Дәрігерлер

Атырауға ресейлік дәрігерлер көмекке келе бастады

278
Ресейден келген алты дәрігер Қазақстанның батыс аймағында тамыз айына дейін жұмыс істеуді жоспарлап отыр

АЛМАТЫ, 13 шілде – Sputnik. Қазақстандағы науқастарды емдеуге көмек көрсету үшін Ресейден келген дәрігерлердің алтауы Атырау облысына барды, деп хабарлады облыс әкімдігінің баспасөз қызметі.

Атырау облысының әкімі Махамбет Досмұхамбетов Нұр-Сұлтан қаласынан келген ресейлік дәрігерлерді қабылдап, аймақта қалыптасқан ахуалды түсіндіріп, жұмыстарына табыс тіледі.

"Елімізде қазір коронавируспен бірге пневмония дерті де ушығып тұр. Шілдеде облыстық аурухана жанынан 400 орын бар инфекциялық стационар ашылады. Сонымен қатар Құрманғазы ауданынан да қосымша орындар жасақталып жатыр", - деді облыс әкімі.

Сондай-ақ, облыс әкімі аймақ қажетті стационарлық орын мен дәрі-дәрмекпен және құрал-жабдықтармен толық қамтамасыз етілетінін айтты.

"Бастысы осы жасақталып, ашылып жатқан орындарда науқастарды емдейтін дәрігерлер керек. Жылдар бойы келе жатқан медициналық мамандар тапшылығы қиын кезде анық байқалды", - деп атап өтті Досмұхамбетов.

Аймақ басшысы жақын күндері Ресейдің Астрахан облысынан тағы бес дәрігер маман келетінін айтты.

"Пандемиямен күреске жұмылдырылған барлық дәрігердің жағдайы жасалып жатыр және жан-жақты қолдау жалғаса береді",- деді ол.

Айта кетейік, ресейлік дәрігерлер Атырауда үшінші тамызға дейін жұмыс істейді. Сонымен қатар Атырауға интернатурада оқып жатқан 100-ден астам жас маман медицина саласына тартылады.

Оқи отырыңыз: Тоқаев Атырау облысына қандай көмек көрсетілетінін айтты

Өткен аптада Қазақстанға Ресейден 32 маман келді. Олардың арасында реабилитолог, инфекционист, пульмонолог, эпидемиолог дәрігерлер бар. Делегация басшысы – Ресейдің денсаулық сақтау министрінің орынбасары Олег Гриднев. Ресейлік дәрігерлер Қазақстанда қанша қажет болса, сол уақытқа дейін жұмыс істеуді жоспарлап отыр. Олар Қазақстан бойынша дәрігерлерге кеңес беріп, жергілікті жерлерде, соның ішінде өңірлерде жұмыс істеп жатыр.

278
Кілт сөздер:
көмек, дәрігерлер
Тақырып:
Коронавирус эпидемиясы (2434)
Тақырып бойынша
Тоқаев үйде көмек көрсететін мобильді топтардың саны артатынын хабарлады
Қазақстанға келген гуманитарлық көмек екі айға жуық қоймада жатқан
Мұхтар Шахановтың орынбасары Тоқаевтан көмек сұрады
Қазақстанда гуманитарлық көмек сатыла ма: денсаулық сақтау министрлігі жауап берді
Қазақстанға Ресейден гуманитарлық көмек жеткізілді
Түркістан облысында жоғалған туристерді іздеу жұмыстары

Түркістан облысында тауда тағы бір адамның мәйіті табылды

187
Құтқарушылар мәйітті Айғыржыққан және Өгем өзендерінің тоғысқан жерінен су түбінен тапты. Оқиға орнына тікұшақ бет алды

НҰР-СҰЛТАН, 22 маусым – Sputnik. Түркістан облысы Төлеби ауданына қарасты "Сайрам-Өгем" шатқалында тағы бір адамның мәйіті табылды.

22 маусым сағат 11.50-де Шымкент қаласы ТЖД жедел-құтқару жасағының құтқарушылары мәйітті Айғыржыққан және Өгем өзендерінің тоғысқан жерінен екі шақырым жоғарыда су түбінен тапқан. Бұл туралы төтенше жағдайлар министрлігінің ресми өкілі Талғат Уәли мәлімдеді.

