Медбикелер, аурухана

"Сонда не үшін керекпіз?!": павлодарлық медбике қазақстандықтарға үндеу жасады 

3286
(Жаңартылды 12:41 17.07.2020)
Оның айтуынша, бүгінде медицина мамандары ауруханаға түскен әрбір науқастың өмірін сақтап қалуға бар күш-жігерін салып жатыр

НҰР-СҰЛТАН, 17 шілде – Sputnik. Павлодар қаласында жұмыс істейтін Екатерина есімді медбике интернетте теріс пікір жазатын пациенттер мен желі қолданушыларына үндеу жасады. Маман өзінің Instagram парақшасында жазба жариялап, науқастарды емдеп жүрген медбикелеге де оңай емес екенін жеткізді.

Оның айтуынша, бүгінде медицина мамандары ауруханаға түскен әрбір науқастың өмірін сақтап қалуға бар күш-жігерін салып жатыр. Пациенттер болса, мұны түсінбейді. Тіпті, дәріні қандай мөлшерде және қалай егу керектігін үйрететіндер бар.

"Осы біз, медицина қызметкерлері керекпіз бе? Кей кезде маған керек емес болып көрінеді. Иә, мүлдем керек емеспіз. Өйткені сіздер ем-домды жақсы білесіздер. Дәріні қандай мөлшерде және қалай егу керектігін, тіпті қай жерге салу қажеттігін де айтып отырасыз. Сонда біз не үшін керекпіз? Аяқты сүрту үшін бе?", - деп жазды Екатерина.

Посмотреть эту публикацию в Instagram

Публикация от K A T E R I N A (@katrin_essa_)

Маман біреудің алғысын күтпеймін дейді. Желіде дәрігерлер туралы жазатын теріс пікірлер жанына қатты батады. Біреулер "Ой, соншама тау қопаратындай не істеп жатыр?" деп жазса, енді біреулер ауруханаға жатқызылған туған-туысы туралы айтып, оған ешбір көмек көрсетілмейтініне арызданып отырады. "Ауруханада бәрібір емдемейді, ал дәріні мен үйде де іше аламын" деп жазатындар да аз емес.

"Бізде күнде 4 медбике жұмысқа шығады. Екеуі бекетте отырса, тағы екеуі процедура жасап жүреді. Ал бөлімшеде 70 науқас бар. Әрбіреуіне "система" қойылады, дәрі егіледі, сынама алынады, қан қысымы, сатурация мен дене қызуы өлшенеді. Соның бәрін медбикелер істейді", - дейді Екатерина.  

Маманның сөзіне қарағанда, ондайда әрбір пациенттің жанында отыруға уақыт жоқ. Ал адамдар көңіл бөлуді талап етеді. Медбикелер науқастың қасында үнемі отырмаса да, іштей алаңдайды, адамның жазылып шыққанын тілейді. 

"Біз әрбір пациенттің көңіліне қарап, отыра алмаймыз. Оған уақыт жоқ. Бірақ ол адамның жазылып шыққанын тілейміз, соған бар күш-жігерімізді салып жатырмыз. Біз де тұншығып жүреміз. Себебі қорғаныс костюмін шешуге болмайды. Туған-туыстарымыз үшін алаңдаймыз. Олар да ауырып жүр. Соған қарамастан, күнде сізге және сіздердің жақындарыңызға көмек көрсетуге асығамыз", - деп атап көрсетті ол.

Осы орайда медбике қазіргі жағдайдың мән-жайын білмейтін пациенттер мен желі қолданушыларына теріс пікір жазбауға өтініш жасады. Алғыс айтпауға да болады. Себебі медицина мамандары үшін ауруханадан шыққан әрбір пациент, құтқарылған әрбір өмір алғыспен пара-пар.

 

3286
Кілт сөздер:
үндеу, науқастар, медбике, Павлодар
Тақырып:
Коронавирус эпидемиясы (2011)
Тақырып бойынша
"Жылай бастаймын": Елордалық дәрігер ауруханада не болып жатқанын айтып берді
"Олар үшін мен ұялдым": елордалық медбике изолятордағы "өмір" туралы айтып берді
Видеоға түсірді: коронавирус жұқтырған медбике қалай қиналып жатқанын көрсетті
"Мұндайды ешқашан көрген емеспін": медбике ауруханадағы жағдай туралы ашық айтты
Ресейлік дәрігер Қазақстан ауруханасында не болып жатқанын айтып берді
Қар, бұрқасын

Қатты аяз және жел ертеңге ауа райы болжамы жарияланды

1387
Республиканың бірқатар өңірінде желдің екпіні секундына 28 метрге дейін күшейеді деп болжануда. Солтүстікте 40 градус аяз болады

НҰР-СҰЛТАН, 23 қаңтар – Sputnik. Қазақстанның басым аумағында құбылмалы ауа райы сақталады. Жексенбі, 24 қаңтарда синоптиктер бірқатар өңірде қар түрінде жауын-шашын болжап отыр. Кей жерлерде тұман түсіп, көктайғақ болады, бұрқасындатады және жел күшейеді, деп хабарлайды Sputnik Қазақстан. 

Өңірлердегі ауа райы

Алматы, Қызылорда, Маңғыстау, Атырау, Батыс Қазақстан, Солтүстік Қазақстан облыстарында кей жерлерде тұман күтілуде. Атырау облысында көктайғақ болады, Маңғыстау облысында күндіз желдің жылдамдығы 15-20 м\с дейін барады.

