Атырау облысының әкімі ресейлік дәрігерлерге алғыс айтты

Атырау облысының әкімі ресейлік дәрігерлерге алғыс айтты

75
Мәскеу мен Астраханнан келген он бір ресейлік дәрігер екі апта ішінде коронавируспен ауыратын науқастарды емдеу тәжірибесімен бөлісті

НҰР-СҰЛТАН, 30 шілде – Sputnik. Атырау облысының әкімі Махамбет Досмұхамбетов екі аптадан бері пандемиямен күресуге қатысқан ресейлік дәрігерлерге алғысын білдірді, деп хабарлады өңірлік коммуникациялар қызметі.

"Қазіргі күрделі эпидемиологиялық жағдай кезінде ресейлік дәрігерлердің Атырауға келуі дер кезінде жеткен көмек болды. Бүгінде науқастар саны азаюда. Өңірде коронавирустық инфекциядан қалпына келу динамикасы да жоғары. Бастапқыда бұл аймақта дәрігерлердің жетіспеушілігі байқалды. Қазір медициналық сектор жас кадрлармен толықтырылып, мәселе шешімін тауып жатыр", – деді өңір басшысы.

Астрахан қаласындағы жедел жәрдем станциясының дәрігері Анна Чепель екі апта бойы облыстық кардиологиялық орталықтың қауіпті аймағында жұмыс істеді.

"Біздің Атыраудағы әріптестеріміз тәулік бойы жұмыс істеді және анығын айтқанда олар жұмыс орнында тұрды. Бұл өте үлкен жұмыс. Біз коронавирус инфекциясы мен пневмониямен ауыратын науқастарды емдеуге тікелей қатысқан куәгерлер болдық. Қазақстандық тарап қолданған дәрілер біздің хаттамамызға толық сәйкес келеді", – деді Чепель. 

Аким Атырауской области поблагодарил российских врачей
© Photo : Пресс-служба акима Атырауской области
Атырау облысы әкімінің құрметіне бөленген ресейлік дәрігер

Ал Мәскеу делегациясын басқарған Владимир Власов №2 Атырау облыстық ауруханасына жіберілді. Ресейлік дәрігер Атыраудағы жағдайды өз елінде наурыз-сәуір айларында бастан өткергенін айтты.

"Ең бастысы, ауруханалардағы ұйымдастыру жұмыстары жоғары деңгейде. Кадр мәселесі де шешілуде. Ауырған дәрігерлер де қатарға қосылуда. Біз өз әріптестерімізден де көп нәрсе үйрендік. Айта кету керек, атыраулық дәрігерлер науқастардың аман алып қалу үшін өз өмірі мен отбасыларын қауіп-қатерге тігіп, бар күш-жігерлерін салып еңбек етті", – деді ол.

Айта кетейік, шілде айының ортасында Атырау облысына медициналық көмек көрсету үшін бір топ дәрігерлер Мәскеу мен Астраханнан келді.

Екі аптаның ішінде 11 ресейлік дәрігер, оның ішінде анестезиолог-реаниматологтар мен пульмонологтар, жұқпалы аурулар жөніндегі мамандар, жалпы практика дәрігерлері мен педиатрлар қауіпті аймақтарда – Атыраудағы инфекциялық және диспансерлік ауруханаларда науқастарды емдеді.

Оқи отырыңыз: Қазақстандық дәрігерлер Мәскеуде коронавируспен күрестің негізгі пункттерінде болды

Әкімдіктің хабарлауынша, бүгінде Атырау облысындағы эпидемиологиялық жағдай тұрақталып келеді. Провизорлық стационарлардағы төсек-орындар саны да азайды.

Атырау облысы коронавирус індетін жұқтырғаны анықталған жағдайлар бойынша үшінші орында тұр. Облыста 10 111 адам коронавирус дертімен ауырса, Алматыда – 11 236, ал Нұр-Сұлтанда – 10 570 науқас тіркелген.

