Балалар үйінің тәрбиеленушісі Александр Қайдаров (ортада)

Алматыда әбден ашынған балалар Тоқаевтан көмек сұрады

7914
(Жаңартылды 18:43 30.07.2020)
Алматыдағы жалғыз балалар үйі жабылғалы жатыр, ол жерде тәрбиеленіп жатқан 44 бала бұл шешімге қарсы шығып, президенттен көмек сұрады. Олар балалар үйінен кеткісі келмейтінін, бір отбасы болып кеткенін айтты

АЛМАТЫ, 30 шілде – Sputnik. №1 балалар үйінің тәрбиеленушілері Қазақстан президенті Қасым-Жомарт Тоқаевтан мекеме басшылығына қатысты шара қолдануды өтінді. Олар балалар үйінің жабылғанын қаламайды, көп жылдан бері бір отбасы болып кеткендерін айтты. Балалардың айтуынша, басшылық олардың құқығымен санаспайды, балаларды тәрбиелеуге алатын патронат отбасыларды ешкім қадағаламайды.

"НеМолчиkz" қоғамдық қозғалысының көшбасшысы Дина Смайылова Sputnik Қазақстан тілшісіне жақында балалар үйінің тәрбиеленушілері қоңырау шалып, көмек сұрағанын айтты.

Детский дом №1
© Sputnik / Тимур Батыршин
№1 балалар үйі

"Балалардың өздері нөмірімді тауып, журналистерді шақырып, олардың мәселесін жария етуімді сұрады. Олар балалар үйінің жабылуымен келіспей отыр, сол жерде тұрғысы келеді. Себебі бір-біріне бауыр басып қалған. Олар балаларға арналған ауылдар мен патронат отбасыларға көшуге мәжбүрлейтінін айтты", - деді Дина Смайылова.

Балалар журналистермен кездесу кезінде әкімдік пен білім басқармасына мекемені жаппау туралы бірнеше рет өтініш жасағандарын айтты. Олардың  бұл өтініші жауапсыз қалған.

Бір отбасы

Қазір балалар үйінің қамқорлығында 44 бала бар. Бұрын бұл жерде шамамен үш жүзге жуық бала болған. Олардың барлығын балалар ауылдары мен патронат отбасыларға таратып тастаған. Тәрбиеленушілердің айтуынша, мұның бәрі олардың еркінен тыс жасалып жатыр.

"Бізге қорған болар ешкім жоқ. Біз балалар үйінен кеткіміз келмейді, себебі осы жерге үйреніп қалдық. Біз – бір отбасымыз. Ал бізді кетуге мәжбүрлеп жатыр. Балалар үйінің қызметкерлері біздің құқығымыз бен пікірімізді құрметтемейді. Бірнеше рет үйді қалдыруды сұрадық. Қамқоршымыз біздің құқығымызды қорғауға толық құқығы бар, алайда ол бізді құрметтемейді және ештеңе істемейді", - дейді балалар.

Детский дом №1
© Sputnik / Тимур Батыршин
№1 балалар үйі

Олардың айтуынша, балалар үйіндегі жағдай үш жыл бұрын жаңа директор келген соң нашарлай бастаған. Балалар жаңа басшы келгелі тамақтың нашарлағанын, ал мемлекеттің ешқандай көмек көрсетпей отырғанын айтып шағымданды.

Балалар патронат отбасыларға барғысы келмейтіндерін, себебі ол отбасыларды ешкім бақыламайтынын айтты.

"Мен тоғыз жасымда патронат отбасыда болдым. Маған ол жақ ұнамады. Еркелігімді көрсетіп, ата-анамның тілін алмай, үйден кетіп қалатын болдым. Оның барлығын менен бас тартсын деп істедім. Олар ішімдік ішетін, әкем туған әжесіне дауыс көтеретін. Отбасы маған ұнаған жоқ", - деді Александр Қайдаров.

Балалардың айтуынша, мұндай жағдай әрбір патронат отбасыда болады. Тәрбиеленушілер балалар ауылдарына да барғысы келмейді, себебі оларды ол жерде не күтіп тұрғанын білмейді.

Кім көрінгенге береді

"Әрине, балаларды отбасыға береді, алайда мемлекет оларды бақыламайды. Ешқандай жағдай жасалмаған. Демек, бізді кім көрінгенге береді. Ата-аналар ішімдік ішеді, қамтамасыз ете алмайды", - деді жасөспірімдер.

