Архивтегі фото

Батыс Қазақстанда инфекцияны кімнен жұқтырғаны белгісіз науқас анықталды

400
Батыс Қазақстан облысының шалғай аудандарының бірінде 30 жастағы ер адамнан коронавирус инфекциясы анықталды

АЛМАТЫ, 21 мамыр – Sputnik. Батыс Қазақстан облысында коронавирус инфекциясын кімнен жұқтырғаны белгісіз бір науқас ауруханаға жатқызылды.

"Астана" телеарнасы Сырым ауданында 30 жастағы ер адамнан қауіпті инфекция табылғанын хабарлады. Алайда дәрігерлер инфекцияның көзін, кімнен жұқтырғанын таба алмай отыр.

Оқи отырыңыз: Қарағанды облысында карантин шарасы қайта күшейтілуі мүмкін 

Науқас коронавируспен ауыратын науқастармен байланыспағанын және ауылдан шықпағанын алға тартты. Ер адам аудандық ауруханада жұмыс істейді. Қазір ол ауруханаға жатқызылды.

"Бұл облыс ішінде инфекция көзі табылмаған алғашқы жағдай. Бізде 339 адамнан коронавирус инфекциясы табылды, олардың 70% – сырттан келгендер. Олар Ресей мен Атырау облысында вахтада жұмыс істегендер. Ал қалғаны – байланыста болғандар", - деп хабарлады тауарлар мен қызметтердің қауіпсіздігін бақылау департаменті басшысының орынбасары Нұрлыбек Мұстаев.

Науқас 60-қа жуық адаммен байланыста болған, барлығы оқшауланды.

Айта кетейік, Қазақстанда індет жұқтырғандар саны – 7234. Індеттен 3734 адам жазылып, 35 адам қайтыс болды.

400
Кілт сөздер:
коронавирус, инфекция
Тақырып:
Коронавирус эпидемиясы (1824)
Тақырып бойынша
Павлодар облысында сауда орталықтары ашылып жатыр – келушілер нені білуі керек
Карантин жеңілдетілген соң Алматыда көлік қозғалысы 20%-ке артты  
"Халық карантин аяқталды деп ойлайды": бас санитар дәрігер ескерту жасады
Есмағамбетова қандай жағдайда қатаң карантин қайта енгізілетінін айтты
Теңіз кеніші жабылуы мүмкін – Атырау облысына үкіметтік комиссия аттанды  
Қазақстанда індетті жұқтырғандардың саны 7234 адамға жетті
Стоматология

Орал тұрғыны стоматологияда күйіп қалып, ауруханада қайтыс болды

2450
Полицейлер қылмыстық іс қозғап, жәбірленушінің өрт шықпаған ғимаратта қалай күйіп қалғанын анықтап жатыр

НҰР-СҰЛТАН, 1 желтоқсан – Sputnik. Орал стоматологиясында жазатайым оқиға болды, 31 жастағы әйел белгісіз затқа күйіп қалып, ауруханада есін жимастан қайтыс болды.

"Мой город" өңірлік басылымының хабарлауынша, трагедия 30 қарашада "Строитель" шағын ауданында орналасқан стоматологияда болған.

Оқи отырыңыз: Біртанов стоматологияда көз жұмған баланың өліміне қатысты түсініктеме

Батыс Қазақстан облысы ТЖД мемлекеттік өрт бақылау басқармасы бастығының міндетін атқарушы Мереке Жұмағалиев қалалық көпсалалы ауруханаға белгісіз жағдайда күйіп қалған әйел жеткізілгенін айтты.

Өрт шыққаны туралы хабарлама түспегендіктен өрт сөндіру қызметі оқиға орнына жіберілмеген.

"Оқиға орнына Орал қаласы төтенше жағдайлар басқармасының қызметкерлері барды. Стоматология иесі жәбірленушінің стоматология бөлмесін тазартып жатқан кезде белгісіз жағдайда және белгісіз затқа күйіп қалғанын айтты. Материал облыстық полиция басқармасына тапсырылды", - деді Жұмағалиев.  

Батыс Қазақстан облысы денсаулық сақтау басқармасының баспасөз қызметі зардап шегушінің денесінің 80%-ін күйік шалғанын хабарлады. Сол күні әйел алған жарақатынан есін жимастан жансақтау бөлімінде қайтыс болды.

Іске қатысты бірқатар сараптама тағайындалды, сотқа дейінгі тергеу жүріп жатыр.

