Ауыл, архивтегі сурет

"Жер тұтастығына қауіп төнбей ме?": депутат миллиондаған тұрғын үшін алаңдаулы

100
"Ауыл – ел бесігі" жобасының қолға алынғанына екі жыл өтсе де, көп жұмыс атқарылған жоқ, деп қынжылды сенатор

НҰР-СҰЛТАН, 8 қазан – Sputnik. "Ауыл – ел бесігі" жобасы жүйелі жасалмаған. Ал атқарушы органдар осы бастамаға атүсті қарайды. Бұл мәселені сенатор Әли Бектаев үкімет басшысына жолдаған депутаттық сауалында көтерді, деп хабарлайды Sputnik Қазақстан тілшісі.

Сенатордың айтуынша, "Ауыл – ел бесігі" жобасының қолға алынғанына екі жыл өтсе де, көп жұмыс атқарылған жоқ. Ал мамандардың зерттеулері мен халықпен болған кездесулер атқарушы органдарының осы маңызды бастамаға жауапсыз қарағанын көрсетіп отыр. Жобаның өзі де жүйелі жасалмаған.  

"Ауыл – ел бесігі" жобасы бас-аяғы жинақталған түрлі бағдарламаның басын біріктіретін және жауапты ұйымдардың жұмысын үйлестіретін жан-жақты ойластырылған жүйелі құжат ретінде жасалмаған. Бір қарағанда, түрлі шаралардың жиынтығы сияқты. Өңірлерді дамытудың 2020-2025 жылдарға арналған мемлекеттік бағдарламасының бір бөлігі ғана болып қалған", - деді Бектаев сенаттың жалпы отырысында.

Депутаттың сөзіне қарағанда, жобаға енгізілген тіректі және спутниктік елді мекендерді іріктеу принциптері түсініксіз. 3 561 елді мекенді құрайтын тізімде, көбінесе, аудан орталықтары мен олардың айналасындағы ауылдар ғана қамтылған. Ал шалғай елді мекендердің көпшілігі назардан тыс қалып отыр. 

"Жобаны жасау барысында тұрғындарды тұрақты жұмыспен қамту мәселесі ескерілмеген. Мәселен, өткен жылы агроөнеркәсіп кешенін дамытуға барлығы 448 миллиард теңге бөлінсе, соның тек 1,6 миллард теңгесі ауылдарда тұрақты жұмыспен қамтитын 22 жобаға ғана берілген. Ал 2020 жылы ауыл аумақтарында ашылатын 20 мың жұмыс орындарының 800-і ғана тұрақты болмақ. Яғни, әр төрт елді мекенде орта есеппен бір ғана тұрақты жұмыс орны құрылады деген сөз", - деп атап көрсетті Бектаев.

Осы орайда сенатор үкімет басшысынан ауыл халқының өміріне қатысты қандай зерттеулер жасалғанын және елді мекендерді іріктеудің көрсеткіштері туралы жауап беруді сұрады. 

"Ешбір бағдарламада қамтылмай қалған 2 847 елді мекенді "әлеуеті төмен және келешегі жоқ" деп айтуға бола ма? Егер солай болса, онда сол ауылдарда өмір сүріп жатқан 1 миллионнан астам тұрғынның болашағы не болмақ? Елді мекендердің 40 процентке жуығы шекара бойында орналасқандықтан, олар жойылып кеткен жағдайда еліміздің және жеріміздің тұтастығына қауіп төнбей ме?", - деді Бектаев.

Бұдан бөлек, депутат он жылдың ішінде келешегі жоқ ауылдардың 92-ден 2 847-ге дейін қалай өсіп кеткенін түсінбей отыр. Оның ойынша, "Ауыл – ел бесігі" жобасын ұлттық бағдарлама ретінде қайта қабылдау қажет.

Айта кетейік, 2019 жылы 27 сәуірде өткен Nur Otan партиясының XVIII съезінде Елбасы Нұрсұлтан Назарбаев "Ауыл – ел бесігі" жобасын ұсынған болатын. Оның негізгі мақсаты – ауылдағы өмірдің сапасын көтеру.

 

100
Кілт сөздер:
ауыл, депутат
Тақырып бойынша
Ауылда тұратын қырық жастағы әйел 44-ші баласын босанды
"Түсінігіміз басқаша" Ресеймен шекаралас ауылдар депутаттардың алаңдаушылығын туғызды
Енді қазақстандық жастар оқуын бітіргеннен кейін үш жыл ауылда істейді
Халық саны 200-ден аспайтын ауылдар ауыз сумен қалай қамтылады?
"Мұның соңы неге алып келеді?": сенатта маңызды мәселе көтерілді
Кісен, архивтегі сурет

Шығыс Қазақстанда халықаралық іздеуде жүрген қылмыскер ұсталды

395
Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады

АЛМАТЫ, 21 қазан – Sputnik. Шығыс Қазақстан облысында сегіз айдан бері халықарылық іздеуде жүрген қылмыскер ұсталды.

Ер адам ұзақ уақыт бойы Ресейдің құқық қорғау органдарынан жасырынған. ТМД елдері арасындағы шекара маңы ынтымақтастығын іске асыру жоспары аясында ШҚО полиция департаментінің криминалдық полиция басқармасы қызметкерлері қылмыскерді анықтады, деп хабарлады Polisia.kz.