Пропажа туристов в Туркестанской области. Найдено еще одно тело
© Photo : МЧС Казахстана
Түркістан облысында тағы бір адамның мәйіті табылды

Мүрдені тасымалдау үшін "Қазавиақұтқару" тікұшағы оқиға орнына бара жатыр. Табылған мәйіт сараптама жасау үшін полицияға тапсырылады.

Тағы оқыңыз: Түркістан облысында жоғалып кеткен жігіттің денесін тас басып қалған

Ведомство ақпаратынша, жоғалған туристерді іздестіру жұмыстары 8 бағыт бойынша жүргізілді. Оған 107 адам, 17 бірлік техника, 3 квадрокоптер, 4 кинологиялық есеп пен 1 тікұшақ жұмылдырылды.

Еске салсақ, 25 мамыр сағат 18.30-да "112" пультіне Түркістан облысында тауда жеті туристің жоғалып кеткені туралы хабарлама түсті. Іздестіру жұмыстары 27 тәулік бойы жалғасты. Үш турист аман-есен отбасымен қауышса, тағы үшеуінің мәйіті табылған болатын.

187
Кілт сөздер:
төтенше жағдай, туристер, тау, Түркістан облысы
Тақырып бойынша
Түркістан облысында тауда жоғалып кеткен туристерді іздеу жұмыстары жалғасып жатыр
Түркістан облысында тауда жоғалған туристердің сөмкесі табылды – видео
Түркістан облысында тауда адасып кеткен адамдар құтқарылды
Құтқарушылар Түркістан облысында тауда жоғалған студенттердің заттарын тапты – видео
Утки

Солтүстік Қазақстанда құс тұмауы анықталды

48
Жергілікті тұрғындар көлдің жағасынан бірнеше құстың өлексесін тапты. Жабайы үйректер құс тұмауымен ауырған

НҰР-СҰЛТАН, 22 маусым – Sputnik. Солтүстік Қазақстан облысында жабайы үйректерден құс тұмауы анықталды, деп хабарлайды Sputnik Қазақстан облыстық ветеринария басқармасына сілтеме жасап.

Айыртау ауданында жабайы үйректер қырылды. Жергілікті тұрғындар Саумалкөл көлінде бірнеше құстың өлексесін тапты. Ветеринарлық қызмет мамандары сынама алып, зерттеу жүргізді.

"Нұр-Сұлтан қаласында жасалған зерттеу хаттамасына сәйкес, қырылған үйректерден құс тұмауы табылды. Ауданда үй құстарының індетті жұқтыру оқиғалары тіркелген жоқ", - дейді мамандар.

Олардың айтуынша, құс тұмауынан қырылған жабайы үйректердің саны көп емес. Сондықтан Айыртау ауданында карантин енгізудің қажеті жоқ. Алайда көл жағасында орналасқан елді мекендерде үй құстарына вакцина салу шаралары қолға алынды.

Айта кетейік, 2020 жылы күзде Солтүстік Қазақстан құс тұмауы таралып кеткен. Сол кезде 200 мыңнан астам құс қырылды. Басым бөлігі – құс фабрикаларының өнімі. Індет өршіген жерде өлген құсты ғана емес, онымен байланыста болған тірі құстарды да жоюға тура келді. Ол үшін аймаққа ең үлкен инсинератор жеткізілді. Ал мамандар инфекцияның жабайы құстармен бірге келгенін мәлімдеді.

Құс тұмауының штаммы алғаш рет адамнан анықталды

Ауыл шаруашылығы саласындағы эпидемияның салдарынан тауық еті мен жұмыртқа өндірісі төмендеді. СҚО-да құстың саны 30 процентке, ал негізгі құс фабрикалары орналасқан Қызылжар ауданында 60 процентке түсіп кетті. Содан жұмыртқа да, құс етінің бағасы да қымбаттады.

