Сәби, иллюстративті фото

Қостанай облысында салмағы 6 килограмнан асатын нәресте дүниеге келді

92
(Жаңартылды 19:30 06.10.2020)
Дәрігерлер іштегі нәрестенің алып екенін алдын ала білген. Сондықтан кесар тілігі отасын жасап, босандырып алған

НҰР-СҰЛТАН, 6 қазан – Sputnik. Қостанай облысында салмағы 6,1 килограмм, бойы 57 сантиметр болатын нәресте өмірге келді. Рудный қалалық көпсалалы ауруханасында 1 қазан күні дүние есігін ашқан сәбидің есімін Елжан деп қойды.

35 жастағы Динара Ержанова бойы 57 сантиметр, салмаға 6 килограмм 155 грамм тартатын ұл туды, деп хабарлады Alau.kz.

Рудный қалалық көпсалалы ауруханасының акушерлік-гинекологиялық бөлімінің меңгерушісі Людмила Төлебаева көп жылдық тәжірибесінде мұндай салмақтағы баланың дүниеге келгенін бірінші рет көргенін айтады.   

"Бұл отбасындағы төртінші бала. Әуел баста іштегі нәрестенің алып екендігі анықталды. Сондықтан кесар тілігі отасын жасадық", - дейді Людмила Төлебаева.

Анасының айтуынша, жүктілік кезінде ешқандай ауруы асқынбаған, бірақ қиын болған. Динараның өзі де мұндай ірі нәресте дүниеге келеді деп күтпесе керек.   

"Баланың ірі болатынын білдім, бірақ мұншалықты үлкен болады деп ойламадым. Баламның салмағын айтқан кезде алғашында сенбедім. Басқа балаларымның салмағы 5 килограмға жетпеген еді, бірінші балам – 3 800 грамм, екіншісі – 3 890 және үшінші – 4 670 грамм. Бәрі ойдағыдай өтті, бүгін үйге шығарады деп үміттенемін", - деді Динара Ержанова.

92
Кілт сөздер:
Қостанай облысы, сәби
Тақырып бойынша
Көпбалалы отбасында салмағы 8 келі сәби дүниеге келді
Терезеден құлаған сәбиді оқиға куәгерлері қағып алды
Ақтөбе тұрғыны сауда орталығында босанып қалды
Терезеге қарап отырған бүлдіршін қыз

Бағасы бір теңге: Солтүстік Қазақстанда бірнеше ауыл мектебі саудаға шығарылды

79
(Жаңартылды 12:17 25.10.2020)
Соңғы жиырма жыл ішінде Солтүстік Қазақстан облысында 302 мектеп жабылып, білім ошақтарының саны 478-ге дейін азайды

НҰР-СҰЛТАН,  25 қазан – Sputnik. Солтүстік Қазақстан облысында бірнеше ауылдың бос қалған мектеп ғимараттары аукцион арқылы саудаға шығарылды. Өйткені, ол жерлерде оқитын ешкім жоқ. Жергілікті тұрғындар қалаға көшіп, ауылда тек қарттар ғана қалған.

Солтүстік Қазақстан облысының Жамбыл ауданы Үлгі ауылында қазіргі кезде он сегіз адам ғана тұрады, деп хабарлайды жергілікті Петропавловск.news порталы.

Он жыл бұрын бұл жердегі тұрғындар саны 235 болса, тұрмыс тәуір жылдары мұндағы халық саны 400 адамнан асқан екен.

Сапалы салынған мектеп ғимараты көптеген жылдар бойы бос тұрған. Енді ол сатылымға қойылды. Бағалаушылар ең қарапайым стандарттар бойынша есептегенде ғимарат құны кем дегенде 3,7 миллион теңгені құрайды деп санайды.

Солай десек те, оны сатып алушы болмай тұр: тұрғындары қалмаған ауылда бұл ғимарат ешкімге қажет емес. Сарапшылар аукцион шарты бойынша сауда-саттық тым төмендеген жағдайда, мектепті бір теңгеге сатып алуға болады дейді. Бірақ соның өзінде оны сатып алуға ешкім құлықты емес.

