Темір тор мен кісен

Оралда жантүршігерлік қылмыс жасағандар ұсталды

3675
(Жаңартылды 11:52 21.05.2020)
Құқық қорғау органдарының өкілдері осы қылмысты тергеу кезінде бұдан бөлек тағы 63 қылмыстың ашылғанын айтады

НҰР-СҰЛТАН, 21 мамыр – Sputnik. Батыс Қазақстан облысында 86 жастағы әйелді және оның сал болып қалған ұлын қатыгездікпен өлтірген қаскөйлер ұсталды. Полицейлер қандықол қылмыскерлерді 8 ай бойы іздеген, деп хабарлады Polisia.kz.

Тергеу материалдарына сәйкес, 2019 жылы 7 қыркүйекте Орал қаласында 1934 жылғы Матрена Кулакова мен оның ұлы Константин Кулаковтың өлі денесі табылды. Кейуананың баласы сал ауруына шалдыққан және II топтағы мүгедек болған. Үйге түскен ұрылар екеуін жауыздықпен өлтіріп кеткен.

Сот-медициналық сараптама бойынша Матрена мен Константин Кулаковтарды алдымен басынан ұрып, одан кейін буындырып өлтірген. Екеуінің миы зақымданған және денеде көптеген жарақаттар анықталды. Қылмыскерлер үйдегі 130 мың теңгені, сондай-ақ 75 мың теңгенің алтын бұйымдарын алып кеткен.

"Осы қылмыстың кәугерлері мен күдіктілерін іздестіру барысында құқық қорғаушылар 2 209 пәтерді, 57 жеке үйді және 144 саяжайды аралап шықты. Қылмыскерлерге ұқсайтын 2 170 адам полиция басқармасына жеткізілді. Бұрын сотталған 485 адам және психиатриялық диспансерде тіркелген 180 адам тексерілді. Қолайсыз отбасынан шыққан балалар да тексеріске алынды. Оқиға орнынан барлық бейнежазбалар қаралды. 70 ломбард тексерілді", – дейді полицейлер.

Нәтижесінде 1991 жылғы, 1992 жылғы және 1993 жылғы үш ер адам қолға түсті. Қазіргі кезде үшеуі де тергеу абақтысына тоғытылды. Біреуі өз кінәсін толығымен мойындап, тергеу шараларына көмектесуге келісті. Ұрланған заттарды қайда тапсырғанын да көрсетті. Тергеу кезінде қалған екі қылмыскердің кінәсі дәлелденді.

"Осылайша, генетикалық сараптама тәркіленген әшекейлердің марқұм әйелдің мүлкі екенін көрсетті. Бұдан бөлек, күдіктінің біреуі киген киімнен қайтыс болған зейнеткердің ДНК-сы табылды. Қазіргі кезде күдіктілерге жасалған сот-психиатриялық сараптаманың қорытындысы жасалап жатыр. Соның нәтижесі бойынша қылмыстық іс сотқа жіберіледі", – деп атап көрсетті құқық қорғаушылар.

Оқи отырыңыз: Татуласуға жол жоқ: ұрлық ауыр қылмыс санатына жатқызылады

Полицейлер осы қылмысты тергеу кезінде тағы 63 қылмыстың ашылғанын да жеткізді. Атап айтқанда, велосипед ұрлаудың 40 фактісі, 3 пәтер ұрлығы, 8 саяжай мен гаражды тонау оқиғасы, өзге біреудің мүлкін ұрлаудың 11 фактісі және 1 қарақшылық бар. Бұдан бөлек, іздеуде жүрген 11 адам табылды.

3675
Кілт сөздер:
қылмыскер, ауыр қылмыс, қылмыс, Орал
Тақырып бойынша
Өзбекстанда ауыр қылмыс жасаған әйел Қазақстан азаматтығын алған
Әйелін талдырып, өгей қызын зорлады: ауыр қылмыс жасаған ақтөбелік ұсталды
Туысы бөлшектеп тастаған: Алматы облысында аса ауыр қылмыс ашылды
Ақтөбе облысында әкесімен ұрсысып қалған жігіт ауыр қылмыс жасады
Түркістан облысындағы қоршалған жер

Түркістан облысында сотты болған экс-әкімнің тағы бір заңсыз әрекеті әшкере болды

21
(Жаңартылды 10:43 20.10.2020)
Сыбайлас жемқорлық үшін сотталған бұрынғы әкім мен оның туыстары мемлекеттік табиғи саябаққа тиесілі жерді заңсыз сатып алды деген күдікке ілінді

АЛМАТЫ, 20 қазан – Sputnik. Түркістан облысында сыбайлас жемқорлық үшін сотталған экс-шенеуніктің 150 гектар жерді қалай жеке меншігіне айналдырып алғаны анықталып жатыр, деп хабарлады "Еуразия бірінші арнасы".