48
Тақырып бойынша
Құс тұмауы: қырылған құстың саны миллионға жақындады
Тоқаев құс тұмауы жайлы: жағдай өте күрделі
Ауыл шаруашылығы министрлігі өлген құстарға өтемақы төлеу тәртібін түсіндірді
Құс тұмауы Шығыс Қазақстанға жетті
Абылай Балапанов

Мемлекет басшысы алматылық студентті марапаттады

0
Өзгенің өмірі үшін өз басын қатерге тіккен студент Абылай Балапанов құрмет грамотасымен марапатталды

НҰР-СҰЛТАН, 22 маусым – Sputnik. Президент Қасым-Жомарт Тоқаев Алматыдағы субұрқақта тоққа түскен адамдарды құтқарған студент Абылай Балапановты құрмет грамотасымен марапаттады.

"Мемлекет басшысы адамдардың өміріне қатер төнгенде көрсеткен асқан ержүректігі мен батылдығы үшін Қ.Сәтбаев атындағы Қазақ ұлттық техникалық зерттеу университетінің 2-курс студенті Абылай Балапановты Құрмет грамотасымен марапаттады", - деп хабарлады президенттің баспасөз хатшысы Берік Уәли өзінің Facebook парақшасында.

Абылай Балапанов өткен демалыс күндері Алматы қаласындағы субұрқақтардың бірінде тоқ соғып, зардап шеккен әйел мен екі баланы құтқарып қалған.

Оқи отырыңыз: Тоқаев кішкентай қазақстандықты құтқарған түрік дәрігерін марапаттады

Естеріңізге салсақ, Алматыда 19 маусымда субұрқақтардың бірінде екі қыз бен бір ересек адамды тоқ соқты. Оларды құтқарғандардың бірі – алматылық 19 жастағы Абылай Балапанов. Ол Сәтбаев атындағы қазақ ұлттық техникалық зерттеу университетінің 2-курс студенті. 

"Орындықта кітап оқып отырған едім. Бір кезде "помогите" деген дауыс шықты, көмекке шақырды. Артыма қарасам, сол маңға он шақты адам жиналып қалыпты. "Не болды?" деп жүгіріп бардым. Барсам, субұрқақтың ішінде адам бетімен жатыр. Екі кішкентай қыз бен бір әйел кісі етбетімен суға жабысып қалған екен", - дейді Абылай.

Айтуынша, ол бірінші қыздың анасын судан шығарған. Өзін тоқ соққанына қарамастан екінші рет жасөспірімді шығаруға ұмтылған.

"Анасын қалай құтқарғаным есімде. Суға түстім, бірден аяқтан жамбасқа дейін тоқ ұрды. Бірақ қатты ұрған жоқ. Содан анасының қолынан ұстап, шығарып алдым. Қызын құтқаруға барған кезде тоқ біріншіге қарағанда қатты ұрды. Тоқ ұрды да, суға құлап түстім. Денемді толық тоқ ұрып жатты. Субұрқақ тоқтаған кезде жиегіне барып отырдым. Сол кезде қасыма 40-50 жастағы үлкен аға келді де, "тоқ ұра ма?" деп сұрады. "Иә" дедім. Сол кісі ақырындап суға түсті де қызды аяғынан тартып шығарып алды", - деді Абылай оқиғаның қалай болғаны жайлы.

Абылай тоқ соққан әйелдің қызын құтқарған ер адам туралы ештеңе білмейтінін айтты.

"Екінші қыз есін біліп, жылап тұрды. Ол қыздың қолын тоқ соққан", - деді Абылай.

Субұрқақтағы келеңсіз жағдай

Алматыда сенбіде әйел мен екі қызды субұрқақ ішінде тоқ соқты. Субұрқақ жанында балаларымен бірге отырған Үкілай Бестай есімді алматылық оқиға орнынан кадрларды жариялады. Оның айтуынша, екі қызды электр тогы ұрған. Оларды шығарамын деп барған қыздардың біреуінің анасы да темірге жабысып қалған.

"Мен сияқты суға түсуге көп адамның жүрегі дауаламады. Сол кезде осы Абылай деген жігіт өзін тоқ соғып жатса да, кезек-кезек оларды судан шығарды", - дейді видео авторы.

Оның сөзінше, аман қалған қыздардың бірі Талдықорғаннан келген, анасының құрбысы лагерьден алып 4 баланы қыдыртып жүрген екен.

Кейіннен Алматы қалалық денсаулық сақтау басқармасы қыздардың жағдайы жақсы екенін, ал әйелдің жансақтау бөлімінде жатқанын, жағдайының ауыр екенін мәлімдеді.

0