Қазақстаннан көшіп кеткен кәсіпкер туған ауылына 30 мың доллардың дәрісін жіберді
ПАВЛОДАР, 20 шілде – Sputnik. Қазір Мәскеуде тұратын кәсіпкер өзінің туып-өскен ауылындағы Баянауыл орталық аудандық ауруханасына 30 мың долларға дәрі-дәрмек пен оттегі концентраторларын сатып алды, деп хабарлады Ertis – adaldyq alańy жобалық кеңсесі.
Павлодар облысындағы сыбайлас жемқорлыққа қарсы қызмет пен Ertis – adaldyq alańy жобалық кеңсесі көмекті қабылдап, дәрі-дәрмектерді Баянауыл орталық аудандық ауруханасына табыстауға қатысты, бұл дәрілерді әлдекімдер сатып жібермеу үшін әр бумаға "Тегін" деген мөр қойылған.
©
Photo : проектный офис Ertis – adaldyq alańy
Мәскеуден Баянауылға жіберілген гуманитарлық көмек
"Бүгін туған елге деген алғыстың жарқын үлгісін көріп отырмыз. Баянауылдың тумасы өзінің туған жерін ұмытпай, өмір үшін маңызды дәрі-дәрмектерді жеткізіп, ауданға тағы бір рет көмектесті", - деді Ertis – adaldyq alańy жобалық кеңсесінің басшысы Ризабек Исабеков.
Аудан орталығына "Цефтриаксон", "Ингавирин", "Левофлоксацин", "Клексан", С дәрумені, парацетамол сияқты дәрі-дәрмектер мен басқа да заттар тиелген жүк көлігі келді. Сонымен қатар, аты-жөнін атағысы келмеген меценат сегіз оттегі концентраторын, сондай-ақ ересектер мен балаларға арналған пульсоксиметрлер және жеті жылу контейнерін тапсырды.
©
Photo : проектный офис Ertis – adaldyq alańy
"Цефтриаксон" антибиотигі
Демеушінің жалғыз талабы дәрі-дәрмектердің мақсатына сай ашық түрде қолданылуын қамтамасыз ету болды.
Сонымен қатар, демеуші өңір дәрігерлері үшін мәскеулік профессормен консультация ұйымдастырды, ол аудан тұрғындарына медициналық көмек көрсету бойынша ұсынымдарын бөлісті.
"Біз емдеу тактикасын жасадық, біздің хаттамамыздың аясында ұсынымдар берді. Аптасына екі рет профессорға хабарласып тұрдық, ол бізге дәрі-дәрмектерге қатысты кеңес берді. Жерлесімізге көмектескені үшін көп рахмет!" - дейді аудандық аурухананың бас дәрігері Сержан Арынов.
Кілт сөздер:
Тақырып:
Түркістанда жүргізуші полиция қызметкерін көлігімен сүйрей жөнелді – видео
НҰР-СҰЛТАН, 13 сәуір — Sputnik. Түркістан облысында полиция тәртіп сақшысын 30 метр қашықтыққа сүйреген жүргізушіге қатысты сотқа дейінгі тергеу жүргізіп жатыр.
Оқиға Жетісай ауданында болған. Жергілікті полиция қызметкерлері көшелердің бірінде патрульдеу кезінде терезесі қараңғыланған автокөлікті тоқтатқан, деп хабарлады Түркістан облысы полиция департаментінің баспасөз қызметі.
Құжат тексеру барысында патрульдік қызмет инспекторы полиция майоры Ертау Саурамбаев автокөлік терезесін қараңғылау неліктен заңға қайшы екенін түсіндіріп жатқан. Полиция қызметкері Әкімшілік құқық бұзушылықтар туралы кодекстің 590-бабының 5-бөлімі "Көлік құрадарын пайдалану ережелерін бұзу" бойынша әкімшілік хаттама толтырған. Аталған бапқа сәйкес көлік иесі 5 айлық есептік көрсеткіш (14,5 мың теңге немесе 4 доллар) көлемінде айыппұл төлеуге тиіс."Тәртіп сақшысы автомобиль иесінен көліктегі қараңғылайтын қабыршақты алып тастауды сұраған кезде жүргізуші талапқа бағынбай, жасырынбақ болған. Адам өміріне төнген қауіпке қарамастан, құқық бұзушы полиция қызметкерін автокөлікпен 30 метр қашықтыққа сүйрей жөнелген. Мұның барлығы патрульдік полицейдің бейнежетонына түсіп қалған", - деді департамент.
