Күнделік, архивтегі сурет

Білім басқармасы оқушылар 1 қыркүйектен бастап қалай оқитынын айтты

765
(Жаңартылды 16:11 21.08.2020)
2020 жылы білім күні онлайн форматта өтеді. Жоғары оқу орындары, мектептер мен колледждер қашықтан оқытады

АЛМАТЫ, 21 тамыз – Sputnik. Алматыда бірінші қыркүйектен бастап 1-2 сынып оқушылары үшін кезекші сыныптар ашылады. Бұл туралы брифингте Алматы қаласы білім басқармасы басшысының орынбасары Қайрат Жұманов мәлімдеді, деп хабарлайды Sputnik Қазақстан тілшісі.

"Алматы қаласындағы эпидемиологиялық жағдай қалалық денсаулық басқармасы, тауарлар мен көрсетілетін қызметтердің сапасы мен қауіпсіздігін бақылау комитетінің назарында. Қазір жұмыс істейтін ата-аналардан мүміндігінше кезекші сыныптарды ашу туралы көптеген өтініш түсіп отыр. Осыған байланысты барлық жалпы беретін мектептерде 1-2 сынып оқушылары үшін кезекші топтар ашу туралы шешім қабылданды", - деді ол.

Сонымен қатар бастауыш сыныптар үшін арнайы түзету мектеп-интернаттарында штаттық режимде жұмыс істеуге рұқсат етілген.

Кезекші сыныптардағы талап

Баласының кезекші сыныпқа баруы үшін ата-ана мектеп директорының атына өтініш беруі керек. Оны кез келген байланыс құралы арқылы сынып жетекшісіне жібере алады.

Басты талап – санитарлық-эпидемиологиялық талаптарды сақтау. Сол себепті кезекші сыныпта 15 баладан артық болмайды. Әр партада бір бала отырады.

Сабақ 40 минутқа созылады, кесте балалар үзіліске түрлі уақытта шығатындай етіп құрылады.

Компьютер мәселесі

"Балаларды және мұғалімдерді компьютермен қамтамасыз ету мақсатында мониторинг жүргізілді. Нәтижесінде 75 мыңнан аса бала мен 2 мыңнан аса мұғалімді компьютермен қамтамасыз ету керек екені белгілі болды", - деді Жұманов.

Жұманов осы мәселені шешуге байланысты бірқатар жұмыс ұйымдастырылып жатқанын айтты.

"Жергілікті бюджет қаржысынан 20 мыңнан аса компьютер алынады. Бүгінде барлық келісімшарт жасалды. 38 мыңнан аса компьютер техникасы, оның ішінде ноутбук, планшет үкіметтің резерв қорының қаржысына алынады. Сонымен қатар 22,5 мыңнан аса тұрмысы төмен отбасыға компьютер жергілікті бюджеттен сатып алынады. 14 мыңнан аса компьютер оқушыларға уақытша беріледі", - деді Жұманов.

Айтуынша, Қазақстанның сыртқы істер министрлігі, Қазақстандық дипломаттар бірлестігі және ҚР балалар құқығы жөніндегі уәкіл Аружан Саин жіберген 150 ноутбук тұрмысы төмен отбасыларға берілді. 

Кітаппен қамтамасыз ету

Алматы қаласы білім басқармасы басшысының орынбасары Қайрат Жұмановтың айтуынша, 2020-2021 оқу жылында 1-11 сынып оқушыларына оқулық сатып алу үшін жергілікті бюджеттен 3,8 миллиард теңге бөлінді. Бұл сомаға тасымалдау құны да кіреді. Алматы қаласының оқушылары 100% тегін оқулықпен қамтамасыз етіледі.

Айта кетейік, 2020 жылы білім күні онлайн форматта өтеді. Жоғары оқу орындары, мектептер мен колледждер қашықтан оқиды.

765
Кілт сөздер:
1 қыркүйек, Алматы, оқушы, білім
Тақырып бойынша
"Ашық айтуымыз керек": білім министрі үкіметте маңызды мәселені көтерді
"Балаларды алып кету керек": Білім министрлігі биылғы өзгерістерді жариялады
Аймағамбетов маңызды бастама қалай жүзеге асырылатынын түсіндірді
Аймағамбетов білім саласында қандай өзгерістер болатынын жариялады
"Асықпау керек": Білім министрі Тоқаевтың тапсырмасы қалай орындалатынын айтты  
Кісен

Қарағанды облысында ұйымдасқан қылмыстық топ ұсталды видео

211
Бес адамнан құралған ұйымдасқан қылмыстық топ екі жыл бойы Жезқазған мен Сәтпаевта ойын бизнесінен заңсыз пайда тапқан

НҰР-СҰЛТАН, 26 қазан – Sputnik. Қарағанды облысында заңсыз ойын бизнесін ұйымдастырған қылмыстық топтың жолы кесілді, деп хабарлайды Sputnik Қазақстан.

Қаржы министрлігі қаржы мониторингі комитеті баспасөз қызметінің ақпаратынша, қылмыстық топты Қарағанды облысы экономикалық тергеу департаментінің қызметкерлері ұстаған.

"2018 жылдың қаңтары мен 2020 жылдың мамыры аралығында бес адамнан құралған ұйымдасқан қылмыстық топ Жезқазған мен Сәтпаевта 7 заңсыз ойын нүктесін ұйымдастырған. Алынған табыстың жалпы сомасы 16 миллион теңгеден асады. Жедел шаралар нәтижесінде заңсыз айналымнан 200 данаға жуық Lotomatic ойын терминалы тәркіленді", - деп мәлімдеді ведомстводан.

Бұл факті бойынша қылмыстық іс бекітілген айыптау актісімен сотқа жолданды.

