Дәрігер, архивтегі фото

Шымкентте 52 миллион теңгені жымқырған дәрігерлерге қатысты тергеу басталды

2131
Басқарма басшысы мен бас дәрігер S-класты оториноларинголог жабдығын қымбат бағамен сатып алғаны әшкере болды

АЛМАТЫ,17 шілде – Sputnik. Шымкент қаласы денсаулық сақтау басқармасының бұрынғы басшысы мен №1 қалалық клиникалық аурухананың бас дәрігері бюджет қаражатын жымқырды деген күдікке ілінді, деп хабарлайды Sputnik Қазақстан сыбайлас жемқорлыққа қарсы іс-қимыл агенттігіне сілтеме жасап.

Оқи отырыңыз: Жамбыл облысында аудандық аурухананың бас дәрігері сотталды 

"Шымкент қаласы бойынша сыбайлас жемқорлыққа қарсы қызмет "Шымкент қаласының денсаулық сақтау басқармасы" мемлекеттік мекемесінің бұрынғы басшысы мен "№1 қалалық клиникалық ауруханасы" шаруашылық жүргізу құқығындағы республикалық мемлекеттік кәсіпорнының бұрынғы бас дәрігеріне қатысты сотқа дейінгі тергеуді бастады", - делінген ақпаратта.

Олар 2019 жылы S-класты оториноларинголог дәрігерінің жұмыс орнына арналған жабдықты қымбат бағамен сатып алу арқылы 52 миллион теңге көлемінде бюджет қаражатын жымқырды деген күдікке ілінді.

Қылмыстық-процестік кодекстің 201-бабына (сотқа дейінгі тергеп-тексеру деректерін жария етпеу) сәйкес, аталған іс бойынша өзге ақпарат жарияланбайды.

2131
Кілт сөздер:
дәрігерлер, Шымкент
Тақырып бойынша
Бір кабинетте отыратын әріптесін зорлады деген күдікке ілінген дәрігер ақталып шықты
Жамбыл облысында бас дәрігер пара алды деген күдікпен ұсталды
Екпеден кейін баланың шетінегені хабарланды: министрлік тергеу жүргізіп жатыр
Ыстық ауа райы

36 градус ыстық және жел: ертең ауа райы қандай болады

818
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

818
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

96
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

96
Кілт сөздер:
Шымкент, карантин, шектеу
Тақырып:
Төтенше жағдай және карантин