Нәтижесінде полиция Қылмыстық кодекстің 380-бабының 1-бөлімі – "Билік өкіліне қатысты күш қолдану" бойынша сотқа дейінгі тергеуді бастады. Бұл бап 3 000 АЕК (8,7 миллион теңге немесе 20 мыңнан астам доллар) көлемінде айыппұл төлеуді немесе үш жылға бас бостандығын шектеуді немесе дәл осы мерзімге бас бостандығынан айыруды қарастырады.
Заңға қайшы әрекет жасаған азаматтың көлігі айып тұрағына қойылды. Істің мән-жайын анықталып жатыр.
Ақтөбе облысында балық қырылды – экологтар зерттеу жүргізеді
НҰР-СҰЛТАН, 13 сәуір — Sputnik. Суаттан бірнеше тонна өлі балық табылғаннан кейін экологтар Кузьмин тоғанындағы суға лабораториялық зерттеу жүргізетін болды.
Экология министрлігінің ақпараты бойынша, өлі балықтың жалпы салмағы 4 тоннаны құрады. Мөңке балықтарды жою бойынша жұмыстар ұйымдастырылды.
12 сәуірде балықтың жаппай қырылуы тіркелді. Бұл туралы хабарлама Экология, геология және табиғи ресурстар министрлігінің балық шаруашылығы комитетінің Тобыл-Торғай облысаралық бассейн инспекциясына келіп түсті.
Дәл сол күні инспекция мамандары ветеринарлық бақылау және қадағалау комитетінің Ақтөбе облыстық өңірлік инспекциясы және Ақтөбе облыстық табиғи ресурстар басқармасының қызметкерлерімен бірлесіп аталған тоғанға тексеру жүргізді.
"Лабораториялық зерттеу жүргізу үшін су мен балық сынамалары алынды. Алдын ала болжам бойынша балықтың жаппай қырылуына қыс мезгілінде су деңгейінің төмендігіне байланысты (1,0-1,5 метр) судағы оттегінің жетіспеушілігі себеп болған", - деп жазылған хабарламада.
Лабораториялық зерттеу жүргізілгеннен кейін балықтың жаппай қырылуының нақты себебі туралы хабарланады.
Кузьмин тоғаны Ақтөбеден 140 километр қашықтықта Қобды ауданындағы Жарсай ауылдық округінде орналасқан. Тоған аумағы шамамен 3 гектарды құрайды. Ол балық шаруашылығы суаттары тізіміне енбеген.
Суат малды суару үшін қолданылып келген. Оған жақын маңда өндірістік нысандар жоқ.
Кілт сөздер:
Тоқаев ұлттық экономика министріне бірқатар тапсырма берді
(Жаңартылды 18:23 13.04.2021)
Кездесу барысында макроэкономикалық тұрақтылықты және өңірлік дамудың тепе-теңдігін қамтамасыз ету жөніндегі шараларға баса мән берілдіНҰР-СҰЛТАН, 13 сәуір — Sputnik. Президент Қасым-Жомарт Тоқаев ұлттық экономика министрі Әсет Ерғалиевті қабылдады, деп хабарлады Ақорда.
Мемлекет басшысына биылғы І тоқсандағы еліміздің экономикалық дамуының алдын ала қорытындылары, Экономикалық өсімді қалпына келтірудің кешенді жоспарының іске асырылуы туралы есеп берілді.
Президентке экономиканың нақты секторындағы ахуал және жалпы ішкі өнімге қатысты болжамдар жөнінде баяндалды. Әсет Ерғалиев Қасым-Жомарт Тоқаевқа ортамерзімді перспективадағы экономиканың сапалы әрі орнықты дамуын қамтамасыз етудің негізгі жолдарын ұсынды.
Сонымен қатар министр шағын және орта бизнесті қолдау жөніндегі президент тапсырмасының орындалуы туралы баяндады.
Кездесу барысында макроэкономикалық тұрақтылықты және өңірлік дамудың тепе-теңдігін қамтамасыз ету жөніндегі шараларға баса мән берілді.
Кездесу соңында мемлекет басшысы министрге бюджет саясатының тиімділігін арттыруға, өңірлік саясатты жетілдіруге және өңдеу өнеркәсібін дамытуға бағытталған бірқатар нақты тапсырма берді.