Архивтегі фото

COVID-19: Алматыда ауру белгілері жоқ науқастарды қалай емдеп жатыр

390
(Жаңартылды 16:57 08.06.2020)
Камалжан Надыров коронавирустың белгілері жоқ науқастар емдеуді қажет етпейтінін айтты. Алайда олар бақылауға алынған  

АЛМАТЫ, 8 маусым – Sputnik. Алматы қаласы қоғамдық денсаулық сақтау басқармасының басшысы Камалжан Надыров коронавирустың белгілері жоқ науқастардың қалай емделіп жатқаны жайлы айтты, деп хабарлайды Sputnik Қазақстан тілшісі.

"Инфекция жұқтырғандардың ішінде ауру белгілері жоқ науқастар саны 70%-тен асады. Елімізде коронавирус инфекциясынан емдеудің клиникалық хаттамасы бекітілген. Алайда ауру белгілері жоқ науқастарды арнайы емдеу тәсілі жоқ", - деді ол.

Надыров коронавирустың белгілері жоқ науқастарды емдеу жолын анықтауда әлемнің барлық ғалымы жұмыс істеп жатқанын алға тартты.

"Ауру белгілері жоқ науқастар медицина қызметкерлерінің араласуын және емдеуді қажет етпейді. Олар бақылауға алынған. Біз олардың жағдайын қоңырау соғып, сауалнама жүргізу арқылы қадағалаймыз", - деді Надыров.

Оқи отырыңыз: Надыров коронавирусқа байланысты жаңа лауазым енгізілетінін хабарлады 

Айта кетейік, Алматыда 2 882 адамнан коронавирус инфекциясы табылды, 1 875 адам жазылып шықты. 10 адам қайтыс болды.

7 маусымдағы ақпаратқа сәйкес, қалада ауру белгілері жоқ 135 адам бар.

390
Кілт сөздер:
емделу, науқастар, коронавирус
Тақырып:
Коронавирус эпидемиясы (1988)
Тақырып бойынша
"Қазақстан" телеарнасының қызметкерлерінен коронавирус табылды
Шымкентте карантин мерзімі 22 маусымға дейін ұзартылды
Жүріп-тұру тағы шектелді: Маңғыстау облысында бүгіннен бастап карантин күшейтілді
Қазақстанда әскерге шақырылған үш жігіттен коронавирус табылды
Тергеу изоляторында жеті адамның денсаулығы нашарлады: коронавирусқа анализ алынды
Дәрігер, архивтегі фото

Атырауда жантүршігерлік қылмыс жасаған дәрігерлерге қатаң жаза кесілді

2538
(Жаңартылды 20:16 18.01.2021)
Қуаныш Нысанбаев 18 жылға, Асқар Қайыржан 16 жылға, Жәмилә Құлбатырова 15 жылға бас бостандығынан айырылды

НҰР-СҰЛТАН, 18 қаңтар — Sputnik. Атырауда жаңа туған баланы алдын ала сөз байласу арқылы өлтірді деп айыпталған облыстық перинаталдық орталықтың дәрігерлеріне сот үкімі шықты.

Сот оларды кінәлі деп танып, перинаталдық орталықтың бұрынғы бас дәрігері Қуаныш Нысанбаевты 18 жылға, акушер-гинеколог Асқар Қайыржанды 16 жылға, акушер Жәмилә Құлбатырованы 15 жылға бас бостандығынан айырды, деп жазды Ақ Жайық.

Неонатолог-дәрігерлер Руслан Нұрмұхамбетов пен Дариға Жұмабаева қылмыс туралы хабарламағаны үшін кінәлі деп танылып, үш жылға бас бостандығы шектелді.

"Құдай бізді кешірсін": Атырауда сәбиді өлтірген дәрігерлердің әңгімесі жарияланды

Естеріңізге сала кетейік,  2019 жылдың 29 қыркүйегінде Атырау перинаталдық орталығында дүниеге келген нәресте қимылсыз жатқандықтан, дәрігерлер сәбиді өлі туды деп тіркеген. Алайда сәбиді тоңазытқыш камераға апарған кезде оның аяғы қимылдай бастаған.

Сыбайлас жемқорлыққа қарсы қызметтің хабарлауынша, дәрігерлер құжатты түзетпеу үшін оны тоңазытқышта қалдыруға шешім қабылдаған.

2538
Кілт сөздер:
сәби, Атырау
Тақырып бойынша
Тоңазытқыштағы бала өлімі: прокурор бас дәрігерді 20 жылға соттауды сұрады
Перзентханадағы сұмдық: Ноғаев ауруханада қазір не болып жатқанын айтты
Тоңазытқыштағы бала өлімі: куәгер тірі нәрестені өз көзімен көргенін айтты
Тоңазытқыштағы бала өлімі: сотталушының адвокаты күтпеген мәлімдеме жасады
"Балаңызды өлтірген жоқпыз": перзентхана экс-басшысының соттағы соңғы сөзі
ТҚКС, гараж

Алматы облысында көлігінің ұзақ жөнделгеніне ашуланған жүргізуші қызметкерге оқ атты

70
(Жаңартылды 18:05 18.01.2021)
Жараланған қызметкерге медициналық көмек көрсетілді, қазір оның өміріне ешқандай қауіп төніп тұрған жоқ

НҰР-СҰЛТАН, 18 қаңтар – Sputnik. Алматы облысында көлігін ұзақ жөндегеніне ашуланған жүргізуші техникалық қызмет көрсету станциясының қызметкеріне оқ атты, деп хабарлайды Polisia.kz.

