Алматыда балалар бөлімшесі бар аурухана ашылды

COVID-19: Алматыда балалар бөлімшесі бар аурухана ашылды фото

145
(Жаңартылды 19:26 05.10.2020)
Жұқпалы ауруларға арналған аурухана 12 блоктан тұрады, сондай-ақ бұл жерде балалар бөлімшесі ашылған

АЛМАТЫ, 5 қазан – Sputnik. Алматыда коронавирус жұқтырған науқастарға арналған жаңа модульдік аурухана ашылды. Ол Қалқаман шағын ауданында Aport ойын-сауық кешені жанында орналасқан, деп хабарлады Sputnik Қазақстан тілшісі.

Аурухана 12 бөлімнен тұрады. Ішінде мельцер бокстары, палаталар, қабылдау-диагностикалық және жан сақтау бөлімшелері, зертхана, асхана және кір жуатын бөлім бар.

Сонымен қатар аурухана аумағында медициналық газдар станциясы, жергілікті тазарту құрылғылары, жедел жәрдем көліктерін дезинфекциялауға арналған жолбөгегіш және медициналық қалдықтарды жоюға арналған блок орналасқан.

Новую быстровозводимую модульную больницу для зараженных коронавирусом пациентов открыли в южной столице
© Sputnik / Тимур Батыршин
Алматыда коронавирус жұқтырған науқастарға арналған жаңа модульдік аурухана ашылды
"Жан сақтау бөлімшесінде 30 төсек бар. Зертханаға әртүрлі сынақ жүргізуге арналған жабдықтар қойылған. Қабылдау бөлмесінде зерттеу жүргізуге қажеттінің бәрі бар. Аурухана жұқпалы ауруларды емдеуге лайықталып салынған, науқастар басқа адамдардан үнемі оқшау болуы үшін әр блок жеке жұмыс істей алады. Палаталар 2-3 адамға арналған, әрқайсында жеке жуынатын орын бар. Әр науқасқа оттегі келіп тұрады. Аурухананың өз газ қазандығы бар, өзін жылумен қамтамасыз ете алады", - деді Алматы қалалық балалар жұқпалы аурулар ауруханасының бас дәрігері Ержан Сералин.

Сонымен қатар аурухана аумағында балалар қалалық клиникалық жұқпалы аурулар ауруханасының филиалы салынды.

"Қалада балалар ауруханасы 700 мың тұрғынға есептелген. Қазір бұл көрсеткіш екі миллионнан асты. Сол себепті осы жерде инфекциялық патологиясы бар балаларға арналған филиал ашылды", - деді Ержан Сералин.

Стационарда 322 медицина қызметкері жұмыс істейді. Оның бір бөлігі балалар жұқпалы аурулар стационарында қызмет етеді. Қалған дәрігерлер тағылымдамадан өтеді, олар қаладағы түрлі медициналық мекемелерге жіберіледі.

Глав врач детской инфекционной больницы Ержан Сералин
© Sputnik / Тимур Батыршин
Алматы қалалық балалар жұқпалы аурулар ауруханасының бас дәрігері Ержан Сералин
"Екінші толқын болып жатса, біз оған толық дайынбыз. Бұл аурухана халықаралық қауіпсіздіктің барлық стандартына сәйкес келеді және жаңа жабдықтармен жабдықталған. Көптеген тұрғын коронавирусқа арналған аурухананың тұрғын үйлерге жақын орналасқанына қатысты сақтық танытып жатыр. Дәл сол себепті Алматыдағы барлық стационарда медициналық қалдықтарды жоюға арналған станциялар орнатылған. Сондай-ақ, ауаны желдету жүйесі жұмыс істеп тұр", - деді Сералин.

Оқи отырыңыз: Коронавирустың екінші толқынына дайындалып жатырмыз – министр Цой

Аурухананың тағы бір жаңалығы ретінде пациенттердің интерактивті картасын атауға болады.

"Дәрігерлер кабинетінде монитор орнатылған, онда пациенттердің жағдайы туралы барлық өзекті ақпарат көрініп тұрады. Жүйе қанша науқас бар екенін, қай блокта ем алып жатқанын, қанша адамның ауыр, аса ауыр хәлде жатқанын көрсетеді. Демек енді дәрігер науқастардың жағдайын білу үшін әр палатаға жүгірмейді", - деді Сералин.

Новую быстровозводимую модульную больницу для зараженных коронавирусом пациентов открыли в южной столице
© Sputnik / Тимур Батыршин
Аурухана халықаралық қауіпсіздіктің барлық стандартына сәйкес келеді және жаңа құрылғымен жабдықталған
Әр палата есігінің жанына терезе қойылған. Сол арқылы медицина қызметкерлері науқаспен қарым-қатынасқа түспей азық-түлік пен қажетті заттарды бере алады.

Аурухана бір уақытта 300-ге дейін науқасты қабылдай алады.

Айта кетейік, қаладағы екінші модульді аурухана екі айдың ішінде салынды. Өткен аптада оны Алматы әкімі Бақытжан Сағынтаев тексеріп шықты. Аурухана науқастарды келесі аптадан бастап қабылдайды.

