Солтүстік Қазақстан облысында қырылып қалған құстар

Солтүстік Қазақстанда ауру өршіп тұр: бір тәулікте 180 мың құс қырылып қалды

264
(Жаңартылды 12:36 21.09.2020)
Құс фабрикаларының қызметкерлері жұмыссыз қаламыз деп қорқып отыр. Аймақта бірнеше күн ішінде құс тұмауынан құстардың тең жартысы қырылып қалды. Жағдайды көру үшін үшін облысқа ауыл шаруашылығы вице-министрі Гүлмира Исаева бастаған арнайы топ барды

ПЕТРОПАВЛ, 21 қыркүйек – Sputnik. Солтүстік Қазақстан облысында құс тұмауы өршіп тұр: аймақтағы құс фабрикаларында құстар өліп жатыр. Облысқа өңірді вакцинациялау, сондай-ақ аумаққа дезинфекция жұмыстарын жүргізу және құстардың өлексесін жою бойынша жұмыстарды дұрыс үйлестіруге және іс-шараларды ұйымдастыруға көмектесу үшін ауыл шаруашылығы вице-министрі Гүлмира Исаева бастаған арнайы топ келді, деп хабарлайды Sputnik Қазақстан тілшісі.

Бескөл құс фабрикасының технологы Татьяна Костенко өлген құстарды көметін жерді көрсетті.

"Бұл өлексені жоюға, одан кейін оны жағып жіберуге арналған шұңқыр. Ауру құстың өлексесін зауыттың айналасындағы тұрғын үйлерге таратпау үшін ашық ауада қалдыруға болмайды", - деді Костенко.

Оның айтуынша, 10 қыркүйектегі есеп бойынша құс фабрикасында 320 мыңға жуық тауық, 6 мыңнан астам қаз болған.

"Қазір тауықтың жартысынан азы қалды, кеше кешке 180 мыңнан астам тауық өліп қалды. Бүгін тағы 30-40 мың тауық өлуі мүмкін деп болжанып отыр. Аналық қаздар қалмады деуге болады. Аурудың ағыны қатты болғаны соншалық бірнеше күн ішінде ондаған мың құс өліп қалды. Шұңқырларды қазып, өртеп жатырмыз, инфекция сыртқа тарамауы үшін шұңқырды балшықпен жабамыз", - дейді кәсіпорын технологы.

В Северо- Казахстанской области продолжает свирепствовать птичий грипп: падеж птицы дошел и до птицефабрик региона
© Sputnik / Елена Бережная
Құс фабрикасының қызметкерлері жұмыссыз қаламыз ба деп алаңдайды

Маманның айтуынша, кәсіпорын құс тұмауына қарсы жаппай вакцинациялауға қаржылық тұрғыдан дайын болмаған. Соған байланысты екі апта ішінде тек 15 мың үйректі вакцинациялай алған.

"Солтүстік Қазақстанмен шекаралас аумақтарда бұл індеттің өршіп жатқанын білген кезде осындай шара қабылдадық. Тауықтарға вакцинаның жетпейтінін ескеріп, қолда бар дәріні үйректерге салуды жөн санадық. Қазір үйректер аман. Олар аман қалады деп үміттенеміз, бірақ иммунитет кем дегенде 28 күн ішінде қалыптасады. Содан кейін сынама алып, иммуниттеттің қалыптасқанын тексереміз. Қажет болса қайта саламыз", – деп түсіндіреді Татьяна Костенко.

Құс тұмауына қарсы вакцинаның мың дозасы орташа есеппен 50 мың теңге тұрады. Құс фабрикалары субсидия алмайды, яғни кәсіпорында мұндай қымбат вакцинацияны жүргізуге қосымша қаражат болған жоқ. Кәсіпорындағы құстарға басқа да инфекцияға қарсы дәрі егіледі, оның да бағасы қымбат.

В Северо- Казахстанской области продолжает свирепствовать птичий грипп: падеж птицы дошел и до птицефабрик региона
© Sputnik / Елена Бережная
10 қыркүйекте құс фабрикасындағы тауықтың саны – 320 мыңға жуық болса, қаздардың саны 6 мыңнан асқан. Бір күнде 180 мыңнан астам тауық өліп қалды

"Республикалық эпизоотияға қарсы отряд өлген құс иелерінен өтініштер қабылдайтын болады. Құс иелері Солтүстік Қазақстан облысының әкімдігі жанынан құрылған арнайы комиссия жариялаған баға бойынша құстың түріне қарай нарықтағы орташа құн мөлшерінде өтемақы аударылатын шот ашуы тиіс", - деп атап өтті вице-министр.

