Үйлену тойы

Алматыда той жасауға рұқсат берілді ме

1903
(Жаңартылды 20:10 01.06.2020)
1 маусымнан бастап Алматыда азық-түлік сатпайтын базарлар мен автокөлік жуу орындары, монша мен сауна, спа-салон жұмысқа кірісті

АЛМАТЫ, 1 маусым – Sputnik. Алматыда банкет пен той өткізуге болмайды. Бұл жайында қаланың  бас санитар дәрігері Жандарбек Бекшин брифинг барысында мәлімдеді, деп хабарлайды Sputnik Қазақстан тілшісі.

"Қазір қоғамдық тамақтану орындарының жұмыс істеуі қажет екенін анықтадық. Қоғамдық тамақтану кәсіпорындарында банкет, үйлену тойы, кездесулер, көңіл көтеру, ұжымдық іс-шаралар өткізуге рұқсат әлі берілген жоқ", -деді ол.

Айта кетейік, 1 маусымнан бастап Алматыда азық-түлік сатпайтын базарлар мен автокөлік жуу нүктелері, монша мен сауна, спа-салон қызметіне рұқсат берілді. 1 маусымда өңірлер арасындағы блок бекет алынып тасталды. 

Қазақстан бойынша науқастардың саны 11 308 адамға жетті, 5 458 адам жазылып шықты, 41 адам қайтыс болды.

Алматыда 2 647 адамнан коронавирус инфекциясы табылды, 1 552 адам аурудан жазылды, 10 адам қайтыс болды.

1903
Кілт сөздер:
карантин, той, Алматы
Тақырып бойынша
Нұр-Сұлтанда блок бекеттер алынды – видео
Алматы тұрғыны екі адамды құтқарды - оқиға орнында түсірілген видео
Бекшин Алматыда қызметі тоқтатылған нысандарды атады
Карантин аяқталды деген сөз бе - Бекшин блок бекеттерді алу туралы айтты
Алматы маңында бойжеткеннің денесі табылды
Түрмедегі әйел

Түркістан облысында ауыл тұрғындары ет сататын әйелдің арбауына түсіп қалды

414
Күдікті әйел әр балаға елу мың теңге жәрдемақы уәде етіп, жәбірленушілердің жеке деректерін жинаған

НҰР-СҰЛТАН, 16 маусым – Sputnik. Түркістан облысында 147 ауыл тұрғынының атына онлайн несие рәсімдеген алаяқ әйел ұсталды, деп хабарлайды Polisia.kz.

Банк қызметкерлері кредит рәсімдеу операцияларынан күмәнді белсенділік байқап, облыс полициясына хабар берген. Тексеріс барысында күмән расталды: тәртіп сақшылары жергілікті тұрғындар алаяқтың құрбаны болуы мүмкін деген пайымға келді. Осыдан кейін тәжірибелі қызметкерлерден жедел тергеу тобы құрылды.

Жедел іздестіру шаралары барысында криминалды полиция қызметкерлері күдіктіні ұстады.

Әйел Сайрам ауданына қарасты ауылда тұрады, ет өнімдерін сатады. Қазіргі таңда ол екі айға қамауға алынды.

Анықталғандай, күдікті соңғы үш айда жәбірленушілердің сеніміне кіріп, жеке деректерін жинаған. Әйел әр балаға 50 мың теңге әлеуметтік көмек уәде еткен. Кейін тұрғындардың құжатын пайдаланып, олардың атына онлайн кредит рәсімдеген.

Тағы оқыңыз: Екі жігіт әлеуметтік желінің көмегімен 200-ден аса қазақстандықты сан соқтырып кетті

Полицияның ақпаратынша, 147 адам алаяқтың құрбаны болды. Бәрі – жергілікті тұрғындар.

"Қазір тергеушілер сотқа дейінгі тергеу жүргізіп жатыр. Жәбірленушілер саны әлі де өсуі мүмкін. Біз істің мән-жайын анықтап, шығынды есептеп жатырмыз", - деді Түркістан облысы полиция департаменті басшысының орынбасары Құрманбек Сахов.

Бұл факті Қылмыстық кодекстің 190-бабы  "Аса ірі мөлшердегі алаяқтық" бойынша сотқа дейінгі тергеулердің бірыңғай реестріне тіркелді. Тергеу жүріп жатыр.