Новую быстровозводимую модульную больницу для зараженных коронавирусом пациентов открыли в южной столице
© Sputnik / Тимур Батыршин
Жаңа модульдік аурухана екі айда салынды

 

 

 

 

 

 

 

145
Кілт сөздер:
аурухана, коронавирус
Тақырып:
Коронавирус эпидемиясы (1643)
Тақырып бойынша
Алматыда қыркүйекте жеті оқушы коронавирус жұқтырды
Қазақстанда коронавирус пен пневмониядан қаза болғандар саны артты
"Өкінішпен қабылдадым": Назарбаев Трампқа жеделхат жолдады
Ғалымдар COVID-19-ға қарсы ұжымдық иммунитет қай жағдайда қалыптасатынын айтты
Бекшин Алматы карантинге жабылады деген қауесетке жауап берді
6 қазаннан бастап карантин талабы күшейеді: жаңа қаулы шықты
Петропавл халықаралық әуежайы

Қазақстанда халықаралық әуежай банкрот деп танылады

25
(Жаңартылды 08:53 22.10.2020)
Қазіргі кезде Петропавл қаласындағы әуежайдан Нұр-Сұлтан мен Алматы және Шымкентке ғана ұшақ қатынайды

НҰР-СҰЛТАН, 22 қазан – Sputnik. Петропавл қаласындағы халықаралық әуежайдың жұмысшылары Солтүстік Қазақстан облысының әкімі Құмар Ақсақаловқа бірнеше айдан бері айлықсыз отырғанын айтып шағымданды, деп хабарлайды жергілікті "Петропавловск.News" сайты.

Ал әкімдік өкілдері жұмысшылардың қаражаты кезең-кезеңмен төленіп, әуежайдың өзі мемлекет меншігіне қайтарылатынын мәлімдеп отыр.

"Әуежай жақын арада банкроттық процедурадан өтіп, мемлекет меншігіне қабылданады. Бұл өзгеріс әуежайды сақтап қалумен қатар, рейстер санын көбейтуге көмектеседі", – делінген хабарламада.

Айта кетейік, 2016 жылдың желтоқсанында әуежайдың ұшу-қону жолағы толығымен жаңартылып, жолаушылар терминалы да күрделі жөндеуден өткен болатын. Қайта құрылымдаудан кейін терминал сағатына 200 жолаушыны қабылдай алады деп жоспарланған. Сондай-ақ, әкімдік Ресей мен Қытай және Еуроодақ елдерімен байланыс орнатып, шет мемлекеттермен жаңа әуе қатынастарын ашамыз деп уәде берген.

Оқи отырыңыз: Алматы әуежайы кімге сатылады – министр жауабы

Алайда, жоғарыда аталған жоспардың ешбірі де іске асқан жоқ. Қазіргі кезде Петропавлдан тек Нұр-Сұлтан мен Алматы және Шымкентке ғана ұшақ қатынайды.

25
Кілт сөздер:
Петропавл, банкрот, әуежай
Тақырып бойынша
Ақтау әуежайы ресейлік холдингке сатыла ма – ресми жауап
Нұр-Сұлтан әуежайы жаңа ереже жариялады - рейске кімдер кірмеуі мүмкін
Түркістан қаласында жаңа әуежай іске қосылды: рәсімге Елбасы қатысты
Әуежай кодын NQZ-ке ауыстыру қанша тұрады
Bek Air ұшағының апаты: жолаушыларға көмектескен әуежай қызметкерлері марапатталды

Қонаевтың ескерткіші желіде қызу талқыланып жатыр: арнайы тексеріс болады

732
Бұған дейін облыстың мәдениет, архивтер және құжаттама басқармасы Дінмұхамед Қонаевтың ескерткішін орнатуға бюджеттен ақша бөлінбегенін хабарлады

АЛМАТЫ, 21 қазан – Sputnik. Алматы облысында Дінмұхамед Қонаевқа арналған ескерткішке қатысты облыстың мәдениет басқармасы түсініктеме берді. Эскиздегі ескерткіш пен желіде тараған фото арасындағы айырмашылықтың бар болуына байланысты арнайы жұмыс тобы құрылды, деп хабарлайды Sputnik Қазақстан.

"Мемлекет және қоғам қайраткері Дінмұхамед Ахметұлы Қонаевтың ескерткішін Балқаш ауданы Бақанас ауылындағы Қонаев саябағына орнатуды Балқаш аудандық әкімдігі ұсынды. 15 қазанда Алматы облысының тарих және мәдениет ескерткіштерін қорғау жөніндегі комиссиясы құжаттарды қарастырып, Нұр-Сұлтан қаласындағы мемлекеттік комиссия қарауына ұсынды", - деді мәдениет басқармасы Sputnik Қазақстан тілшісіне .

Облыстың мәдениет басқармасының хабарлауынша, құрылған жұмыс тобы айырмашылықтар мен заңбұзушылықтарды анықтау үшін Балқаш ауданына іссапарға кетті.

"Әлеуметтік желіде пайда болған ескерткіштің фотосы мен комиссияға ұсынылған эскиздік жобадағы ескерткіш фотосы арасында айырмашылықтар анықталды. Осыған орай айырмашылықтар мен заңбұзушылықтарды анықтау мақсатында арнайы жұмыс тобы құрылды", - деді басқарма өкілдері.

Айта кетсек, бұған дейін облыстың мәдениет, архивтер және құжаттама басқармасы Дінмұхамед Қонаевтың ескерткішін орнатуға бюджеттен ақша бөлінбегенін хабарлады. Барлығы демеушілер қаржысына жасалып жатыр.

732
Кілт сөздер:
ескерткіш, Дінмұхамед Қонаев, Алматы облысы
Тақырып бойынша
Қонаевтың жаңа ескерткіші төңірегінде дау туды – видео 
"Ол мені қорғап қалды" Дінмұхамед Қонаев туралы не білеміз?
Нұрғали Нүсіпжанов Дінмұхамед Қонаевтың өзіне не дегенін айтты
Нұр-Сұлтанда мектепке Қонаевтың есімін беру ұсынылды – әкім не дейді?
Дінмұхамед Қонаевтың қарындасы қайтыс болды