760 гектар жерді күзететін Мырзахан Атаханов – "Сырдария-Түркістан" мемлекеттік табиғи паркінің инспекторы. Ол бұл аймақта жеке меншік жердің де бар екенін айтты. Сонымен қатар оларды жақында қоршап та алған.

"Жақында жердің саябаққа кіретіні, ерекше қорғалатын аймаққа жататыны белгілі болды. Мұны тек екі апта бұрын білдік. Алайда бізді ол жаққа кіргізбей отыр, жеке аймақ, бәрі жабық. Ал біз мұнараға көтеріліп, бәрін бақылап отыруымыз керек", – дейді ол.

Мемлекеттік инспектордың айтуынша, бұл жерде өсімдіктің мың түрі өседі, оның ішінде 40 түрі Қызыл кітапқа енген. Сол себепті бұл жерде ешкім өз еркімен ештеңе тұрғыза алмайды.

Инспекторларға арналған кордон мен өрт мұнарасы 10 жыл бұрын аудан әкімі Бейбіт Сыздықов болып тұрған кезде салынған. Бірақ кейінірек бұл аймақ әкім туыстарының меншігіне айналды.

Осыған байланысты құқық қорғаушы Еркін Қахаров наразылық танытып, полицияға жүгінді. Нәтижесінде паркке тиесілі 150 гектар жер жеке меншікке айналып кеткені анықталды. Оның ішінде кордон мен өрт мұнарасы да бар. Ол тергеу нәтижесі жайлы кейінірек айтып беретінін мәлімдеді.

Сыбайлас жемқорлық үшін сотталған Отырар ауданының бұрынғы әкімі жерді мемлекетке қайтаруға дайын екенін білдірді.

"2009-2013 жылдары су тасқыны болды. Содан кейін олар кордон салғысы келді. Маған Асқаров келді. Ол сол кезде орман шаруашылығы комитетінде жұмыс істеген болатын. Менің жерімнің биікте екенін айтып, мұнара салуға рұқсат сұрады. Содан кейін жер бөлдім. Енді 10 жыл өткен соң осы мәселені көтеріп жатыр. Неге бұл инспекторлар осы уақытқа дейін үнсіз жүрген?", – деп мәлімдеді Сыздықов.

Оқи отырыңыз: "Мұны есептеуге білімнің де керегі жоқ": Ордабасы мақташылары жанайқайын жеткізді

Ең қызығы, ол аудан әкімі бола тұра бұл аймақтан жер сатып алуға болмайтынын білмеген. Ал табиғи саябақтың заңды өкілдері жерді қайтаруын талап етіп, сотқа жүгінгелі жатыр.

21
Кілт сөздер:
жер, жер дауы, Түркістан облысы
Тақырып бойынша
Ұлттық парк аумағынан небәрі 35 гектар жер жалға берілді – экология вице-министрі
12 миллион жылдық жартастар: Шарын шатқалының ғажайып көріністері – фото
Полиция Көк Жайлаудағы отырыс ұйымдастырушыларын іздестіріп жатыр
Алтынемел ұлттық саябағы аумағында жер сілкінді
Қазақстандық диқандар астық алқабының 93 процентін орып үлгерді
Тапаншамен ату

Шудағы арнайы операция: полицейлер арасындағы атыста біреуі ажал құшты

1115
(Жаңартылды 10:35 20.10.2020)
Атыс қаруымен қаруланған үш күдікті жол талғамайтын көлікпен жоғары жылдамдықпен келіп, арнайы жасақ қызметкерін қағып өткен. Ал қуғыншылар оларды тоқтату үшін қару қолдануға мәжбүр болған

НҰР-СҰЛТАН, 20 қазан – Sputnik. Жамбыл облысында жүргізілген арнайы операция кезінде полиция қызметкерлеріне қарсы оқ атылып, бір адам қаза болды, деп хабарлайды Polisia.kz.

Көліктегі полиция департаментінің Шоқпар станциясындағы желілік полиция басқармасының қызметкерлері есірткі тасымалымен айналысады деген күдікке ілінген.

Ішкі қауіпсіздік қызметіне полиция өкілдерінің есірткі жинап, оларды сату үшін Құмөзек аймағына баруы жоспарланып отыр деген ақпарат түскендіктен, арнайы мақсаттағы бөлім қызметкерлерімен бірлесе операция жүргізеді. Сондықтан да күдіктілердің жолын бөгеу үшін Шу – Тараз тас жолын жауып, олар мінген көлікті тоқтатуға әрекет жасалған.

Алайда, атыс қаруымен қаруланған үш күдікті жол талғамайтын көлікпен жоғары жылдамдықпен келіп, арнайы жасақ қызметкерін қағып өтіп, оқиға орнынан жасырынуға тырысады. Сондай-ақ, олар өз әріптестерінің ескертулеріне құлақ аспаған соң, қуғыншылар көлікті тоқтату үшін қару қолдануға мәжбүр болған.