Айта кетсек, Қазақстанда құмар ойындарын өткізуге тек екі өңірдегі арнайы орындарда – Қапшағай қаласы мен Бурабайда рұқсат етілген. Республиканың қалған аумағында ойын терминалдары бар залдар мен казино жұмысына үзілді-кесілді тыйым салынған.

211
Кілт сөздер:
құмар ойын, Қарағанды облысы
Тақырып бойынша
Алматылық 30 миллион теңгемен ұсталды – видео 
Павлодардағы колониядан қашқан сотталушы бір жылдан кейін астанада ұсталды
Республикалық ветеринарлық зертхана қызметінің бастығы ұсталды – видео
Шығыс Қазақстанда халықаралық іздеуде жүрген қылмыскер ұсталды
Астанадағы қар

Көктайғақ, тұман және қар бүгін ауа райы қандай болады

333
(Жаңартылды 08:36 26.10.2020)
Синоптиктер аптаның алғашқы күнінде өңірлердің басым бөлігінде жауын-шашын болатынын хабарлады

НҰР-СҰЛТАН, 26 қазан — Sputnik. Циклон әсерінен елдің басым бөлігінде жаңбыр мен қар жауады. Оңтүстік-батыс пен оңтүстік-шығыста ғана жауын-шашынсыз. Кей жерлерде тұман, көктайғақ болып, жел күшейеді.

Өңірлердегі ауа райы

қазгидромет орталықтың хабарлауынща, Ақмола, Қостанай, Солтүстік Қазақстан облыстарында тұман, көктайғақ болады. Күндіз Ақмола және Солтүстік Қазақстанда желдің екпіні секундына 23-28 метрге дейін жетеді.

Қарағанды, Шығыс Қазақстан облыстарында да тұман мен көктайғақ. Желдің жылдамдығы - 15-20 м/с.

Қызылорда, Павлодар облыстарында жел күшейеді. Желдің екпіні секундына 25 метрге дейін жетеді. Павлодар облысында - көктайғақ.

Маңғыстау, Батыс Қазақстан, Ақтөбе облыстарында кей жерде тұман болады. 

Атырау, Жамбыл облыстарында жел күшейіп, 15-20 м/с-ке дейін жетеді. Алматы облысында таңертең тұман болады.

Ірі қалалардағы ауа райы

Елордада 26 қараща күні жаңбыр жауады. Сынап бағанасы плюс  4-7 градус шамасында көрсетеді. Желдің жылдамдығы - 7-14 м/с.

Алматыда күн ашық, жел жоқ. 15 градусқа дейін жылы. 

Шымкентте де жауын-шашынсыз, күн ашық, плюс 16 градус.

Тағы оқыңыз: Биылғы қыс қандай болады – синоптиктер болжам жасады

333
Процент таңбасы

Қазақстанда шағын кредит беру тәртібі өзгерді

0
Бұдан былай микроқаржы ұйымы екі апта ішінде қарыз алушының өтінішін қарап, қабылданған шешім туралы жазбаша түрде хабарлауы тиіс

НҰР-СҰЛТАН, 26 қазан – Sputnik. Қазақстанда шағын несиелерді рәсімдеу және қарызды қайтару тәртібіне өзгеріс енгізілді, деп хабарлайды Sputnik Қазақстан қаржы нарығын реттеу және дамыту агенттігіне сілтеме жасап.

Агенттік басқармасының қаулысына сәйкес, жеке тұлғалардың микрокредиттер бойынша берешегін сотқа дейін реттеу рәсімі белгіленіп отыр.

"Ал микроқаржы ұйымы шағын кредит бойынша төлеу мерзімінің кешігуі туындаған күннен бастап күнтізбелік 15 күннен кешіктірмей, қарыз алушыға ол туралы хабар беруге міндетті. Қарыз алушы төлеу мерзімінің кешігуі басталған күннен бастап күнтізбелік 30 күннің ішінде берешекті өтеу мәселесін реттеу туралы өтінішпен микроқаржы ұйымына жүгінуге құқылы", – делінген ресми хабарламада.

Микроқаржы ұйымы екі аптаның ішінде қарыз алушының өтінішін қарап, қабылданған шешім туралы жазбаша түрде хабарлайды. Қарыз алушыдан өтініш болмаған жағдайда немесе онымен келісім жасалмаса, берешекті нотариустың атқарушылық жазбасы негізінде өндіріп алуға болады.

Бұдан бөлек, микрокредит беру туралы келісімді ресімдеу шаралары мен оның мазмұнын оңтайландыруға шешім қабылданды. Атап айтқанда, микрокредитті өтеу кестесіне қосымша мәліметтерді енгізуге ұсыныс жасалды. Мысалы, микрокредитті қайта құрылымдау кезінде төлеу мерзімі кейінге қалдырылған төлемдер өтеу кестесінде көрсетілуі тиіс.

Оқи отырыңыз: Ауылда әр отбасының мойнында 900 мың теңге кредит бар – ҰКП төрағасы

Жаңа қағидаларға сәйкес шарттың жасалған күні, микрокредит сомасы, пайыздық мөлшерлеме, шарт талаптарын орындау мерзімдері және басқа да міндетті шарттар туралы ақпаратты шарттың титулдық парағына жазу талап етіледі.

0
Кілт сөздер:
кредит, қаржы нарығы
Тақырып бойынша
Президент қазақстандықтарға кредит беруді шектеуді тапсырды
Павлодарда ер адам ең жақын досының атынан 14 кредит алған
Баспанасы жоқ қазақстандықтарға 5%-тік кредит беру басталды
Енді қазақстандықтар үйден шықпай-ақ банктерден кредит ала алады
Кредит төлеу кешіккенде борышкер не істеу керек – заңгерлер пікірі