Дәрігерлер, архивтегі фото

Кеңес беріп, емдейді: Атырауға ресейлік дәрігерлер барды

127
Облыс әкімі Атырауға Астраханнан келген дәрігерлермен кездесіп, оларға көрсетіп жатқан көмектері үшін ризашылығын білдірді

НҰР-СҰЛТАН, 16 шілде – Sputnik. Астрахандық бес дәрігер Атырауға барып, облыс әкімі Махамбет Досмұхамбетовпен кездесті. Сондай-ақ, Атырау облысына гуманитарлық жүк жеткізілді.

Махамбет Досмұхамбетов медицина қызметкерлеріне COVID-19 пандемиясы кезінде көрсетіп жатқан көмектері үшін алғысын білдірді.

"Сіздерге және жеке Астрахань облысының губернаторы Игорь Бабушкинге көп рахмет. Біздің дәрігерлер жан аямай жұмыс істеп жатыр, кейбіреулері ауырып қалды, қазір олар қауіпті инфекциямен күресіп жатыр. Жұмыс көлемі үлкен. Біздің аймаққа сіздердің тәжірибелеріңіз, білім-дағдыларыңыз қажет", - деді Атырау облысының әкімі.   

Өңір басшысы келген дәрігерлер бүгіннен бастап өз міндетіне кірісетінін айтты.  

Атырау облысының коммуникациялар қызметі хабарлағандай, астрахандық дәрігерлер бұрын жұқпалы аурулар бөлімінде коронавирусқа шалдыққан науқастармен тікелей жұмыс істеген, сондықтан олар әріптестеріне кеңес берумен шектелмей, вирус жұқтырған адамдарды емдеуге тікелей қатысады.

Облыстық денсаулық сақтау басқармасының басшылығы мамандарды медициналық мекемелерге: облыстық кардиологиялық орталыққа, жұқпалы аурулар ауруханасына бөледі, кейбіреулері аудандарға жіберіледі.

Оқи отырыңыз: Атырауға ресейлік дәрігерлер көмекке келе бастады 

"Бізді өте жылы қабылдады, көп рахмет. Толыққанды жұмыс істеп, демалуға барлық жағдай жасалған. Біз әріптестерімізге коронавируспен күресуге көмектесу кезінде бар күшімізді салуға тырысамыз, қолымыздан келгеннің бәрін істейміз", - деді дәрігер Анна Чепель.

Дәрігерлер үшін барлық жағдай жасалған, тұрғын үймен, тамақпен және көлікпен қамтылған, деп сендірді коммуникациялар қызметі.

Бұған дейін, 13 шілдеде алты ресейлік дәрігер Атырауға жергілікті дәрігерлерге коронавируспен күресуге көмектесу үшін келген болатын.

Атырау облысында, ведомствоаралық комиссияның мәліметінше, бүгінгі күнге дейін 8 515 адам коронавирус жұқтырған.

127
Кілт сөздер:
дәрігерлер, Атырау облысы, коронавирус
Тақырып:
Коронавирус эпидемиясы (2434)
Тақырып бойынша
Жандарбек Бекшин науқастардың көбеюіне үш жағдай себеп болғанын айтты
Әкімдік вирусқа қарсы препараттар кімдерге тегін берілетінін хабарлады
COVID-19: Қазақстанда науқастардың саны 65 мыңнан асты
Ресейлік дәрігер Қазақстан ауруханасында не болып жатқанын айтып берді
Алматыда жағдайы ауыр науқастардың саны 30 процентке азайды
Түркістан облысында жоғалған туристерді іздеу жұмыстары

Түркістан облысында тауда тағы бір адамның мәйіті табылды

176
Құтқарушылар мәйітті Айғыржыққан және Өгем өзендерінің тоғысқан жерінен су түбінен тапты. Оқиға орнына тікұшақ бет алды

НҰР-СҰЛТАН, 22 маусым – Sputnik. Түркістан облысы Төлеби ауданына қарасты "Сайрам-Өгем" шатқалында тағы бір адамның мәйіті табылды.