В Северо- Казахстанской области продолжает свирепствовать птичий грипп: падеж птицы дошел и до птицефабрик региона
© Sputnik / Елена Бережная
Аумақта құс тұмауынан мыңдаған тауық, қаз, үйрек өліп қалды

Айтуынша, аймаққа Отарда орналасқан биологиялық қауіпсіздік ғылыми-зерттеу институты жергілікті штамдарды пайдаланып өндірген отандық вакцина әкелінді. Солтүстік Қазақстан облысына 873 мың доза жеткізілді.

Вакцинация диагноз қойылған сәтте жүргізіледі.

"Диагноз 16 қыркүйекте сағат 21.00-де қойылды. 17 қыркүйекте шектеулер мен вакцинация туралы шешім қабылданды, 19  қыркүйекте таңертең вакцина аймаққа арнайы автокөлікпен жеткізіліп, аудандарға таратылды. Вакцинаны жеткізу және тарату үшін бізге екі күн қажет болды", - дейді Гүлмира Исаева.

Айтуынша, Павлодар облысының үш елді мекенінде, Қостанай облысында үш елді мекенде және Ақмола облысында бір елді мекенде құстардың өлуі жиілегені тіркелді. Патологиялық материалдар іріктеліп алынды, ал зерттеулер әлі аяқталған жоқ.

Алайда, Солтүстік Қазақстан облысында құс тұмауы тіркелгені ескеріліп, сол өңірлерге де вакцина бөлу туралы шешім қабылданды. Вакцина қазірдің өзінде жеткізіліп, аудандарға таратылды. Доза саны жергілікті атқарушы органдар мен жергілікті ветеринариялық қызмет сұранысына қарай жолданды.

В Северо- Казахстанской области продолжает свирепствовать птичий грипп: падеж птицы дошел и до птицефабрик региона
© Sputnik / Елена Бережная
Облысқа ауыл шаруашылығы вице-министрі Гүлмира Исаева бастаған арнайы топ келді

Вице-министр Қазақстанда 2005 жылдан бері құс тұмауы болмағанын айтып өтті.

"Сондықтан Солтүстік Қазақстан облысына аймаққа жұмысты дұрыс үйлестіруге және вакцинация шараларын ұйымдастыруға, сондай-ақ аумақтарды дезинфекциялауға және құстардың өлексесін жоюға көмектесу үшін келдік. Барлық іс-шараның дұрыс екеніне көз жеткізу өте маңызды болды. Біздің тағы бір міндетіміз – өлген құстың иелеріне өтемақы төлеу бойынша жұмысты жолға қою", - деді ауыл шаруашылығы министрінің орынбасары.

Сонымен қатар комиссия өңірдің құс фабрикаларының басшыларымен кәсіпорындардың айналасында биологиялық қауіпсіз оқшауланған аймақтар құру мәселесі бойынша келіссөздер жүргізді. Барлық қажетті талап орындалған жағдайда өңірдің құс фабрикалары өз өнімдерін еркін өткізу құқығына ие болады.

Оқи отырыңыз: Қазақстанда құс тұмауы өршіді – адамдар ауруды жұқтыруы мүмкін бе?

Айта кетейік, бұған дейін Солтүстік Қазақстан облысында құс тұмауына байланысты он ауылдың карантинге жабылғаны хабарланды. Ол аймақта тек үй құстары ғана емес, жабайы құстар да өлген болатын.

264
Кілт сөздер:
Солтүстік Қазақстан облысы, құс
Тақырып бойынша
Солтүстік Қазақстанда жантүршігерлік жол апаты болды: жеңіл көлік жапырылып қалды  
Солтүстік Қазақстанда оқушы-вандалдар зират ескерткіштерін қиратты
Солтүстік Қазақстанда құс тұмауының ошақтары табылды
Солтүстік Қазақстанда ауру өршіп тұр: Петропавлда құс қырылып жатыр
Қытайда тағы екі адамға құс тұмауы тиді
Астанадағы алғашқы қар

Тоғыз өңірде дабылды ескерту жарияланды ертеңге арналған ауа райы болжамы

1449
(Жаңартылды 22:06 22.10.2020)
Синоптиктер қатты жел, тұман мен боранға байланысты тоғыз бірдей өңірде дабылды ескерту жарияланғанын хабарлады

НҰР-СҰЛТАН, 22 қазан — Sputnik. Қазгидромет синоптиктері жұма күні өңірлерде ауа райы бұзылатынын хабарлады.