Ақтөбе облысында кей жерлерде бұрқасын соғады, көктайғақ болады.

Жамбыл, Түркістан облыстарында кей жерлерде тұман, бұрқасын, қатты жел болжанып отыр. Жамбыл облысында желдің екпіні секундына 23-28 метрге дейін күшейеді.

Тағы оқыңыз: Қазгидромет: желтоқсан айында соңғы 8 жылдағы ең қаһарлы қыс болды

Шығыс Қазақстан облысында, түнде Қарағанды, күндіз Қостанай облыстарында кей жерлерде бұрқасындатады, жел 15-20 м\с дейін күшейеді. Сондай-ақ, Қостанай, Қарағанды облыстарында кей жерлерді тұман басады.

Солтүстік Қазақстан, Павлодар облыстарында, Қостанай облысының солтүстігінде 40 градусқа дейін аяз болады деп болжануда.

Мегаполистерде ауа райы қандай болады

Нұр-Сұлтанда 24 қаңтарда көшпелі бұлт шығады, аздап қар жауады. 2-4 м\с жел. Түнде ауа температурасы -18-23 градус, күндіз -20-24 градус аяз.

Алматыда көшпелі бұлт шығады, қар жауады, 1-3 м\с жел соғады. Сынап бағанасы түнде 5-6 градус, күндіз 4-5 градус суықты көрсетеді.

Шымкентте де көшпелі бұлт шығады, аздап қар жауады деп күтілуде. Желдің жылдамдығы 2-5 м\с. Түнде температура – 2-3 градус суық, күндіз нөлден -1 градусқа дейін.

1387
Кілт сөздер:
ауа райы болжамы, Қазгидромет
Жас жігіт

Семейде бозбаланың өзіне қол салған сәті видеоға түсіп қалды

1522
Әлеуметтік желілерде ер адамның көпірден секіріп кеткен сәті түсіп қалған видео тарады, полиция тергеу жүргізіп жатыр

НҰР-СҰЛТАН, 23 қаңтар – Sputnik. Семейде жас жігіт көпірден секіріп көз жұмды. Полиция "Өзін-өзі өлтіруге дейін жеткізу" бабы бойынша сотқа дейінгі тергеу бастады, деп хабарлайды "Arnapress.kz" басылымы.

Әлеуметтік желіде ер адамның көпірден секіріп кеткен сәті түсіп қалған видео тарады. Видеоны сол маңнан өтіп бара жатқан куәгер кездейсоқ түсіріп алған.

ШҚО полиция департаменті баспасөз қызметінің ақпаратынша, трагедия 22 қаңтарда кешкі алтылар шамасында болды.

Посмотреть эту публикацию в Instagram

Публикация от 🌉Semey_news16🌁 (@semey_news16)

Дәл сол күні Семей полиция басқармасы орталық полиция бөлімі Қылмыстық кодекстің 105-бабы 3-тармағы 1-тармақшасында көзделген қылмыстық құқықбұзушылық құрамы бойынша (Кәмелетке толмаған адамға қатысты жасалған, өзін-өзі өлтіруге дейін жеткізу) сотқа дейінгі тергеу бастады", - деп жазады басылым.

Көпірден секіріп кеткен жас жігіт 2003 жылғы екені хабарланды.

Қылмыстық-процессуалдық кодекстің 201-бабы 1-тармағына сәйкес, сотқа дейінгі тергеу материалдары жария етілмейді, деп мәлімдеді департаменттен.

1522
Кілт сөздер:
бозбала, видео, Семей
Тақырып бойынша
Түрмеде азаптаудан үш сотталушы көз жұмып, біреуі өз-өзіне қол жұмсаған
Батыс Қазақстанда қыз бала хат қалдырып, өз-өзіне қол жұмсаған
Елімізде 170-тен астам бала өз-өзіне қол жұмсаған
Шымкентте өзіне қол жұмсаған мұғалімге қатысты жаңа деректер шықты
Жалғас Жұмағұлов

Жалғас Жұмағұлов UFC-дегі екінші жекпе-жегінде жеңіліп қалды видео

0
UFC 257 турнирінің басты оқиғасы – ирландиялық Конор МакГрегор мен америкалық Дастин Порье арасындағы жеңіл салмақтағы реванш

НҰР-СҰЛТАН, 24 қаңтар – Sputnik. Қазақстандық аралас жекпе-жек шебері Жалғас Жұмағұлов Әбу-Дабиде өткен UFC 257 турнирінде швед қарсыласынан жеңіліп қалды.

Ең жеңіл салмақтағы кездесу үш раундқа созылды. Төрешілер жеңісті бірауыздан Амир Альбазиге берді.

"Тартысты жекпе-жекте Жалғас Жұмағұлов Амир Альбазиге есе жіберді", - деп хабарлады UFCRussia Instagram-да.

Осылайша Жалғас аралас жекпе-жекте 13 рет жеңіске жетіп, бес кездесуін жеңіліспен аяқтады. Жұмағұлов UFC-ге алғаш рет өткен жылдың жазында шықты. Ол төрешілер шешімімен бразилиялық Раулиан Пайведен жеңілді, алайда бұл шешім көпшілік арасында дау тудырған еді.

Еске салсақ, UFC 257 турнирінің басты оқиғасы – ирландиялық Конор МакГрегор мен америкалық Дастин Порье арасындағы жеңіл салмақтағы реванш.

0
Кілт сөздер:
видео, аралас жекпе-жек