22 маусым сағат 11.50-де Шымкент қаласы ТЖД жедел-құтқару жасағының құтқарушылары мәйітті Айғыржыққан және Өгем өзендерінің тоғысқан жерінен екі шақырым жоғарыда су түбінен тапқан. Бұл туралы төтенше жағдайлар министрлігінің ресми өкілі Талғат Уәли мәлімдеді.

Пропажа туристов в Туркестанской области. Найдено еще одно тело
© Photo : МЧС Казахстана
Түркістан облысында тағы бір адамның мәйіті табылды

Мүрдені тасымалдау үшін "Қазавиақұтқару" тікұшағы оқиға орнына бара жатыр. Табылған мәйіт сараптама жасау үшін полицияға тапсырылады.

Тағы оқыңыз: Түркістан облысында жоғалып кеткен жігіттің денесін тас басып қалған

Ведомство ақпаратынша, жоғалған туристерді іздестіру жұмыстары 8 бағыт бойынша жүргізілді. Оған 107 адам, 17 бірлік техника, 3 квадрокоптер, 4 кинологиялық есеп пен 1 тікұшақ жұмылдырылды.

Еске салсақ, 25 мамыр сағат 18.30-да "112" пультіне Түркістан облысында тауда жеті туристің жоғалып кеткені туралы хабарлама түсті. Іздестіру жұмыстары 27 тәулік бойы жалғасты. Үш турист аман-есен отбасымен қауышса, тағы үшеуінің мәйіті табылған болатын.

176
Кілт сөздер:
төтенше жағдай, туристер, тау, Түркістан облысы
Тақырып бойынша
Түркістан облысында тауда жоғалып кеткен туристерді іздеу жұмыстары жалғасып жатыр
Түркістан облысында тауда жоғалған туристердің сөмкесі табылды – видео
Түркістан облысында тауда адасып кеткен адамдар құтқарылды
Құтқарушылар Түркістан облысында тауда жоғалған студенттердің заттарын тапты – видео
Утки

Солтүстік Қазақстанда құс тұмауы анықталды

47
Жергілікті тұрғындар көлдің жағасынан бірнеше құстың өлексесін тапты. Жабайы үйректер құс тұмауымен ауырған

НҰР-СҰЛТАН, 22 маусым – Sputnik. Солтүстік Қазақстан облысында жабайы үйректерден құс тұмауы анықталды, деп хабарлайды Sputnik Қазақстан облыстық ветеринария басқармасына сілтеме жасап.

Айыртау ауданында жабайы үйректер қырылды. Жергілікті тұрғындар Саумалкөл көлінде бірнеше құстың өлексесін тапты. Ветеринарлық қызмет мамандары сынама алып, зерттеу жүргізді.

"Нұр-Сұлтан қаласында жасалған зерттеу хаттамасына сәйкес, қырылған үйректерден құс тұмауы табылды. Ауданда үй құстарының індетті жұқтыру оқиғалары тіркелген жоқ", - дейді мамандар.

Олардың айтуынша, құс тұмауынан қырылған жабайы үйректердің саны көп емес. Сондықтан Айыртау ауданында карантин енгізудің қажеті жоқ. Алайда көл жағасында орналасқан елді мекендерде үй құстарына вакцина салу шаралары қолға алынды.

Айта кетейік, 2020 жылы күзде Солтүстік Қазақстан құс тұмауы таралып кеткен. Сол кезде 200 мыңнан астам құс қырылды. Басым бөлігі – құс фабрикаларының өнімі. Індет өршіген жерде өлген құсты ғана емес, онымен байланыста болған тірі құстарды да жоюға тура келді. Ол үшін аймаққа ең үлкен инсинератор жеткізілді. Ал мамандар инфекцияның жабайы құстармен бірге келгенін мәлімдеді.

Құс тұмауының штаммы алғаш рет адамнан анықталды

Ауыл шаруашылығы саласындағы эпидемияның салдарынан тауық еті мен жұмыртқа өндірісі төмендеді. СҚО-да құстың саны 30 процентке, ал негізгі құс фабрикалары орналасқан Қызылжар ауданында 60 процентке түсіп кетті. Содан жұмыртқа да, құс етінің бағасы да қымбаттады.