Скандинав жақтан келетін циклон әсерінен елдің басым бөлігінде жаңбыр, қар жауып, жел күшейеді. Тұман мен көктайғақ болады. Оңтүстік-батыста ғана жауын-шашынсыз.

Дабылды ескерту

23 қазан түнде Қызылорда облысында ауа температурасы төмендейді, 3 градусқа дейін үсік жүреді.

Түркістан облысында желдің жылдамдығы секундына 15-20 метр, үсік жүреді.

Қарағанды облысында көктайғақ, бұрқасын болады.

Жұма күні Батыс Қазақстанда тұман, желдің жылдамдығы - 15-20 м/с.

Алматы облысының таулы аудандарында жауын-шашын, жел. Екпіні - 17-22 метр секундке жетеді.

Ақмола облысында көктайғақ, бұрқасын, батыстан 15-20 м/с жел соғады. 

23 қазанда Қостанай, Солтүстік Қазақстан, Павлодар облыстарында тұман, көктайғақ. Желдің жылдамдығы - 15-20 м/с.

Ірі қалалардағы ауа райы

Елордада минус 3-5 градус, күндіз 0-2 градус, қар.

Алматыда плюс 5-7 градус, күндіз 8-10 градус жылы.

Шымкентте 3-5 жылы , күндіз плюс 11-13 градус.

Тағы оқыңыз: Биылғы қыс қандай болады – синоптиктер болжам жасады

1449
Кілт сөздер:
қазан, дабылды ескерту, ауа райы, өңірлер
Ақтаудағы Нұрмахан Жантөрин атындағы музыкалық-драма театр

Маңғыстау облысында карантин жеңілдетілді

55
Өңірде балабақшалардың, бильярд орындары мен ойын-сауық мекемелерінің қызметіне әлі де тыйым салынған

НҰР-СҰЛТАН, 22 қазан – Sputnik. Маңғыстау облысының бас санитар дәрігері Ғазиз Надуев эпидемиологиялық жағдайдың тұрақталуына байланысты өңірдегі шектеу шараларын бәсеңдетуге шешім қабылдады.

"Сауда ойын-сауық орталықтарына және жабық базарларға сенбі күні сағат 17.00-ге дейін жұмыс істеуге рұқсат етілді", – делінген хабарламада.

Кинотеатрлар 26 қазаннан бастап жұмыс істей бастайды: бірақ толымдылығы 30%-тен аспауы қажет.

Фитнес орталықтары бар спорт залдарға да дәл осындай шартпен жұмыс істеуге рұқсат етілді. Бұл мекемелер 23 қазаннан бастап өз жұмысын жалғастыра алады.

30 орыннан аспайтын жағдайда, жазғы алаңы бар қоғамдық тамақтандыру нысандарының жұмыс істеуіне рұқсат етілген. Кез-келген ұжымдық іс-шаралар өткізуге әлі де тыйым салынған.

Бөлек орналасқан ірі азық-түлік дүкендерінің – супермаркеттер мен гипермаркеттердің жұмыс уақыты 22.00-ге дейін ұзартылды.

Оқи отырыңыз: Қазақстандағы карантин: комиссия жаңа шешімді жариялады

Діни ұйымдардың қызметіне ұжымдық іс-шаралар өткізбейтін жағдайда рұқсат беріледі. Балабақшалардың (олардағы кезекші топтарды қоспағанда), компьютерлік клубтардың, бильярд орындары мен ойын-сауық мекемелерінің, банкет залдары мен түнгі клубтардың қызметіне әлі де тыйым салынған.

55
Кілт сөздер:
Маңғыстау облысы, карантин
Тақырып:
Төтенше жағдай және карантин
Тақырып бойынша
Карантин күшейтіледі – облыстың бас санитар дәрігерінің жаңа қаулысы шықты
Қарағанды және Шығыс Қазақстан облыстарында карантин күшейтіледі
Коронавирус індеті: Нұр-Сұлтанда карантин күшейтіледі
Қазақстандағы карантин: комиссия жаңа шешімді жариялады
Алматыда карантин күшейтіле ме – бас санитар дәрігердің жауабы

Норвегиядағы жерасты әскери-теңіз базасына қызығушылық артты

0
(Жаңартылды 22:58 22.10.2020)
АҚШ әскери-теңіз күштері Норвегиядағы Олавсверн жерасты теңіз базасын қайта "тірілтуге" ниет танытып отыр

Seawolf деп аталатын бірнеше теңіз барлаушы сүңгуір қайығы осы жерден патрульге шығып, Солтүстік флоттың кемелерін бақылайтын болады, деп жазады РИА Новости.