"Ер адам құрылыс жұмыстарын жүргізу кезінде қауіпсіздік ережелерін бұзған. Соның кесірінінен бірнеше адам қайтыс болған. Соған байланысты мемлекетаралық іздеу жарияланды. Қазір Ресей Федерациясындағы әріптестерімізге күдіктінің қай жерде екені хабарланды", – деді ШҚО полиция департаментінің бастығы Сағат Мәдиев.

Айта кетейік, Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады.

395
Кілт сөздер:
қылмыскер, халықаралық іздеу, Шығыс Қазақстан
Тақырып бойынша
"Өзіме қол салуға мәжбүрмін" Сот үкімін тыңдаған қылмыскер қиғылық салды
Түрмедегі "Қазақ аруы": ең сұлу қылмыскер әйел анықталды - фото
Алматыда сегіз жыл бойы іздеуде жүрген қылмыскер ұсталды - видео
Шымкенттегі қанды оқиға: қылмыскер 4 адамды қалай өлтіргенін айтып берді 
Халықаралық іздеуде болған қылмыскер Қазақстанда ұсталды
Қазақстанда қар аралас жаңбыр жауып, түнде аяз болады

Қазақстанда қар аралас жаңбыр жауып, түнде аяз болады

1726
(Жаңартылды 13:55 21.10.2020)
Скандинавия циклоны ылғалды және суық ауа массаларын әкеледі, соған байланысты өңілерде күн бұзылады

АЛМАТЫ, 21 қазан – Sputnik. Қазақстанда алдағы үш күнде күн суытады, деп хабарлады Қазгидромет мамандары.

Синоптиктердің болжамына сәйкес, елімізде 22-24 қазан күндері қар аралас жаңбыр жауады. Оңтүстік-шығыс пен шығыста жауын-шашын мол түседі.

Кей жерде тұман, көктайғақ болып, жел күшейеді. Шығыста таулы және тау бөктеріндегі аймақтарда апта соңында бұрқасын болуы мүмкін.

Еліміздің солтүстік және орталық аудандарында түнде ауа температурасы 5-13 аязға дейін төмендейді, ал оңтүстік өңірде 3 градус аяз болады.

Оқи отырыңыз: Биылғы қыс қандай болады – синоптиктер болжам жасады

 

1726
Кілт сөздер:
аяз, жаңбыр, қар
Ақша, теңге

Мәжіліс пен мәслихат сайлауына жұмсалатын қаржы көлемі жарияланды 

6
(Жаңартылды 16:21 21.10.2020)
Халық санының өсуіне байланысты сайлауға кететін шығындардың көлемі артып отыр. Биыл қараша айында кандидаттарды ұсыну мен партиялық тізімдерді тіркеу шаралары атқарылады

НҰР-СҰЛТАН, 21 қазан – Sputnik. Орталық сайлау комиссиясы мәжіліс пен мәслихаттар сайлауына жұмсалатын қаржының көлемін жариялады, деп хабарлайды Sputnik Қазақстан тілшісі.

Комиссия мүшесі Сәбилә Мұстафинаның айтуынша, халық санының өсуіне байланысты сайлауға кететін шығындардың көлемі артып отыр. Биыл қараша айында кандидаттарды ұсыну мен партиялық тізімдерді тіркеу шаралары атқарылады. Желтоқсанда үгіт-насихит басталады. Ал келесі жылы 10 қаңтарда сайлау өтеді. Сондықтан шығындардың басым бөлігі осы жылға жоспарланған. 

"2020 жылға үкіметке ұсынылған шығындардың сметасы 10,8 миллиард теңгені құрайды. Осы қаржының басым бөлігі  10 061 сайлау комиссиясында жұмыс істейтін 70 681 адамның еңбекақысына жұмсалады. Ол, шамамен, 7,3 миллиард теңге, яғни, жалпы шығындардың 68 проценті", - деді Мұстафина ОСК-ның бүгінгі отырысында. 

Оның айтуынша, қалған 3,5 миллиард теңге (32% ) бюллетеньдерді шығаруға, полиграфиялық қызметтерге, ақпараттық жұмысқа және сайлау комиссияларының ұйымдастырушылық шараларына жұмсалады. Карантиндік ережелер де сақталады. Сондықтан комиссия мүшелеріне жеке қорғаныс құралдары таратылады. Оған 341,4 миллион теңге бөлінеді. 

"Ал келесі жылдың шығындары 2021-2023 жылдарға арналған республикалық бюджет туралы заңда қарастырылған. Оның көлемі - 4,5 миллиард теңге. Осы қаржының барлығы дерлік сайлау комиссияларының мүшелері алатын жалақыға жұмсалады. Осылайша, жалпы парламент мәжілісі мен мәслихаттардың сайлау науқанына кететін шығындардың жобалық сметасы 15,3 миллиард теңгені құрайды", - деп атап көрсетті Мұстафина.

6
Кілт сөздер:
қаржыландыру, сайлау, Мәжіліс
Тақырып:
Мәжіліс сайлауы
Тақырып бойынша
Мәжіліс депутаты қайтыс болды
Мәжіліс сайлауының тарихы
"Өте маңызды қадам": Нығматулин алдағы мәжіліс сайлауы туралы айтты
Мәжіліс сайлауы: кім дауыс бере алады
Мәжіліс сайлауы қалай өтеді – орталық комиссия тәртібін жариялады