75
Кілт сөздер:
алғыс айту, дәрігерлер, Атырау
Тақырып:
Коронавирус эпидемиясы (1799)
Тақырып бойынша
"Күрт нашарлайды": алматылық дәрігерлер ауруханадағы жағдайды айтып берді
Байқоңырға коронавируспен күресу үшін ресейлік дәрігерлер келді
Атырауға ресейлік дәрігерлер көмекке келе бастады
Қазақстанға келген ресейлік дәрігерлер қай өңірлерге жіберілетіні айтылды
Кеңес беріп, емдейді: Атырауға ресейлік дәрігерлер барды
Кісен, архивтегі фото

Көкшетаулық ерлі-зайыптыны қатыгездікпен өлтірген қылмыскер 25 жылға сотталды

190
Түнде қаскүнем көпқабатты үйдің бірінші қабатында орналасқан пәтерге кіріп, үй иесін қатыгездікпен өлтіріп, алтын ұрлаған

АЛМАТЫ, 25 қараша – Sputnik. Көкшетауда егде жастағы ерлі-зайыптыны өлтірді деп айыпталған жігітке сот үкімі шықты. Сот отырысы Ақмола облысының қылмыстық істер жөніндегі мамандандырылған ауданаралық сотында өтті, деп хабарлайды Sputnik Қазақстан тілшісі.

Істі алқабилер қарады.

Істің мән-жайы

Көкшетауда 2020 жылдың сәуір айының соңында он баласы бар егде жастағы ерлі-зайыптыны өлтіріп кетті.

Түнде қаскүнем Есенберлин көшесіндегі көпқабатты үйдің бірінші қабатында орналасқан пәтерге кіріп, үй иесін қатыгездікпен өлтірген.

83 жастағы ер адам мен оның 77 жастағы әйелінің денесі 30 сәуірде таңертең табылды. Оларды буындырып, пышақпен кескілеп тастаған.

Қылмыс болардан бірнеше күн бұрын жәбірленушілердің пәтеріне белгісіз біреудің кірмек болғаны анықталды. Шабуылдаушылар балконға бөтелке лақтырып, әйнекті сындырған.

Қылмыс жасады деген күдікпен Щучинск қаласының 24 жастағы тұрғыны ұсталды. Сол күні алтын салынған қорапша мен екі кілт ұрланған.

Сот үкімі

Алқабилер шешімімен сотталушы Д. Қазақстан Қылмыстық кодексінің бірнеше бабы бойынша кінәлі деп танылды:

  • 191-бабы 3-бөлігі 3-тармағы – тұрғын үй-жайға заңсыз кіріп жасалған тонау;
  • 24-бабы 3-бөлігі – қылмысқа дайындалу және қылмысқа оқталу;
  • 188-бабы 3-бөлігі 3-тармағы – тұрғын, қызметтік немесе өндірістік үй-жайға, қоймаға не көлікке заңсыз кіріп жасалған ұрлық;
  • 192-бабы 3-бөлігі 4-тармағы – қарақшылық;
  • 99-бабы 2-бөлігі 1, 3, 5, 8-тармақтары – екі немесе одан да көп адамды өлтіру;
  • 287-бабы 1-бөлігі – қаруды заңсыз иемдену, беру, өткізу, сақтау, тасымалдау және алып жүру.

Сотталушы 25 жылға бас бостандығынан айырылды. Ол жазасын қылмыстық-атқару жүйесінің төтенше қауіпсіз мекемелерінде өтейді.

Жәбірленуші тараптың пайдасына сотталушы Д. келтірілген моральдық зиян ретінде 20 миллион теңге төлейді.

Сот үкімі заңды күшіне енген жоқ.

190
Кілт сөздер:
қылмыскер, ерлі-зайыпты
Тақырып бойынша
Дулат Ағаділдің ұлын өлтіріп кетті - оқиғаның мән-жайы
Бес рет қастандық жасалған: Алматы облысында кәсіпкерді өлтіріп кетті
Шолпанның көз жасы: алты баласы бар 29 жастағы келіншек халықтан көмек сұрады
Жамбыл облысында екі әйелді айуандықпен өлтірген қойшының денесі табылды
Алматы облысында әйелді бір жасар қызының көзінше өлтіріп кетті: оқиғаның мән-жайы
Ағаш, архивтегі фото

Алматы тұрғыны жұмысшылардың заңсыз әрекетін видеоға түсіріп алды

2105
KFC мейрамханасы аумағында төрт ағашты заңсыз кескендерге айыппұл салынып, 40 түп ағаш егуге міндеттелді

АЛМАТЫ, 25 қараша – Sputnik. Алматы қаласының полиция департаменті мен жасыл экономика басқармасының қызметкерлері KFC компаниясының тамақтану орны орналасқан учаске иесін әкімшілік жауапкершілікке тартты. Ол жерде бір күн бұрын төрт ағаш заңсыз кесілген.