47
Тақырып бойынша
Құс тұмауы: қырылған құстың саны миллионға жақындады
Тоқаев құс тұмауы жайлы: жағдай өте күрделі
Ауыл шаруашылығы министрлігі өлген құстарға өтемақы төлеу тәртібін түсіндірді
Құс тұмауы Шығыс Қазақстанға жетті

Суреттер сөйлейді: Андрей Стенин атындағы конкурстың лауреаттары фото

0
Андрей Стениннің құрметіне арналған жас фототілшілер конкурсының халықаралық қазылар алқасы 2021 жылғы лауреаттардың есімдерін атады

Құрамына әлемнің танымал фотографтары мен фотосарапшылары кірген қазылар жеңімпаздарды анықтау үшін жетпіс елден келіп түскен төрт жарым мыңнан астам жұмысты қарап шықты.

Шорт-параққа қатысушылардың қатарында Қытай, Ұлыбритания, Германия, Испания, Греция, Египет, Үндістан,  Түркия және басқа да елдің өкілдері бар. Айта кету керек, осы жылы шорт-параққа Индонезия, Мексика және Канаданың жас фотографтары тұңғыш рет енді.

2021 жылғы конкурс лауреаттарының жұмыстары өткен жылы ақпарат кеңістігінде көп қаралған оқиғалардың тізбегін қалыптастырып тұр. Олардың қатарында Миннеаполистегі мамырдағы наразылықтар, Африка мен Азияда шегіртке қаптауымен байланысты экологиялық апат, ғаламшардағы миллиондаған адамның өмірін жалмаған коронавирус пандемиясы бар.

Оқи отырыңыз: Ғарыштағы медуза және дирижер үйрек: фотобайқау жеңімпаздары - фото

Стенин атындағы Гран-приді кім алатыны және басқа жүлделі орындар кімге бұйыратыны қыркүйекте белгілі болады.

Көктемнің алғашқы айында Андрей Стенин конкурсы жеңімпаздарды stenincontest.ru | stenincontest.com сайтында жариялайды.

Андрей Стенин атындағы халықаралық фотожурналистика конкурсы жас фотографтарға қолдау көрсетуді және заманауи фотожурналистика алдындағы міндеттерге қоғам назарын аударуды мақсат тұтады.

0
  • Ресейлік фотограф Артем Оноприенконың "Менің Ғаламшарым, жалғыз суреттер" санатында Андрей Стенин атындағы конкурстың шорт-парағына енген "Күш-қуат орны" атты жұмысы. Автор бұл суретті Байкалда түсірген. Суретте отты спираль көл бетінен көтеріліп, тұңғиық қара аспанға қарай сіңіп бара жатқаны бейнеленген. "Байкал көлі тек әдемі пейзажымен емес, көптеген құпиясымен де тартымды. Байкалда табиғат "қолынан шыққан" айрықша "күш-қуат" орындары жетерлік", - дейді фотограф.

  • Мексикалық фотограф Elipe Mahe ұсынған "Мария Элена" атты сурет. Ол Андрей Стенин атындағы конкурстың шорт-парағына "Портрет. Біздің заманның батыры, жалғыз сурет" санаты бойынша енді. Феминицид құрбанына айналған Мексикадағы 27 жастағы саксофоншы Мария Элена Риос енді әділдік үшін күресіп жүр. Ол музыканың көмегімен қайта күш жинап, өз күресін жалғастыруға жігерлене түсті. Бұл сурет Мексикадағы "Өлілер күні" деп аталатын мереке кезінде түсірілген.

  • Грек фоторграфы Аггелос Барайдың "20 жастағы босқынды өлтіргеннен кейінгі Лесбос грек аралындағы тәртіпсіздіктер" атты суреті. Бұл жұмыс "Басты жаңалықтар, жалғыз сурет" санатында Андрей Стенин атындағы конкурстың шорт-парағына енді.