Осыған ұқсас жағдай Жамбыл ауданының Рождественка ауылында да кездеседі. Мұнда ауданы 1 264 шаршы метр болатын екі қабатты үлкен мектеп сатылымға шығарылуда. Оның сметалық құны – 9,4 миллион теңге, ал ең төмені – бір теңге. Ал бұл қазір он үш адам ғана тұрады. Өткен жылы ауылда 44 тұрғын болған. 20 жыл бұрын мұнда 372 адам өмір сүрген.

Мұндай тізімді Ақбалық ауылындағы 1980 жылы салынған екі қабатты мектеппен жалғастыруға болады. Аумағы 562 шаршы метрді құрайтын оқу орнының бастапқы бағасы – 1,7 миллион теңге. Айта кетерлігі сол, Ақбалық ауылы қазір жоқ. Ол 2018 жылы жойылған. Ал  жиырма жыл бұрын мұнда 260 адам тұрған.

Сатылатын мектеп ғимараттары санатында Есіл ауданының Новоузенка ауылында аумағы 3 327 шаршы метр болатын үш қабатты бұрынғы білім ошағы да бар. Оның сметалық құны – 27,2 миллион теңгені құрайды. Мектеп 1983 жылы салынған, сол кезде Новоузенка ауылында 950 адам өмір сүрген. Қазір ауылда 30 тұрғын бар. Бұл жердегі басты проблеманың бірі – судың жетіспеушілігі. Тұрғындар сол үшін көрші ауылдарға көшкен.

Оқи отырыңыз: Одақ төрағасы ауыл мәселесімен айналысатын арнайы комитет құруды ұсынды

Статистика комитетінің мәліметтері бойынша, соңғы онжылдықта Солтүстік Қазақстан облысында мектептердің жалпы саны 127-ге азайды. Ал бастауыш және орта мектептердегі оқушылардың жалпы саны сегіз мың адамға төмендеген.

Жалпы алғанда, соңғы 20 жылда Солтүстік Қазақстан облысында 302 мектеп жабылды (478 қалды). Ал оқушылар саны 135,2 мыңнан 78 мыңға дейін азайды.

79
Кілт сөздер:
аукцион, Солтүстік Қазақстан облысы, мектеп
Тақырып бойынша
Табысы 35 мың теңге: депутат кедейлердің көпшілігі ауылда тұрып жатқанын айтты
Қарағанды облысының бір ауылы карантинге жабылды
Қазақстанда халықаралық әуежай банкрот деп танылады
Солтүстікке қоныс аударатындарға берілетін жәрдемақы екі есе артады
Ауылда әр отбасының мойнында 900 мың теңге кредит бар – ҰКП төрағасы
Қорғаныш киіміндегі адамдар

Қазақстанда бір қала мен екі өңірде карантин күшейтілді не өзгерді

1275
(Жаңартылды 12:28 25.10.2020)
Өңірлердің мемлекеттік бас санитар дәрігерлері қалыптасқан эпидемиологиялық жағдайға байланысты жаңа қаулыларды жария етті

НҰР-СҰЛТАН, 24 қазан – Sputnik. Шымкент қаласы мен Ақмола және Қарағанды ​​облысында мемлекеттік бас санитар дәрігер бұйрықтары жарияланды.

Шымкентте карантин мерзімі ұзартылды

Шымкент қаласының мемлекеттік бас санитар дәрігері Әбдіманап Төлебаев карантиндік шектеулерді 2020 жылдың 9 қарашасына дейін ұзарту туралы шешім қабылдады.

Қаулының толық мәтінімен мына жерден танысуға болады.

Ақмола облысында түнде көшеде жүруге болмайды

Ақмола облысының мемлекеттік бас санитар дәрігері Айнагүл Мусина 23:00-ден 6:00-ге дейінгі аралықта облыс аумағындағы елді-мекен тұрғындарының қозғалысын шектеу туралы қаулы шығарды.

Жаңа қаулыдағы бұл ерекшеліктер әкімдік пен полиция, жедел жәрдем мен төтенше жағдайлар қызметі, ауруханалар, санитарлық-эпидемиологиялық қызметтер, өрт сөндіру, әскери қызметшілер, сондай-ақ стратегиялық нысандар мен тіршілікті қамтамасыз ету нысандарын күтіп-ұстауды қамтамасыз ететін жұмысшыларға қатысты емес.

