Әлеуметтік желілер

Қостанайлық мұғалім жылап тұрып видео жариялады - министрлік жауабы

8004
(Жаңартылды 12:55 30.07.2020)
Әйел бірнеше рет полицияға арыз жазған. Әйелдің видеосына байланысты ішкі істер министрлігі жауап берді

АЛМАТЫ, 30 шілде – Sputnik. Қостанай облысында мұғалім болып жұмыс істейтін жас әйел бұрынғы күйеуінің өзін қудалап, бірнеше жылдан бері қорқытатынын айтып көмек сұрады, деп хабарлайды Sputnik Қазақстан.

Мұғалімнің видеосын Facebook желісінде "Не Молчи" қоғамдық қорының жетекшісі Дина Смайылова жариялады.

Айсұлу Бәйтенова Қостанай облысы Қарабалық кентінде бастауыш сынып мұғалімі болып жұмыс істеген. Алайда, 2016 жылы ажырасып кеткен бұрынғы күйеуінің кесірінен жұмысынан шығуға тура келген. Сол себепті көрші ауданда мектепке ауысқан. Алайда, Бәйтенова ол жерде пәтер жалдап тұру қиынға соғатынын, өз кентіндегі басқа мектепке жұмысқа орналасқысы келетінін айтты. Алайда, жаңа жұмыс орнына да бұрынғы күйеуі іздеп келуі мүмкін деп қорқып отыр.

"Менің басқа баратын жерім жоқ, бірақ бұл жерде маған тыныш өмір сүруге мүмкіндік бермей отыр. Бетіме "кислота" шашып кетемін деп қорқытады. Осыдан кейін жұмыстан келе жатқанда үйдің кірберісіне кіруге, бір жерге баруға қорқамын. Болып жатқан оқиғалардан баламның психикасы бұзылып жатыр. Биыл Қарабалық кентіне басқа мектепке жұмысқа орналассам деймін. Бірақ ол осы жаққа да іздеп келеді деп қорқамын", - дейді әйел.

Айтуынша, әйел бірнеше рет полицияға арыз жазған. Бұрынғы күйеуі жалғыз қызын тартып алғысы келеді.

"Мен бұрынғы күйеуіммен 2016 жылы ажырастым. Ол мені ұратын. Соңғы рет мені ұрған кезінде полицияға жүгіндім. Арыз жазғаннан кейін бұрынғы күйеуімнің тәтесі хабарласып, өзінің үйіне шақырды. Ол жерде мектептегі жұмысымнан шығарып жіберетінін, дипломмен ауылға бағдарламасы арқылы алған пәтерімді тартып алатынын айтып қорқытты. Ол кісі Сапарова М.А. газет редакторы болып жұмыс істейді, бұл жерде онымен ешкім байланысқысы келмейді. Мен өз арызымды қайтып алдым", - дейді әйел.

Әйелдің видеосына байланысты ішкі істер министрлігі жауап берді.

"Іс Қарабалық ауданының полиция бөліміне тіркелді. Жас әйел видеода айтқан деректер бойынша тексеру жүргізіледі, нәтижесі қосымша хабарланады. Сонымен қатар бұрынғы ерлі-зайыптылар арасындағы қақтығыс ауданның тиісті органдарының назарында екені белгілі", - делінген министрлік жауабында.

Ішкі істер министрлігі Қостанай облысы полиция департаменті басшылығының бұл өтінішті бақылауға алғанын хабарлады. Сонымен қатар кейінгі жылдары бұрынғы ерлі-зайыптылардың бірнеше рет бір-біріне арыз жазғанын, осыған байланысты қабылданған шешімдердің заңдылығы тексерілетінін мәлімдеді.

8004
Кілт сөздер:
видео, видео, мұғалім, әйел, Қостанай
Ыстық ауа райы

36 градус ыстық және жел: ертең ауа райы қандай болады

1232
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1232
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

139
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

139
Кілт сөздер:
Шымкент, карантин, шектеу
Тақырып:
Төтенше жағдай және карантин