Қоғам

Шкафтан екі бума ақша шықты – Павлодарда ұсталған шенеуніктің видеосы жарияланды

© Sputnik / Абзал КалиевДеньги в руках, архивное фото
Деньги в руках, архивное фото - Sputnik Қазақстан
Жазылу
Павлодар аудандық әкімдігінің бөлім басшысы да тура сондай жолмен 19 миллион теңге жымқырды деп күдікке ілінген

НҰР-СҰЛТАН, 17 шілде – Sputnik. Сыбайлас жемқорлыққа қарсы іс-қимыл агенттігі Павлодар облысында ұсталған шенеуніктерге қатысты ақпаратты жариялады, деп хабарлайды Sputnik Қазақстан тілшісі.

Ресми мәліметке сәйкес, Павлодар облыстық әкімдіктің басқарма басшысы іс жүзінде орындалмаған жұмыстардың жалған актісіне қол қою арқылы 2,6 миллион теңгенің бюджет қаражатын жымқырғаны үшін айыпталып отыр. 

Қазіргі кезде сотқа дейінгі тергеу басталды.

Ал осы облыстың Павлодар аудандық әкімдігінің бөлім басшысы тура сондай жолмен 19 миллион теңге жымқырды деген күдік бар. Екібастұз қалалық әкімдігінің бұрынғы бөлім басшысы да жалған актілерге қол қою арқылы 4,7 миллион теңгенің бюджет қаражатын ұрлады деген айыппен тергеуге алынды.

"Қылмыстық процессуалды кодекстің 201-бабына сәйкес өзге ақпарат тергеу мүддесі үшін жариялауға жатпайды", – дейді тәртіп сақшылары.

Оқи отырыңыз: Маңғыстауда өзгеше әдіспен пара алған шенеунік видеоға түсірілді

Жаңалықтар
0