыстық кодексінің 188-бабы ("Ұрлық") бойынша сотқа дейінгі тергеу басталды. Ұсталғандар Павлодар қаласындағы уақытша ұстау изоляторына қамалды", - деді облыстық полиция департаменті бастығының орынбасары Ельдар Әбдікенов.

Бұл бап үш мың айлық есептік көрсеткішке дейін айыппұл салудан бастап мүлкін тәркілеп, 5 жылға дейін бас бостандығын шектеу немесе бас бостандығынан айыруға дейінгі жазаны қарастырады.

Оқи отырыңыз: Алматыда ұры пәтерді үй иесінің көз алдында тонап кетті 

Ұрылар пәтерге құлыпты бұзып, құнды заттардың барлығын, атап айтқанда, көбінесе зергерлік бұйымдарды, тұрмыстық техника мен ақшаны алып кетеді. Сондықтан, полицейлер үйден шыққан кезде терезе мен балкон есігінің мықтап жабылған-жабылмағанын тексеруді ұсынады.  

Жыл басынан бері облыста төрт пәтер ұрлығы тіркеліп, барлығы ашылды.

1249
Кілт сөздер:
ұрлық, Павлодар
Тақырып бойынша
Бішкекте пәтер тонады деген күдікпен қазақстандықтар ұсталды
Ақтөбе тұрғыны ерекше тәсілмен ұрлық жасады
Алматыда пәтер тонауға келген ұры үйде жүрген келіншекті зорлап кетті
Алматы облысында қаруланған қылмыстық топ ұсталды
Архивтегі фото

Полицейлер қымбат телефонды мың теңгеге "сатып алған" адамды ұстады  

656
Қызылорда облысының тұрғыны есік алдында отырған 5 жасар балаға 1000 теңге ұстатып, "Galaxy S10" ұялы телефонын алып кеткен

НҰР-СҰЛТАН, 14 қаңтар – Sputnik. Түркістанда алаяқ 5 жасар баланы алдап, қымбат ұялы телефонын 1 000 теңгеге сатып алған, деп хабарлады Polisia.kz.

Ресми мәліметке сәйкес, Түркістан қалалық полиция басқармасына жергілікті тұрғыннан арыз түскен. Оның есік алдында отырған 5 жасар немересіне белгісіз біреу 1000 теңге ұстатып, "Galaxy S10" ұялы телефонын алып кеткен. Шығынның жалпы көлемі 150 мың теңгені құрады.

Оқи отырыңыз: Сарапшы банк қызметкерін телефон алаяғынан қалай ажыратуға болатынын айтты

"Тәртіп сақшылары бірден жедел-іздестіру шараларына кірісті. Төрт сағаттың ішінде күдікті ұсталды. Ол Қызылорда облысының тұрғыны болып шықты. Қолды болған ұялы телефон тәркіленіп, заңды иесіне қайтарылды", - дейді полицейлер.

Қазіргі таңда күдікті қамауға алынды. Ал қылмыстық іс сотқа жолданды. Тергеу кезінде күдіктінің Қызылорда облысындағы төрт пәтер ұрлығына қатысы бар екені анықталды. Сондай-ақ, оның іздеуде жүргені белгілі болды.

656
Кілт сөздер:
телефон, алаяқтық
Тақырып бойынша
Теміртауда қыз зейнеткердің есепшотындағы жинақ ақшасын ұрлаған
Қарызды қайтармай жүрген адамнан ақшаны қалай алуға болады – мамандар кеңес берді
"Қиын жағдайда қалған" адамды үйіне кіргізген Түркістан тұрғыны сан соғып қалды
Шымкентте отырып, СҚО тұрғындары атынан кредит алған алаяқ ұсталды
Қазақстанның алты қаласында "театр" алаяқтық жасады
Теңіз кемелері