Полицейлер күдіктіні "ізін суытпай" ұстады. ТҚКС қызметкері мен клиент сөзге келіп қалған.

"Криминалды полиция қызметкерлері бірнеше сағат ішінде 51 жастағы күдіктіні ұстады. Жараланған адамға медициналық көмек көрсетілді. Қазір оның өміріне ешқандай қауіп төніп тұрған жоқ. Тергеу барысында күдікті көлігінің ұзақ уақыт жөнделгеніне ашуланғаны анықталды. Ол қызметкермен жанжалдасып қалып, мылтықтан оқ атқан", - деп мәлімдеді Текелі қаласы полиция бөлімінің басшысы Ұлан Садықов.

Тағы оқыңыз: Алматы орталығында жүргізуші танысына оқ атты

Күдіктіден заттай айғақтар тәркіленді. Оған қатысты Қылмыстық кодекстің 99-бабы 1-тармағы, 24-бабы 3-тармағы, яғни адам өміріне қастандық жасау бойынша қылмыстық іс қозғалды. Күдікті уақытша ұстау изоляторына қамалды.

Істің қалған мән-жайы тергеу мүддесіне байланысты жария етілмейді.

70
Кілт сөздер:
көлік, жүргізуші, Алматы облысы
Асқар Мамин жаңа ұлттық экономика министрі Әсет Ерғалиевті таныстырды

Үкімет басшысы жаңа министрлердің алдына маңызды міндеттер қойды

16
Асқар Мамин тағайындалған министрлер әлеуметтік-экономикалық дамудың жаңа саясатын іске асыратынын атап өтті

НҰР-СҰЛТАН, 18 қаңтар — Sputnik. Премьер-министр Асқар Мамин ұлттық экономика, сондай-ақ еңбек және халықты әлеуметтік қорғау министрлерін таныстырды. 

Үкімет басшысы ұлттық экономика, сондай-ақ еңбек және халықты әлеуметтік қорғау министрліктерінің ұжымдарына жаңа тағайындалған министрлер – Әсет Ерғалиев пен Серік Шәпкеновті таныстырды.  

Мамин бұрынғы ұлттық экономика министрі Руслан Дәленовке, сондай-ақ бұрынғы еңбек және халықты әлеуметтік қорғау министрі Біржан Нұрымбетовке атқарған жұмысы үшін алғыс айтты.

Оқи отырыңыз: Тоқаев үкіметтің жаңа мүшелерін тағайындады 

Жаңа ұлттық экономика министрін таныстыра отырып, Асқар Мамин Әсет Ерғалиевтің жоғары кәсібилігі мен құзыреттілігін атап өтті. Түрлі жылдары ол Еуропа қайта құру және даму банкінде аймақтық бас сарапшы, премьер-министрдің кеңесшісі, ұлттық экономика вице-министрі, премьер-министр кеңсесі басшысының орынбасары  болып жұмыс істеді. Осы уақытқа дейін ұлттық экономика бірінші вице-министрі қызметін атқарды.

Жаңа еңбек және халықты әлеуметтік қорғау министрін таныстыра отырып, Асқар Мамин Серік Шәпкеновтің Батыс Қазақстан және Атырау облыстары әкімдерінің бірінші орынбасары ретіндегі үлкен тәжірибесін атап өтті. Осы уақытқа дейін Шәпкенов еңбек және халықты әлеуметтік қорғау вице-министрі қызметін атқарды.

"Мемлекет басшысы Қасым-Жомарт Кемелұлы Тоқаев еліміздің әлеуметтік-экономикалық дамуының жаңа саясатын іске асыру бойынша алдымызға маңызды міндеттер қойды. Олар экономикалық даму сапасын арттыруға, экономиканың өзіндік жеткіліктілігіне, салық саясатын жетілдіруге, инвестициялар тартуға және экспортты дамытуға бағытталған құрылымдық реформаларды жүргізуді қамтиды", — деді Мамин.

Сондай-ақ премьер-министр әлеуметтік саланы жаңғырту бойынша маңызды міндеттер іске асырылатынын атап өтті.

16
Тақырып бойынша
Еңбек және халықты әлеуметтік қорғау министрі туралы не білеміз
"Үкімет мұны түсінген жоқ": депутаттар Маминді қолдамады
Қазақстанның премьер-министрі тағайындалды
Мамин халық табысын қалай арттыруға болатынын айтты
Бірнеше депутат премьер-министр кандидатурасын қолдамады – Тоқаев не деді
Үкіметтің жаңа құрамы: ең жас министр