2450
Тақырып бойынша
Ақтауда балаға күш қолданған стоматолог қамауға алынды
Нұр-Сұлтанда тісін емдеткеннен кейін екі жастағы бала комаға түсті  
Қалааралық автобус

Алматыда қалааралық автобус апатқа ұшырады

774
(Жаңартылды 11:30 01.12.2020)
Шымкенттен Алматыға келген қалааралық жолаушылар автобусы діттеген жеріне жетуге аз қалғанда апатқа ұшырады. Жеңіл көлік автобусқа соқтығысқан

АЛМАТЫ, 1 желтоқсан – Sputnik. Жол-көлік оқиғасы Алматы қаласында Төле би және Өтеген батыр көшелерінің қиылысында болды.

Куәгерлердің айтуынша, жүргізуші Өтеген батыр көшесімен жүріп келе жатқан, содан кейін Төле бидің қиылысына тоқтап, қарсы беттегі көліктерге жол берген. Осы уақытта солтүстік бағытта жүріп келе жатқан Subaru Legacy автокөлігі автобусқа соқтығысқан.

Разбитый Subaru Legacy увезли на эвакуаторе, водителя и его пассажиров - на скорой
© Sputnik / Стрингер
Subaru автокөлігін эвакуатормен әкетті, жүргізушісі ауруханаға жеткізілді

Жол апатынан бес адам зардап шекті: Subaru автокөлігінің жүргізушісі мен сол көлікте болған үш жолаушы, сондай-ақ Шымкенттен Алматыға келе жатқан қалааралық автобус жолаушыларының бірі. Олардың барлығы жарақат алып, ауруханаға жеткізілді.

Куәгерлер мен автобус жүргізушісінің айтуынша, Subaru көлігінің жүргізушісі мас болған.

774
Кілт сөздер:
жол апаты, Алматы
Тақырып бойынша
Алматыда дрифт жасаған жүргізуші ірі апатқа себепкер болды
Шымкентте жедел жәрдем көлігі апатқа ұшырады: дәрігерлер әріптестерінің жағдайын айтты
Ресейлік әскерилер Степанакертте госпиталь ашты

Ресейлік әскерилер Степанакертте госпиталь ашты

0
Ресей, Әзербайжан мен Армения көшбасшылары қол қойған келісімге сәйкес ресейлік бітімгерлер Таулы Қарабақта жұмыс істеп жатыр

НҰР-СҰЛТАН, 2 желтоқсан – Sputnik. Ресейдің қорғаныс министрлігі Таулы Қарабақта дала госпиталін орналастырды. Бұл жөнінде Риа Новости хабарлады.

"Пневмокаркасты модульдерді орналастыру аяқталды. Біз бірінші кезекте бітімгерлер контингентін медициналық қамсыздандыруға бейімделіп отырмыз. Әрине, бейбіт тұрғындарға да көмек көрсетуге дайынбыз. 40-қа дейін адам орналастыра аламыз", - деді медициналық жасақтың басшысы Ярослав Иванов.

Оның айтуынша, госпитальде жансақтау, функционалды диагностика, зертханалық диагностика, ота жасау бөлімшелері және стоматологиялық кабинет пен офтальмолог кабинеті бар. Сондай-ақ, жасанды тыныс алдыру, ульрадыбыстық зерттеу аппараттары мен рентген бар.

10 қараша күні Ресей, Әзербайжан мен Армения көшбасшылары қол қойған келісімге сәйкес ресейлік бітімгерлер Таулы Қарабақта жұмыс істеп жатыр. Құжат 27 қыркүйекте басталған соғыстың толық тоқтатылуын, тұтқындар және қаза тапқандардың мәйітімен алмасуды қарастырады. Сондай-ақ, Армения Әзербайжанға Кельбаджар, Лачин және Агдам аудандарын қайтаруы керек.

Бакуде бұл келісімді Ереванның капитуляциясы деп атады. Президент Ильхам Әлиев құжат Әзербайжан үшін мейлінше тиімді екенін атап көрсетті: оның айтуына қарағанда, қазір соғыс кезеңі аяқталды және ендігі кезекте саяси мәселелерге көшуге болады.

Арменияның премьер-министрі Никол Пашинян бейбітшілік туралы келісім оған ауыр тигенін, бірақ, бұл Қарабақтағы орны толмас шығындардың алдын алуға мүмкіндік бергенін айтты. Осыдан кейін Ереванда премьердің қызметтен кетуін талап еткен наразылық акциялары басталды.

0