Ресей теңіз кемелерін жаңартады ма

0
1144 "Орлан" жобасының крейсерлері әуе тасымалдағыштан кейінгі әлемдегі ірі соғыс кемелері болып табылады. Сыйымдылығы – 25,8 мың тонна, ұзындығы – 250 метр, ені – 28,5 метр, экипаж саны – 760 адам

Жаңа зымырандар, заманауи борттық жабдықтар, бірегей әскери мүмкіндіктер – 1144 "Орлан" жобасының "Адмирал Нахимов" атты ауыр атомдық зымыран крейсері "Петр Великий" орнына Ресей әскери теңіз кешеніне қызметке түседі. Бұл 2022 жылы іске асады деп болжанып отыр.

Алғашқы қадам 

1144 "Орлан" жобасының крейсерлері әуе тасымалдағыштан кейінгі әлемдегі ірі соғыс кемелері болып табылады. Сыйымдылығы – 25,8 мың тонна, ұзындығы – 250 метр, ені – 28,5 метр, экипаж саны – 760 адам. 

Ресейде осы типтегі екі вымпел бар. "Петр Великий" Солтүстік флоттың құрамында жұмыс істейді. Бірақ "Нахимов" қолданысқа енгізілген сәттен бастап оны модернизацияға жөнелтеді. Екеуі де кез-келген нысананы жоюға қабілетті толық қаруланған теңіз платформалары. Стандартты жиынтық - П-700 "Гранит" кемеге қарсы зымырандарының 20 іске қосу қондырғысы, "Оса-М", "Кинжал" зениттік-зымырандық кешендері және С-300Ф "Форт" алыс қашықтықта әрекет ету зымыраны және "Метел" және "Водопад" кемеге қарсы зымыран торпедалар, АК-130 реактивті бомбометтер мен автоматты қос ұңғылы зеңбірек. 

 Адмирал флота Касатонов фрегаты
© Sputnik / Александр Гальперин

Атомдық энергетикалық қондырғысы, автономдылығы екі ай болса, жылдамдығы 31 торапты құрайды. Жүрісінің қашықтығы шектеусіз деуге болады. Крейсерлер Қиыр Солтүстік жағдайында да жұмыс істей алады және Ресейдің Арктика аймағында әскери қатысуын қамтамасыз етуге қабілетті. Бұл аймақты көптеген сарапшылар жақын болашақта табиғи ресурстар үшін соғыс өтетін алаң деп санайды. 

Алайда, барлық кемелер уақыт өте келе тозады. Егер 80-жылдардың аяғы мен 90-жылдардың басында "Орландар" кез-келген жауға төтеп бере алса, бүгінде жағдай өзгерді. Ресейде бірінші дәрежедегі соғыс кемелерін жасауда әлі де қиындықтар бар болғандықтан, қорғаныс министрлігі қолда бар кемелерді жаңартып, оларға бірінші кезекте жаңа қару-жарақ орнату туралы шешім қабылдады.

Кешен платформасы 

"Адмирал Нахимов" кемесі 1999 жылы жөндеуге жіберілген. Бірақ іс жүзінде крейсердегі жөндеу жұмыстары қорғаныс өнеркәсібіне ауқымды қаражат бөлінген 2013 жылы басталды. 2015 жылға қарай Северодвинскідегі "Севмаш" кәсіпорнында кемеден ескі жабдық шешіліп, корпусындағы ақауларға зерттеу жүргізілді. Модернизацияны 2018 жылға дейін аяқтау жоспарланған болатын. Бірақ бұл мерзім бірнеше рет кейінге шегерілді. Жөндеу жұмыстары борттағы құрал-жабдықтар мен қару-жараққа жаңа жабдықтарды енгізу арқылы пысықталды.

