Адам мен ит, архивтегі фото

Көшеде мысықты шайнап тастаған иттің иесі табылды видео

568
Иттің иесі Павлодар қаласының 27 жастағы тұрғыны болып шықты, оған 10 айлық есептік көрсеткіш мөлшерінде, яғни 27 780 теңге айыппұл салынады  

АЛМАТЫ, 22 қыркүйек – Sputnik. Әлеуметтік желіде ер адам жетектеген тұмылдырықсыз иттің мысықты шайнап жатқан видеосы тарады. Оқиға Павлодар облысында болған. Өңірдің полиция департаменті иттің иесі анықталып, жауапқа тартылғанын мәлімдеді, деп хабарлайды Sputnik Қазақстан.

Посмотреть эту публикацию в Instagram

Публикация от Павлодар облысының ПД (@dp_pavlodar)

"Әлеуметтік желіде тараған видео бойынша полиция тексеру жұмыстарын жүргізді. Иттің иесі анықталып, ұсталды. Ол Павлодар қаласының 27 жастағы тұрғыны болып шықты. Иттің лақап аты – Мамай. Оның иесіне қатысты Қазақстан Республикасы Әкімшілік құқықбұзушылық туралы кодексінің 408-бабы 2-бөлігі бойынша әкімшілік іс қозғалды", - деп хабарлады облыстық полиция департаменті.

Әкімшілік құқықбұзушылық туралы кодекстің 408-бабы 2-бөлігінде ауыл шаруашылығы жануарларын жаю қағидаларын, иттер мен мысықтарды асырау және серуендету қағидаларын, қаңғыбас иттер мен мысықтарды аулау және жою қағидаларын бұзу – жеке тұлғаның денсаулығына немесе мүлкіне залал келтіруге әкеп соққан әрекеттер көрсетілген. Бұл бап бойынша 10 айлық есептік көрсеткіш мөлшерінде айыппұл салынады. Бұл – 27 780 теңге.

Айта кетейік, бұған дейін итті көлігіне байлап серуендеуге шыққан павлодарлық жауапқа тартылған болатын. Көліктің 26 жастағы жүргізушісі Павлодарға Өскеменнен жарысқа келген досын кездестіріп, алабайды көлік терезесінен қарғыбауын шығарып серуендетуге тура келгенін айтты.

Посмотреть эту публикацию в Instagram

Публикация от unformat (@unformatpvl)

Жануарларға қатыгездік таныту фактісі бойынша Қылмыстық кодекстің 316-бабы бойынша сотқа дейінгі тергеу жүргізілді. Бұл бап бойынша 120 айлық есептік көрсеткіш (1 АЕК - 2778) көлеміндегі айыппұл немесе 120 сағатқа қоғамдық жұмысқа міндеттеу, я болмаса 30 тәулікке дейін қамау шарасы қарастырылған.

568
Кілт сөздер:
видео, ит, мысық
кісен, архив

Қарағандылық полицейлер қауіпті банда ұсталған сәттің видеосын жариялады

885
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

885
қыз, архив

Қостанай облысында анасымен ұрсып қалған қыз өзіне қол салмақ болды

3025
(Жаңартылды 21:20 28.11.2020)
Оқиға Қостанай облысында болды. Қызды құтқару үшін полицейлер гараждың терезесін бұзып кірді

НҰР-СҰЛТАН, 28 қараша— Sputnik. Қостанайлық полицейлер өз-өзіне қол салмақ болған қызды құтқарып қалды, деп хабарлайды өңірлік полиция департаменті.

Қостанай тұрғыны тәртіп сақшыларынан көмек сұраған. Ол қалаға жақын маңдағы Тобыл ауылында қызы гаражды ішінен жауып алып, өзіне қол жұмсамақ ниетте екенін хабарлайды.

Бірнеше минуттан кейін әйел айтқан мекенжайға полиция лейтенанты Амангелді Сыздықов пен Мүслім Исабаев келеді.

Олар гараж ішінен көлік қозғалтқышының дыбысын естиді, ал терезеден көлік ішінде отырған қызды көреді.

Оқи отырыңыз: Батыс Қазақстанда 15 жасар қыз неге күйеуге шыққаны белгілі болды

Полицейлер гараж ішіне кірудің басқа жолы болмағандықтан терезені бұзып кіреді. Олар қызды таза ауаға алып шығады. Осы уақытта анасы да келіп жетеді.

Кейін белгілі болғандай, әйел қызымен ұрсып қалған, сондықтан бойжеткен өзіне қол салмақшы болады. Полицейлер олармен профилактикалық әңгіме өткізіп, екеуін үйге жеткізіп тастайды.

3025
Жедел жәрдем көлігі

Жамбыл облысында қайғылы оқиға салдарынан 2 бала көз жұмды

714
(Жаңартылды 16:11 29.11.2020)
Құтқарушылардың ақпаратына сәйкес, балалар Байзақ ауданы Үлгілі ауылындағы суарма арық маңында ойнап жүрген

НҰР-СҰЛТАН, 29 қараша — Sputnik. Жамбыл облысында екі бала мұз астына түсіп кетіп қайтыс болды, деп хабарлайды төтенше жағдайлар министрлігінің баспасөз қызметі.

Құтқарушылардың ақпаратына сәйкес, 6 және 9 жастағы екі бала Байзақ ауданы Үлгілі ауылындағы суарма арық маңында ойнап жүрген. Сол жерде мұз астына түсіп кетті, балаларды құтқару мүмкін болмады.

"Жамбыл облысы жедел құтқару жасағының үш сүңгуірі олардың денесін 3 метр тереңдіктегі судан шығарды", - деді төтенше жағдайлар министрлігінің ресми өкілі Талғат Уәли.

Министрлік қазіргі мұздың жұқа әрі қауіпті екенін ескертті. 

"Мұздың алғашқы қабаты балалар мен жасөспірімдерді қызықтырады. Алайда жұқа мұз өте қауіпті. Мұны балаларға айтып, ескерту керек. Балалардың мұндай жерлерде бақылаусыз жүруіне жол бермеңіз. Қаншалықты қауіпті екенін түсіндіріңіз", - делінген министрлік хабарламасында.

714
Кілт сөздер:
су, мұз, бала, Жамбыл облысы
Тақырып бойынша
"Қауіпсіздік ережелері сақталмаған": жыл басынан бері 40 бала суға батып кетті
Батыс Қазақстандағы трагедия: көлікте отырған үш бала суға батып кетті
Тоңазытқыштағы бала өлімі: сотталушының адвокаты күтпеген мәлімдеме жасады
"Сіңіріңіз тартылса...": суға батпау үшін не істеу керек?
Марадонамен кездескен қазақстандық бала: құшақтап жібермей тұрды