Бала және ер адам

Бұтақ арасына тығыла тұр деген: алматылық ер адамның әрекеті камераға түсіп қалды

4776
Елу тоғыз жастағы жергілікті тұрғын балаға су сатып әпергісі келгенін айтқан, қазір осы фактіге қатысты тергеу жүріп жатыр

НҰР-СҰЛТАН, 13 шілде – Sputnik. Әлеуметтік желілерде белгісіз ер адамның бес жасар баланы ұрламақ болғаны туралы ақпарат пен бейнеролик тарап жатыр. Алматы қаласының полиция департаменті осыған қатысты түсініктеме берді.

Кадрдан әйелдің бейтаныс ер адамды телефон камерасына түсіруге тырысып жатқанын көруге болады. Ер адам болса, бұрылып, кетіп қалған. Видео 10 шілдеде көшедегі бейнебақылау камерасына жазылды.

"Көршім аулада ойнап жүрген балаларға қарап күлімсіреген бөтен ер адамды байқайды. Ол бүлдіршіндердің бірін дүкенге шақырған. Әйел сезіктеніп, олардың артынан ілескен. Ер адам көрші әйелді көріп қалып, баладан бұтақ арасына тығылып, оны күтуді өтінген", - делінген желіде тараған ақпаратта.

Роликтегі ер адам ұсталып, баланың ата-анасының арызы негізінде полицияға жеткізілгені хабарланды. Алайда, профилактикалық әңгімеден соң, полиция оны жібере салған.

Тағы оқыңыз: Балаларды қарбыз қабығын жеуге мәжбүрлеген ер адам ұсталды - видео

Sputnik Қазақстан тілшісі Алматының полиция департаментіне хабарласып, мән-жайды білді. Полиция бүлдіршіннің әке-шешесі осы оқиға бойынша құқық қорғау органдарына арызданғанын растады.

Оқиға Алматының Түрксіб ауданында болған. Полицейлер ер адамды іздеп тауып, ұстады. Ол 59 жастағы жергілікті тұрғын.

Ер адам полицияға балаға су сатып әпергісі келгенін айтқан.

Оның шын мәнінде қандай ойы болғаны тергеу барысында анықталады, деді департаменттен.

4776
Кілт сөздер:
видео, бала, ер адам, Алматы
Тақырып бойынша
Ақтөбедегі балалар шипажайында баланы ұрып-соққан: видео жарияланды
Алматыда баланы өлтірген өгей әкенің сотына бет-аузын тұмшалаған біреу кіріп келді
Бұрқасын, адамдар

Қазақстанның жеті облысында дабылды ескерту жарияланды

945
Синоптиктердің болжамынша, кейбір өңірлерде қар жауып, бұрқасындатады, жел күшейеді, тұман түседі

НҰР-СҰЛТАН, 19 қаңтар – Sputnik. Қазақстанның жеті облысында 20 қаңтар дабылды ескерту жарияланды, деп хабарлайды Қазгидромет.

Ақмола облысында күндіз басым бөлігінде қар жауады деп болжанып отыр. Кей жерлерде бұрқасындатып, тұман түседі. Шығыстан соғатын желдің бағыты оңтүстік-батысқа ауысады, күші кей жерлерде 15-20 м/с дейін барады. Көкшетау қаласында таңертең және күндіз бұрқасын соғады, тұман басады, желдің екпіні 15 м/с болады.

Қостанай облысында кей жерлерде – тұман және бұрқасын. 15-20 м/с жылдамдықпен жел соғады.

Қарағанды облысында кей жерлерде бұрқасындатады деп күтілуде. Оңтүстік-батыстан, батыстан соғатын жел 15-20 м/с дейін күшейеді. Қарағанды қаласында күндіз жел күшейеді, екпіні – 18 м/с.

Тағы оқыңыз: Қазгидромет: желтоқсан айында соңғы 8 жылдағы ең қаһарлы қыс болды

Солтүстік Қазақстан облысының басым аумағында күндіз қар жауады. Кей жерлерде тұман түсіп, бұрқасындатады. Желдің күші 15-20 м/с, екпіні 23-28 м/с дейін жетеді деп болжануда. Петропавл қаласында да бұрқасын соғады, желдің екпіні 23-28 м/с дейін күшейеді.

Түркістан облысында кей жерлерде – тұман және жел (15-20 м/с).

Қызылорда облысында кей жерлерде тұман, көктайғақ болады. Қызылорда қаласында – көктайғақ.

Батыс Қазақстан облысында кей жерлерді тұман басады, бұрқасындатады. Орал қаласында да тұман және бұрқасын болжанып отыр.

945
Кілт сөздер:
ауа райы болжамы, синоптиктер, Қазгидромет
Залалсыздандыру жұмысы

Түркістан облысында демалыс күндері бірқатар нысан жұмыс істемейді

29
(Жаңартылды 18:03 19.01.2021)
Батыс Қазақстан облысы Орал қаласының аумағында 21 қаңтардан карантиндік шаралар қатаңдатылады. Сондай-ақ, Нұр-Сұлтан қаласында да шектеу шаралары күшейтілді

АЛМАТЫ, 19 қаңтар – Sputnik. Түркістан облысындағы базарлар демалыс және мереке күндері жабылады, деп хабарлайды Sputnik Қазақстан.