  • Канадалық фотограф Омиб Вахабзаденің "Black Lives Matter" атты суреті.

  • Мексикалық фотограф Luis Antonio Rojas туындысы - "Мексикадағы билікті жоғалту" атты сурет Андрей Стенин атындағы конкурстың шорт-парағына "Басты жаңалықтар, топтама" санаты бойынша енді. Бұл сурет Лопес Обрадор 2018 жылдың қыркүйегінде президент қызметіне кірісуінің алдында түсірілген. ОБҚ наркотоптар Мексика аумағының шамамен 20 процентін бақылауда ұстайтынын мәлімдеді. Ал Мексика билігі елдің қандай да бір аумағын өз бақылауынан шығарып алғаны туралы ақпарат жалған екенін айтуда.

  • Мексикалық фотограф Luis Antonio Rojas туындысы - "Мексикадағы билікті жоғалту" атты сурет Андрей Стенин атындағы конкурстың шорт-парағына "Басты жаңалықтар, топтама" санаты бойынша енді. Суретте кішкентай қыз бала өз туған күніндегі фотосессия кезінде Сакатекастың тарихи орталығында жылап отыр. Төрт картель Сакатекас арқылы өтетін фентанил бағдарын бақылауда ұстау үшін таласуда. Ал шағын қылмыстық топтар қарапайым мексикалықтарды тонаумен айналысуда.

  • Үндістаннан қатысқан фотограф Chandan Khanna "Жікке бөліну" атты суреті Андрей Стенин атындағы конкурстың шорт-парағына "Басты жаңалықтар, топтама" санаты бойынша енді. Суретте: адамдар 2020 жылдың 4 маусымында Миннеаполистегі импровизацияланған мемориал алдында жиналып, қарсылық акциясына қатысып тұр. 2020 жылдың 25 мамырында 46 жастағы Джордж Флойд Миннеаполисте полиция қызметкерлерінің қолынан қаза тапты.

  • Конкурстың қазылар алқасы ресейлік фотограф Сергей Бобылевтің "Портрет. Біздің заманымыздың батыры" санатындағы "Біздің заманымыздың тұлғалары" атты жұмысын да жоғары бағалады. Бұл суретте коронавирус жұқтырған науқастарды емдеуге арналған уақытша госпитальде ота жасап жатқан хирург бейнеленген.

  • Түрік фотографы Sebnem Coskun ұсынған "Түрік жүзушісі Нил Сахин" атты сурет. Бұл сурет те "Спорт, жалғыз суреттер" санатында Андрей Стенин атындағы конкурстың шорт-парағына енді.

  • Бангладеш фотографы Muhammad Amdad Hossain Андрей Стенин атындағы конкурсқа "Әсем көздер" атты жұмысын ұсынды. Ол "Портрет. Біздің заманымыздың батыры, жалғыз суреттер" санаты бойынша аталған байқаудың шорт-парағына енді.

  • Ресейлік фотограф Christina Brazhnikova түсірген "Даладағы еркіндік" атты суреті. Бұл туынды "Спорт, топтама" санатында Андрей Стенин атындағы конкурстың шорт-парағына енді.

  • Қытай фотографы Chang XU қолынан шыққан "Шаңғымен көктемге бет алып" атты туындысы. Ол "Менің ғаламшарым, жалғыз суреттер" санатында Андрей Стенин атындағы конкурстың шорт-парағына енді.

  • Азиялық фотограф Абдул Моминнің "Шомылатын уақыт" атты суреті.

  • Қытай фотографы Сяосюй Пудың "Оңтүстік-Қытай теңізіндегі қытай бұрғылаушылары" атты жұмысы.

  • Испаниялық фотограф Луиса Тато ұсынған "Африка шығысындағы шегіртке қаптауы" атты сурет "Менің ғаламшарым, жалғыз сурет" санатында Андрей Стенин атындағы конкурстың шорт-парағына енді. Бір топ қыз Кениядағы Туркан округының Нгамия-Уан, Накукулас аумағында шегіртке қаптаған жолмен жүріп келеді.

Кілт сөздер:
байқау, фото