"Құрметті Қасым-Жомарт Тоқаев. Біз сізден балалар үйінің жабылуына жол бермеуді сұраймыз. Біз Алматының үлкен мегаполис екенін білеміз. Мұнда бір ғана балалар үйі қалды. Сізден оны жаппауды сұраймыз. Бізді ойлаңыз. Ол жабылса, біздің жағдайымыз не болады? Барлық бала балалар үйінің жабылуына қарсы. Басшылыққа қарсы шара қабылдауыңызды өтінеміз. Біздің құқығымызды, пікірімізді, абыройымызды құрметтемейді. Біздің бұл жерден кеткіміз келмейді, біз осы жерге үйреніп қалдық, біз бір отбасымыз. Біздің 15-16 жаста екенімізге қарамастан күштеп жасөспірімдер үйіне жібереді. Күштеп отбасылар мен ауылдарға жібереді. Заң бойынша біз 18 жасқа дейін балалар үйінде тұра аламыз. Біз балалар үйінен кетуге дайын емеспіз және кеткіміз келмейді. Ешкім бізді ойламайды, біздің пікірімізбен санаспайды", - деді балалар президентке жасаған үндеуінде.

Патронат ата-ана – жұмыстың бір түрі

Сонымен қатар жағдайды балалар үйі директорының орынбасары Лариса Плотникова түсіндірді. Оның айтуынша, патронат отбасы болу – ата-аналар үшін жұмыстың бір түрі. Олармен бір жылға келісімшарт жасалады, ал ата-аналар бала тәрбиесі үшін жалақы алады.

Плотникованың айтуынша, егер балаға ол отбасы ұнамаса, өтініш жаза алады. Сол өтініш негізінде патронат отбасымен арадағы келісімшарт бұзылады, ал бала балалар үйіне қайта оралады.

Заместитель директора детского дома №1 Лариса Плотникова
© Sputnik / Тимур Батыршин
№1 балалар үйі директорының орынбасары Лариса Плотникова

"Яғни, бұл қамқорлығына алу, асырап алу емес. Ең жақсы деген балалар үйі де отбасыны алмастыра алмайды. Патронат отбасының барлығы бақыланады және тексеріледі. Асырап алу басқа мәселе. Көп жағдайда ата-ана баланы асырап алғаннан кейін баланың мінез-құлқы, оқу, тәрбие тұрғысынан қиындықтар пайда болған кезде көңілі қалып жатады. Ал егер біздің тәрбиеленушілер барғысы келмей отырған балалар ауылы жайлы айтар болсақ, ол жерде балалардың жаңа жағдайға бейімделуі үшін психологтар жұмыс істейді. Біз біраз адамды жібердік, олардың бейімделу процесі оңай әрі тез өтті", - деді Лариса Плотникова.

Тұрақты тексерулер қажет

Дина Смайылова да баланың отбасыда тәрбиеленгенін қолдайды, алайда балалар үйінің тәрбиеленушісі қандай отбасыда тұратынын, ол жерде барлық жағдай жасалғаны жайлы білу керек.

Дина Смаилова - лидер НеМолчиkz
© Sputnik / Тимур Батыршин
Дина Смайылова - НеМолчиkz лидері

"Қайтарып, кейіннен басқа отбасыға жіберілетін бала өте көп. Арасында жетім қалса да отбасыға барғысы келмейтін, балалар үйінде құрдастарымен бірге тұрғысы келетін жасөспірімдер де бар. Яғни, балаларға итке қарағаннан да жаман қарым-қатынас жасалады. Олардың құқығы, қалауымен санаспайды. Ең сорақысы, біз балалар үйінің жабылуы және процестің өзі туралы ештеңе білмейміз. Көпшілікті хабардар еткен жоқ. Тыныш қана жабылып жатыр", - деді Смайылова.

Ол балалардың патронат отбасыларын ешкім тексермейтіні туралы өтінішін назарға алу қажет екенін атап өтті. Қоғамдық қозғалыс жетекшісі мемлекет жетім балаларды берген әр отбасыны тексеру қажет деп санайды.

7914
Кілт сөздер:
жетім балалар, Қасым-Жомарт Тоқаев, балалар үйі
Тақырып бойынша
Теміртауда балалар үйінен жасөспірім жоғалып кетті
Әжетханаға камера орнатқан: Павлодар білім басқармасының басшысы өз әрекетін түсіндірді
Интернат балалары неге жаппай коронавирус жұқтырғаны айтылды
Ыстық ауа райы

36 градус ыстық және жел: ертең ауа райы қандай болады

684
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

684
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

92
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

92
Кілт сөздер:
Шымкент, карантин, шектеу
Тақырып:
Төтенше жағдай және карантин