Өткен жылдың мамыр айында Ресей қорғаныс министрінің орынбасары Алексей Криворучко ауыр крейсерге алғашқылардың бірі болып "Циркон" гипердыбысты зымырандарын орнатылатынын мәлімдеді. Олар нысанаға дыбыс жылдамдығынан тоғыз есе жылдам ұшып жетеді. Соның арқасында "Циркон" кез-келген әуе шабуылына қарсы қорғаныс жүйесі үшін алынбас қамалдай. Қашықтығы 1000 шақырымға жуықтайды. Осылайша, "Циркон" америкаық "Гарпун" дыбысқа дейінгі кемеге қарсы зымырандарынан асып түсетін түрі бар. 

"Орландардың" әуедегі шабуылға қарсы қорғаныс жүйесі барлық кезде мінсіз болып келді. Модернизацияға дейін "Нахимовта" С-300Ф "Форт" ЗЗЖ болса, енді оған С-400-дің әлдеқайда жетілдірілген әскери-теңіз нұсқасы орнатылады. Түрлі типтегі зениттік оқ-дәрімен оқ ататын бұл кешен "көзге көрінбейтін" ұшақтар мен қанатты және баллистикалық басқа да нысандарға тосқауыл бола алады. 40Н6 жүйесінің зымырандары нысандарды 400 километр қашықтықтан дәлдей алады. "Адмирал Нахимовқа" С-400 ЗЗЖ-ның 96 іске қосу шахтасы орнатылады деп болжануда. Бұл осы кемені әлемдегі әуедегі шабуылдан ең жоғары деңгейде қорғалған кеменің бірі етеді. 

Сексен ұяшық 

Сонымен қатар, жақын аймаққа арналған "Кортик" зениттік-зымыран жүйесінің орнына"Панцирь-МЕ", "Оса-М" зениттік зымырандарының орнына "Редут" жаңа жүйесі келеді. Алайда, модернизация көбіне соққы жасау кешендеріне жүргізілмек. "Циркон", "Адмирал Нахимовтан" бөлек тағы П-800 "Оникс" кемеге қарсы зымырандары және "Калибр" қанатты зымырандары да орнатылады. 

"Граниттер" бір кездері қуатты қару болған. Оның жылдамдығы үш Мах, қашықтығы 625 киломтерге жетті. Бес жүз килотонналық ядролық оқтұмсық бір соққымен авиатасымалдағышты да жойып жіберуі мүмкін. Бірақ көлемі үлкен - ұзындығы он метр және салмағы жеті тонна. Жаңа кемеге қарсы зымырандардың қуаты аз болғанымен, олар әлдеқайда жедел және дәлдігі жоғары. 

Крейсердің кемеге қарсы қаруы да жаңартылады. "Адмирал Нахимовке" жақын қашықтықтағы торпедалар мен суасты қайықтарынан қорғайтын "Пакет-НК" кешені орнатылады. "Пакет-НК" жоғары автоматтандырылған. Ол нысанды өз бетінше анықтайды және саралайды, қозғалыс параметрлерін нақтылап, торпедоға нақты нысан мәліметін ұсынады. 

Сол сияқты, крейсердің электроникасы да толық модернизацияланады. Бұл кеме экипажының жағдай туралы хабардар болуын едәуір арттырады және борттағы қаруды қолдану мүмкіндігін әлдеқайда кеңейтеді. Сонымен қатар, крейсерге байланыс пен навигацияның жетілдірілген жүйелері, радиоэлектронды қорғаныс кешендері және жаңартылған үш Ка-27М палубалық тікұшақтарымен қамтамасыз етеді. Бұл машиналар экипаждың ықтимал жаудың сүңгуір қайықтарын табуын айтарлықтай жеңілдетеді.

0
Тақырып бойынша
АҚШ әскери-теңіз флотын қайта жарақтандырмақ
Балықшы теңіз алыбына мініп алды – экстремалды видео
Қара теңіз аймағында жаңа жүйе сынақтан өткізіліп жатыр
"Скиф" – теңіз түбіндегі құпия
Әскери-теңіз күштерінің әлеуеті артқан жыл