"Үш күдіктінің екеуі атыс қаруынан жарақат алып, біреуі медициналық мекемеде көз жұмды. Жараланғандардың бірі ауруханаға жеткізілсе, тағы бірі уақытша ұстау изоляторына қамалды", – делінген ақпаратта.

Қазіргі кезде осы оқиғаға байланысты Қылмыстық кодекстің 297, 345, 362-бабына сәйкес сотқа дейінгі тергеу жүргізілуде. Тергеу мүддесіне сәйкес өзге ақпарат жарияланбады.

Оқи отырыңыз: Түркістан облысында браконьердің әкесі инспекторларға оқ атты

Айта кетейік, Қылмыстық кодекстің 297-бабы – есірткі құралдарын, психотроптық заттар мен олардың баламаларын алу, сату, сақтау немесе өткізу мақсатында заңсыз дайындап, өңдеп, тасымалдағаны үшін;

345-бабы – көлік құралдарын басқаратын адамдардың жолда жүру немесе көлік құралдарын пайдалану ережелерін бұзғаны үшін;

362-бабы – қызметтік өкілеттік пен билікті асыра пайдаланғаны үшін жауапкершілік қарастырады.

1115
Кілт сөздер:
полицейлер, шу, Жамбыл облысы
Тақырып бойынша
Алматы саябағына жас жігіт қаруланып келіп, оқ атты
Шымкенттегі үйлену тойында қонақты пышақтап, маңдайына оқ атты
Талғарда қоғам белсендісіне оқ атты: әкім мен оның жүргізушісі ұсталды
Ұлы көз жұмды: белгісіз біреу қала орталығында депутаттың көлігіне оқ атты
Көзіне дәл тиген - Алматы облысы полиция бастығының орынбасарына оқ атты
Қорғаныш құралдарын киген қызметкерлер

Министр Ресеймен арадағы шекарада бақылау бекеттерін қоюды ұсынды

0
Министрдің айтуынша, тексеріс жүргізуге мораторий енгізілгеннен кейін ветеринариялық және фитосанитариялық бақылау жүргізу қиындап кеткен

НҰР-СҰЛТАН, 20 қазан – Sputnik. Ауыл шаруашылығы министрі Сапархан Омаров республика бойынша жануарлардың аса қауіпті аурулары мен зиянды организмдерінің таралуына қарсы бірнеше шараны ұсынды, деп хабарлайды Sputnik Қазақстан тілшісі.

Осы мақсатта министр үкіметтен қыруар қаржы сұрады. Оған ветеринариялық және фитосанитариялық қадағалаудың ұлттық жүйесін құру жоспарланған.

"Ветеринариялық және фитосанитариялық қадағалаудың ұлттық жүйесін құруға республикалық бюджеттен 3 миллиард теңге бөлінуін сұраймыз. Сондай-ақ, әкелініп жатқан өнімге жедел ден қою және тиімді бақылау мен қадағалау мақсатында Ресей Федерациясы сияқты шекаралық бекеттердің тура маңынан ветеринариялық және фитосанитариялық бақылау бекеттерін орналастыруды ұсынамыз", – деп атап көрсетті Омаров.

Министрдің айтуынша, тексеріс жүргізуге мораторий енгізілгеннен кейін ветеринариялық және фитосанитариялық бақылау жүргізу қиындап кеткен. Инспекторлар белгілі бір нысанға барып тұрып, тексеріс жасай алмайды.

"Осыған байланысты нысандарға барып жасалатын тексерістерді, сондай-ақ, профилактикалық мақсаттағы ветеринариялық және фитосанитариялық қадағалау түрлерін мораторийден шығаруды ұсынамыз", – деді Омаров үкіметтің бүгінгі отырысында.

Оқи отырыңыз: Құс тұмауы: қырылған құстың саны миллионға жақындады

Бұдан бөлек, бүгінде жедел карантин енгізуге және инфекция ошағын жабуға біраз уақыт кетеді. Себебі әкімдердің қаулыларын келісу, бекіту және күшіне енгізу үшін 5-15 күндей күту керек. Ал ол уақыттың ішінде инфекция басқа жерге таралып кетуі әбден мүмкін. Ауыл шаруашылығы министрлігі шектеу шаралары туралы шешімді бекіту және тіркеу мерзімін 1 күнге дейін қысқарту қажет деп санайды.

0
Кілт сөздер:
мораторий, Ауыл шаруашылығы министрлігі
Тақырып бойынша
Солтүстік Қазақстанда 256 мың құстың қырылуына тұмаудың қатысы жоқ болып шықты
Қостанай облысында карантин күшейтілді
Базардағы құс өнімдерін тұтыну қауіпті ме – министрлік өкілдері жауап берді
Ауыл шаруашылығы министрлігі өлген құстарға өтемақы төлеу тәртібін түсіндірді
Одақ президенті құс тұмауына қатысты болжам жасады