Ал қаулының толық мәтінін мына сілтемеден таба аласыз.

Қарағанды ​​облысында демалыс күндері қандай нысандар жұмыс істейді 

Қарағанды ​​облысының мемлекеттік бас санитар дәрігері Юрий Залыгиннің жаңа қаулысымен қаладағы сауда үйлері мен сауда орталықтарына демалыс күндері 17:00-ге дейін жұмыс істеуіне рұқсат берілді.

Сондай-ақ, жалпы сыйымдылықтың 30%-тен артық мөлшерде адамдардың  шоғырлануына жол берілмейді.

Оқи отырыңыз: Алматыда карантин күшейтіле ме – бас санитар дәрігердің жауабы

Сонымен қатар, сенбі күндері азық-түлік және азық-түліктік емес жабық базарлардың жұмыс істеуіне де рұқсат етіледі.

Қаулының толық мәтінін мына сілтемеден көруге болады.

1275
Кілт сөздер:
шектеу, қозғалысты шектеу, карантин
Тақырып:
Төтенше жағдай және карантин
Тақырып бойынша
Қазақстанның облыстары мен қалаларында карантин күшейтілді: неге тыйым салынды
Алматыда екі күнде карантин талабын бұзған 65 нысан анықталды
Қазақстандағы карантин: комиссия жаңа шешімді жариялады
Маңғыстау облысында карантин жеңілдетілді
Нұр-Сұлтанда карантин күшейтіле ме – әкім астаналықтарға үндеу жасады
Ли Гон Хи

Әлемге әйгілі компанияның бас директоры қайтыс болды

0
(Жаңартылды 13:12 25.10.2020)
Ол 1987 жылы өзінің әкесі мен компанияның негізін қалаушы Ли Бен Чхолдың орнына Samsung-тің екінші төрағасы атанған болатын

НҰР-СҰЛТАН, 25 қазан – Sputnik. Әлемге әйгілі Samsung компаниясының төрағасы Ли Гон Хи 25 қазанда 79 жасқа қараған шағында Сеул ауруханасында қайтыс болды. Кәсіпкердің мұрагері Оңтүстік Корея прокуратурасы алаяқтық жасады деп күдіктенген оның ұлы Ли Джэ Ён болды.

Атақты кәсіпкердің өлімі туралы Ренхап агенттігі хабарлады.

Өлімнің себебі нақтыланбаған.

Ли Гон Хи 1942 жылы дүниеге келген. Ол 1987 жылы өзінің әкесі мен компанияның негізін қалаушы Ли Бен Чхолдың орнына Samsung-тің екінші төрағасы атанған.

2014 жылы Ли Гон Хи жүрек талмасына ұшырады. Содан кейін корпорацияны бақылау іс жүзінде оның ұлы мен топтың еншілес компаниясы – Samsung Electronics-тің вице-президенті Ли Чжэ Енға өтті. Өйткені, ол мұрагер болатын.

Оқи отырыңыз: "Тірідей өртейді": әйгілі француз актрисасы Тоқаевқа хат жазды

Алайда оңтүстіккореялық ақпарат агенттіктерінің хабарлауынша, Ли Чжэ Ен концернде билікке қол жеткізу мақсатында корпорация құрамындағы компанияларды біріктіруде заңсыз алаяқтыққа барғаны туралы прокуратура тарапынан күдікке ілінген.

Айта кетейік, Ли Гон Хидің Ли Чжэ Еннан басқа Ли Бу Чжин және Ли Со Хен есімді екі қызы бар. Тағы бір қызы Ли Юн Хен 2005 жылы өзіне қол жұмсап, қайтыс болған.

0
Тақырып бойынша
Димаш Құдайберген әлемге әйгілі екі әншімен бірге өнер көрсетті - видео
Әлемге әйгілі футболшы қамауға алынды
"Әлемнің халық әртісі": Димаш Ресейдің әйгілі әншілерін гүлсіз қалдырды - видео
Әйгілі Голливуд актері әйелі екеуі коронавирус жұқтырғанын мәлімдеді
Әлемге әйгілі әнші карантиннің қандай пайдасы бар екенін айтты