414
Кілт сөздер:
Түркістан облысы, алаяқ, әйел
Тақырып бойынша
"Өлесің деп қорқытқан": Қостанайда желі арқылы баланы бопсалаған алаяқ ұсталды
Қарағанды облысында алаяқ басшы ұсталды
Қостанайда 44 адамның атынан кредит алған алаяқ ұсталды
Шымкентте отырып, СҚО тұрғындары атынан кредит алған алаяқ ұсталды
Терезе жуу

Семейде 25 жастағы әйел 4-қабаттан құлап кетті

1652
(Жаңартылды 09:45 16.06.2021)
Қыз тірі қалды, жағдайы орташа ауырлық деңгейінде, дейді дәрігерлер

НҰР-СҰЛТАН, 16 маусым - Sputnik. Семей қаласының тұрғыны терезе жуып жатып терезеден құлап кетті, деп хабарлайды Semeynews.kz порталы.

Қыз кіреберіс үстіне құлаған. Сондықтан құтқарушылар оны арнайы техниканың көмегімен алып кетті.

Оқи отырыңыз: Мәскеуде қазақстандық қыз 86-қабаттан құлап кетті – БАҚ

Жиырма бес жастағы әйел ауруханаға жеткізілді. Дәрігерлер оның жағдайын орташа ауырлық деңгейде деп бағалады.

1652
Кілт сөздер:
Семей, биіктен құлау, терезе
Ақша, архивтегі сурет

Қазақстанда зейнетақының орташа мөлшері қанша екені белгілі болды

0
Еңбек министрлігінің ақпаратынша, қазір республикада екі миллионнан астам зейнеткерге зейнетақы төленеді

НҰР-СҰЛТАН, 16 маусым – Sputnik. Жыл басынан бері қазақстандықтарға 1,1 триллион теңгеден астам зейнетақы төленді.

Еңбек және халықты әлеуметтік қорғау министрлігінің ақпаратынша, 2021 жылдың қаңтар-мамыр айларында республикалық бюджеттен базалық зейнетақы төлеуге 342,6 миллиард теңге, ынтымақты зейнетақы төлемдеріне 774,8 миллиард теңге бағытталды.

"1 маусымдағы жағдай бойынша зейнетақының орташа мөлшері (базалық зейнетақыны қосқанда) 100 019 теңгені құрады", - делінген ресми сайтта.

Ведомствоның мәліметінше, қазір Қазақстанда 2 миллион 243 мың зейнеткер бар.

Зейнетақы неден құралады

Зейнетақы төлемі үш деңгейден құралады:

  • Базалық зейнетақы;
  • Ынтымақты немесе еңбек зейнетақысы (1998 жылдың 1 қаңтарына дейінгі еңбек өтіліне байланысты);
  • Жинақтаушы зейнетақы (1998 жылдың 1 қаңтарынан кейін қорға аударылып отырған жарна есебінен).

Базалық зейнетақы

Бұған дейін Қазақстанда базалық зейнетақы барлық зейнеткерге бірдей мөлшерде төленетін. 2018 жылдың 1 шілдесінен базалық зейнетақыны тағайындау әдістемесі өзгерді. Қазір оның мөлшері азаматтардың еңбек өтілі мен зейнетақы жүйесіне қатысу ұзақтығына тәуелді.

Тағы оқыңыз: Қазақстанда зейнет жасы қашан көтеріледі

Егер зейнеткердің еңбек өтілі 10 жыл немесе одан кем, не мүлде болмаса оған ең төменгі күнкөріс деңгейінің 54%-і төленеді. Яғни 10 жылға дейін – бұл кепілдендірілген көлем. Қазақстанда базалық зейнетақыны бұл сомадан төмен ешкім алмайды. Ал егер еңбек өтілі 10 жылдан асса, онда тағы 2% үстеме қосылады. Мәселен, 11 жыл еңбек өтілі барлар төменгі күнкөріс деңгейінің 56% алады. Ал еңбек өтілі 33 жыл немесе одан да көп азаматтарға ең төменгі күнкөріс деңгейінің жоғары мөлшері – 100%-і төленеді.

Міндетті зейнетақы жарналары неғұрлым тұрақты және толық салынатын болса, зейнет жасына жеткенде базалық зейнетақының мөлшері соғұрлым көп болады.

Ал жасына байланысты зейнетақы төлемдерінің мөлшері 1998 жылдың 1 қаңтарындағы жағдай бойынша жұмыс өтіліне (кем дегенде 6 ай қажет) және зейнеткерлікке дейін алған орташа айлық табысқа байланысты болады.

0
Кілт сөздер:
базалық зейнетақы, зейнетақы
Тақырып бойынша
Депозиттегі ақша зейнетақы есепшотына аударылады – БЖЗҚ себебін түсіндірді
Зейнетақы жинағын пайдалану ережесі өзгереді – жаңа жүйенің пайдасын кім көреді
Қазақстанда зейнетақы жинағына қатысты жаңа өзгеріс күшіне енді
Тоқаевтың зейнетақы жинағына қатысты тапсырмасы қалай орындалып жатқаны айтылды