KFC тамақтану желісі ғимаратының жанында жұмысшылар ағаштарды кесіп жатқаны жайлы видеоны қазақстандық журналист, қоғам қайраткері Сергей Пономарев Facebook парақшасында жариялады.

"Алматылықтар "Sulpak" кеңсесінің алдындағы жарты ғасыр бойы өскен емен мен қарағаштарды кімнің кескенін анықтап жатқанда, биік дуалдың артында Тимирязев көшесі Көктем-2 шағын ауданындағы KFC Kazakhstan мейрамханасының жеке аумағында тыныш қана төрт қарағашты кесіп тастады. Ағашты кескендер өздерінің мегаполисте тұратынын және жақын маңдағы үй тұрғындарының немқұрайлы қарамай, видеоға түсіретінін ескермепті", - деп жазды ол.

Оқи отырыңыз: Тоқаев Алматыда ағаш кескендерді жауапкершілікке тартуды тапсырды   

Алматының жасыл экономика басқармасы да, жақын маңдағы учаскелік пункт те ағаштарды кесу туралы ештеңе білмегені анықталды. Видео әлеуметтік желі арқылы тарай бастағаннан кейін ғана әрекет еткен.

Тексеріс нәтижесінде учаске иесі ағаштарды кесуге ешқандай рұқсат алмағаны  белгілі болды.

"Көктем-2 ықшам ауданы, 2/1 үй (KFC жылдам тамақтану желісі) мекенжайы бойынша қарағай тұқымының төрт ағашын заңсыз кескен. Алматының жасыл экономика басқармасына кесуге өтініш түспеді, яғни ЖЭБ бұған рұқсат берген жоқ", - делінген Алматы әкімдігі таратқан ақпаратта.

Іс бойынша Қазақстан Республикасының Әкімшілік құқық бұзушылық туралы кодексінің 386-бабы ("Жасыл екпелерді күтіп-ұстау және қорғау қағидаларын бұзу") бойынша жер учаскесінің иесіне әкімшілік хаттама толтырылды. Енді ол 15 АЕК – 41 670 теңге көлемінде айыппұл төлейді.

Сонымен қатар өтем ретінде кінәлі азаматқа жалпыға ортақ жерлерге 40 түп ағаш егу міндеттелді.

2105
Кілт сөздер:
видео, ағаш, Алматы
Кісен, архивтегі фото

Нұр-Сұлтанда басқа өңірден қонаққа келген ер адам қылмыс үстінде ұсталды

0
Қарағанды ​​облысының тұрғыны дәмхананың кассасындағы ақшаны алу үшін есіктің әйнегін шаққан, осы кезде ғимараттағы дабыл жүйесі іске қосылған

НҰР-СҰЛТАН, 25 қараша – Sputnik. Елордада дәмханаға ұрлыққа түскен ер адам қылмыс үстінде ұсталды, деп хабарлайды Sputnik Қазақстан Нұр-Сұлтан қаласы полиция департаментінің баспасөз қызметіне сілтеме жасап.

Қарағанды ​​облысынан келген қонақ түнде дәмханаға кірмек болған. Ол кіреберістегі бірінші есіктің әйнегін шағып, екіншісін сындыра бастаған сәтте дабыл жүйесі іске қосылып кеткен.  

Ер адам сонда да қоймаған. Құлыпталған касса аппаратына барып, оны ашу үшін еденге лақтырады. Осылай бірнеше рет жасағаннан кейін касса ашылған, бірақ ондағы қағаз ақша мен тиын-тебен жан-жаққа ұшып түседі.

40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео 

Ұры ақшаны жинап жатқанда дәмханаға қауіпсіздік фирмасының көлігі келіп үлгерген, олар қаскүнемді полицияға тапсырды.  

 

0
Кілт сөздер:
Нұр-Сұлтан, ұрлық
Тақырып бойынша
Отырар ауданының тұрғыны үйіне ұрлыққа түскен көршісі екенін білді
Парацетамол ұрлаған: Атырауда дәріхана тоналды
Талдықорғанда ұры жүргізушілерге үндеу жасады – видео  
Талдықорғанда 35 жыл түрмеде отырған баукеспе ұры ұсталды
Жалғыз жүрген қыздарды ғана тонаған: Алматыда әккі ұры ұсталды