Түркістан облысы тұрғындары арасында коронавирус инфекциясының таралуына тосқауыл болу мақсатында карантин мен шектеу шаралары ұзартылды. Өңірдің бас санитар дәрігерінің қаулысына сәйкес, 15 қаңтардан бастап жабық базарлар демалыс және мереке күндері жұмыс істемейді. Жұмыс күндері сағат 09.00-ден 19.00-ге дейін қызмет көрсетеді.

Сондай-ақ, үй жанындағы дүкендер сағат 09.00-ден 23.00-ге дейін жұмыс істейді. Мал базарлар санитариялық-дезинфекциялық режимді күшейте отырып, тек сәрсенбі ашық болады.

Демалыс және мереке күндері қоғамдық тамақтану объектілерінің қызметі тоқтатылады. Олар дүйсенбі-жұма 09.00-ден 23.00-ге дейін ашық. Нысандарда санитариялық-дезинфекциялық режим, 2 метр әлеуметтік арақашықтық сақталуы керек.

Құрылыс, оптика, гүл дүкендері мен зоомагазиндердің қызметі жұмыс күндері сағат 09.00-ден 18.00-ге дейін, демалыс және мереке күндері жұмысы тоқтатылды.

Сұлулық салондары, шаштараздар, СПА-орталықтар, косметологиялық қызмет көрсететін объектілер қызметі сағат 09.00-ден 21.00-ге дейін шектеледі. Міндетті түрде алдын ала жазылу арқылы қабылдайды.
Мектепке дейінгі балалар мекемелерінің кезекші топтарында 15 баладан аспайды. 

Айта кетейік, Батыс Қазақстан облысы Орал қаласының аумағында 21 қаңтардан карантиндік шаралар қатаңдатылады. Сондай-ақ, Нұр-Сұлтан қаласында да шектеу шаралары күшейтілді.

29
Кілт сөздер:
нысандар, демалыс күндері, Түркістан облысы
Тақырып:
Коронавирус эпидемиясы
Тақырып бойынша
Коронавирустың "британдық" штаммы Қазақстанға жетті ме – министр жауабы
Қазақстанның тағы бір қаласында карантин күшейеді
Қытайда балмұздақтан коронавирустың жаңа түрі табылғаны рас па
Қазақстандық мұнайшылар коронавирусқа қарсы вакцина салдыруды сұрады
Алматылықтар коронавирусты қай жерде жиі жұқтырады
Жұмыс, қызмет

Президент мемлекеттік қызметшілерді қысқартуға қатысты тапсырма берді

58
Өткен жылы агенттіктің штаты 10 процентке қысқарған, биыл ақпан айының соңына дейін тағы да 15 процентке оңтайландырылмақ

НҰР-СҰЛТАН, 19 қаңтар — Sputnik. Қазақстан президенті мемлекеттік қызмет істері агенттігінің төрағасы Анар Жайылғанованы қабылдады, деп хабарлайды Ақорда.

Кездесуде мемлекет басшысына агенттіктің 2020 жылы атқарған жұмыстарының негізгі қорытындылары туралы егжей-тегжейлі есеп берілді.

Анар Жайылғанова ведомствоның мемлекеттік қызметке орналасу рәсімдерін жетілдіруге, саяси қызметті кәсібилендіруге, қызметкерлерді ынталандыруға және дамытуға бағытталған жұмыстар туралы айтты. Президенттік жастар кадрлық резерві, сондай-ақ, мемлекеттік қызметтің ұйымдастыру мәдениетін өзгертуге қатысты атқарылған шара жайлы ақпарат берді.

Агенттік төрағасы мемлекеттік қызметті цифрландыру, оның ішінде, "Е-қызмет" жүйесінің интеграция аясын кеңейту және i-Qyzmet жүйесін әзірлеу барысына да тоқталды.

Жайылғанованың айтуынша, өткен жылы агенттіктің штаты 10 процентке қысқарған, ал биыл ақпан айының соңына дейін тағы да 15 процентке оңтайландырылмақ.

Қасым-Жомарт Тоқаев агенттік төрағасына орталық және жергілікті деңгейдегі мемлекеттік қызметшілерді қысқарту үдерісінің ашықтығы мен тиімділігін бақылауды қамтамасыз етуді тапсырды. Сонымен қатар президент мемлекеттік басқару тұжырымдамасын әзірлеу және жүзеге асыру аясында ведомствоның жұмысын жандандыруға нұсқау берді. 

58
Кілт сөздер:
мемлекеттік қызметші, президент
Тақырып бойынша
Тоқаев биыл кімдердің жалақысы өсетінін айтты
Мамин екі министрді не себепті ауыстырды – сарапшылар пікірі
2021 жылы мемлекеттік қызметшілер қандай декларация тапсырады
Президенттің төрағалығымен үкіметтің кеңейтілген отырысы қашан өтеді
Мемлекет басшысы Ахметжан Есімовті қабылдады