Жартастағы қала

Олавсверн базасындағы белсенді әскери қызмет 2000-шы жылдардың басында тоқтады, нысанның жұмысы 2009 жылы толықтай тоқтап қалды. Алайда, жақында америкалықтар ядролық сүңгуір қайықтарды осы жерге қайтадан көшіруге шешім қабылдады.

Seawolf класындағы барлық сүңгуір қайық Олавсвернге ауыстырылады. Тамыз айында олардың бірі Н Бангор әскери-теңіз базасынан (Вашингтон штаты) Норвегияның Тромсо қаласына дейін сынақтан өтті. Америкалықтар бұл портты атомдық сүңгуір қайықтарының аралық аялдамалары үшін пайдаланады: олар қорларды толықтырады және рейсаралық жөндеу жұмыстарын жүргізеді.

Seawolf класты атомдық сүңгуір қайығы –  АҚШ-тағы ең құпиялы сүңгуір қайықтардың бірі. Олар 1980 жылдары жаудың толық бақылауында тұрған аудандардағы операциялар үшін арнайы жасалған. Оның бортында кемеге және суасты қайығына қарсы күшті қарулар бар. ХХ ғасырдың аяғында америкалықтар осындай 30-ға жуық сүңгуір қайық дайындаужы жоспарлады, бірақ КСРО ыдырағаннан  және Варшава келісімі ұйымы таратылғаннан кейін олар өз ойын өзгертті. Нәтижесінде, АҚШ әскери-теңіз күштері тек үш сүңгуір қайықты ғана алды.

Олавсверн әскери-теңіз базасы 1960 жылдары салынған. Ол Ресеймен шекарадан небәрі 350 шақырым жерде, Солтүстік флоттың суасты күзеті жолдарының маңында орналасқан. Қырғи қабақ соғыс кезінде америкалықтар мен олардың одақтастары Солтүстік Мұзды мұхит акваториясына жауапты базада сүңгуір қайықтарға иелік етті. Осылайша, НАТО сүңгуір қайықтарының экипаждары кез-келген уақытта Солтүстік флоттың Норвегия теңізіне және одан әрі Солтүстік Атлантикаға шығу жолын жабуға дайын тұрды.

Үлкен жерасты кешені жартастарда қашалып, қалыңдығы 300 метр болатын тас қабатымен қорғалған. 25 мың шаршы метрден астам алаңда қоймалар, оқ-дәрі сақтайтын орындар, жөндеу айлақтары бар. Тоннельдерді жобалау мен салуға, сондай-ақ нысанды заманауи құрылғылармен жабдықтауға 500 миллион доллардан астам қаражат жұмсалды. Еегер салыстыратын болсақ, 1961 жылы пайдалануға берілген әлемдегі ең алғашқы USS Enterprise атом кемесінің құны шамамен 450 миллионға жеткен еді.

Арктикаға жақын

Солтүстік флоттың бұрынғы командирі, адмирал Вячеслав Поповтың пікірінше, жаңартылған Олавсверн базасы Ресей үшін НАТО тарапынан тағы бір қатерлі орынға айналуы мүмкін.

"Seawolf мұз астында жүзуге жақсы бейімделген, - деді адмирал РИА Новости агенттігіне берген сұқбатында. 

Алайда, сарапшылар атап өткендей, америкалықтар қиындықтарға тап болуы мүмкін, өйткені құқықтық база қазір заң жүзінде жеке адамға тиесілі. 2000 жылдардың соңында батыс сарапшылары Ресей әскери-теңіз күштері бұдан былай НАТО-ға қауіп төндірмейді, ал Олавсвернді күтіп ұстау тым қымбатқа түседі деп ойлады. Сондықтан Норвегия үкіметі базаны аукционға қойды.

2011 жылы Олавсвернді норвегиялық кәсіпкер 4,5 миллион долларға сатып алды. Ол кешенді жалға берді. Жалға бергендердің ішінде ресейлік компаниялар да бар. "Академик Немчинов" және "Академик Шатский" ғылыми-зерттеу кемелері ауық-ауық келіп тұрды. Келісімнен кейін көптеген норвегиялық әскери басшы ел үкіметін сынға алды. Осылайша, вице-адмирал Эйнар Скорген нысанның сатылуын миға сыйымсыз дүние деп атады.

