Өңірлер

Атырауда жоғалып кеткен бір жарым жасар сәби өлі табылды

CC0 / Myshanah / Бала емізікті алуға ұмтылып жатыр, иллюстративті сурет
Бала емізікті алуға ұмтылып жатыр, иллюстративті сурет - Sputnik Қазақстан
Жазылу
Атырау полицейлері мен еріктілері бір жарым жасар баланы екі тәулік бойы іздеді, сәбидің денесі ескі септиктен табылған

НҰР-СҰЛТАН, 22 мамыр – Sputnik. Атырауда Жұлдыз шағын ауданында екі күн бұрын жоғалып кеткен 1,5 жасар сәбидің денесі табылды.

Бұл ақпаратты Sputnik Қазақстанға қала әкімдігінің баспасөз қызметі растады.

"Бала табылды, өкінішке қарай, ол көз жұмған", - деп мәлімдеді ведомстводан.

Еріктілердің айтуынша, баланың денесі қоқысқа толы ескі септиктен табылған. 

Сәбидің жоғалып кеткені туралы ақпарат 20 мамыр сағат 14.01-де түсті.

Бала үйінен шамамен сағат 13.30-да шығып, сол күйі оралмаған. Көрші үйде орнатылған камераға баланың әуелі аулада болғаны, кейін көшеге шыққаны түсіп қалған.

Бала анасы бір-екі минутқа үйге кіріп шыққан кезде із-түссіз жоғалып кеткен.

"Біз көшелерді аралап, тұрғындардан сұрастырып шықтық, бірақ еш нәтиже болмады. Содан кейін әлеуметтік желілер арқылы еріктілерді тарттық", - дейді қалалық жергілікті полиция қызметінің басшысы Ерлан Биғамбаев.

Сәбиді іздеуге 50 полицей мен 400-ге тарта ерікті жұмылдырылды.

Жаңалықтар
0