"Біз сүңгуір қайықтарды жүздеген қосымша миль жүруге мәжбүрледік. Біздің Ресеймен Баренц теңізінде ортақ шекарамыз бар. Демек, біздің әскери-теңіз флотымыз Арктикадағы теңіз базасында орналасуы қажет", - деп мәлімдеді Скорген.

Он жылдан кейін НАТО өз қателігін түсінді. Норвегияның NRK телеарнасының мәліметінше, Пентагонның жоғары лауазымды әскери шенеуніктері соңғы апталарда Олавсвернге бірнеше рет барған. Ал Норвегияның қорғаныс министрлігі елдің қарулы күштеріне, АҚШ пен НАТО бойынша одақтастарына базаны қайтадан мақсатқа сай пайдалануға мүмкіндік беретін келісімді мақұлдады.

"Норвегия басшылығы Ресеймен достық пейілде қарым-қатынас орнатып отырған жоқ, дегенмен жақында олар Ресеймен Баренц теңізіндегі кеңістікті делимитациялау туралы келісімге қол қойды, – дейді Бүкілресейлік флотты қолдау қозғалысының төрағасы, I дәрежелі капитан Михаил Ненашев.

– Біз мұндай қадамға тату көршілік және аймақтағы ынтымақтастықты дамыту саясаты негізінде бардық, бұл ретте Норвегия да соған сәйкес әрекет етеді деп үміттендік. Бірақ Вашингтондағы "аймақтық комитет" қызметкерлерінің ұсынысы бойынша, Норвегия, керісінше, Солтүстік Атлантика мен Солтүстік Мұзды мұхитта Ресейге қатысты агрессиясын күшейтіп отыр".

Сарапшының пікірінше, әскери тұрғыдан Олавсверн АҚШ пен НАТО-ның солтүстік ендіктердегі позицияларын аз мөлшерде ғана күшейтеді, өйткені базаның координаттары мен мүмкіндіктері бұрыннан ешкімге құпия емес. Қауіп кезінде оны сүңгуір қайықтарды, ұшақтарды немесе суасты басқарылмайтын апппараттарын пайдалана отырып, миналармен тез бұғаттап тастауға болады.

Жерасты лабиринттері

Олавсверн жерасты базасы бірегей емес. Қырғи-қабақ соғыс жылдарында осыған ұқсас ондаған нысан салынды. Ең үлкен бункерді шведтер өткен ғасырдың ортасында салған. Мускё әскери-теңіз базасы гранитті тасқа ойылып жасалған, ол Стокгольм архипелагының оңтүстігінде жеке арал түрінде орналасқан. Кемелер мен сүңгуір қайықтарды, казармаларды, жөндеу зауытын, қоймаларды және аурухананы қабылдауға арналған үш докпен (қалқымалы су асты кемесі) жабдықталған.

База мыңға жуық әскери қызметшінің ядролық бомбалауына немесе жаппай зымыран соққысына қарсы тұра алады. Теңіз түбі астындағы үш шақырымдық тоннель материктен мекемеге апарады.  2019 жылы Швеция әскери-теңіз күштері штаб-пәтерін сол жерге көшіреді. Онда жүзге жуық әскери қызметкерді және "Висбю" түріндегі бес корветті орналастырмақ.

Ресейге келетін болсақ, құпиясыздандырылған ең ірі жерасты базасы Қырымда орналасқан. Балаклава шығанағының жанындағы Таврос тауында бірден екі нысан жасырылған: суасты қайықтарын жөндейтін және паналайтын құрғақ док (қалқымалы су асты кемесі) және ядролық торпедалық оқтұмсықтар мензымырандарды сақтайтын қойма.

Ядролық соғыс болған жағдайда, үш мың адам жер астында бір ай бойы жайлы өмір сүре алуы мүмкін - отын, азық-түлік және су қоры үнемі жаңарып отырады.

КСРО ыдырағаннан кейін база Украинаның қолына өтті. Ол көптеген басқа нысан сияқты керексіз болып қалды және тоналды, түсті металдардың соңына түсушілер жабдықтарды ұрлап, талан-таражға салды. 2000 жылдары Балаклавада музей ұйымдастырылды. Ол жерде туристерге жөндеу зауытының жер асты бөлігі, арсенал, айлақ және бірнеше ғимарат көрсетіледі

Сарапшылардың бағалауынша, қажет болған жағдайда базаны қайта жарақтандырып, тетігін іске қосуға болады, бірақ оның қазіргі заманғы сүңгуір қайықтарды олардың көлеміне байланысты қабылдай алатындай мүмкіндігі жоқ.

0